﴿كاملة﴾ 🔞 Sunset | شمس الغروب 🔞

•12•

________________________

🔱 حـل الـلـغـز 🔱

خرجت من دوش بعد ما ناضت بسيف .. ليلة كاملة وهي تحلم بكوابيس تنوض مفجوعة رقبتها و جبهاها يقطرو بالعرق.. شيحت جسمها بعد ما دوشت باش تسترخى وتفتح عينيها مليح ... لبست survêtement و شيحت شعرها ومشطاتو وخرجت ... هبطت لتحت لقات لولاد كل يفطرو وبما فيهم ايفان ... هزت بلاطو فطورها و راحت قعدت قدام انس
ليان :" سلام"
ردو عليها كل سلام غير هو ساكت مهبط راسو يفطر ...
سامي :"اهلا اهلا واخيرا ناضت البرنساس، روتار بساعة كاملة هههه"
انس :"صبحتي خير ليوم؟ يبان وجهك تاعب"
ليان (شربت من حليبها) :" ايه سافا الحمد لله"
امير :" لبارح تغششنا كيفاش ما تجيش معانا للعشاء ... بصح كي قالنا ادم بلي مرضتي ما حبيناش نقلقوك... مزالو الايام نزيدو نخرجو... خاصة كي نفضو من قضية المنظمة الارهابية.. نحتفلو احتفال جامي صرا في المخابرات"
امير يحكي وناس كل ضحكت غير هي وايفان .. هي اصلا ما سمعت والو وش قال امير ... مخها بقى في كلمة "مرضتي" .... تخزر لايفان وتحكي في قلبها "يعني ما قالهمش بلي كنت معاه !!! قالهم بلي مرضت ! حاشم بيا ميسو ايفان؟!"
ليان وقفت :" نستاذن منكم"
انس حكم يدها :"اقعدي كملي فطورك خليتيه كيما راه"
ليان :"شبعت الحمد لله"

بعدت عليهم بشوي تمشي بسرعة ... خرجت لبرا حست بالبرد كبير ... ماهيش لابسة مونطو يدفيها ... وقفت تحت الشجرة لبعيدة لي دايمن تقعد تحتها ... جبدت دخان و تكيفت ... حست بيد تحطت على شفافها ونحات الڨارو من فمها ... طلعت راسها لقاتو هو وشكون غيرو ... قعد قدامها وحط الڨارو لي نحاها منها في فمو وتنفس نفس منو ... هدر بلا ما يخزر فيها :"حبسي الدخان رح تهلكي صحتك"
ليان تبسمت باستهزاء وهي تخزرلو :"يعني انا نهلك صحتي وانت وش!! داوي في روحك بيه؟"
ايفان :"ساعات الدخان يكون دواء" .. سكت .. دور وجهو غزر معاها ... حط يدو على خدها بحنية .. "ما رقدتيش؟"
ليان :"رقدت"
ايفان :"تكذبي.. وجهك شاحب.. ناقص نوم"
هبطت راسها تنهدت :"لبارح نسيت دوايا من تعب رقدت طول"
حمحم :" احم اوك فهمت.. بصح لازم تشوفي طبيب بين كل فترة واختها ع خاطر..."
قاطعتو طلعت راسها غزرت فيه :"علاه ! وش بيك مهتم بيا لدرجة هاذي ! قبل 10 دقايق حتى صباح لخير ما قتليش .. كلهم يسقسيو عليا و يحكيو معايا غير انت مهبط راسك تفطر و ضرك جاي تبع فيا لهنا باش زعما تبان مهتم بيا 'روحي لطبيب.. دخان يضرك' "
سكت خلاها تكمل تنفس من الڨارو و خرج الدخان وهدر بصوت يهمس فيه :" ونتي علاه تراقبي في حركاتي! يهمك اذا طلعت راسي ليك وحكيت معاك"
ليان :" انا.. انا اكيد ما يهمنيش بصح نتا متناقض.. لبارح كنت معايا علاش تقلهم بلي انا مرضت بقيت في المقر .. و حتى سهرتنا لبارح عجبتني .. وانا"
قاطعها بصوت حنين بعد ما رجع كط يدو في خدها يمس بحنية و هبط لرقبتها :" ممم يعني ليلة لبارح عجبتك"
هزت راسها نعم :"همم عجبتني"
بدات المطر تصب طلعت راسها تبسمت غمضت عينيها ....  ضربت قطرات مطر في وجها .... ضحكت و رجعت شافت في ايفان :"ايفان هيا ندخلو"
لقاتو يخزر معاها عينيه شبه مغمضين كانها نضرة رغبة .. طيش الڨارو لي كان في يدو وحكم وجها بين يديه ...
هدر بصوت بالبحة :"ليان.. (ميل راسو وقرب لشفايفها يخزر معاهم و يحكي ... و شفايفو يلمسو شفايفها) .. خشمك احمر من لبرد و ... وشفايفك يرعشو .. حاب ندفيهم؟"
وسعت عينيها مصدومة من جرءتو :" ايفان!"
هز عينيه فيها قرب اكثر وباسها .. تكهربت من لمستو .. ومن لمطر لي هابطة عليهم... حطت يديها على كتفو دزاتو بشوي...
زاد حضنها اكثر وكمل يبوس فيها ... وهي مسلمة روحها ، بردانة و في نفس الوقت السخانة شاعلة فيها ... تبلو في زوج من المطر ... بعد ثواني بعد عليها مغمض عينيه .. فتحهم كانو فاق من المخذر و عرف لي هو عمل مصيبة ... شافها تبكي غمض عينيه بالقوي وحط جبهتو على جبهتها.... يدو في رقبتها و ابهامو فوق شفايفها :" ششششتتت ما تبكيش ما تخافيش مني..."