🇩🇿🇩🇿
تسقط 'ليان' في عرين 'ايفان' الغامض .. لتكتشف ان طريقهم للانتقام واحد والهدف نفسه .. اذن ماذا سيحدث لو التقى جاسوسين من المخابرات في مهمة للانتقام من جرح الماضي ؟
الرواية و الاسماء والاحداث من وحي الخيال لا تمد للواقع بأي صلة ...
بعد 3 ايام : خالتي فاطمة دخلت بشوي لبيرو عادل حطت القهوة فوق المكتب "بصحتك ولدي" جاوبها وهو راسو في البيسي يخدم ويكتب "مرسي ، قولي لحنان توجد روحها باش نخرجو، شوي ونكمل خدمتي" هزت راسها نعم "اوكي ضرك نقلها" خرجت و قفلت لباب وراها راحت لحنان طبطبت عليها ، خرجت عينيها باين فيهم ليساغن من قلة النوم "مدام ميسيو عادل قالك وجدي روحك" ضحكت باستهزاء " هه نوجد روحي باش يديني لحفلة يبين زعما زعما بلي هو يحبني وحنا عايشين في العسل ناس كل تحسدنا عليه، مناافق" دخلت وقفلت لباب بقوة خلعت فاطمة ، استغفرت وهبطت لتحت لقات ليان تسنى فيها دخلت للبيت وهي تتلفت وراها فاطمة : خارجين بعد شوي غير حنان توجد روحها ليان : اوكي تسمى وراهم بربع ساعة انا نروح ، عندك عمي فاتح يشوفني نحب نرجع قبل ما يرجعو هم،
يوجد في روحو لمهمة الليلة يحب يدخل بيناتهم باي طريقة ، كمل لبس لباسو التنكري (حفلة هالوين تاع ناس اكابر) عيط في تيليفون لليان "وينك ؟" كانت تقفز من الحيط تع دار فيبرا تيليفونا لقاتو ايفان "انا واجدة تلقاني بعيدة على الفيلا شوي وين الاشجار" جاوبها "اوكي شوي ونكون عندك" هبط لتحت لقى ادم و انس "نتم روحو وانا نسبقكم ادم : ماكش جاي ايفان : في رايك لابس التبهدايل هاذي و ما نجيش انس : ايفان حنا نروحو مع بعض وكي ندخلو بيناتهم ثح نتفرقو ايفان : اسبقوني تلقاوني وراكم خرجو هو راح ركب في طوموبيل ديمارا بعد شوي وصل ليها شافها لابسة كلش نوار حتى شعرها نوار للحظة حسبها خاطية هي متبدلة ياسر "سبغاتو !!! تبا شعرها كان يهبل علاه سبغاتو " فاق من سرحتو كي ركبت وقالت سلام ، ردلها السلام و ديمارا ، في طريق كاين الصمت سيد الموقف، هي دايرة للتاقة تشوف في الدنيا وهو منتبه مع طريق يسوق بكل حذر ، بصح في زوج يشتركو في صيفة وحدة ولي هي التخمام هي تخمم في مهمة الليلة و هو يخمم في شعرها ولاغوب لي لابستها ، الثلج بدا يصب حست بقشعريرة طلعت التاقة و جبدت من ساكها ماسك لبساتو تلفت ليها قال بلا ما يخمم "الماسك زاد حلاك كثر" تبسمت بمجاملة وهي قلبها رح يحبس "مرسي، حطيت لماسك باش واحد ما يعرفي ديجا هك ما نظنش كان يعرفوني" جاوبها "لا ما يعرفوكش انا نظمن, احم شعرك سبغتيه؟!" بقات تغزر معاه حايرة في سؤال هزت راسها لا "لا هاذي perruque" تبسم وهز راسو نعم "اوكي هيا واجدة" ليان : "واجدة"
لوك ليان ⬇️⬇️⬇️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
