🇩🇿🇩🇿
تسقط 'ليان' في عرين 'ايفان' الغامض .. لتكتشف ان طريقهم للانتقام واحد والهدف نفسه .. اذن ماذا سيحدث لو التقى جاسوسين من المخابرات في مهمة للانتقام من جرح الماضي ؟
الرواية و الاسماء والاحداث من وحي الخيال لا تمد للواقع بأي صلة ...
قصر مزين و اضواء في كل بلاصة طاولات و بوفي في وسط القصر و في جنينة ... يدل على حفلة ضخمة في القصر ... شخصيات جد معروفة من كل انحاء العالم ... نساء ورجال اعمال ... شركات منافسة و صديقة لمونيكا ... مؤثرين مواقع تواصل اجتماعي و صحافة في كل زاوية ... حتى شخصات رياضية وسياسية حاضرين ... منهم لي جاي يستمتع بالحفل ومنهم لي يعتبرها فرصة ذهبية لعقد صفقات و منهم لي حاقد وحاسد نجاحات دار الازياء ..... ومن بين كل هذا كاين لي جاي يتجسس و يكمل مهمتو لي بداها .....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لابسة روب طويلة بيضاء تبان حمامة في وسطها ظهرها عريان و معالم جسمها باينة ... تخلي اي واحد يثبت فيها باعجاب و شهوة .. غير عينين ايفان لي رح يخرجو وينڨزو عليها يقصوها طروف طروف و يحرق كل طرف هذا وش كان يخمم بعد ما شافها لابسة و تمشي بكل اغراء ... ما عندوش الحق يحكي بصح وقت يفض كلش رح تخلص كل غلطة عملتها بقصدها وبدون قصدها نحات من يدو الكاس لي قريب يتكسر وهو راس عليه بيدو صوفيا :"ايفان وش بيك" خزرت وين يخزر لقات ليان تمشي وتجي لاتية مع الحضور و تنسيقات الحفلة رجعت شافت فيه "ما تجذبش الشبهات .. خليها تخدم خدمتها بعدها دير لي تحب"
تنهدت كي ما سمعت حتى رد منو "خلينا ندخلو داخل القصر احسن" حكمها من يدها وزير عليها و مشاو ... وقت وصل قدام ليان دزها بكتفو و كمل يمشي مع صوفيا يدو في يدها ... وساعت عينها وهي تشوف في ايفان حاكم يد صوفيا و ماشين لي يشوفهم يبانو كوبل .... استأذنت من الحضور لي كانت معاهم و راحت جيهة القصر لداخل ... تحكي وحدها "صار هكا .. حاكمها تقول رح تهرب ... ما تخافش سي ايفان مشها رح تهرب قبل ما تجوزو ليلة الشموع والورد... ااهه وش راني نحكي..." سمعت صوت من البلوثوت لي مركب في وذنها ادم "ليان وينك" ليان بعدت شوي راحت لبلاصة مافيهاش ناس ياسر على اساس تعدل في ورد لي فوق الطاولة باش ما تجذبش الشبهات عليها :"ادم نسمع فيك" ادم :" كاين 5 كاميرات في الطابق الاول و 5 في الثاني و الثالث في 13 كاميرا راني نشوف في ابواب الطابق الثالث اقل من الاول والثاني" ايفان :" يعني الطابق الثالث هدفنا" سمعت صوتو قلبها ضرب حمحمت وكملت تحكي مع ادم ..... ليان :" ادم اعمل اللازم" ادم :" رح نشوش جهاز الانذار والكاميرات لمدة 10 دقائق لازم تكملي قبل 10 دقائق" ليان :" ما تكفينيش القصر كبير الوقت يروح في الطريق" ادم :" لازم تزربي عندهم نظام صعيب يتهكر بلا الابواب المتطورة هاذيك ساهلة قدرت نحلها"
