#وتين_الامهاب

part_28_

#بقلمي: زهراء ثائر
#القصة: وتين_الامهاب

part_28_

هَذهِ الدُنيَّا بِكُل جمَالِهَا وعظمتِهَا سَتنتهِي يَومًا مَا

☻☻☻☻☻☻☻☻☻

.
.
.

مراد: لا هاي اليوم فحطت بعد شوية وندزها الوادي سلام هههههههههه

كمل كلامه وما نحس الى على شخطه قوية
رفعت ايدي الراسي وصرخنا اني وفدك بفس الحظة رفعت راسي وباوعت على سيارة العاكسه علينا بلعت ريگي وباوعت على مراد

فتح الباب ونزل شايط، نزل وذوليچ نزلو ثنين منهم معضلين، مشى وكف يمهم ظل يحجي ويهومش بيدة مأشر على السيارة المدعومه، وذوليچ ولا مهتمين يحجون بكل برود

من شافهم هچي تشعوط تشعوط،ما عرفنا شنو  الكلام الي دار بينهم منا ما واحد منهم خله وعت مراد من ياخة قميصة وظل واحد يضرب بالثاني
احنا شفناهم هچي لو تخبلنه الدم يبس بعروكنا
كمت ارجف وباوع عليه راح يموتونه

- وچ فدددك راح يموتوه

فدك: چا اني شسوي، شني اكدر انزل خاف انزل وسوي عليه

-شوفي شتسوين خابري على مهاب على علي أي واحد منهم الحكي راح يموتوه

هزت براسها وكامت ترجف ما تعرف شلون تلزم التليفون، ذبت الموبايل وعاطت وهي ترفع راسها تباوع على مراد

-يممممه اخوي راح يروح من ايدي

گالت كلامها وهي تريد تنزل جريتها من زندها وگلت

- اگعدي صخومه وين تنزلين تردين يحطونه يكتلونه ويا، وچ يسونه خبز العباس، كل واحد منهم چنه بغل

فدك: وچ هيلين اخويه راح يكطعوه

-والله اخوتج الي راح يكطعوچ مو همه، لذلك اگعدي وسكتي احسن لج ويله خابري مهاب فضيها

فدك: هيليننن ماتحمل اشوف اخوي يموت كدامي وخريي مني احسن الچ وخرررري

وخرت ايدي منها ونزلت تركض باوعتلهم ونزلت نظرها على الگاع باوعت ثواني ودنكت سحبت مدري ايش من الگاع،رفعت ايدها شايله كومت طابوك
ظلت تشمر عليهم تشمر باوعت عليها فاتحه حلكي فتحت الباب ونزلت مشيت يمها واني ماعرف ابجي على الموقف الي يخرغ لو على مراد لو على فدك وطابوكاتها ماعرف شسوي ظليت مصطكه بمكاني وهي ظلت تشمر عليهم وما ملحكه، مراد كام يصيح عليها حتى ترجع تصعد واني اسحب بيها وحجي

-وچ فدك صخيمه تعالي صعدي مراد گاعد يصيح عليچ

فدك: وچ جيبي ذيچ الطابوكه وشمري عليهم