🇩🇿🇩🇿
تسقط 'ليان' في عرين 'ايفان' الغامض .. لتكتشف ان طريقهم للانتقام واحد والهدف نفسه .. اذن ماذا سيحدث لو التقى جاسوسين من المخابرات في مهمة للانتقام من جرح الماضي ؟
الرواية و الاسماء والاحداث من وحي الخيال لا تمد للواقع بأي صلة ...
وفاء : مم راني نشوف في التغيير ... غبت عليك يوم تحسنتي ليان كانت تتبسم ..راقدة في الارجوحة تدرجح
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وفاء : علاش ماكيش حابة تحكي ؟ ليان تحكي و مغمضة عينيها : فرحانة وفاء : راني نشوف ..تحبي تحكي ليان : احساس قاوي الهدرة ما توصفوش وفاء : كل شي يتوصف .. انتي جربي اهدري وانا نفهمك كيما كل مرة ليان : لبارح كنت في الجنة وفاء هزت حاجبها و ضحكت : اوك كملي وقفت وراها وليان مزالت تدرجح ليان : جاني و هدروانا سمعتو ... سمعتو بقلبي .. كل حرف خرج من فمو دخل لقلبي .. حبيت ليلة ما تخلاصش ... لاول مرة تمنيت الشمس ما تشرقش ... كل لحظة معاه لسقت في عقلي .. لضرك مزلت نحس بلمستو في جسمي .. حاسة نار شاعلة فيا و ما شبعتش بيه نحب نعاود لحظات لبارح مرة و زوج و ثلاثة ... لبارح قال لي هو يحبني ... اعترفلي باعتراف 4 سنين كابرت عليه وهو خباه في قلبو ولبارح اعترفلي ... ما قالش نحبك و سكت لا .. وصلي مشاعرو باتم معنى الكلمة .. حسيت بيه .. حبيت روحي وهو يوصفني و هو يحبني ... مع اني انا ما قلت والو ما عرفتش نعبر .. الكلمات خانوني ... خليتو يعبر و يحكي و يحبني بطريقتو ... وفاء تعرفي شعور لي نحس بيه .. وقت اللاعب يربح كاس العالم و يهز الكاس لفوق ... بعد تعب شهور الكاس يكون في يدو ... احساس انساس تكسر بيه bateau بقا تايه في البحر حتان جا لي يمنعو .. حكم يدو و وصلو لبر الامان ... انا كنت غارقة في بحر مظلم ... مانعرفش وين انا ... قلت خلي الخدمة تنسيني بصح هلكت روحي اكثر .. ريحة الدم و صوت الرصاص زاد على روحي مرض اكثر ... وسط هذا كل ايفان جبد يدي و حاب يخرجني ... يعرف لي انا في بلاصة مش تاعي ... يحب يخرجني و يملكني ... يحب يعيش معايا في بلاصة بعيدة ... فيها غير المروج و الورد ... نكون انا ملكو تاعو وحدو ... حتى انا هذا لي متمنية هزت راسها شافت مع وفاء ليان: انا لبارح نا شفتش كوابيس... انا حابة نرجع كيف قبل ... وفاء تبسمت وهي تسمع في هدرتها وفاء : انتي رجعتي كيف قبل و رح تكوني خير ... بقات خطوة وحدة للعلاج و وقتها ترجعي احسن من قبل ... رح نشوف معاك اسبوع اذا بقيتي هاك .. الدواء ينقص ياسر تولي تشربي نوع واحد و مرة كل يومين في بلاصة 5 انواع و كل يوم صباح و عشية ... انا فرحانة بيك ليان : الفضل لربي و ليك و لايفان لي حياني من جديد .. وفاء : ايفان كل يحكيو على اعمالو و شجاعاتو نتمنى ليكم الهناء و الفرحة حضنتها وفاء : رح نرجع بعد 4 ايام نطل عليك ليان : نستناك سلما عليها و هزت ساكها و خرجت
