🇩🇿🇩🇿
تسقط 'ليان' في عرين 'ايفان' الغامض .. لتكتشف ان طريقهم للانتقام واحد والهدف نفسه .. اذن ماذا سيحدث لو التقى جاسوسين من المخابرات في مهمة للانتقام من جرح الماضي ؟
الرواية و الاسماء والاحداث من وحي الخيال لا تمد للواقع بأي صلة ...
بعد ساعات طويلة في السماء هبطت طيارة لواشنطن ... خرجو من الطيارة .. وتوجهو لداخل المطار يكملو اجراءات الدخول ... ساعة و خرجو لقاو طوموبيل تستنى فيهم ... ركبو و توجهو لوجهتم الجديدة ايفان :" ادم بعد ما نوصلو للدار عيط للرئيس محمد اكيد يكون علم بوصولنا بصح سقسيه على المهمة كامل و اكد عليه على كل التفاصيل (تنهد) بعد يومين نبدا .. محب نكمل ونروح لبلادي نبدا نحوس على ليان وخلي لي يصرا يصرا" ادم :" حاضر بوص"
_______
خرجت من الدوش لابسة الكاب شعرها مبلول شيحتو بالبشكير مبعد بالسيشوار .. عدلت روحها و لبست احلى ما عندها و هزت ساكها و خرجت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ليوم تبدا مهمتها الجديدة مختلفة تماما عن مهماتها الاخرين ... وباش توصل لهدفها الرئيس محمد امنلها خدمة ولي هي مساعدة لمساعدة المديرة العامة لدار الازياء الاكثر شهرة في المنطقة هذيك ...
لقات شوفور يستنا حللها لباب ركبت و رجع ركب هو و ديمارا و قالها :" انسة ليان اليوم انا ساصطحبك للعمل وتنتهي مهمتي هنا .. الرئيس يبلغك سلامه ويخبرك بان المهمة تنتهي بعد شهرين ... (عطاها تيليفون جديد) هذا هاتف الطوارئ و هذه السيارة ستبقى معك" كانت تسمع فيه و مخها مش معاه .. تخمم في الخدمة الجديدة ما تحبش تخدم في الازياء و هاذ شي مع انها تموت الاقش و الشوبينغ بصح تكره الكواليس تحب تلبس مش دور على معامل الخياطة و تغطس في الاوراق و الدوسيات .. تحب السلاح و الحروب ... تنهدت وهزت راسها ليه نعم وقالت في قلبها "اووف اسكت شوي"
وصلت لدار الازياء .. بناء طويل فيه اكثر من 20 طابق وكلو بالزجاج .. logo الشركة مكتوب كبير بالاكحل ... خرجت من الطوموبيل حطت lunettes و دخلت لداخل ..
تمشي وجسمها يتمايل كيف عارضات الازياء و صوت الطالون يضرب في الارض عامل صدى في مدخل الشركة ... وصلت للاستقبال جبدت ورقة تثبت لي هي ولات تخدم هنا ... تبسمت الموضفة وعطاتها بطاقتها لي تحطها على رقبتها .. كل لي يخدمو هنا عندهم نفسها فيها اسماءهم و مناصبهم ... هزتها في يدها تبسمت بلطف مع الموضفة و بعدت ... متجهة لبيروها في الطابق الاخير .. وصلت قدام لاسنسار ضغطت على زر باش تهبطت و ربعت يديها تسنى .... سمعت صوت وراها دارت شافت راجل ههه نص راجل ونص مرا .. *** : اووه مااي ڨاد omg ما هذا الجمال تبسمت :" شكرا هذا لطف منك " ضربها على كتفها :" انت مثيرة جدا يا فتاة .. احببت ملابسك و رائحة عطرك (نقص في صوتو وهو يميل كي المراة) تشبهين كاس نبيذ احمر بعد ليلة حمراء " قلبت عينيها بفدة وقالت :" ما ناقصني غير 106 انا" تبسمت معاه بمجاملة :" شكرا لك" *** : حسنا حبيبتي انا اسمي ستيف وانت؟ نحات lunettes de soleil و صافحت يدو الممدودة ليها :"انا ليان" تحل لاسونسار و دخلو .. ضغطت على 21" ستيف :" حسنا نحن ذاهبون لنفس الطابق .. ما عندك هناك" ليان :" انا المساعدة الجديدة لمساعدة المديرة التنفيذية" عيط بحماس :" مستحيل ههه انت مساعدتي الجديدة" دارت مخلوعة :" مساعدتك !! انت مساعد المديرة ؟" ستيف :" اجل عزيزتي وهل هيئتي تبدو لك ان منصبي اقل من هذا.. انا ستيف كل دور الازياء تتمنى العمل معي" ليان :" اعرفك من المجلات" قالت في قلبها "بفف نخرط جامي شفتك غير نتمسخر بيك باش تعاوني مستقبلا" ستيف :" اعلم عزيزتي فانا جد مشهور هنا" خرجو من لاسنسار "اذن يا ليان اتبعيني الى مكتبي لدينا يوم مليء .. يجب عليك احضار المذكرة فوق المكتب و تدوني كل شيء .. علينا فرز التصاميم وبعدها نذهب الى مصنع الفساتين .. لدينا يوم جد شاق" ليان :" حاضر"
