နောက်ဆုံးသောစာမေးပွဲကိုဖြေဆိုပြီး
နောက်မှာ မိုင်ခရဲ့စိတ်တို့အတော်ပင်လွတ်လပ်ပေါ့ပါးသွားရသည်။
ဒီစာမေးပွဲသာအောင်ရင် ရှေ့လဆိုသူမတို့အထက်တန်းဘွဲ့ရပြီ ။ထိုနေ့မှာဝတ်ဖို့ကိုတောင်မိုင်ခက ပြင်ဆင်ပြီးဖြစ်သည် ။
သေချာပေါက် တော်ဝင်နဲ့ဆင်တူပေါ့.. !
ချစ်ရသူနဲ့အတူတူထိုအခမ်းအနားကိုဖြတ်သန်းရမှာ ၊ သူမအတွက်တွေးကြည့်ရုံတင် ရင်ထဲလိပ်ပြာလေးတွေ တဖျတ်ဖျတ်လွန့်လူးနေသလိုလို... !!
ထို့နောက်သူမတို့နှစ်ဦးလက်ထပ်ကာ
နိုင်ငံရပ်ခြားသို့ပညာတော်သင် သွားကြမည် ။ ဒါကအတူတူတိုင်ပင်ထားခဲ့သည့်
အနာဂတ်ဖြစ်၏။
သေချာပေါက်အကို့ရဲ့မင်္ဂလာပွဲ ပြီးမှသူမသွားမှာပင် ။ လက်ထပ်ဖို့ကိုလည်း ကျိန်းသေ ကိုကြီးကအရင်လုပ်သင့်တာပါပဲ။ ဒါပေမယ့် သူမအခုမှသတိထားမိတာ
အရင်တစ်ခါကိုကြီးဆီက မင်္ဂလာသတင်းကြားပြီးကတည်းက ထိုကိစ္စနဲ့ပက်သက်ပြီး ထပ်ပြောတာကို သူမ မကြားရတော့ပေ ။ ဒီရက်ထဲ ကိုကြီးအိမ်ပြန်မအိပ်တဲ့ရက်တွေကလည်း စိပ်လာသည် ။
တစ်ချို့ရက်တွေမှာ သူမကိုစာပို့ပေမယ့်
တစ်ချို့ရက်တွေကျ အဆက်အသွယ်ပင်
မရပေ။ ဒါက သတင်းကောင်းကြားရဖို့ပဲ
များလား... ?
"ဒါပေမယ့်လည်း ဒီညနေပြန်ရင်တော့
ကိုကြီးဆီဝင်ပြီး အကျိုးအကြောင်း
မေးဦးမှပါ.. "
"ဒါနဲ့ ကိုကိုကဘာလို့မရောက်သေးတာပါလိမ့်... ? သူမတို့စာမေးပွဲ ပြီးရင်တွေ့ကြရန်ချိန်းဆိုထားပေမယ့် တော်ဝင်ကပေါ်မလာခဲ့ပေ ။ ကျောင်းဝန်းထဲလူရှင်းသည်အထိ သူမစောင့်နေပေမယ့် အရိပ်အယောင်တောင်မမြင်ရခဲ့ ။ သူ့ဟန်းဖုန်းကိုဆက်သွယ်ကြည့်တော့လည်း ဆက်သွယ်မှုဧရိယာပြင်ပ ဖြစ်နေသည် ။
"ဒါမျိုး အရင်ကတစ်ခါမှမဖြစ်ဖူးပါဘူး!
သူမစိတ်ထဲ ဘာရယ်မသိလေးလံလာရကာ ကျောင်းဝန်းထဲမှ တစ်ကိုယ်တည်း
ထွက်လာခဲ့သည် ။ အိမ်မပြန်ပဲ ကိုကြီးရဲ့ရုံးဆီကို တန်းလာလိုက်၏။ သို့သော်..
သူမရုံးရဲ့ခပ်လှမ်းလှမ်းကနေ ရုံးအရှေ့မှာ
တန်းစီရပ်ထားသည့် ကား၄စီးထက်မနည်းကို မြင်လိုက်ရသည် ။ ရုံးအပြင်မှာ
ရပ်နေသည့် အနက်ရောင်ဝတ်ကိုယ်ရံတော်တွေကလည်း မနည်း.. !
YOU ARE READING
" Let's Get Married "
Fantasyကျောင်းတော်ရဲ့မင်းသားလေးနဲ့ တရားဝင်တွဲခုတ်ပြီးတဲ့ နောက်ပိုင်းမှာ မိုင်ခက လူများစွာရဲ့ဝေဖန်လေကန်ခြင်းကို ခံခဲ့ရသည်။ သူမအားမြှူဆွယ်တတ်သော မြေခွေးမကဲ့သို့ တစ်မျိုး ၊ မမှီသည့်ပန်းတုံးခု၍ လှမ်းသည်က တစ်ဖုံ ။ သူမသည်းမခံနိုင်သည့်အဆုံး တစ်ခုတည်းသောညနေမှာ သူမ...
