جات العشية ستنيتو يعيط يبشرني، حكيت لزهرة فرحتلي من قلبها قاتلي: قتلك ما تستعجليش و ما تربحيش العيب خليها للمكتوب و ربي حنين كريم ما يجي منو غير الخير ارضاي باللي قسمهولك يرضيك باللي حاباتو.
بقينا نقصرو و نقراو درنا شوية شطيطحة سلق بالبيض و الثوم و الحار
لحقت التسعة و هو ما زال ما عيطليش دخلني الشك قلت بالاك مالقاش الوقت و لا ما عرفش كيفاش يقولهالو خليتو في غرضو مالڨري قلبي مزير بالصح صبرت جاتني طايحة نعيط نسقسي سيرتو كي ماعدناش نهار ملي تصالحنا ماكالاه نطلق روحي و انا ما صدقت لي هو رضخ و دار لي حبيتو اول مرة نعز روحي و جابت نتيجة خير ملي كنت نستناها مالا ماكالاه نخسر على روحي تمتم و نعيطلو خليه هو يكون ملهوف باش يحكيلي و يدير اللازم زدت ساعة و مكان والو قلب غير يتزير مقبوض بالصح ماشي مرعوشة كيما مالفة الحاجة المليحة فالفراق هي اني تعلمت نتحكم في روحي ماوليتش تمتم نروح نجري نعيطلو مام اني ميتة عليه بالصح قادرة نصبر استغفرت و شديت بلاصتي و رقدت...
ما نعرف شحال فات وقت و صونا التليفون عند راسي، لاصونات ديالو دخلتلي فالمنام لي كنت نوم فيه بالسيف باش فطنت ريبونديت و انا نص راقدة: وي
زاكي: وي حبيبي رقدتي ديجا و خليتيني
انا: امممم
زاكي: راقدة يا الورد ؟ ما تفطنيليش نڨصر معاك شويا اني متوحشك مووووت
انا: اممممم
هو: والو مصروعة خلاص والفتي ترقدي بلا بيا
انا: اممممم
قالي: خلاص مالا ارقدي عمري ريحي و غدوة نحكي لحبيبي واش صرالي و نوريلك على امممم
قوتلو : امممممم 🤣
كوبا حطيت التليفون و كملت رقدت.
الصباح ندت وجدت روحي و خرجت للجامعة نمشي و نخرب فالتليفون نلقى روحي هادرة معاه و مڨصرين وانا والله ماني شافية ڨاع عليها لاني شافية بلي عيطلي اصلا، قلتوخلي كي نكمل الكور اللول نعيطلو يكون راقد دوك بلا ما نقلقو
درت التليفون سيلونص و دخلت نقرا ساعتين و خرجت رحت نشري كاس قهوة راسي وجعني مالهدرة تاع الشيخ يا ديني ما يعيا ما يسكتعندي نص ساعة نريح و نزيد المور الدوزيام قلت نشوف زهرة وين راهي خاصها دوزان تاع الطياب ادا نا تقراش نروح معاها، جبدت التليفون نلقاه حارڨو بالعياط و الميساجات. هو فيدي و زاد صونا ريبونديت: وي زاكي صباح الخير
قالي: تمسخري بيا مينا زيدي قوليلي كنت نقرا و كان سيلونص و ما سمعتوش
ضحكت قوتلو والله غير سواسوا
قالي قلبي تشوفي من وقتاش وانا نعيط م8 و انا نعيط تقوليلي ما شفتوش ؟! ساعتين ما تشوفيش تليفونك انتي يا سيدي شوفي حتى الساعة شحال
قوتلو والله ما قلبتو و اصلا عندي ساعة فيدي ما نسحقوش خلاص ما صرا والو علاش اك تعرش دوك؟ حقا قولي زڨيتلي البارح لقيت ابال ديالك الصباح هادرة معاك و انا ما شفيتش ڨاع بلي هدرنا
قالي اووواااااااه انتي بيك حاجة قولي برد قلبك عليا ؟! كرهتيني؟! ما عينكش فيا ؟!
قوتلو علاش اك تحكي هكا
قالي تسقسي فيا انا شوفي روحك واش راكي ديري كي تعرفي راسك من رجليك تماك نقولك واشراكي ديري و كوبا.
بقيت شادة التليفون في يدي و نخزر فيه ماني فاهمة والو واشبي جدو مع صباح ربي
عيطت لزهرة ما ريبونداتش تسمى اي تقرا، رحت حكمت بلاصة قدام لومفي لي نقرا فيه و نستنى واحد 3 ظقايق عاود صونا تليفون
خزرت لقيتو هو: وي زاكي
قالي واشبي قسا... سيريو واش كاين
قوتلو انت لي واشبيك حنوني صبحت النار شاعلة فيك انا راني نورمال
قالي باينة التار تشعل فيا كيفاش يا ديني نشوف فيك سمحتي ڨاع فيا و بردتي ڨاع عليا و تقوليلي اني نورمال مالفوق شايفتها خاجة عادي و تحوسيني ما نجهلش
قوتلو (مخلوعة): انا!!! انا سمحت فيك و بردت عليك!!؟!! واش اك تخلط فالهدرة كيفاش زعما سمحت فيك فسرلي واش درت انا باش انت حسيت راني سامحة فيك
قالي ايه انتي مالا شكون خالتي مثلا؟!؟!كيفاش هادا البارح ملي حطيتك ما غلطتيش خطرة وحدة و عيطتيلي يا سيدي حتى ميساج معليش و مالفة فليل تستنايني لازم نڨصرو عالاقل ساعتين باش يجيك النعاس و تقدري ترقدي و الصباح قبل ما تخرجي تعيطيلي ولا تبعتيلي ميساج
قوتلو ايهيه وين راهو المشكل
قالي المشكل كي تبدلتي عليا
ضحكت على هبالو بالصح بيني و بين روحي عجبني الحال حسيت درت بلاصة باينة في قلبو و تعلق بيا والفني في تفاصيل نهارو و هادا اقصى حاجة تقدر تلحقلها المرأة في حياة الرجل
قالي ما تضحكيش مينا مانقدرش نحمل تتبدلي عليا
قوتلو حبيبي يا عمري والله ما تبدلت عليك ما كرهت منك ما سمحت فيك انا نحبك قد عنري و اكثر ما تتوسوس ما تخلي الشيطان يدخل بيناتنا سيرتو دوك كي نوينا نديرو عفسة فالحلال، انا يا حبيبي ماشي تبدلت بالصح انت علابالك شحال وحنا متسيباريين،
قالي 3 اشهر (مشنف كيما دراري صغار)
كملت: 3 اشهر و 12 يوم، ايه حنوني حسبتهم (حسيتو ضحك) بصك صح نحبك و توحشتك بالزاف بالصح يا زاكي يا روحي والفت كنت نعيا بالزاف فالنهار مالا والفت نرقد بكري و ما نستنى حتى واحد يعيطلي فالليل مالا نديرو صيلونص و صباح كي نروح نقرا ننساه بصك ماكاش اصلا لي يعيطلي صباح بكري قضية ولف برك حنونتي ما تتقلقش
قالي وجهك صحيح و تقوليلي والفت بلا بيك و انا لي صرالي كي الحوتة لي خرجت مالما في غيابك قوتلك وليتيلي عدوة ما امنتينيش
ضحكت عليه و على الحوتة تخيلتو يتخبط هههههه
قالي و البارح نهار كامل ما تفكرتيني ما عيطتيلي
قوتلو يا زاكي ياك انت قوتلي نروح ديراكت نحكي مع خوك قولي برك كيفاش نعيطلك ايماجين تكون معاه ياك انت لي نورمالمون كي تفريها تعيطلي ولا انا
قالي لالا صح في هادي غلبتيني بالصح العفسة تاع والفت بلا بيك غير انسايها بصك والله غير نقتلك قال توالفي بلا بيا و ديجا غير وجدي روحك تولي النفس تتنفسيه بيا
قوتلو واقيل راح تخنقني بالغيرة و التوسويس
قالي لالا والله والو انا عندي ذيبة ما نخافش عليها ياو هات برك تولي ديالي و تاعي و نلكي و على اسني و تشوفي واش ندير فيك 😜
قوتلو يا ماما ما تخوفنيش
قالي تعرفيني نكدب!!!! غير خافي و زيدي ههههه
قوتلو ياسيدي خليه يزيد و نسموه سعيد فهمني دوك علاش ما عيطتليش البارح واش درت فيها مع مروان
قالي: ما هدرتش معاه ااصلاقوتلو علاش درت في رايك ولا كيفاش
قالي هاديك هي علابيها راني مشرد
قوتلو والله صح علاش
قالي انا قلت نسبق في دارنا باش غير يمدلي خوك الاوكي نجو يكونو ديجا موجدين روحهم
قوتلو ايه صح عندك الحق و قلتلهم
قالي وي و اللي خفت منو صار
قوتلو خير ما تخلعنيش
قالي كي كنت نقولك انتي وانا ماشي مان نيفو و الناس ما يشوفوش كيما انتي و ماليك مايشوفوش كيما انتي كناي تقوليلي اك تخرف امالا ديري في بالك بلي ماليا ماشي ماليك و شافو هكا
تنخلعت: ماقبلوش (قلتها بصوت فاشل بالعقل خايفة حسيت احلاني طاحو فالما و تكسرو)
حبط هو تاني صوتو يهدر بنفس طبقة صوتي المهزوز: ايه يا حبيبي ايه ما قبلوليش قالولي بنت الجامعة ما تدخلش لدارنا
سكت انا مالقيت ما نقول
شوية و طرطق بالضحك
خلعني وليت تداوس فيه: يا الستوت يا المهبول انا حسباتلي صح خلعتني حرام عليك و دوك تضحك علاش هكا علاش
قالي انا نحكيلك انتي تحرمي عليا وليت ستوتوو مهبول
قوتلو دةك قول الصح واش قالولك
قالي و انا مالف نكدب عليك يا طفلة شوفي يما و خياتي و خاوتي قابلين ماعندهم حتى مانع بالصح بابا ما قبلش قالك ماهمش كيما حنا و زيد الطفلة تقرا فالجامعة و بنات الجامعة معروفين و انا بنت الجامعة ما ندخلهاش لداري.
الزبل طلعلي للراس: زعمة واش حب يقول هادي بنت الجامعة ما ندخلهاش لداري
قالي زعمة بنات الجامعة خماج و هو دارو طاهرة 😏، كلامو كان فيه لستهزاء واضح وصريح و انا ماقدرتش نهدر و نجاوب بصك ما علاباليش واش كاين
امبعد خممت في بابا: قوتلو و انت دوك واش ناوي تبطل الخطبة ولا تجي بلا باباك
قالي كيفاش نبطل علاش هبلت انا
قوتلو بالصح بابا مستحيل شوف مستخيييييييييل يقبل بيك بلا باباك
قالي علابالي و اني داير حسابيقوتلو معليش تفهمني
قالي شوفي بابا ما يعرفك ما عندو عفسة كونطراةعليك هو عندو عقلية تاع يلم الناس ڨاع في قفة وحدة و انا حياتي ڨاع صابرلو و حاملو بالصح غير انتي غير حياتي معاك و زواجي لي ما يدخلش روحو فيهم
يا عمري شحال حبيتو شحال عجبني ملامو و ميفاش شاد فيا صح خايفة من طلعة باباه الجديدة بالصح علابالي بلي حنوني راجل ما راح يسمح فيا ما راح يخليني
قوتلو واش ناوي دير قالي ساهلة بابا يمد وذنيه بزاف للناس مالا خلي نسمعلو لي راني حاب
قوتلو دوك تريح تحكي بالالغاز اي اهدر انا قلبي راح يخرج و انت تتمسخر بيا
ولا يضحك قالي مليح ليك كيما انتي تشويني كي تقوليلي والفت بلا بيك و كي كنت نبعتلك نحلل فيك و انتي مطفيتني و مينيوراتني تقول نا نڨزيستيش
قوتلو يا ربي شختل تكعرر يا زكي و شحال قلبك كحل كلمة و غلطة فيها و انت تقول عجوزة و حكمت سراق
قالي وي وي وي يهودي انا و قلبي مدود بالصح والله غير نت...ك و نفنى و نموووووت عليك بانا بقلبي المدود
ضحكت قوتلو والله مام انا نحبك موووووت موووووت مووووت بالصح احكيلي والله خلعتني قلبي راح يحبس
قالي ساهلة البارح عرضتلو خياتو و حرشتهم مليح و و زدت عيطت لخياتي العشية نلمهملو فالظار و نخليهم يطيحو على راسو حب حب و ما حبش تولي بالدواس و العياط و اظا على دارو ماشي انا لي نجيب بنت الناس تخت رجلين بابا باش نتزوج لازم نكون راجل و قادر نقوم
قوتلو علاش عندك دار
قالي هي الدار ما كاش بالصح كاين خيط و قادر نكري نشد بيها يدي و لا انتي ماكيش قابلة الكرا قوليلي
حن عليه قلبي:قوتلو حنوني وين تكون نكون والله ما يهمني
قالي لوكان راكي قدامي اني دخلت ديراكت فهادوك الشوارب لي يخرجو فالعسل.
حشمت تبسمت قوتلو بركا ما تهدر هدا نحشم
قالي تحشمي صار ايه مليح احشمي اسمعي نوصيك هاد الحشمة غير خليها في داركم كي تجيني.
قصرنا شوية و دخلت نقرا كملت النهار بالعقل مانيش مقلقة دايرة فيه كونفيونس و علابالي بلي فحل و شاطر
ديك الغشية نع المغرب عيطلي ڨصرت معاه و جوزهملي واحدة واحدة يماه و هياتو 3 و عماتو 3. كامل يقتلو بالضحك و هايلين و حكالي بلي تلايمو على باباه و قنعوه و قالولو مادامو الطفل حابها انت علاش واقفلو هو خيرها و الناس مالبها معروفين زعما وليدك ما يعرفش صلاحو و قالولو باللي عيب يهدر في بنات الناس و زاد كمل عليه زاكي قالو الكفلة راح نسكنها وحدها ماتجيش عندك اصلا، باباه كي شافو شاد الصحيح و حابني و زعف من هدرت باباه قالو على بركة الله قابل و ربي يكمل بخير.
فرحت من قلبي كي ربي سهلي الخطوة و مازالو خطوات ان شاء الله يعاونا ربي عليهم.....
أنت تقرأ
رأفة حب.....روضت المنحرف
Romansaفاقد الشئ لا يعطيه قول كاذب و ظالم و منافى للحقيقة، فلا اكرم و لا اجود في العطاء ممن فقد و حرم من حب و من قلب و من حنان و من رزق و من دفء. تذكر....ان تكون يتيم احساس لا يعني دوما ان تكون اجوف خالي المشاعر بل انك ادرى الناس بقيمة الاحساس و انك اكثر...
