#وتين_الامهاب

part_31_

#بقلمي: زهراء_ثائر
#

القصة: وتين_الامهاب

part_31_

هَذهِ الدُنيَّا بِكُل جمَالِهَا وعظمتِهَا سَتنتهِي يَومًا مَا

☻☻☻☻☻☻☻☻☻

.
.
.

-هيلين تحجين صدك؟

هيلين: اي والله العظيم

-وچ تحجين صدك لو تشاقين

-اي شبيچ مچذبه عليچ من قبل

-يعني هسه احجي اله؟

-اي گليله اريد اشوف شنو ردة فعله

-خوش تمام

سحبت نفس وسديت الموبايل، عفته على الكاونتر وطلعت من المطبخ صاعده فوك ،صعدت دخلت الغرفة،مشيت گعدت على الجرباية،اخذت الجنطة العلى الجرباية،فتحته طلعت الملابس،ظليت  اسفط وبالي كله ويا الخطه، شراح يسوي من يدري
ابتسمت اتخايل شكله، يله يستاهل خلي يضوك شوية مثل ما ضوكني، سحبت نفس وخذت السفطة، ومشيت فتحت باب الكنتور خليتهن، ورجعت اخذت السفطة الثانية، حطيت اخر قطعة ويا الباقيات سديت الباب، ويا مسديت الباب فزيت على صوت باب الشارع يندك بقوة

فتحت عيوني مندهشه شبسرعة گالت اله، مدري اضحك مدري انصدم، عضيت شفتي ومشبت سحبت  الشال من الكرسي، لبسته وطلعت، نزلت اهرول على صوته العالي،عضيت شفتي كاتمه ابتسامتي وكفت ثواني اعدل نفسي،سحبت نفس ونزلت بطئ

-هيلييييين وينچچچ تعاييييي

عضيت طرف شفتي ورفعت ايدي الگلبي الي ظل يدك بكل قوته مدري على خوف مدري على فرح لان مشت الخطه نفس ماريد، بس هو ما فكر بيه من يسوي هچي ما فكر راح يشكون من يشوفونه هچي ايسوي ما فكر بيه اذا واحد من اخوتي شافه بهذا الوضع شنو موقفي كدامهم، وشنو تبريري الهم

وكفت باول بايه وباوعت عليه وعلى امي الي واكفه كدامه مستغربة شكله وعصبيته، بللت شفتي وركزت على حركاته الي مثل النارررر التلهب بنص البيت بلعت ريگي، عصرت اطراف الاتراك بتوتر من حجه بحركة گلب، عضيت باطن شفتي ورفعت راسي باوعت على الطابق الثاني بخوف خاف مصطفى يسمعه وتصير الي سالفة لا الها اول ولا الها تالي نزلت نظري تجاهه وركزت عليه شلون يحجي  مفرفح، سحبت نفس وزفرته وگلت بهدوء عكس الفوضى الي بداخلي

-شبيك؟؟

بس سمع صوتي دار وجهها عليَّ وباوعلي وعيونه دم ويلهث كوة يجر النفس

-شنهذا الحجي

-يا حجي!!!

-فهمينييي شنو هذا الحجي الحاجيته الفدددك