#وتين_الامهاب

part_8_

#بقلمي: زهراء _ثائر
#القصة: وتين_الامهاب

part_8_

هَذهِ الدُنيَّا بِكُل جمَالِهَا وعظمتِهَا سَتنتهِي يَومًا مَا

☻☻☻☻☻☻☻☻☻

.
.
.

صفنت عليها من كالت هجي كتلها: شنو خطابة

جميلة: اجاج كُميل ابن عمج

اخذت وضع لا هو صدمة ولا هو حاله جديدة على الإنسان اريد احجي وكول شنو وايش ما كدرت الساني انربط، ولا اكدر اسكت ولا اكدر احجي كوة كتلها كم كلمة

- كلتي كُميل ابن عمي؟ اجه خطبني

-اي يمه اجه خطبج

رفعت ايدي مسحت وجهي وكلت برود

-ها خوش اني ماريده

صفنت عليَّ وعمه كالت: يا عمه ليش؟

-عمه ماريده، وأصلاً اني زواج ماريد

كملت كلامي وطلعت من الصاله ركض اريد اشرد
بس شنو كوة اتنفس هو اني ما اعاون اخلص منهم بأي صورة نوب هذا اجه خطبني ولا والچماله ابن منو، وهسه تعالي جيبي الي يسكت ابوي وشيجيب الي يقنعه هو زين كله على بعضه اني ستوني راح ادخل الخمسطعج ويني وين هاي السوالف

صعدت اركض واني ادموعي عشرة عشرة
جاي اصعد والطمت بشخص رفعت راسي باوعت عليه وهو باوعلي وعگد حاجبة

-شبيج

- مادري بيك

عفته وردت اعبر ما احس الى انسحب من ياخة تشيرتي الورا درت وجهي باوعت عليه وهو اردف

-مو جاي احجي وياج شبيج

رفعت ايدي وخرت ايدة ونترت بي

-ماااا بيه ششي شو هدني بله

ظل واكف بمكانه مصدوم، مسحت عيوني وصعدت اهرول،دخلت للغرفة بس شنو كمت اربد ربد
عصرت ايدي قوي، وظليت افتر رايحه راجعه
ثواني لا اكثر اندك الباب وهو يحجي وياي بس اني وين اني الهث وتنفس سريع ماعرف شي مثل العصار بداخلي ظل يفتر ويحطم بعصابي، ماعرف شلون اخلص نفسي من هاي الورطة الي اجتني هسه والله ما عايزة صدمات ولا عايزة مشاكل ودوخة ولعبان نفس والله تعبانه مو حمل مشكلة ثانية

مسحت وجهي بقوة ورجع الباب اندك، تجاهلته وما رديت عليه، من ما شاف مني أي رد فتح الباب رأسن وكف بالباب واردف وهو يباوعلي بإستغراب

-شبيج هيلين؟

باوعت عليه واردفت واني اجر الكلمة كوة والهث بالحجي