#وتين_الامهاب

part_20

#بقلمي:زهراء ثائر
#القصة: وتين_الامهاب

part_20_

هَذهِ الدُنيَّا بِكُل جمَالِهَا وعظمتِهَا سَتنتهِي يَومًا مَا

☻☻☻☻☻☻☻☻☻

.
.
.

اني باوعت عليه هذا ليش گال
بس الابنات وما گال النه، امة گالت

مروة: منو؟؟

باوعلي وگال: والد عم هيلين

باوعت على امي وعليه بصفنه هذا يا والد عم يقصد بس لا كُميل بلعت ريگي واردفت بتوتر

-قصدك كُميل؟

هز راسه بلأ: لا اقصد والد عمتج ام مهاب

اني وامي وحدة صفنت بوجها الثانية،كامت وكمت وياها، دخلت عمه ام مهاب سلمت على خالتي بلاول لان واكفه يم الباب وبعدها على امي، جاي تسلم على امي ودخل ورها علي يدفع بمهاب

بلعت ريگي ودنكت اعدل بالهيتاك ولا اخذ ولا انطي هذا شجابه يا علي هذا شجابه

ظلو يسلمون على والد خالتي ورجلها وامي باوعت عليها بصفنه، واني رفعت عيوني وباوعت عليه لكيته عيونه عليَّ بس شني يريد ياكلني أكل دنكت راسي وباوعت على لبسي ورفعت راسي عليه
يعني اني هذا هو لبسي من زمان وهم هو واحد يلبس بنطرون وهيتاك جوه العباية، بعد شيلبس؟

بس هو نظراته مال واحد يگول تصبري عليه هسه اني شلون اعلمچ بس تصبري وچ تعانديني هينه اني الچ، باوعت عليه برود ودرت وجهي وهمه ظلو يحجون بمواضيع عامة، ورا شوية كح كحه قوية واردف موجه كلامه للكل

-من رخصتكم اجيت اخذ ام مصطفى وهيلين ونرجع البيتنا

رفعت راسي باوعت عليه فاتحه عيوني، لا يا ابن الاوادم سواها، درت وجهي وباوعت على رجل خالتي من گال

-مو على ساس يباتن هنانه

باوعله وابتسم مجاملة گال

- لا والله صار سوء تفاهم شوية بيناتنا ويعني اختي اجت تعبانه نفسيتها وصار بيناتنا مشكلة عائلية
وان شاءلله  ماكو شي انحلت، واني اجيت اعتذر نيابةً عنها واتمنى ام مصطفى ما ترفض عتذاري

امي باوعت عليه وگالت: لا يا يمه صدك چذب والله لا زعلانين ولا شي بس هيلين نفسيتها تعبانه وجت هنا تشوف بت خالتها

باوعلها وحك ارنبة خشمة

-خالة على عيني وعلى راسي بس هي شافت بت خالتها كافي صار اليل وهسه صار الوكت ترجع البيتها

باوعت عليه بغضب وعصبيّة، والله لو الزمك اله أكلك بسنوني وما يرفلي جفن يا مهاب، اخخخخخخ لو بس طيح بيدي، حيل ضجت منه على أي ساس يجي ويفشلني هچي ويريد ياخذنا، سحبت نفس ورفعت حاجبي واردفت برود