#بقلمي: زهراء ثائر
#القصة: وتين_الامهاب
part_16_
هَذهِ الدُنيَّا بِكُل جمَالِهَا وعظمتِهَا سَتنتهِي يَومًا مَا
☻☻☻☻☻☻☻☻☻
.
.
.
لو فرضاً ميخالف شتريد تحجي احجي بسسسس مال تهيني واني اظل اتحرمص وتوسل بيك
هاي طلعها من بالك، شايف لو هچي احبك واموت عليك مادام تهيني كدام اليسوا والما يسوا، اني ما باوع الك حتى لو بطرف عيني والله ما اباوعلك أصلاً
مهاب: هيلين
اردف بهدوء وصوت غريب
- هيلين ملابسچ لازم تنتبهين الها انتِ صرتي جبيرة وتعرفين الصح من الغلط، لازم تراجعين نفسچ قبل لا طلعين لو قبل لا تجين يم شخص غريب، انتِ بنيه ومعالم جسمچ بارزة، ليش تخلين نظرة مو حلوة الروحچ
سكتت ما رديت عليه لان كلامه صح بس ماكدر اكله كلامك صح، بهاي الحاله تروح الهيبة الي صارلي ساعة ارطن بيه وهم اذا اكله اي صح هم راح يعيد السوا بيه الظهر مره ثانية ويفشلني كدام احد
باوعت عليه وهو باوعلي وگال بستهزاء
مهاب: شو اشوفچ ساكته؟
- ها
اردف وهو يهز براسه: شو ساكته متحجين
ضحكت بمكر: ههههه لا شوية ابن عمك شغل بالي
ههههه
باوعلي بصفنة وگال: تاليها وياچ
ابتسمت وجريت عيني برود وهو رجع گال بجديه
مهاب: عود هاي صدك تحجين؟
غلست على سؤاله: اگلك
اردف بنفاذ صبر وكوة مصبر نفسه
-ها
- هو ما مزوج!!
مسح وجهها بأيدة الصاحيه وظل يستغفر،شوية ورفع راسه وباوعلي وگال بستهزاء
-احم تدرين هم عندي بت عم احلى من عده بقاطات
رفعت حواجبي وگلت: شنو؟
هز راسه بأي وكمل
- اي عندي بت عم كلش حلوة
باوعت عليه ورديت بجد: والله مهاب!!!!
- اي والله
فتحت عيوني بقوة وگلت بحدة: ووووالله
مهاب: ههههه اي شبيچ والله
باوعت عليه ورديت واني كوة كاتمة غضبي
- اها گلت حلوة؟
ظل يحجي وعيونه بعيوني
أنت تقرأ
#وتين_الامهاب
General Fictionرواية حقيقية... بقلمي:زهراء ثائر القصة #وتين_الامهاب... البداية" 2023/11/4 النهاية: 2024/4/23 إن قصص طفولتي، أو ما بقي منها عالقاً في ذاكرتي: تلك التي تُردد مرارا وتكرارا على حياتي وقلبي، وألا شريك روحي الذي كنـت أوعدهُ بقلب صادق سئ أحبهُ طيل حي...
