သူ့လေသံနွေးနွေးသည်သူမလည်ပင်းထက်မှာ ရိုက်ခတ်လျက် ..
"ငါ တောင်းပန်ပါတယ်.. !
ငါမှားသွားတယ်.. "
အခုချိန်မှာသူမအနေနဲ့ပြောနိုင်သည့်စကားသည် ထိုတစ်ခွန်းမို့ ။ ဥာဏ်ဇော်က
သူမပုခုံးထက်က သူ့ခေါင်းကိုဖယ်လာရင်း
"မင်း ကိုယ့်ကိုတောင်းပန်စရာမလိုပါဘူး!
မိုင်ခကသူမလက်လေးဖြင့် ထွက်မလာသေးသည့် ဗိုက်ကလေးအားစမ်းမိကာအပြစ်ရှိသည့်စိတ်ဖြင့်
"ငါက အမေဖြစ်သင့်ရဲ့လားတောင်
သေချာမသိဘူး.. " သူမ၏စကားသံအဆုံးသတ်သည်တိမ်ဝင်သွားရပြီး စို့နင့်လာရကာ...
"ငါကြောက်တယ် ဥာဏ်ဇော်.. ! ငါက
သူ့ကိုမွေးရမှာကို ကြောက်တယ်။ ငါ့မှာ
ဒီကလေးကိုကောင်းကောင်းပျိုးထောင်နိုင်ဖို့လည်း ယုံကြည်ချက်မရှိဘူး.. "
စိုးရွံ့မှုတို့သည်ကြီးစိုးလာရကာ မျက်ရည်တို့က ပါးထက်မှာ
မိုးကဲ့သို့ ဖြိုင်ဖြိုင်သွန်းလျက်..
"အခု တော်ဝင်ကလည်းမရှိတော့ဘူး..!
အနည်းဆုံးတော့.. အနည်းဆုံးတော့ဒီလိုအချိန်မှာ သူကငါ့အနားရှိနေပေးသင့်တာ
မဟုတ်ဘူးလား.. ? ဘာလို့လဲ.. ဘာလို့များ... !! ဘာလို့များထွက်သွားနိုင်ရတာလဲ.. ? ငါကဘာတွေများလုပ်ခဲ့လို့..
တိမ်ဝင်သွားရသည့်အသံနောက်မှာ စကားသံတို့ထွက်မလာနိုင်တော့ ။ သူမကိုယ်လေးသည်တင်းတင်းကြပ်ကြပ်ပွေ့ဖက်ခံလိုက်ရကာ သူမ မျက်နှာသည်သူ့ရင်ခွင်အတွင်း အပ်ဆင်း၍.. !
မှီတွယ်ရသောထိုရင်ဘတ်အတွင်း..
သူမ သည်းထန်စွာငိုကြွေးမိတာ.. အချိန်
ဘယ်လောက်ထိ ကြာမြင့်သွားခဲ့သလဲ..
သေချာပင် မသိတော့... !
အဆုံးမှာ သူမ ဦးခေါင်းသည်ကိုက်ခဲ၍ မျက်လုံးတို့ကျိန်းစပ်နေပြီး မျက်ရည်ပင်
မထွက်နိုင်တော့ပေ ။ သူမ မငိုနိုင်တော့
ဥာဏ်ဇော်က သူမအားလွှတ်ပေးရင်း
ကုတင်ပေါ်မှထကာနေရာဖယ်ပေးလာသည်။ သူမအားကုတင်ထက် သက်
တောင့်သက်သာလှဲလျောင်းစေပြီး..
"ပင်ပန်းနေပြီ ။ နားတော့လေ.. !
သူမအကြည့်တို့သည်စိုစွတ်နေဆဲ သူ့ရှပ်အင်္ကျီပေါ်မှမခွာနိုင်ဖြစ်ရသည်။
"ထပ်ပြီး အားနာစရာဖြစ်အောင်လုပ်မိပြန်ပြီ.. " သူမအတွေးထဲကတိုးတိတ်စွာညီးတွားမိသည် ။
"မနက်ကျရင် ကိုယ်တို့ဆေးရုံသွားကြမယ်။ မင်းခန္ဓာကိုယ်ကိုလည်းဆေးစစ်ရင်း
ကလေးအခြေအနေလည်း မေးရအောင်လို့.. !
YOU ARE READING
" Let's Get Married "
Fantasyကျောင်းတော်ရဲ့မင်းသားလေးနဲ့ တရားဝင်တွဲခုတ်ပြီးတဲ့ နောက်ပိုင်းမှာ မိုင်ခက လူများစွာရဲ့ဝေဖန်လေကန်ခြင်းကို ခံခဲ့ရသည်။ သူမအားမြှူဆွယ်တတ်သော မြေခွေးမကဲ့သို့ တစ်မျိုး ၊ မမှီသည့်ပန်းတုံးခု၍ လှမ်းသည်က တစ်ဖုံ ။ သူမသည်းမခံနိုင်သည့်အဆုံး တစ်ခုတည်းသောညနေမှာ သူမ...
