رأفة حب.....روضت المنحرف

الجزء 27

جا بابا ديراكت عند ماما حكمها و عيطلي: ميناااا
رحت نجري بابا عاقل و كالم و حنين بالصح نهار يهيج تحسو تسونامي و ضرب الدار قادر يريبها.
دخلت عندهم قاعدين فالصالون هو و ماما و مروان، مزية ختي ماكاشها
قالي ريحي و اسمعي، دار لماما، قالها يونس وليد سليمان كان عينو فالطفلة؟!
خزرت فيه ماما تثبت و قاتلو بكل برود اصلا ماما الوحيدة ما تخافش و تعرف تسير معاه في هيجتو: ايه جمال حبها و على حسابو من صغرها عينو فيها
و يماه علاش ما هدرتش من قبل علاش ستنات حتى مديت الطفلة
قاتلو يماه ما قالت والو لا قبل لا بعد هو لي جاني و هدر معايا
نطق مروان: هدر معاك هو ؟! علاش كي يحب يخطب يخطب منك انتي علاش مينا هادي مقطوعة من شجرة ماعندهاش رجال في كتافها
قاتلو ما خطبهاش مني
قالها بابا امالا واش واقيل حب يصاحبها
قاتلو يا جمال بالعقل دوك نفهمك يا حنوني الحكاية فارغة ماكلاه تقلقلي روحك، و حطت يدها على يدو و تبسمتلو تبسيمتها لي تخليه يبرد و يتكالمى في دقيقتها
قالت: الطفل حبها من صغرها بالصح كان يشوفها مازال بزاف صغيرة و كي علابالو بلي القرايا عزيزة عدنا قال نخليها تقرا و تتعلم تجيب ديبلومها امبعد ساهل. نهار لي سمع بلي مينا تخطبت و انت ما قبلت عيطلي و حللني باش يحكي مع مينا يفهمها في تخمامو و قال ادا هي قبلت نجيب الدار و نجي نخطب ديراكت لا شوفة لا والو و انا قلت لبنتك اي قدامك بالصح هي ما حبتش قالت راني قانعة بهادا لي جا خطبني و ما نطيحش كلمة بابا لي مدها للراجل.
تبسم بابا حسيت وجهو ريح، قالي: يعني انتي ماكان علابالك بوالو عمرو ما حكا معاك فالموضوع
قوتلو والله جامي بابا و اصلا ماللي بديت نقرا كيما بدلت النيميرو على جال الريزو فلاسيتي ما يعرفش نيميرو ديالي الجديد تقطعت القصرة.
قالي: و زاكي كيفاش عرف الحكاية هادي
قوتلو انا لي قتلو يا بابا كي يونس بعثلو الراجل و حكا معاه هو سقساني قالي يا بنت الناس ادا كاش ما بينك و بينو قوليلي ما تخلينيش مغمض ولا كاش ما راكي مبروميتلو قوليلي انا نجبد روحي
تماك حكيتلو باش نبينلو بلي ما بيناتنا والو و هو من تم كره يونس
قالي بابا يا بنتي عندو الحق السيد كي غار و ماحبكش تروحي
طار مروان: كيفاش هادا عندو الحق مريض علاه انا ختي راح نديها نبريزونتاها للراجل ولا مانيش قادر نحجب ختي حتى يجي هو من برا يغير و يتحكم و زبد كيفاش هادا ختي ما تحضرش الخطبة و اصلا يونس علاه اليوم برك لي عرف مينا راهي دايمن في دارهم
قالو بابا عندو الحق زاكي هادا يونس عمرو ما بان ما هدر نهار شاف الراجل لي صح قدم و ما خافش هو بانتلو ختك عزيزة و يجري يقفز بيها، و كي كان يشوفها و يجينا للدار و تروح بنتي لدارهم كانت النية صافية بالصح كي توليطامع فيها و هي في رقبة راجل الهدرة تتبدل.
قاتلو ماما اييه صح عندك الحق بالصح واشنوه الحل دوك انا ما تعطلوليش خطبة وليدي يرحم والديكم نتبهدل مع صبيحة
قال بابا خلاص ساهلة انا نحكي مع زاكي و ادا لازم يجي معانا يجي راهو راجل زيادة فينا
مروان ما عجبوش الحال ماناش مخصوصين رجال بابا و ناد خرج
بابا دار ليا قالي ما تخافيش بنتي و فتحلي يدو نروح نقعد عندو، سانيتو عنقني و باسني من راسي قالي بنتي العزيزة لي ما طيحش كلمة باباها مع الرجال.
عوجت ماما فمها، شافها ضحك فتحلها دراعو لوخر قالها و اللبة لي جابت و ربات ضحكت عليهم
قالها كبرنا يا وداد و زوجنا ولادنا ڨاع
قاتلو انت لي كبرت يا جيمي انا والله غير مازالني صغيرة و بوبية
قوتلها صح ماما بوبية شفيتي نهار جاو يخطبوني باباه حسباتلو انتي العروسة
ضحك بابا و ماما عجبها الحال
قالنا و الله يا باباه غير رايح فيها ماهوش صحيح.
جازت هاديك الليلة و بابا هدر مع زاكي و كالماه.
ندنا غدوة الصباح بكري شوية و جات اختي مع راجلها لي كان ما يحيش بزاف للدار قليل وين يدخل يجيبخا يحطها و يروح و مام في هدرتو و قصرتو جابد روحو بزاف عكس زاكي لي تمتم يدخل فالقصرة، وجدنا روحنا و لبسنا عباياتنا و حبطنا ركبت اختي مع راجلها و انا راح نركب مع بابا حتى نشوف زاكي ڨارا
قالي بابا روحي معاه
مرزان عينيه حمارو قالو وين تروح وين علاش ما تركبش معنا
قالو بابا صلي عالنبي وليدي خليني ندبر راسي
سكت مروان بالسيف و ركب يسوق و ماما ركبت اللور و بابا واقف حبط زاكي سلم عليه و زاد عليا فتحلي الطونوبيل و هدر مع بابا و لحقني ركب قدامي
قالي: صباح الورد يا الورد و ديمارينا
لعبتها مشنفة و انا اصلا زعفانة منو
قوتلو بالتشناف صباح الخير
عاود هدرتي يعكي عليا صباح الخير هاكا النسا يقولو لراجلهم
قوتلو منعرفش كيفاش يقولو كي يكونو زعفانين بصك بابا عمرو ما سب ماما و كفر عليها و هددها ماشفتهاش زعفانة منو انا
قالي امممممم
ضيقت عينيا فيه
ضحك قالي و انتي ديري عليا يا البهلولة علاش الورد الناس يهددوه نورمال ساعفي نهدر برك ياك قوتلك من قبل ديريني كيما وليدك الصغير و دخليني في عبونك والا ما قلتش
درتلو براسي قلت
قالي صحة و النسا يديرو على كلام ولادهم الصغار ؟! دوك تتسماي انتي لي مهبولة كي ديري على كلام طفل صغير ديري عقلك بعقلو
ضحكت، علاش انا نقدرلو اللسان لي عندو يربطني
شافني ضحكت رفد يدي باسها و دار جبد مورايا بوكي ورد و شوكولا و باطة شوكولا قالي هاكي الورد يجيب الورد ما تدخليش يديك فارغين و زاكي يجيب الشوكولا لحبيبو عاود باس يدي و قالي سامحيني حبيبي على البارح ما حقنيش نعيط عليك و نخوفك هكاك بالصح يا عمري كلش كلش و لا تنقصي من قيمتي راني راجل، جيت نهدر قالي علابالي ما نقصتيش من قيمتي بالصح انا هداك ما فهمت مرتي انتي تعرفي واش معنتها ياو رزقي ملكي تاعي وحدي.
ما قدرت نقول حتى كلمة هدرتو عجبتني دخلت لقلبي كي الرصاصة و تحطت تم، فكرة نكون مرتو و رزقو و ملكو و هو ؤكون راجلي و رزقي و ملكي كانت منام سبحان ربي و خققهولي و مازال مانيش مستوعبة حلاوتو خصوصا اليوم كيفاش غار و داني من وصطهم و بابا راضي عليا احساس هايل نتمنى كل وحدة ربي يرزقها برنوس الستر مع بناتم لي تتمناه و تخيرو هي.
كنا نتبعو في مروان يسوق غير ڨارا زاد زاكي موراه و ڨارا.
حبطنا مالطونوبيللت ڨاع كيفكيف سلم زاكي على مروان و باركلو و زاد سلم على راجل ختي تعارفو فالفاتحة، جبدني و حطلي يدي في يد بابا قالو امانتك عمي جمال و راهي امانة عندك انا كنت شادة البوكي تاع الورد و الشوكولا و الباطة كان دارهالي في صاكي، خزرت فيه مافهمتش
قالي وصلتك برك على الحليف لي حلفتو البارح خطبة خوك ما جاياش نحضر فيها كي تولي في داري نولي نحضر كيما راجل ختك، ركب و راح و حنا دخلنا.
فرحت بينا طاطا صبيحة و ماما كثر منها و الحق ضيافتهم همة يعطيهم الصحة بناتها زوج مزوجات و عروستهم قامو بينا و ريتاج بوبية تبان باربي تاع الصح بروبتها الباج و قاعدة ساكتة حشمانة شوية و جا خوها عيط لمرتو باش يدخل مروان يشوفها داتها ختها للبيت و راح مروان ليها يا ربي 5 دقايق و خرج.
جازت على خير الخطبة و ولينا للدار
فالعشية كي بقينا نقصرو قالنا مروان الطفلة تبان صغيرة بزاف
قاتلو ماما ايه صغيرة شهرين و دير 18 سنة
قالها يا ماما جايبتلي طفلة صغيرة عليا ب 10 سنين علاش راح نتزوج ولا نحل لاكراش
نطق بابا قالو با الجايح حابها شارفة باينة تجيبها صغيرة تعلمها و تكبر تحت عينك كيما انا كبرت يماك
قاتلو ماما و عجباتك
قالها لاباس عليها بنت الناس
بالصح انا نعرف خويا كان يكدب معجبتتوش و ماحبش يبين قدام ماما باش ما يخسرلهاش فرحتها.
يا ربي جازو يومين و خرجلي زاكي بخرجة جديدة...قال ما قال لازم يعقد.
زاكي: حبيبي لازم نعقدو
انا: بوه يا زاكي حنوني مازال الحال
قال:اواه لالا لازم نعقد نسحق العقد
جاوبتو: انا معنديش مشكل بالصح معلاباليش ادا بابا يقبل ولا لالا
استغرب كلامي: علاش ما يقبلش واش فيها
رجعتلو: والله ماعلابالي شوف معاه عيطلو و اهدر معاه
قالي: اواه لازملها قعدة هادي نتلاقاه و نحكو فيها
فرحتقوتلو: خلاص مالا انت شوف معاه و انا نهدر مع ماما تحكي معاه
كوبيت معاه رحت نجري لماما قوتلها خاب يعقد قال يسحق العقد و حاب يتلاقى مع بابا باش يشاورو و يتفاهمو
قاتلي مافيها والو خلاص مالا دوك نحكي مع باباك كي يعيطلو يقولو يجي يتعشى العرضة لي بروميتهتلو خير من قعدة القهاوي فالدار خير
عيطت لبابا قاتلو قالها ماكاش مشكل، و صح شوية و عيطلو زاكي و بابا عرضو للدار
وجدت ماما الماكلة و انا نعاون فيها شفيت درنا دولنة مقلية و شربة فريك و بوراك العجين و لي كويس بالشومبينيون محمر و سالاد مخلطة و الديسار درنا مقلوبة الخوخ بالكرمال و طاخت بالبات بريزي بالبنان و الشوكولا مع لاتاي و المكسرات.
كونا عارضينو مع والديه بالصح هو جاب غير يناه قال باباه مسافر و سبحان الله اللسلن لي عندو الخفة اللي فيه ما جابهاش من يماه تقول ححرة قاعدة في وسطنا تسقسيها تجاوب ما تسقسيش ما تحكيش و الله ما عندها هيبة تاع العجوز لي جاية لنسابها بالصح الخق يتقال عاقلة و مادخل روحها ما تمرضك شكرت ماما و استكثرت خيرها.
زاكي فهم بابا بلي لقا خيط فالبلدية باش يستفيد بدار بالصح لازم العقد
بابا عجباتو الفكرة قالو خير و خير دار ملك خير الف مرة من الكرا لي يقسم الظهر
قالو زاكي انا منحبش سكنة البطيمات بالصح نسبق في هادي و نلم روحي و نشري تراب نبنيه بالعقل
قالو بابا زين ما قلت ربي يوفق
تفاهمو و مروان ساكت اصلا من نهار الخطبة علاقتهم بردت و جبد عليه.
وجد زاكي الدوسي تاع العقد و دارولنا رونديفو رحنا عقدنا شراتلي ماما جيب فالابيض و شوميز فالغوز كلااااغ و خيمار نفس اللون و مكييت و لبست صندال بيضة و ساك ابيض و رحت مع بابا و ماما و جا خالي و تلاقينا بزاكي معاه باباه و خوه و يماه و ختو.
كي سقساني الكاتب ادا قابلة ضحكت قتلو ايه و كي سقساه هو دار بابا قالو اسمحلي يا عمي جمال بالصح و الله من نهار شفتها حلفت ما تدي اسمي و لا تدخل داري مرا من غيرها.
عقدنا و شهد خالي و واحد جابو زاكي و ماما قيمت عالناس لي كانو تماك كامل القاطو كانت جابت سنيوة قاطو فال و  روحنا فطرنا كامل كيفكيفو تفارقنا.
اسمانة بقات علاى القرايا نلم في دوزاني و قشي و نشري فواش خصني بصك السي راجلي لي ولا كلمة زوج يقولي راكي مرتي شرعا و قانونا حكم عليا نحبس السروال و الليكات و لزمني نلبس الحجاب الطويل و لا الروبات العراض لي ظافيهمش الوان بزاف، شايفني لونجة بنت الغول و خايف يخطفوني حتى الالوان و ديرونجاوه.
الصراحة ما عتارضت ما قلت علاش اصلا اي حاجة من حبيبي كي العسل بعدا مور العقد قلبي لي كان مقبوض من نهار خطبة مروان ريح كنت خايفة غير تكبر بيناتهم و يقولولو ارفد دوزانك و سامحنا بالصح علابالي بلي الطلاق و الشروعات ما يحبوهمش مالا دوك كان تصرا حاجة يسيو يحلوها بيناتهم.
نهدر معاه و نخمل في فاليزتي قوتلو خاصني شامبوان و شوية كوسميتيك بقا يسميلي في لي مارك لي عندو باش نخير دخلت عندو مراة تشري منعرف واش رفدت و سمعتها كي حطت قاتلو ذحال جاو قالها خلصت و راحت هي خرجت و هو قالي: علابالك واش نكره فالدنيا هادي ڨاع
قوتلو خير
قالي مرت راجل تنحي بالجوتابل
قلبت عينيا خلاص ماوليتش نتخلع منو السوفاج
تنهدت قوتلو يا زاكي تدخل في واحد لي ديطاي انت واش فيها زعمة علاش فاش يضرك انت تنحي باش تحب
قالي مق....دة انتي علاش راجل تشوه في روحها
قوتلو بوه عليك ما تشوه ما والو نورمال علابالك حاجة عادية النسا ڨاااااع هكا
و يطير فيا واحد تلكيرة خلعني: و انتي تاني؟!
قفزت : واشنو انا تاني
قالي تحني بالجوتابل
قوتلو يعطيك خلعة قفزتني بركا مالعياط
قالي حاوبيني
قوتلو ايه علاش واش فيها يا ربي هادي تان دخل روحك فيها
قالي هبلتي انتي حابة توليلي راجل ترجعيها زرقة ڨاع
ضحكت عليه قوتلو والله يا انت هاداك فاش خممت
قالي والله يا مينا غير نلقاها زرقة غير ناكلك
ضحكت عليه ماديتهاش ڨاع فيه قوتلو كوبي راح ندخل ندوش غدوة نروح باش نحبط للحفافة تنقصلي فيه
خرجت مالدوش نلقاه بعتلي ميساج قالي كملي الحفافة و جوزي اني وجدتلك الكوسميتيك لي خصك ڨاع
قولت لماما اني حابطة و رحت لحفافة غير تماك و كي وليت جزت ليه كونا في اكتوبر بالصح الحال مازال سخون و بحكم وليت نلبس الحجبات برك لابسة غير روبة قصيرة مالتحت، دخلت لعندو دايرة في بالي دقيقة و نخرج غير شافني جا غلق الباب بالمفتاح و دور البلاكة و جا داني من يدي للشمبرة ديالو
قوتلو واشبيك زاكي رد السلام اهدر معايا
قالي اصبريلي نكونفرمي حاجة امبعد نهدر معاك وليت نجبد في يدي منو خفت على روحي: واش تكونفرمي يا مهبول
قالي اصبري دوك نوريلك المهبول
دخلني للشمبرة و جبدلي الخمار و قعدني فوق الكرسي قالي واشبيك مشوكية نحوس نشوف شعرك كيفاش جاك
تنفست ريحت سقمت شعري فتحتو بصبعتيا نوريلو فيه و نضحك حبط قعد على رجليه  و قابلني قالي يهبل يا عمري و انتي تخبلي و انا ربي عطاني كثر ملي نستاهل كي كتبك ليا و جاو قفني باسلي عينيا و حطب يبوس في شواربي بالعقل قالي علاه عليك لابسة هاد الحلاس نحي السخانة
قوتلو شوف شكون حكم عليا نلبسو دوك ولا حلاس
ضحك قالي لالا مليحة السترة بالصح مع الناس معايا انا لالا فتحت الحجاب و هو حبطو و عينيه شعلو قالي ايواه هكا مليح الروبة كانت عند الجونو و يديها قصار قريب بلامونش حمرة و زرقة تاع البحرية ادا تعرفوهم دخل فيا يبوس فيا بالعقل و الحنانة و خطرة يدخل ليانو و خطرة يجبد لساني (شفيتو ضربة شطيطحة لسان 😜) و انا بديت نروح فيا اكو تعرفوني غمزة و لمسة و همسة و انا سحت كي الزبدة فيه و هو الستوت سوفاج كبير دخل يدو تحت الروبة و يتلمس يحوس يحبطلي السليب رجعلي شاهد العقل نحيتلو يدو قوتلو واش راك دير انت
قالي حاب نشوفها
وليت نندب قوتلو واش تشوف يا مسود السعد واش تشوف
قالي والله غيرا شفتها انتي مريضة تنحيها بالجوتابل حابة ترجعيهالي كي س....ة الكلبة
وليت نضحك و نبكي و هو يعافر فيا امبعد وليت للور و قعدت فالكرسي و لميت رجليا قوتلو بركا ما تتمهبل قالي ما تخافيش خليني غير نشوف والله ما ندنالك
قوتلو واش تشوف واش تشوف واش راك حاب تشوف انت هبلت خلاص بلاصتك فاىسبيطار
قالي شوفي بالعقل بالقوة بالعياط والله و تلمي امة مجمد يا اليوم نشوف سي نشوف
وليت خزر فيه تقول محدهبول و هو قاعد اجونو عند رجليا و يطلع في روبتي بيديه لعنت روحي و لعنت روبتي علاش ما لبستش سروال
قوتلو يا زاكي يهديك ربي راهي س...ة كيما الس...ات تاع النسا كامل
قالي اواه لالا ماتحشيليش ماشي كامل كيفكيف انا والله و ما نلقاهاش كيما حابها غير محشيتلك
قوتلو و انا واش نديرلك دوك
قالي ماديريلي والو عمري اصبري خليني انا ندبر راسي و ماتخافيش والله ما نديرلك عفسة
درتلو براسي لالا دنا ليا باسني بالعقل في شواربي و رقبتي قالي في وذني بالعقل راكي مرتي يا البهلولة حلالي مرتي
قوتلو خفت
حط يدو على جنابي و يد دخلها في فخذي داخل و راسو في رقبتي يبوس فيا و يهدر في وذني قالي مرتي حلالي تخافي مني
ترخفت شوية، قوتلو زاكي والله عيب نحشم ما نقدرش نديرها
قالي ما ديري والو يا عمري انا لي ندير
قوتلو واش راح دير
جبد السليب في يدو 🤣نندب كان يبلعط فيا و يديه خدامين
جبدني شوية فالكرسي للقدام و طلع الروبة انا خبيت وجهي بيديا ماشفتش واش كان يدير حتى نحس بحاجة دغدغ فيا قفزت فتحت عينيا نلقاه ديجا حط راسو وقفت نجري هربت للور رفدت حجابي و خماري و خرجت هاربة قلت اليوم يفرعني
لحقني يضحك شاد سايب فيدو قالي و هادا نسيتيه قوتلو خليه ليك البسو انت يا السوفاج قتلي نشوف برك واش داك توشي و واش دخل راسك لتم
طرطق عليا بالضحك و انا وجهي ولا حمر مالخلعة و الزعاف ترعش خفت
قالي اه يا ربي مونڨولة الطفلة
قوتلو ايه مونڨولة و ماشي سوفاجة كيما انت
قالي معليش ياك نحكمك و نوريلك التسوفيج كيفاش داير
قعدت في بلاصتو فالكونطوار نسقم في خماري
قالي نقولك عفسة
قوتلو امممم
قالي تغييييييرررر سواسوا كيما نحبها
قوتلو و نزيدلك والله غير بالجوتابل برك ماعنديش بزاف ملي بديت نستعملو و غير خطرة فالشهر
قالي والله يا مينا و تزيدي توشي لحمك بالجوتابل غير نوريلك جبدلي صاشيات تحت الكونطوار واحد فيه الشامبوان و الجال دوش واحد فيه الريحة و الكريمات و التالت قالي هادو لي تستعمليهم فيه لاسير و الكريمات تاع الشعر
قالي رزقي امانة عندك اتهلايلي فيه كي تجيني انا نتهلا فيه
حشمت مت بالحشمة
ضحك جا سقملي الخمار و باسني في خدي و دنا لوذني و قالي ريحتها تهبل تقول مشماشة يا ديني غيرتني حبيت ناكلها مخليتينيش.
هربت نجري خليتو يضحك لحقت للدار مشووكية فالراجل لي خذيتو.....