_________________
"ايفااااان ههههه ايفااان"
يجري وراها في مروج كلها خضراء معمرة بالياسمين و الورد و الجوري
"هههه احكمني اذا تقدر ههه"
جرات جرات و رقدت وسط الحشيش
"اوووه عيت ... (حست بضربة في رحمها .... حطت يدها) اااه يا بنت ايفان بشوي مزال وقتك ولا حابة تخرجي ضرك" ضحكت و شافتو جاي رقد قدامها حط يدو على يدها لي فوق كرشها
"وش بيها بنتي"
"ممممم بنتك وش بيها ... وانا ما تسقسيش عليا.."
"ههههه غرتي من بنتنا لي مزالت ما ولدتش"
حكم وجها بيديه وباسها "انت شمسي و نور حياتي وهي حياتي"
"مممم فهمنا يا سيدي بصح راني سبقتك و ربحت وش هي جائزتي"
هز بوكي ورد في الورد الاحمر و الابيض
"لاحلى وردة ... هو صح عيب نهدي الورد للورد بصح اتحمليني هاذا الموجود حاليا"
"ههههه نحببببك"
وقف و مد يدو ليها "هيا خلينا نروحو قريب يفوتنا"
"وش يفوتنا؟"
"ليان نسيتي ؟ نشوفو الغروب يا شمسي"
_________________
تحل في عينيها بشوي في راسها يتعاود الحلم و صوت ايفان "يا شمسي" ... تشوف في ضباب ... غمضت وفتحت عينيها مرة و زوج و ثلاثة حتان بدات توضاح الرؤية ... كانت في بيت بيضاء فيها ريحة دواء اكثر ريحة تكرها واكثر مكان تكرهو ... حست بجفاف في فمها و حلقها ... دارت يمين و يسار كانت وحدها وسيروم في يدها ... حاولت تنوض حست بوجاع في جنبها هدرت بصوت مبحاح "ااه.. انا وين" حاسة بوجاع في جسمها بصم جنبها اكثر و دوخة خفيفة في راسها ... غمضت عينيها بقات هكاك 5 دقايق حتان تفتح لباب ... دخلت مرا شوي كبيرة لابسة لبس مستشفى
الطبيبة :"الحمد لله على سلامتك انسة ليان .. حاسة بوجاع"
هزت راسها نعم :"حاسة بجسمي كامل يوجع"
طبيبة :" هذا عادي بعد ما يروح المخذر تحسي بشوي وجاع اما مع دواء لي في سيروم يروح ومن هنا ل يومين تقدري توقفي"
ليان :" وش صرا .. وينهم لي كنت معاهم و تيليفوني (ناضت بذعر توجعت من جنبها) اه جنبي .. و تيليفوني وينوو "
طبيبة :" اهداي حوايجك و صحابك لبرا نتي هنا في الحفظ والامان"
ليان :" نتي !! نتي من الجزائر"
طبيبة تبسمت :" اكيد جزائرية"
ليان :" انا.. انا وين؟"
طبيبة :" نتي في الجزائر.. (حطت يدها على كتفها) ارقدي ارتاحي راكي خارجة من عملية "
خرجت و خلاتها حايرة في راسها 100 سؤال
تنهدت "وين انا وقتاش جيت ..وش صرا .... على اي عملية تحكي "
طبطب و دخل عندها
ايفان :" دكتورة كيفاش حالتها"
ط:" من شوي فاقت ... اقعد .. عندي ما نحكيلك"
قعد و عينيه يلمعو من قوة الاحساس لي يخبي فيه ...و اخيرا بعد 5 ايام غيبوبة ناضت ... خاف يخسرها للمرة الثانية .... المرة هاذي ما يقدرش يستحمل... وقت شافها غارقة في دمها من 6 ايام قدرو يعالجوها و يدخلوها العمليات و قدرو يرجعوها الجزائر و لمنظمتها كان كلش صعيب عليه للحظة حس بالعجز وهو يشوف فيها رح تروح من بين يديه
ط :" اوكي سي ايفان (هزت دوسي تقرا فيه) هي بخير ضرك قسنا ضغطها واعملنا اللازم و كلش مليح بصح
ايفان :"بصح وش ؟؟!"
ط:" لقينا كمية من دواء *** في دمها بعد ما عملنا ليزاناليز ... هذا دواء عادة يوصفو طبيب النفس او الاعصاب لمرضى الاكتئاب و الأرق الحاد و الاعصاب ولي عندهم متلازمة ما بعد الصدمة يعني اي واحد يتعرض الصدمة نفسية وخاصة عند البنات بعد الاغتصاب"
ايفان :" صح .. يعني ... الحقيقة المرض الاخير لي قلتيه .. يعني ليان جازت عليه"
ط:" ممم فهمت يعني تعرضت لاغتصاب"
ايفان غمض عينيه و رس على يدو :" حاول .. محاولة اغتصاب.."
ط:" اوك فهمت .. رح نبعثها لطبيب نفسي المنظمة وهو يشوف حالتها ويعاونها .. كمية الدواء لي في دمها كفيلة بانها تخليها مدمنة عليها احتمال كبير تكون مدمنة ... وقد تؤدي للموت بدون ما تاخد جرعة زائدة .. فما بالك اذا لا قدر الله خذات جرعة زائدة ... رح توصل للمستشفى متوفاة"
وقفت :"نتمنى تدعموها انت واصدقاءها جروح الجسم تبرى بصح جروح النفس طول اكثر .. بصح تبرى"
ايفان وقف بلا ما يقول كلمة ... خرج من عندها عينيه يشوفو سواد يتمنى يخرج عامر من القبر و يقتلو و يحرقو ... كل شي بسببو ... بسبب خبثو و غريزتو الحيوانية .. احتمال ادمانها ولا موتها خلى جسمو يرعش .. خسارتها المرة هاذي تعني موتو .. حكم عليه بالاعدام اهون من موتها ... "لازم نوقف معاها و بعدها نكمل مهمتنا .. ليان ريسكات بحياتها وصورت معلومات لي نحتاجوها و ضرك لازم نشكل فريق قوي ونبعد ليان من طريق خليها لاهية بعلاجها"
هز تيليفون حطو في وذنو
ايفان :" الو ادم .. وجد روحك بعد يومين ترجع للجزائر .. مهمتنا ضرك وين بدات"
أنت تقرأ
﴿كاملة﴾ 🔞 Sunset | شمس الغروب 🔞
Romansa🇩🇿🇩🇿 تسقط 'ليان' في عرين 'ايفان' الغامض .. لتكتشف ان طريقهم للانتقام واحد والهدف نفسه .. اذن ماذا سيحدث لو التقى جاسوسين من المخابرات في مهمة للانتقام من جرح الماضي ؟ الرواية و الاسماء والاحداث من وحي الخيال لا تمد للواقع بأي صلة ...
