رأفة حب.....روضت المنحرف

الجزء 33

فتح الباب و طلعنا فالدروج دور المفتاح و دخلنا
صوت ماما داخل راسي يقولي يا الهاملة وليتي تبعي فيه و يهمل فيك للديور و صح المشية جاتني ثقيلة بالصح يدي في يدو كانت مطمنتني ما نعرفش نوصف هداك الشعور كي شغل في عز البرد بعد ما مشيت فالخلا سوايع حتى عضامك يجمدو و فجاة تحل باب و تكون البيت دااااافية تحس الدفء هداك يعنق فيك، هاكداك نحس انا كي نكون مع زاكي يحسسني بلامان.
دخلت معاه دار صغيرة و مابلي غير اللازم و مظلمة ماهيش واو، خزرت فيه لقيتو يشوف فيا.
-واشنو
-عجباتك ؟!
-تاعمن هاد الدار ؟!
-قوليلي ادا عجباتك ؟!
-بالصح فهمني قبل امبعد نشوفها و نقولك
-ارواحي نوريهالك و قوليلي
شدلي يدي يڨود فيا نحيتها و وقفت في بلاصتي
-لالا ما نجيش فهمني قبل ما تهاوشنيش زاكي جايبني لدار منعرف ديال من و تكركر فيا احبس و فهمني سبحان الله
خزر فيا و راح دخل لشمبرة و عيطلي
-ارواحي نفهمك يا العدوة ماكي تاع سوربريز ماكي تاع رومنسية انا الع### لي نعيي في روحي
مشيت ليه و انا شادة الضحكة يقتلني كي يزڨيلي العدوة و يزيد يقول انا لي خاطيتني الرومنسية ههههه
دخلت لقيتها شمبرة مستيسعة و فيها فوتاي هادوك الكبار تاع بكري لي يجو جلد قهوي و تليفيزيون فوق طابلة ديالو و طابلة و طابي و حاط المكسرات و الجو و باتيسري و البنابل فالارض.
المجهود باين بالصح باين بلي خدمة راجل ماكاش هاديك اللهمة لي تتحف تاع الانثى اكو فهمتوني بلا ما نكعرر.
دخلت قعدت قدامو نتبسم
- يا عمري على حنوني!! واش درت هكا ڨاع (زيدي عليها سيدتي الراجل يموت على الشكر و المديح مالڨري ك ماشي حاجة واو بالصح زيدي عليها سيدتي)، وقتاش كفاك الوقت و اصلا كيفاش علابالك بلي راح نتصالحو و نجي معاك
-خصارة عليك عندك شك فالقدرات راجلك كل صبع بصنعة ما تخيريش ڨاع و اصلا يا بنتي لوكان ما جبتكش انا كنتي راح تديني انتي 😏 تلعبي فيها عليا زعمة شايدة روحك و ماتوحشتنيش، ياو فاقو
هههه ضحكت عليه من قلبي بقيت نشوف فالشمبرة لي زعمة صالون و نضت ندور و هو فرغ الجو و جابلي و جا مورايا عنقني و نحالي الخمار
-توحشتك يا الورد والله غير لحقت للهبال لوجه ربي ما تزيديش تعاوديها

حبه جنة أنا عشت فيها

قربه فرحة حلمت بيها

ده اللي بيه إحلو عمري

ده اللي أنا هديله عمري

ياما ليالي بستنى لقاه

مهما قتله واتحكاله

مستحيل أوصف جماله

رقة الدنيا في عيونه

قلبي كان الله في عونه

من اللي أنا حسيته معاه
ع

لى حطة يدو عليا حسيت الكور ديالي فيبرا، غنية شيرين اكثر حاجة قريبة لاحساسي بيه كلامو فعايلو لمساتو عشقي لزاكي فات الحدود و قد ماهو خفيف و طاير مطيرني معاه قد ما بكيت و تعدبت في فراقو كي يكون معايا تقول لا حزنت لا زعفت لا بكيت كلمة منو تردلي الروح و شكون بحالو فالكلام لسانو مدهون بالعسل.
شديت عليه الكاس و مشينا فالدار من شمبرة لشمبرة و فالحقيقة ماعجبتنيش و ما عرفتش علاش ما رتحتش فيها جاتني ثقيلة
-زاكي حبيبي تاعمن هاد الدار (كنت خايفة يقولي ديالي)
- ما عجباتكش؟
-تحب الصح لالا ما عجبتنيش
-علاش
-معلاباليش ماريحتلهاش بانتلي مغمومة ولا حاجة
-امممممم تسما ما فيهاش
-واش لي فيها فهمني واش راك تخطط يا المهبول
- ماني نخطط والو ايا ارواحي نقعدو و نفهمك كلش
شدني و داني للصالون قعدت و هو جا ساماني نحا سباطو و شد البوت ديالي ينحيلي فيه نحيتلو رجلي
-براكي ما تزعبطي
-حاشاك حنوني دوك نحي وحدي خلي
ضربلي يدي و نحاهولي و حطو و زاد للفيستا نحا ليه و نحالي ديالي علقهم مور الباب و جا قعد انا قالي طلعي رجلك نتكسل عليها حاب نرقد عندك
سڨمت روحي و هو تكا عليا و حطلي يدي في شعرو
-ايا زاكي احكيلي واش كاين بركا ما تغزل فيا
-بوسيني نقولك
-مانبوسش
-انا وراسك ياك انا خوك بوسة واحدة برك
حبطت راح نبوس خدو دور وجهو و شدلي راسي و باسني بوسة مرصوصة على قولة التوانسة حسيتو يبوس في قلبي ماشي شواربي تالمون حنين و بالعقل بالسيف باش حبسنا و مانكدبش انا تاني ماكنتش خير منو ماكنتش حاباتو يحبس انا تاني توحشتو و ميتة عليه علاش قليل ما جرجرني يشنف عليا و يحطبني تقول ماكاش زعافو مر قد ما نقول قليل غير ربي حن عليا هاد الخطرة و طيحو في حجري و عطاني شوية صبر عليه سينون انا هابلة عليه اكثر منو و لا قلت ماعلاباليش بيه و مانيش حاباتو نكون كدابة و منافقة.
ناض من حجري شدلي يديا في زوج
-حبيبي علابالك شحال نحبك و لا لالا
درتلو لالا براسي
-حابة نوريلك شحال نحبك
-وريلي بالصح بلا اللعب تاع يديك ياك نعرفك
-نلعب ب لساني معليش😈😈
-كاش تبلعيطة جديدة مازال ما حكيتهاش
-شوف البهلولة شوف ياو نلعب بلساني في حاجة اخرى ماشي فالهدرة
خبطتو لكتافو مرو ما فهمت تخمامو الخامج
-يا السوفاج يا اللي ما تحشمش يا الفواياو، نعاير فيه و نضرب و هو يضحك
-احشمي غير انتي يكفينا
جبدني دورني حط ظهري في صدرو و انا ناكل في روحي و نعض فيه
- يا ديني شحال تبوجي ريحي احبسي
حبست تكالميت ريحتو و دفاه تقول لانيستيزي يكالميوني تقول مورفين
-ايا احكيلي حكاية الدار هادي
-الدوسي تاع البلدية لي شفتو عالدار تقبل و عيطولي.
درت ليه فرحانة
-خلاص راح يعطولنا دار ؟!
-ايه بالصح مازال شوية واحد العام هكاك باش تكمل
-ماعليش ماناش مزروبين المهم تكون عندنا دار خير ما نسكنو مع الناس ولا نكرو، ايهيه و واش دخل هاد الدار ؟
- هادي دار صاحبي مول الريسطو لي كونا فيه و هو دايرها زيادة
-كيفاش زيادة مفهمتش
-زيادة معنتها ديكي
-واشنو ديكي
-ماتعرفيش ديكي
-لالا والله ما نعرف.
-مليح كي ما تعرفيش خير، المهم قالي نتبارزو انا ندي هادي و هو كي توجدلي داري نتكاتبو واش رايك ؟
-علاش بالصح
-باينة علاش باش تجيك قريبة للجامعة لي راكي فيها و كي تكملي بالاك تحبي تريحي في مدينة كبيرة خير من وين نسكنو على الخدمة ولا ما نعرف
نظت من عبونو و قابلتو
-زاكي لوكان نحب نخدم تخليني نخدم ما تغيرش ؟!
-  الامر راجع ليك حابة تخدمي انا علاش نمنعك و ديجا واش دخل الخدمة فالغيرة
-ما علاباليش زعما كاش واحد يحب يدنا ليا و لا يدور بيا
-احاي يا بنتي لي فحلة فحلة مام تكون في وسط كازيرنا و اصلا انتي ادا خدمتي راح تخدمي في مجال قرايتك باينة حاجة تاع التعليم و هادي خدمة عادي ما  ديرونجينيش و نزيدلك عفسة والله غير نعرف شي نسا والله الزنقة ما تعتبها و بالجلباب و الستار و راجلها يخبط الحيط يريبو و هي دخلو صحابها ماشي واحد ماشي زوج لدارو يا لالة وي دااارو و تخدع فيه مالا هادي حكاية مانخليش مرتي تخدم و نغلق عليها فالدار راحت بكري يا حبيبي النسا تاع دوك يقدر عليهم غير ربي
-مام انا ؟!
-انتي قادرة بالصح في حاجات واحدوخرين
-كيما واشنو
-كيما التجرجير و كيما التربية و كيما التستات و كيما الراس الخشين
-و هادو ماشي ملاح ؟
- وانا واش طيحني طابلة يا الورد واش جابني راكع صدقيني بالله غير كي نصلي ندعي ما تكونيش حلمة والله ساعات نستخسرك عليا نقول مور ڨاع الحرام لي عشت فيه ربي يرزقني بوحدة كيما انتي والله مانستاهلك
- قالولك بلي انت مهبول
-قالولي ايه بالصح علاش
-بصك انا لوكان ما نكونش ليك و مرتك محااااالللل نكون والله منهار شفتك وانت لابس الابيض و مطابس تستف فالكرطونة هاديك قلبي صوطا من بلاصتو ليك و ماولاش
-ولا ولا حبيبي ولا قلبي في بلاصتو
دنا ليا راح يبوسني حشمت نضت
-بالصح انا مانيش حابة نعيش بعيدة على دارنا يا زاكي والله ما عجبتني
-خلاص يا لالة مايكون غير خاطرك ما نبرزلوش بالصح اليوم مادامنا جينا خلينا نريحو
قعدت معاه فديك الدار و باينة مع السوفاج ديالي فيها فيها انحراف دخلنا لشمبرة وحدوخرة فيها ماطلة كبير بقا عڨابي حتى طاوعتو و خليتو يلعب بالصح غير شوية و تفاهمنا بلي ما يفوتش الحدود و حلفلي ما يخسرش... وجعني في صدري وليت نبكي حبس و لبسلي و انا النفس داقت فيا قريب مت ولا يمدلي فالما و يقرا عليا فالقرآن بالسيف باش ولاتلي النفس حسيت روحي راح نموت ، حلفتلو دقيقة ما نزيدهاش فهاديك الدار لبست و خرجت و هو مورايا يجري ولينا للسيد مدلو المفتاح و رجعني لاسيتي عيا فيا باش يديني للطبيب ما حبيتش.
دخلت ديركت دوشت و رقدت صدري يحرق قتلني سبيتو ما خليتلوش في سري لوكان تفيقلي زهرة دير فيا كثر ما دير ماما و ختي.
غدوة الصباح نضت نلقا صدري قاع مجروح مقطع مخبش عيطتلو نبكي و نسب فيه و هو يضحك يا خي فرماجة ياخي مازال ما شفتي والو اقسم بالله يا التجرجير لي جوزتو غير نخرجهولك من عينيك والله غير ناكلك يا مينا ولا مانيش راجل ....
ولات علاقتي معاه خير ملي كانت بعد ما اكتشفت بلي يموت عليا و يحبني بلاك اكثر ملي نحبو و زادت تسقمت علاقتو مع بابا و ماما كي شافوه دارلي قوسطويا و بدل خدمتو صح بدل حانوت و ماولاش مقابلني كيما كان بالصح ماعليش قابلة فتح حانوت تاع حوايج الرجال و عجباتو الخدمة سيرتو البلاصة لي فتح فيها قدامها كازيرنا و لاسيتي تاع الدراري فيها الخدمة و مع هو مغروم بالحوايج و الماركات عجباتو الحالة و مام انا ريحت من دخلات و الخرجات تاع النسا.
جاز العام يجري و زاكي صادق في وعدو شرا طونوبيل صغيرة و نحا لباباه دراهم السيري 4 و زادهم لراس مالو و كبر الحانوت ولاو زوج حوانت و عطا لخوه لي تحتو يشدلو الحانوت الدوزيام باش يعاونو و يزيد مصروف لعمرو سيرتو كي قرب عرسو و عرس خويا لي بالوقت والف ريتاج مالڨري ما يحكيش معاها بزاف بالصح هي فرحانة  و كي نسقسوها تقولنا لباس و و مام هو يقولنا بنت فاميليا و عاقلة و يشريلها و يجهزلها غير بالعزيز و الغالي، حمدت ربي لي امورهم تصلحت و بدينا حتى حنا نجهزو لعرس مروان.