🇩🇿🇩🇿
تسقط 'ليان' في عرين 'ايفان' الغامض .. لتكتشف ان طريقهم للانتقام واحد والهدف نفسه .. اذن ماذا سيحدث لو التقى جاسوسين من المخابرات في مهمة للانتقام من جرح الماضي ؟
الرواية و الاسماء والاحداث من وحي الخيال لا تمد للواقع بأي صلة ...
انتقل بنا العشق الممزوج بأرواحنا إلى عالم توقفت به عجلة الزمن ، تناسينا الزحام وتلاشى صراخ الناس والأطفال وأبواق القطارات الزاحفة على القضبان من حولنا. تشابكت أيدينا ومازالت نظراتي شاخصة نحوه وكأني أراه لأول مرة بعد فراق استمر لسنوات، تلعثمت كلماتي وأنا أقول: اشتقت إليك، وبضمة يد قوية ليديه، دنوت منه وتكاد أوصالي تسبقني إليه
______________________________
بعد 3 سنوات :
مضيفة الطيران :"الرجاء ربط الاحزمة الطائرة على وشك الهبوط .. شكرا"
4.00 صباحا :
هبطت من الطيارة تكركر في فاليزة صغيرة هاذا وش هازة معاها ... لبست lunettes de soleil و مشات ... وصلت لبرا لقات طوموبيل باينة تابعة المخابرات عرفتها من ترقيمها .. فتحلها شوفور لباب و ركبت فيها ...
الشوفور :"مرحبا بك في امريكا انسة غروب" ليان :" خذني الى رئيسكم" الشوفور :" سيدتي .. الرئيس طلب مني ايصالك الى المنزل اولا و اخبرك ان اجازتك مدتها 3 ايام بعدها تبدا المهمة" (الكلام لي بالفصحى هو نورمالمو بالانجليزية) ليان :"اففف نكره لي يتحكم فيا" الشوفور :" اسف لم افهم" ليان قلبت عينيها :"ما تفهمش خير" الشوفور :"هل تريدين ان اشغل المكيف .. واشنطن ساخنة يبدو انك كنت في بلد بارد" ليان نحات المونطو لي لابساتو :"اجل من فضلك"
"يا زح دنيا تشلفط .. قعدت 7 شهور في روسيا شمس ما شفتهاش .. ضرك جا وقت البحر و البيسين ... نخدم و نقلش روحي .. ها مانيش بنادم ولا كيفاش" ضحكت وهي تحكي بينها وبين روحها
لبسة ليان ⬇️⬇️⬇️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_________________________
الجزائر : 10.00 صباحا :
قاعد في الكافيتريا .... لابس lunettes de soleil و يبربش في تيليفونو .. هز بيدو الفارغة فنجان القهوة قربو لفمو ... شرب منو شوي ورجع حطو فوق الطابلة.... ثواني معدودة حتان حس ب انسان قعد مقابلو طلع راسو لقاه امير يتبسم بتبهليل:" وينك يا ولدي صباح كامل نحوس عليك" ايفان جاوبو وهو يترشف في القهوة :" خير! كشما سحقيت .. عام كامل ونتا لاسق فيا في الامارات يا اخي خليني نتنفس بلا بيك" امير :" يا خسارتك يا ولد يما وانا جبتلك مفاجأة" ايفان :" وش .احكي بلا تمسخير" امير ضحك و بدا يغني :" عيد ميلاد سعيد ايفان ... عيد ميلاد سعيد ايفان..." ايفان قلب عينيه :"خلاص كملت؟ نحمد ربي الكافيتيريا فارغة" امير:" كملت ؟؟ هههه الحفلة ضرك رح تبدا" شاف وراه وين قاعد يخزر امير لقى انس و ادم هازين tarte d'anniversaire
