﴿كاملة﴾ 🔞 Sunset | شمس الغروب 🔞

•18•

واخيرا بعد تقريب ساعتين وانا واقفة قدام ستيف في المؤتمر هذا جا الميلياردير الكوري ولا العميل المساعد لي متخفي وراه ايفان ... صافح مونيكا معلنين على شراكة جديدة وافتتاح فرع جديد .. وبعد ما قال خزعبلات وسبيتش طويل على حماسو و حبو للخطوة الجديدة في حياتو الكل وقف و صفق بحرارة وبهذا يعلنو على انتهاء المؤتمر ... هزيت عيني نحوس عليه .. كان قاعد هنا وين راح !! تنهدت و حسيت بنسمة بنينة ضربت وجهي درت ورايا لمحتو ماشي جيهة الاسنسار معاه ادم و مرا ... مرا تبان صغيرة بصح انيقة ياسر ماشفتش تفاصيلها ع خاطر يبان غير ضهرها ... فيقني ستيف من سرحتي
ستيف :" قلت هيا يا فتاة الا تسمعي ؟"
حمحمت و تبسمت نتلف فيه :" اسفة ... امم ماذا كنت تقول"
ستيف :" لدينا اجتماع مع مونيكا والمستثمر الجديد.. انا ساسبق الى قاعة الاجتماعات وانتي اذهبي الى مكتبي احضري الملف الاحمر الذي بالخزانة ... (جبد مفتاح من ساك تاعو) اليك المفتاح و حذاري ان يضيع منك"
حكمت المفتاح :" ساسبقك اذا"
مشيت بخطوات متسارعة يمكن نلحق عليهم بصح لاسنسار قفل وانا مازلت ما وصلتش ......
وقفت قدامو ضربت رجلي مع الارض :"اعععع كون صبرت ثانية برك يا زززح" في لحظة عاود تحل عدلت وقفتي شفتو هو الاول حاط يديه في جيوبو و متكي مع الحيط وهي واقفة قدامو حاطة يدها على كتفو .. مم واقيلا السيد مستحلي قربها ولمستها .. و سي ادم واقف مربع يديه كانو فاهم وش صاري
ادم :" تفضلي ليان"
حطيت ساكي على كتفي بتوتر و دخلت وقفت و عطيتهم بضهري ... ربعت يديا نسنى غير وقتاش الاسنسار يحبس حسيت بضيق نفس ... خاصة وهي تهمس في وذنو وهو يهمس .. حاولت نسمع كلامهم ما سمعت والو غير اخر كلمة قاتلو نسناك ليلة ... بصح ما ريبونداش ... قلبي ضرب .. حبيت نسمع اجابتو بصح الاسنسار حبس ... خرجت نمشي بخطوات سريعة ديراكت لبيرو ستيف حليت الخزنة بالمفتاح و الكود و انا ندعي نلقى اي حاجة يمكن نصورها وتفيدني ... لقيت ملف الاحمر لي وصاني عليه و شوي اوراق تصاميم و بادج قديم لستيف "ستيف كان يخدم في الاستقبال !!" البادج عندو 4 سنين... لفت انتباهي دوسي ازرق تحت التصاميم في زوج اوراق .. جبدت تيليفوني من ساك وصورتهم بلا ما نقراهم .. رجعت كلش للخزنة و غلقتها و نحيت منها المفتاح وهزيت الدوسي و خرجت ... تنفست شهيق زفير حاسة بيديا يترعدو من الستراس طبطبت في باب القاعة و دخلت تلفتتلي مونيكا لي مترأسة طاولة تبسمت معايا و بادلتها الابتسامة ... تلفتت جات عيني في ايفان و الصفرة لي لاسقة فيه بصح واقفة يعني مساعدتو !! ... عطيت لستيف الدوسي و وقفت ندون في ملاحظاتي في الكارني ... تفكيري بعيد ياسر من جيهة نخمم في لي لمحتو في الخزنة و من جيهة نخمم في ايفان ... بدا المستثمر يحكي على الفرع الجديد لي تفتح هنا و ايفان يكون مديرو التنفيذي ... يعني رح يقعد مقابلني هنا و في دار ياسر ... غمضت عيني و تنهدت ... فتحتهم على منظر هي مطابسة عليه تحكي في وذنو وهو مستحلي ... يااا ربي في لحظة استخيلت روحي نڨزت فوق طابلة وجبدتها من شعرها نتفتو شعرة شعرة ... هزيت راسي نطرد في الفكرة المهبولة لي جاتني و صوت ستيف لي حط يدو على يدي يشكر فيا قدامهم على مجهودي اليومين لي دخلت فيهم ...
المستثمر :" حسنا في الختام اقول ان خير البر عاجل في غضون اسبوع نعلن عن افتتاح الفرع و هنا ايفان سيتولى كل شيء بمساعدة طاقمك"
مونيكا :" اكيد وسأتفقد كل شيء بنفسي لنضمن النجاح (وقفت و صافحتو) حسنا اذا انتهى الاجتماع يمكننا تكملة الاجراءات في مكتبي"
خرجو كل من قاعة غير انا بقيت في بلاصتي ستنيتهم كل خرجو و خرجت ... رحت لبيرو تاعي حطيت ساك و بديت في الخدمة لي عطاهالي ستيف .. على الاقل نتلهى بالخدمة خير .... حتى غداء وصيتهم يطلعولي الغداء للبيرو ... هك لا نشوفو لا نشوف الصفرة لي معاه.. وهي كي سكوتش لاسقة فيه ...
فاتت ساعات بين البيرو و الخدمة و ليان اخدمي ليان جيبي ... شفت ساعة لقيتها 19.50 تثاوبت و تكسلت لميت حوايجي و خرجت ... هبطت للباركينغ كان فارغ فيه غير طوموبيلتي و زوج اخرين بحكم بقيت غير انا و شوي من موضفين نخدمو للوقت هذا ...