___________________________
🤍عـذراء🤍
بيسان تلبس في قفزات الطبية تعها :" ليان انا هنا خدمتي ما تسمحليش نديرلك شهادة عذرية بصح ع خاطر معزتك عندي ، تفضلي اطلعي فوق سرير ضرك نجيك"
مشات بشوي طلعت فوق سرير ... حست بسخانة خانقتها نحات فاست لي لابستها ... زادت سروالها ... جاتها طبيبة تتبسم .. بدات تشوف فيها ... ثواني و بعدت عليها نحات البافات و القفزات
بيسان :" فيارج.. عذراء .."
ليان متشوكيا :" راكي متأكدة"
بيسان ناضت من الكرسي وتوجهت لبيرو تعها:" ما نلعبش في الحكايات هاذي .. (قعدت وحطت مرفقها على لبيرو) نتي عذراء و غشاءك عادي .. ما نقدرش نعطيك شهادة بصح ناكدلك كلامي نتي عذراء واذا شاكة ديريه عند طبيبة خارج المقر ... تحبي نبعثك لطبيبة ؟ هي صاحبتي قرات معايا"
ليان :" انا تعرضت لاغتصاب قبل 4 سنين"
بيسان بتاسف :" على هاذيك حبيتي تشوفي روحك.. شوفي ليان حالات ياسر تعرضو و ما صرا معاهم والو كاين لي تتعرض لعنف جسدي بلا ما يلمسو عضوها خاصة اذا فسد مخططهم الخامج .. الطفلة تهرب ولا يلقو القبض عليهم ... الطفلة تبقى فيارج بصح هذا يتسمى ثاني اغتصاب"
ليان :"انا هربت منو بصح عذبني" هبطت راسها "مرسي بيسان نتمنى شي لي صرا يقعد بيناتنا" وقفت حلت لباب لقاتو واقف يسمع في كل حرف خرج منها وخاصة من بيسان ... من قبل قالها نتي طاهرة ... وليوم اثبتت انها بالفعل طاهرة ... صح تعرضت لاغتصاب من عامر الخامج.. بصح دم عذريتها مزال فيها... تبسمت معاه .. ضرك وين شاف ابتسامة نصرها .. ضرك وين فهم سبب تعاستها قبيل ... مالغري ربحو القضية بصح تبسيمة ما بانتش على وجها حتان تاكدت من حاجة كانت مخوفتها 4 سنين ... خايفة حتى ترووح لطبيبة.. قالت مستحيل نكون مزلت عذراء .. خلاص خسرت كلش ... بصح ليوم تاكدت لي هي عمرها ما خسرت... لعكس ليوم يوم انتصارها ...
قاعدين فوق الثلج تحت الشجرة ... بلاصتهم لي دايمن فيها ... راقد و حال يديه وهي قدامو راقدة على ضهرها كيفو...
ليان :"ايفان"
ايفان :"همم"
ليان :" ايففااان"
ايفان :" هممم وشبيك"
ليان :" صارحني ادم علاش يحكي معاك برسميات مالغري نتا صاحبو"
هز روحو شوي وتكى بمرفقو :" وش بيكم ليوم على ادم.."
ليان :" هيا قولي.. اجابتك قبيل لسامي ما اقنعتنيش.. نحب دلائل"
ايفان :" تحبي دلائل سقسيه هو مالا"
ليان :" اوكي" وقفت رايحة حكم يدها جبدها طاحت على صدرو
ايفان :" اقعدي عاقلة ضرك نحكيلك"
ليان بضحك :" ههه اوك راني عاقلة"
رجعت رقدت على ضهرها
ايفان :" ادم كان حاصل مع مافيا ايطاليا (تنهد) قضية كبيرة ياسر .. هم ما يستعرفوش بالتوبة انسان تاب يحب يبعد على الحرام .. هم يقولولك اذا دخلتي معانا ... معناها وقعتي على ورقة موتك ... يا تقتلك الدولة .. يا يقتلوك الاعداء .. يا نقتلوك حنا .. هو هرب و دنيا تقلبت عليه .. ما يزيش هو عربي وزيد هرب .. ايطاليا كل تحوس عليه.... وقتها انا تم اتهامي بخيانة وطني .. هربت لاطاليا ... كانو عندي معارف ياسر قدرو يأمنولي دار و دراهم حتان نشوف حل لمشكلتي الكبيرة .. مرة شفتو في ليل ماشي ورايا حسبتو رح يسرقني ولا يكون من المخابرات رح يلقي القبض عليا ويتحكم عليا ب سنين حبس.. للحظة خفت.. درت ليه على اساس رح نتعارك . لقيتو عربي اول حاجة قالهالي كي عرف لي انا جزائري كيفو.. 'عاوني رح يقتلوني'.. حاولت بلي نقدر نعاونو .. حتى انو مشكلتي لي لازم نحلها نسيتها و تلهيت بيه هو زورت اسمو عاونتو عامين وانا مع مصيبتو حتان في اللخر اوهمتهم بلي مات من وقتها تحرر منهم .. وسماني الملاك الحارس تاعو ومنقذو .. من هذاك لوقت وهو في كتافي .. نقولو موت يموت .. كنت نعاركو على كلمة ميسيو و بوص .. يقولي نتا اكثر من اخ و صاحب .. وقف على قضيتي كثر مني و بعد ما ربحت القضية رجعت و جبتو معايا .. حكيت عليه للرئيس محمد .. ادم عندو دكتوراه في علوم الانسان و خدمتو مع المافيا كسباتو خبرة في السلاح و فنون القتال ... مع الاسف مش هو لي اختار يخدم في المافيا .. هو راح حراڨ حاب يبني مستقبلو كيف باقي الشباب لي متخرجين و قاعدين متعذبين واحد ما يحس بيهم.... بصح بعد موت حبيبتو لي صبرت معاه تستنى فيه يرجع للبلاد ..حزنو تغلب عليه ودخل للمافيا (تنهد) هاذا هو ادم"
أنت تقرأ
﴿كاملة﴾ 🔞 Sunset | شمس الغروب 🔞
Romance🇩🇿🇩🇿 تسقط 'ليان' في عرين 'ايفان' الغامض .. لتكتشف ان طريقهم للانتقام واحد والهدف نفسه .. اذن ماذا سيحدث لو التقى جاسوسين من المخابرات في مهمة للانتقام من جرح الماضي ؟ الرواية و الاسماء والاحداث من وحي الخيال لا تمد للواقع بأي صلة ...
