_Unicode_
သေချာကြည့်မှ တရုတ်စကားပင်ပေါ် တက်မိသွားတာဖြစ်သည်။ တစ်လျှောက်လုံး အားကျလာခဲ့ရတဲ့သူက အကိုဖြစ်နေသည်တဲ့လေ။
တစ်လက်စတည်း မေးခွန်းအား အဖြေပြန်ပေးလိုက်သည်။
"ခုန်ချလိုက်မယ်..."
အရှိန်ယူကာခုန်ချလိုက်တော့ ရင်ခွင်တစ်စုံနား အနီးဆုံးရောက်သွားခဲ့သည်။ ခေါင်းတစ်လုံးစာပိုရှည်နေသောကြောင့် လည်တိုင်ကိုသာ အရှင်းသားမြင်နေရလေသည်။
တိတ်ဆိတ်မှုက အချစ်များလား ~~
လည်တိုင်ထက်ကမှည့်ကို မြင်လိုက်ရသည်
နှင့်အတူ မြင်ခဲ့ဖူးသောရင်မွှာကြားထက်က ထင်ရှားသောမှည့်နက်အား ရုတ်တရက်မျက်လုံးထဲမြင်ယောင်လာ၍ ရှက်ရှက်ဖြင့်နောက်သို့ခြေတစ်လှမ်းဆုတ်လိုက်ပြီး ...
"ကျေးဇူးတင်ပါတယ်.... အကိုသွားစရာရှိတာသွားပါ"
ကိုယ့်စကားအဆုံးမှာ ဆိုင်ကယ်ပေါ်သို့တက်သွားလေသည်။ စက်နှိုး၍ ကိုယ့်ဘက်လှည့်လာပြီး ...
"တက်လေ..."
"..................."
** တက်လေလို့ပြောလိုက်တာလား... ဇက်တို့ ကိုဝီရတို့ပြောတာကြားဖူးတာကတော့ သူ့ဆိုင်ကယ်ကိုတစ်ယောက်မှအတင်မခံဘူးတဲ့လေ... နားကြားမှားတာပဲဖြစ်မှာပါ **
"မတက်ဘူးလား...."
** တကယ်ပြောနေတာပဲ **
"တက်ပြီ..."
ဆိုင်ကယ်ပေါ်တက်လိုက်တော့ ဘယ်ကိုင်လို့ကိုင်ရမှန်းမသိ ဖြစ်နေသည်။ ဇက်တို့ ကိုဝီရတို့ဆိုအကြောင်းမဟုတ် ။
ရုတ်တရက် လက်အားအဆွဲခံလိုက်ရပြီး ဖုထစ်နေသောကြွက်သားတစ်နေရာသို့ သိမ်းကျုံးရောက်သွားသည်။ နောက်လက်တစ်ဘက်လည်း ထိုနည်းလည်းကောင်းပင်။
ကိုယ့်မျက်နှာတစ်ခုလုံး သူ့ကျောပြင်ဂုတ်စပ်နားသို့ ရောက်သွားလေသည်။ နှဖူးထက်တွင်တော့ ဆံပင်ဆူးဆူးလေးတွေကို ခံစားမိနေသည်။အကြောင်းကား ကတုံးဆံတောက်ကေ ဖြစ်သောကြောင့်ဖြစ်သည်။ နှုတ်ခမ်းကတော့ လည်ဂုတ်စပ်အား နမ်းလျက်သားအနေအထားဖြစ်နေ၍ ဘက်ဘယ်သို့ဦးတည်ကာ မျက်နှာလွှဲလိုက်လေသည်။ ကိုယ်သင်းရနံ့အားခနတာတော့ရှူရှိုက်မိလိုက်သေးသည်။ ထူးခြားသည်၊ အကျွမ်းတစ်ဝင်ရှိသောမြေသင်းရနံ့နှင့်ဆင်သော ကိုယ်သင်းရနံ့လေးပင်။
YOU ARE READING
မြေသင်းရနံ့ (Ongoing)
Romance''' ကောင်းကင်နဲ့မြေကြီး ဆုံစည်းဖို့မဖြစ်နိုင်ပေမဲ့ ကျွန်တော်နဲ့အကိုနီးစပ်ဖို့ မျှော်လင့်မိခဲ့သေးတယ် ''' ••မိုးမြေတိမ်တိုက်•• ''' ေကာင္းကင္နဲ႕ေျမႀကီး ဆုံစည္းဖို႔မျဖစ္နိုင္ေပမဲ့ ကြၽန္ေတာ္နဲ႕အကိုနီးစပ္ဖို႔ ေမွ်ာ္လင့္မိခဲ့ေသးတယ္...
