﴿كاملة﴾ 🔞 Sunset | شمس الغروب 🔞

•08•

__________________________

✨مواجهة حاسمة✨

ضرب يدو على طاولة الاجتماع : مستحيل نضحيو بعضو منا ، نتي هبلتي رايحة للموت برجليك !!!
ليان ربعت يديها تحكي بكل ثقة : وش جديد لموت معانا في كل مهمة نخرجولها يعني كون ما نروحش في المهمة هاذي نروح في المهمة لي بعدها، مش حاجة جديدة ميسو ايفان ، الخطر ضمن خدمتنا
ايفان راس على سنيه : انسة ليان خطتك فاشلة نتي رايحة تمنعي خالتك ، و طيحي نتي ، و مبعد تدخلي بيناتهم ، هذا حسب خطتك ، ومبعد وراها وش ديري !!! اصلا رح يحطوك في زنزانة ويقفلو عليك بلا ما ينساو يربطولك يديك و رجليك
ليان : اولا مزال ما صرا والو باش تقول عليها خطة فاشلة ، ثانيا مانيش رايحة نسلم روحي نخليه يصدق بلي ربح وانا خسرت لمهم نمنع خالتي فاطمة بعدها نعرف كيفاش نخرج من ثما ، رولاكس
محمد : انا رح نامنلك رجال
ليان : رئيس واحد ما يعرف وجهي كيفاش
ايفان قاطعها : يعني حابة تروحي وحدك ! ترمي في روحك للنار وتزيدي تروحي وحدك (دار لمحمد) انا نروح معاها
ليان : ما يروح معايا حتى واحد انا قادرة على روحي ، نروح وحدي ونخرج منها سالمة ماهيش اول مهمة ليا..
ايفان قاطعها بغش : نجي معاك نقطة انتهى نتي مساعدتي مش انا مساعدك (تبسم) ولا نسيتي نهار قلتيلي نعاونك
ضرب طابلة و خرج..

ليان : غشو و خوفو من مهمة ليوم عمالو عينيه رحت نجري تبعتو لبيرو تاعو شفتو كي دخل و ضرب لباب بقوة ، دخلت وراه نلقاه واقف حاط يدو على خصرو واليد الثانية في راسو يعمل في مساج لجبهتو كي سمع لباب تحل دار يتسائل بعينيه حكيت انا قبل ما يحكي هو "نتا علاش تغششت الغش هذا كامل؟ ايفان انا.." قاطعني يعيط "هاذي قضيتي كيما هي قضيتك قلتي نعاونك قتلك اوك قلتي ننتقم قتلك اوك بصح ما تفاهمناش على هاذي ترمي روحك للهلاك وحدك، تخططي وتنفذي وانا وين في الحكاية!!" شفتو هكاك يحكي بيديه و لغش عاميه حطيت يدي على كتفو حسيت بتكهرب في جسمي لكل "اوكي نروحو انا ونتا ، بصح نمشيو بخطتي اوك؟" تبسمت ببرائة ردلي لبسمة بصح مخو حابس في لمسة يدي لي فوق كتفو ، "ايفان" نطقت اسمو ، غمض عينيه كانو يستحلى في اسمو لي خرج من فمي و بلا ما نفيق لقيت روحي عندو يبوس فيا من شفايفي يديه في زوج حاكمين خدودي تجمدت ما قدرت ندير والو هزيت يديا حطيتهم في صدرو و دزيتو دزيت دزيت ، مشى بيا للحيط وحصرني مع الحيط وهو مزال يبوس فيا و يقطعلي في شفايفي .. حبيتو يبعد وفي نفس لوقت حبيتو يزيد يقرب مني اكثر .... انا في لحظة متناقضة مع روحي ما نعرف وش نحب بالضبط .... بعد عليا كي فاق بروحو كأنو كان تحت المخذر وفاق ، خزر مع عينيا لقاني نبكي ... دموعي هابطة ما حبستش .... نخزر في عينيه ، بعد عيا وعلمات الندم ظاهرة في وجهو جا باش يحكي سبقتو انا "حتى انت طمعت فيا ايفان حتى انت" دزيتو وخرجت نجري نسمع في صوتو يعيطلي ..... بعدت عليه طلعت لفوق وين لبيوت تع اعضاء المنظمات دخلت للبيت لي عطاوهالي بعد ما وليت نسكن هنا (اكيد مانيش رح نرجع لدار عادل مأواي الوحيد الٱن هو مقر المخابرات) دخلت و قفلت على روحي لباب طحت في اللرض نبكي تفكرت نهار اعتدى عليا عامر الكلب ، كنت نبكي و نعيط واحد ما سمعني ، نخبش في روحي ونتفكر يوم المشؤوم دخلت للدوش مع انو برد و ثلج والدوش مشو تع اوتال 5 نجوم يعني دوش عادي حليت لماء لبارد دخلت تحتو شهقت من البرودة لي طاحت عليا نحك في لحمي... نحك نحك نحب نحي ٱثار عامر لي بقات فيا 4 سنين ... نحب نخرج نهار هذاك من راسي ... انا ضعيفة ياسر مانيش لبنت القوية .... هاذاك مجرد قناع نلبسو كي نخرج للدنيا اما بيني وبين روحي ضعيفة ، ضعيفة ياسر ، بكيت بشهقة ... دموعي شلال وراسي وجعني من لماء لبارد ضربت روحي كفوف باش نفيق من هستيريتي لي انا فيها ضرك ، طفيت لماء و نحيت قشي ، لبست بشكير (منشفة) وخرجت من دوش ، لقيتو قاعد فوق السرير حاط مرفقو على ركبتو ومهبط راسو رغم انو سمع لباب تحل ما طلعش راسو اكيد يقول راهي عريانة هه زعما زعما بطل و شهم ، ولي كان يغتصب في شفايفي لتحت شكون !! ولا جاي يكمل وش بدا !! ، عديت عليه كانو مشو معايا وانا وحدي في لبيت ، رحت لخزانة (خزانة صغيرة تع حديد نحطو فيها قشنا، انا ما عنديش قش بصح قدر سي محمد يجيبلي تريكوات و سراول مع انهم كبار شوي بصح لمهم السترة) هزيت قش من الخزانة و تلفتت نلقاه في وجهي بعدت عليه حكمني من يدي بلا ما يهز راسو في وجهي "ليان خلينا نحكيو بشوي..." نطرت يدو من يدي بلا ما نفيق لغش عمالي عيني وجهو صحيح جاي بوجه جريء يقولي نحكيو وش يحكي !! في لحظة هزيت يدي لصدري و نحيت لبشكير طاح ... بقيت هكاك عريانة ... شافني عينيه وساعو دور وجهو للحيط ، "تفضل كمل وش بديت لتحت في بيروك، يلااااا، ما تخااافش حتى كوووون نعيييط مااا يسمعوووونيش بيتي بعيدة على لبيوت لخرين باااش واحد مااا يعرفني، يلااااا كمل في لي بديييتو ، مادااام خالي من لحمي ودمي و كلالي لحمي و اغتصبني نتا براني عليا وش دييير يلااا ابدااا يلااا"....