#وتين_الامهاب

part_6_

#بقلمي: زهراء ثائر
#القصة: وتين_الامهاب

part_6_

هَذهِ الدُنيَّا بِكُل جمَالِهَا وعظمتِهَا سَتنتهِي يَومًا مَا

☻☻☻☻☻☻☻☻☻

.
.
.

وكعدنه ناكل بس شنو كوة احط الكمه
بحلكي استحي منهم، مراد باوع عليَّ وكال

مراد: اكلي خويه اكلي لا تستحين كلنا اخوتج

باوعت عليه وابتسمت وكلت بگلبي فال الله ولا فالك منين صرتو اخوتي

دنستني بكتفي فدك وكالت بضحكة: عذري حوب عذري ميدري اكو ناس ما مشموله

هيلين: فددددك اكلي وسكتي وخليني اكل

ظليت اكل على ما عمه كالت: ماما مهوبي

رفع راسة وباوعلها واردف: ها يمه

ليلى: ماما مو تنسه باجر تسوك من وكت

صفن عليها بستفهام: هو شنو الانساه يمه؟؟

ليلى: ياااا والك مو كتلك راح اعزم خوالك شبيك

هستوني حطيت الكم بحلكي وحجت هجي اريد ابلعها كوة بلعتها،بلعتها وبلعت ريگي وباوعت عليه لكيته صافن عليها، سحب نفس واردف وهو ينزل الخاشوكة

مهاب: يا خوال

ليلى: ماما شبيك غير مراد نجح وتعرف كل واحد بيكم من ينجح نعزم عمامك وخوالك، وذاك اليوم عزمنه عمامك بقوة خوالك نعزمهم

مهاب: محلها يمااا

ليلى: شبيك يعمري هو منو غير نسوان عمامك واشرت عليه مكملة، وعمامها بعد منو محلها يا عمري ما بيها شي، اذا هاي اكعد النا من وكت وتسوك الاغراض الكاتبتهن الك وإن شاءلله ابوك بعد شوي يجي

طول ما تحجي اني النفس كوة اجرة والخنگه تشكلت بلعومي، وكل الوقت التحجي بي عاصرة الخاشوكة بيدي ومنزله راسي خاف تتطفر دموعي كدامهم وشيكولون عليه

سحبت نفس وبلعت ريگي ورفعت راسي مره ثانية واجت عيني بعينه رتبكت كلش من نظراته،لان يعرف شنو البداخلي،هه هو اني سنين لا سنه ولا سنتين شايفتهم ولا واصله البيت ذاك، والي يضحك هو اني عارضت ما اروح الهم وهمه هسه راح يجوني شنو من حظ عدي

بللت شفتي وجت عيني بعينه، باوعلي وتنهد ودار وجها على امة

مهاب: يمه عوفي هاي سالفه اجليها على غير مره