﴿كاملة﴾ 🔞 Sunset | شمس الغروب 🔞

•20•

ليان :
دخلت للصالة لقيتهم في 3 قاعدين ... مع انو فهمني بلي صوفيا عميلة و من ناحيتو يبان ما كاين والو بصح هكاك قلبي ما ارتاحلهاش ... خاصة وهي ضرك لااسقة فيه .. مشيت جيهة الكانابي الفارغ و قعدت .. ربعت يديا و حطيت رجل على رجل .. خزرت في ايفان و في ادم .. ماحبيتش نخزر فيها .. هك مخي قالي .. صفرة ما نحبش نعطيها وجه زايد ... كانت هي وادم يتناقشو وايفان ساكت يشوف فيا من تحت لتحت ....
صوفيا :" اوكاي مادام كل جيتو (شافت في ايفان وحطت يدها عليه) محتاجة معدات تجسس منكم .."
هزيت حاجبي وجاوبتها طول :"والسبب؟"
دارت شاف فيا :"شاكة في ستيف"
تبسمت باستهزاء:" ستيف مجرد قناع و شخصيتو الحقيقة معلومة غير عند مونيكا"
صوفيا (هزت راسها نعم) :"على هاذي حبيت ندخل لدارو واذا امكن وتوفرت المعدات الليلة"
ايفان :" وحدك! مستحيل نخليك تروحي وحدك "
ادم:"ايفان عندو الحق وحدك لا .. واحد فينا يروح معاك"
ايفان :" نتا اقعد هنا مع ليان وانا نروح"
حكيت خشمي:" يعني واحد ما توله للغلطة لي تحكي فيها المدام"
صوفيا:"غلطة! فهمينا تراه"
وقفت بشوي وربعت يديا نمشي ونجي وسط الصالة:" يعني واحد كيف ستيف مخبي زوج ورقات في خزنة مكتبو رح يخبي هويتو في دارو .. يحطلكم حبل مشنقتو بيدو في دارو ... ههه اكيد تتمسخرو .. (خزرت في صوفيا نظرة تحدي) لي يحب يعرف ستيف صح يجي معايا لدار مونيكا بيها هي نقدر نعرف ستيف"
ادم :" قصدك لي مونيكا مخبية دوسي ستيف .. احتمالك صحيح احتمال كبير ما نلقاو والو عند ستيف بصح عند مونيكا نلقاو"
ليان :" وهذا بما انو مونيكا مديرة ستيف و يخدم معاها في نوار حسب دلائل لي لقيتهم اكيد تكون حاكمة عليه حاجة ومثلا شخصيتو و اعمالو"
ايفان :" خاصة منظمتهم ماشيين بسيستام نحكم عليك خاجة باش تبقى دايمن تخدمني"
تبسمت و هزيت صبعي اتجاهو :" ايكزاكتلي"
صوفيا :" اوكاي و وش الخطة الجاية ؟"
رجعت لبلاصتي حطيت رجل على رجل ويدي على ضهر الكانابي :" انا وادم نحاولو ندخلو لدارها بصح مش ضرك بعد 4 ايام عندها حفلة اطلاق قماش جديد ومنها حفلة نجاح العرض الاخير انا وادم نحطو خطة نحاولو ندخلو لمكتبها"
ايفان :" احم وتقدري نتي وادم .. تكون زارعة في كل متر مكعب كاميرا بغض النظر على الحراسةمن رايي نروحو كل"
هزيت حاجبي:" نو ميسيو ايفان نتا ابقى مع مدام صوفيا ما نجذبوش الشبهات اكثر و اذا حسينا بالخطر عيط للدعم" (وقفت) "سامحوني ماشية لبيتي نرتاح ... تصبحو على خير"
ما سنيتهمش يجاوبوني خرجت ديراكت..

____________________

تلفتت صوفيا لايفان :"تكون غارت!"
ايفان ؛"علاه؟"
ادم :"انا نستاذنكم حتى انا نروح نرتاح"
ايفان وصوفيا :"تصبح على خير "

ايفان :"كملي وش كنتي تحكي"
صوفيا:"قطتك غارت.. شفتها كي قلتي تروح معايا لستيف ردت فعلها على الموضوع في دقيقة رسمت خطة و حبت تكون مع ادم ع خاطر نتا ديجا خترت تجي معايا انا (حطت يدها على فخضو)  وش رايك نزيد في دوز الغيرة"
قلب عينيه و بعد يدها :"نو بعدي عليها لا تخبشك.. (وقف) جيتي بطوموبيل ولا تحبي نوصلك"
وقفت :"جيت بطوموبيل ما حبيتش نوخر عليك في الدوسيات ... مالڨري راني شارجي الليلة (غمزتلو) اذا تحب مزال عرضي قائم (تبسمت) ما تندمش"
ايفان :" صوفيا قتلك من قبل انا ونتي عملاء وفقط حاجة وحدوخرة لا"
صوفيا:" وانا ما قلتش عكس هذا (مشاو مع بعض لباب برى) ليلة فيها انا ونتا و ضو القمر و نبيذ احمر و شموع همم وش رايك"
حل لباب وقالها وهو يخزر في عينيها :"تصبحي بخير"
حست ببخصة هزت راسها لفوق ولتحت و خرجت..
تأفأف و دار ... يلقاها واقفة في اول درجة مربعة يديها و قالبة شواربها .. تخزر معاه نظرة موت.. باينة سمعت صوفيا .. مالا ضو شموع و قمر .. ليوم تشعل فيه النار وهو ساكت .. هبطت درجة درجة وهي تشوف معاه وهو قدم منها خطوة خطوة ... وصلو لنقطة التقاءهم
ايفان :"ما رقدتيش؟"
ليان :" مانيش دجاجة نرقد ضرك مزال لحال.. و علاه قلقتك ؟"
ايفان :" لا.. بصح نعرف تعبتي"
ليان :" انا مرتاحة هك وزيد عندي خطة نخدم علاها مش كيف غيري يسهر على ضو قمرة و شموع"
ضحك على هدرتها و حكا بصوت ناقص مبحاح :"ممم علاش نتي ما تحبيش ضو القمر والشموع"
ليان :"نحب نكمل القضية و نتهنى"
هز يدو وحطها على خدها ومشى بيها من خدها لرقبتها :" ممم مزروبة باش نتفارقو"
ليان حاولت تتماسك بلمستو لي ذوبتها وقشعرت لحمها .. تنهدت و رجعت خطوة ورا .. خلات يدو لي كانت تمس رقبتها بحنية معلقة في لهواء :" انا هنا على جال حاجة وحدة .. هدفي وخدمتي.."
دارت طلعت لبيتها .. قفلت لباب بقوة .. حست بغمة في قلبها و روحها تفكرت صغرها و امها .. تفكرت حياتها المقلوبة و ايفان لي كل ما تشوفو يحرك فيها فراشات في كرشها و قلبها يضرب بقوة ... وصلت حتى راسها يوجعها و تحب تبكي .. تحب تحضنو وتخبيه في قلبها .. خاصة كي تشوفو قدام الصفرة... مشات جيهة سريرها شربت دواها لمرة هاذي شربت 3 حبات و زادت حبة ... مسحت على شعرها و على وجها ... حست روحها تهدات شوي تنفست بعمق و هي رايحة جاية في بيتها ... صوت صوفيا لضرك في وذنها ... عرضت عليه روحها و باين مشها اول مرة .. يعني الامر كلو واقف عندو ... كلمة منو تكون صوفيا عندو بلا ما تخمم ... يمكن هو ديجا كان معاها ... بصح ما يبانش عليهم كانو مع بعض ديجا .. تبان لقات الرفض منو .. مخها تحرق .. خرجت للبالكون حاطة يدها على قلبها .. حست بوجاع في كرشها و دوخة .. هزت كاس الماء لي كان فوق طابلة شربت منو .. يدها تترعد و وجاع كرشها قوا عليها .. حست بدوخة قوات عليها ... وقفت بشوي تتنفس بقوة مشات لدوش بخطوات متمايلة... غسلت وجها مرة وزوج....
خرجت من الدوش لقاتو قاعد في جنب السرير حاط مرافقو فوق ركبتو
ايفان :" ليان انا.."
طلع راسو كي سمع صوت حاجة طاحت ... حل عينيه كي شافها في الارض دايخة .. شعرها البرتقالي على وجها ... وقف ديراكت قعد قدامها يضرب فيها بالكفوف
ايفان :" ليااان.. لياان فيقي.. ليان.."
هزها حطها فوق سرير و جاب لماء يبلل في وجها و هي لا اجابة :" ليان وش صرالك نوضي فيقي (خزر يمين ويسار) لا مش حل هك"
خرج يجري لبيت ادم .. رعدة حكماتو من راسو لساسو ... بلا ما يطبطب دخل .. لقى ادم قاعد في سرير يخدم بالبيسي لابس لينات نظر و حاط كيت بلوتوث
ايفان :" ادم اهبط للڨاراج نوض طوموبيل نديو ليان لاقرب كلينيك"
وقف طول من الفراش:"وش بيها!!"
ايفان خرج وادم تبعو :"ما نعرف داخت ومشها حابة تفيق"
رجع لشمبرتها لقاء حاجة بيضة خارجة من فمها و تفبري بكلها"
بقاو واقفين من صدمة :" ايفان طفلة رح تروح من بين يدينا انا سابقك لتحت جيبها و اروااح ازررب"
فيقو من صدمتو كي ضربو على كتفو ... راحلها هزها من فوق سرير و جرى بيها ......