#وتين_الامهاب

part_19_

#بقلمي: زهراء ثائر

#القصة: وتين_الامهاب

part_19_

هَذهِ الدُنيَّا بِكُل جمَالِهَا وعظمتِهَا سَتنتهِي يَومًا مَا

☻☻☻☻☻☻☻☻☻

.
.
.

مرة الايام والاشهر بين الدروس وبين استاذ فراس
الي يوم عن يوم كاعد اتعلق بي ونعجب بخلاقه وسلوبه الي يجبر الشخص ينعجب بي كوة

وهم صار هواي كلام بيناتنا بين الي اسأله عن سؤال بخصوص الدراسة لو مواضيع بسيطة

وهم لاحظة من نظراته اليه وكلامة حسيت عندة مشاعر نفس مشاعر العندي يعني جانت نظراته تجبرني اباوع عليّ

بس يشهد الله ابد ما باوع عليه بنظرة مو حلوة لو كام يحجي كلام مو حلو لا العكس جان كلامة بقمه الحترام ولادب

أصلاً متعجبة اكو هيج شخص موجود.لان بهذا
الزمن ماكو واحد مثله، ولا الي خلاني اصفن بي كل لحظة وكل ثانية، هو سلوبه وياي يعني دائماً يساعدني بالمحاضرات الي ما افهمها، خطية يظل يساعدني منا ما افتهم وادرخها كلش يله يعوفني

ومن خلال هل لفترة والحظات الي تجمعنا صارت بيناتنا نظرات، اني نعجبت بخلاقه وسلوبه ويا ورزانته وشخصيته حيل چذبتني

اما بيوم من الايام رحت الجامعة ڪ أي يوم، كاعدة بالحديقة الجامعة اني وعمران وجتني بنيه وكفت مقابيلي وكالت

-سلام عليكم

باوعت عليها واني مقلصه عيوني من الشمس
:وعليكم السلام حبيبتي

- انتِ ليلى

هزيت راسي بأي وهي كالت: ستاذ فراس يريد يحجي وياج بموضوع بالكافتريا

باوعت عليها ودرت وجهي على عمران الي
عاگد حاجبة، اني باوعت عليها واردفت

- تمام شوي واجي

خلت وراحت وباوعت عليّ واردفت: تقبل اروح اشوف شيريد

هز راسة بلأ واردف: غلسي وكعدي واسكتي، شنو كافتريا شنو موضوع

بلعت ريگي واردفت بخفوت:عمران ليش نظلم بخت الولد خلي اشوف شيريد يمكن على الدراسة

زفر نفس واردف بتنهيده: ميخالف اني عندي ثقة بيج واعرفج شنو، بس لا تخلينا يتجاوز حدوده

هزيت راسي بأنفي: لا والله هو خوش ستاذ فد مؤدب وسلوبه كلش حلو

باوعلي وعدل الساعة البيدة واردف: اي هو اخلاقه مبينه حلوة، بس الحذر واجب وانتِ هماتين لا تتاخرين يمه خوش