﴿كاملة﴾ 🔞 Sunset | شمس الغروب 🔞

•30• the end

الكل في حالة صدمة ... اب ايفان معروف بنظافتو و رجولتو و حبو للفقير و اليتيم و مساعدتو للارامل جامي وقف في محكمة ولا تمس في شرفو

حنان : ايه عشيقتو هههه صدقني ايفان على قد ما عشقت باباك كرهتك انت و امك و خوك .. باباك لي كانو ناس يشهدو بعفتو و قوتو و رجولتو كان احقر خلق الله معايا .. دمرني .. هلكني .. فقدلي شبابي و صحتي و شرب من دمي قطرة قطرة و روحي ضاعت .. بنت 13 سنة تلقى روحها عشيقة راجل 35 سنة متزوج ويعشق مرتو .. كنت منسية .. شراني باش يلعب كي الدمية و رجل كرسي المنسي .. اثاث فيه الغبرة يتفكرو كي يحب يشبع غرائزو .. اول ما شفتو كان يبان فارس احلام كل وحدة .. يبان صغير ما يفوتش 30 طمعني و لعب بمخي شراني بقش غالي و دار مقابلة البحر و الذهب و الفواياج .. وقتها انا يتيمة وحدي في دنيا معايا اختي و مرت بابا لي عذبتنا .. الكل حاسبنا عائلة سعيدة .. مرت بابا هي اام اختي حبتها وكرهتني .. لبستها و عراتني ... وكلتها و جوعتني ... باباك كان المخرج و المنفذ للهروبي من معيشتي الكلبة .. غواني بكلامو الفارغ لي ما صرا منو والو ... وعدني وعود ما تحقق منها والو ... وعود حب و عيشة هانية ... كنت نطمح نعيش افضل بصح هو ردمني و خلاني اسفل السافلين ... كذب عليا في كلش حتى عمرو صغر روحو .. قلت عادي لمهم يحبني .. نشوف بعيني و نكذب في روحي لا يا حنان هو يحبك ... وصلت نضرب روحي باش نصدقو و نكذب روحي ... عمل كلش معايا خيانة و ضرب واغتصاب و حبسني ... حتان جا نهار لي دمرني اكثر ما انا مدمرة... وقت فقت بيه متزوج و نتا وخوك لكبير ديجا والدين نتا صغير تعهم عمرك 8 سنين .. واجهتو و هو ما نكرش تعرف وش قالي .. قالي انا مرتي نعشق فيها و انتي عندي كي marionnette لي شريتها بالرخس نلعب بيها و نحركها كيما نحب انا نطيشك في الظلمة و كي نسحقك نلعب بيك في الظلمة و تقعدي في الظلمة .. و هاذي وش صرا بقيت في الظلمة منسية معفوسة يخرج فيا طاقتو السلبية .. شعري طاح من جبدانو ليه و لحمي زراق من النار و ضرب السوط اما امك .. امك كانت الاميرة تاعو امك في النور تتمتع و فرحانة بيكم .. وقت فاق بيا enceinte عنفني عذبني حرق شعري و خلاني نعفس على جمر .. طيشني في بيت معبية فيران و كافار مدة 3 ايام ريقي لسق وانا نعيط عطشت و جعت و دخت .. جاني ثالث يوم بزق عليا و عفس على كرشي مدة ساااعة كاملة احبالي صوتية تجرحت و بحيت و صوتي راح من العياط .. شاف دم بين رجليا و بقى عاافس .. ولدي (حكمتها غصة) ... ولدي (بكات)  ... ولدي مات و هو ما رحمنيش بقى عافس و يقولي موتي موتي حتان حسيت بدم يخرج من خشمي و فمي و غمضت عينيا ما فقتش غير وانا في سبيطار في ولاية اخرى قالولي لقاوني ناس مطيشة في واد .. معجزة صرات حالتي كانت شبه مستحيلة قعدت شهرين غيبوبة و الاطباء قالو خلاص متت مرأة في حالتي نورمالمو من يومها الاول في سبيطار ميتة تعنيف و حروق من درجة الاولى و رحم تاعي ضرر و نزعوه .. وليت بلا رحم مستحيل نسمع كلمة ماما حياتي كل .. باباك قهرني و قتلني .. بصح ربي كتبلي عمر جديد .. و تعرفت على عامر لي ما كانش احسن ما باباك كلهم كيفكيف بصح عامر ارحم منو بعد ما شبع مني طيشني لعادل لي سترني وتزوجني وانا دخلت معاهم في لمافيا و انتقمت من باباك ههه قتلتو هو و امك و خوك خليتك وحدك باش نعذبك كيما يبغي خاطري و نتا خليتك كي المهبول تتغرب على بلادك و خليتهم يصدقو خيانتك انا ورا كلش نتا المدلل تع باباك ونتا لي استمتعت بعذابك ما حبيتش نقتلك حبيتك تتعذب باش ناري لي شعلها باباك تطفى حبيت ندير كثر ما درت وجدت كلش بصح غلبتني غلبتني كيما غلبني باباك ... دار هاذي لي شهدت على عذابي دار هاذي لي وعدني فيها بالحب و لي قتلي فيها ولدي انا شريتها و كنت نجي نتوعد بعذابو هنا يكفي انو وقت الحادث قصولو رجليه وهو ميت باش يقدرو يخرجوه من طوموبيل هههه رجلين لي عفس عليا و قالي موتي .. رجلين لي قتلو ولدو...
تضحك و تبكي في نفس الوقت .. دخلت في هيستيريا تع هبال .. هز السلاح خرجت رصاصة منو استقرت في دماغها و سكتت ضربة وحدة ... سكتت حنان الظالمة المظلومة ... هذي نهاية كل واحد يتمرد في الارض ... صح نار الظلم صعيبة .. صعيب الغدر صعيب الخيانة صعيب لي مرت بيه صعيب تشوف ناس تتحرك وانت واقف كان تبعت طريق اسهل كانت حياتها تتحسن ... تبات مظلومة ما تباتش ضالمة ... دعي ربي و ربي لي يجيبلها حقها ... بصح هي خربطت كلش و في الاخير ما نفعها والو ...