﴿كاملة﴾ 🔞 Sunset | شمس الغروب 🔞

•06•

___________________________

🌸 مـن أنـت ؟ 🌸

خيطتلي خالتي فاطمة جرحي الجرح يحرق فيا لموت شفتها عضيت بسناني على القماش وانا نتوجع ، لعرق في وجهي كامل شعري لسق في وجهي من العرق عيني حمر من لبكا و لوجاع، ايفان مخي غير في ايفان اكيد خرج من برا ان شاء الله يكون سالم هو وفريق تاعو ، قاطع حبل افكاري خالتي فاطمة "كلش فات يا صغيرتي كلش فات ، يومين وتنوضي لاباس، ضرك نقول للمدام مرضتي بلاڨريب عندك تخرجي من بيتك فهمتي" مانيش مركزة معاها نسمع في صوتها بعيد كي قاتلي فهمتي هزيت راسي بشوي نعم، خلاتني نرقد ليلة كاملة وهي معايا ما خلاتنيش سخانتي تطلع وتهبط نفيق بيها كي تحطلي قماش بارد مبلول فوق جبهتي وتمسحلي على شعري نسمعها كي تدعيلي وتقرا قران، نسمع في صوت اذان باين الفجر شفت خيالها وهي تصلي وتبكي تدعيلي، خايفة عليا ، غمضت عيني ما فقت بوالو...

ايفان : وصلنا للمقر هزينا سامي دخلنا بيه للمستشفى الخاص بينا تلمو الاطباء دخلوه طول لغرفة العمليات ، حنا في 3 قدام الباب انس قاعد في الارض مطلع راسو لفوق ومغمض عينيه اكثر واحد قريب لسامي هو انس ، ادم كان واقف مهبط راسو باين عليه التأثر ، هو صح جديد بيناتهم بصح حالة سامي تخلي اي واحد يتأثر ، امير حالتو مش احسن من حالة انس كان قاعد فوق الكرسي حال رجليه ومتركز بمرفقو و مهبط راسو يبان يبكي ، اما انا بعيد عليهم هاز ساكودو بيدي و نخزر للفراغ بعد ساعتين طفى ضوء بيت العمليات و خرجو الاطباء باين عليهم تعب العملية تقدمنا كل ليه
انا " دكتور حكيم، سامي.."
قاطعتي "ما تخافوش الحمد لله الرصاصة خرجت نسناو 24 ساعة باذن الله يفيق و نبدلوه لغرفة عادية، الرصاصة جات قريبة للكبد يعني منع باعجوبة، الحمد لله على سلامتو" كمل ماشي هو والطبيب وراه خرجو سامي يدزو في سريرو واحد يدز والفرملية تجر في السيروم و دخلوه للانعاش ، هزيت روحي خرجت بشوي نمشي بخطوات محسوبة دخلت لطوموبيل حطيت يديا على فولون وحطيت راسي مغمض عينيا، سمعت حس لباب هذا ادم "مسيو ايفان اعطيني نسوق ونتا ارتاح" هزيت راسي "لا" طلعت راسي بشوي دورت مفتاح الطوموبيل و ديماريت للفيلا ...
دخلت لبيت بابا ضربتني نسمة الذكريات والصغر ، غمضت عينيا بالقاوي نحاول ننسى مش وقت البكاء على الاطلال مش وقت الضعف لازم نكمل لي بديتو ، دخلت بشوي رحت لجيهة الدريسينغ فارغة كانت معبية بقش بابا وماما اهه ايفان انسى على الاقل اليوم انسى ، كاين مراية طويلة قدي في الطول ضغطت على زر في جنب المراية تحلت بانت بيت لداخل ودخلت حطيت ساكودو في طابلة لي وسط البيت جبدت الكارت ميموار و فلاش ديسك و البيسي تيعي وبديت نخدم ونخدم على حل الشيفرات باش نقدر نوصل لمضمونهم...

طلعت نهار حليت عيني لقيت روحي راقد فرق لبيسي نضت تكسلت و قفلت كلش و خرجت ، لبارح ما قدرتش نوصل لمضمونهم لداخل لازم خدمة كبيرة لوحيد لي يقدر يساعدني سامي وصحتو ما تسمحش ، يرتاح و نخليه يسهر عليهم باش يفتحهم واحد واحد باش نبدى خطة الانتقام صح.. بصح قبل حاب نتأكد من حاجة ، ما نحبش نكون في موضع الغبي انا شبح شي ما يخفى عليا دخلت بيتي دوشت و بدلت قشي و خرجت..