رأفة حب.....روضت المنحرف

الجزء 22

قبل ما نخرج وصاتني ماما قاتلي ما تتسرطيش و خليه هو يدخلك للحانوت لي علا حساب مقدورو و ما تكثريش عليه اشري لي لازم عليه و اللي يقدرلو و اللي عجبك انا نجيبو لبنتي و مدتلي دراهم قاتلي اشريلو انتي ثاني حاجة
قتلها و مروان ما يقول والو
قاتلي علاش
قوتلها كي راني خارجة معاهقاتلي شاورت باباك و قالي معليه و هو حكيت معاه عندي يومين و فهمني و قالي بلي لي كان مقلقو هو انو زاكي كان مع واحدة و كان دايمن يحكيلو عليها و يقزلو بلي يحبها و كان يضل يحكي معاها فالتليفون و كي حب يخطبها ما قبلتش بيه و موراها بشوية جا خطبك انتي خاف يكون غير يزكر فيها بيها و عندو الحق يخاف عليك انا لوكان عرفت هاكا الحكاية من قبل والله مانقبل
بانيكيت من هدرة ماما: و هو شكون قالو
قاتلي ياك نهار المصيبة هاديك لي صرات الخوك ريحو و تصافاو و حلفلو زاكي بلي ما عندك حتى علاقة مع اللي كان يعرفهم و نهار نوا يستبيت قصد الدار و كي زاد شافك فالعرس جا، و انا يا بنتي صح الحكاية هادي خوفتني بالصح لي مهنيني هو الطفل عاقل و ناشفنا منو غير الخير و فحل و راجل اكي شفتي مع خوك واش دار و زيد هادو 3 سنين اعطيها للزمان و هو يكشفلك كلش هاد السيد ادا نيتو خير راح تبان ولا ناوي يلعب بيك راح يبان انا علابالي واش ربيت مادام بنتي فحلة و صاينة روحها ما عندي علاش نخاف.
كلام ماما تحفر في راسي، صح اي حاجة الزمان يكشفها، زوج حاجات لازم نديرهم الاولى نصارح زاكي بكلش كيما هو مصارحني و الثانية نستحفظ على روحي لا الرجال فيهم لامان لا الزمان فيه لامان.
انا كان عندي حاجة تقدر تبان صغيرة بالصح تبقى عيب فيا و مخليني نحس روحي ناقصة بزاف و مطيحتلي ثقتي بروحي.
نهار خرجت معاه زمان الصيف اول خرجة رسمية مع خطيبي💍، فرحتي ما تتوصفش لبست روبة سامبل كي شغل حجاب باج و خمار و صندالة دومي طالون فالماغون و صاك باج و فيه سبتات ماغون ماكياج ما نديرش من غير غيسيل و فاراجو و شوية ماجيك اصلا والله ما نعرف ندير كي جيت خارجة قاتلي ماما كحلي عينيك يجيك شباب يكبرهملك و دارتلي شوية من ريحة ديالها تاع الياسمين j'adore de Dior
حبطت لقيتو واقف مع بابا عند الطونوبيل و يقصرو صبحت عليه قالو بابا بالاك عليها وقالي ما تبطايش ركبت معاه و رحنا، واحد الاحساس يا عمري حبيبي و حياتي و حب عمري جا يديني من دارنا قدام بابا و ماما و انا ماني خايفة ماني نحس روحي نخدع في والديا و ثقتهم اكثر حاجة تمنيتها من نهار جات عيني عليه و حبيتو، واش حبيتو عشقتو و من اول نظرة و لا باش نكون حقانية من اول وقفة.
حبيبي كان زاهي الدنيا ماشي ستيعاتواير الغنية تاع
ڨلبك هو البانكة و انا فيه حليت كونت
و غادي نڨعد هاكا يا نعشق فيك حتى نموت
و يشطح معاها و ساعة ساعة يجبدني ليه يبوس خدي و انا غير نضحك فرحانة قد ما نقول قليل.
كي قريب نلحقو قالي ادا كوارطي تاع الخامعة يبطاو
قوتلو لالا برك نحط دوسي فالاقامة على جال الشمبرة و نجوز للجامعة ندفع على حال يعاودولي البطاقة تسمى حكاية نص ساعة كلش
قالي مالا نسبقو فيها باش كي نروحو نشرو نكونو الاز.
روحنا للجامعة دخل معايا شادني من يدي و يتمهبل، تمتم فريناها و زدت للاقامة كونفرميت باش ما يبدلوناش شمبرة انا و زهرة و و خرجنا غير ركبنا فالطونوبيل قالي شوفي دوك نروحو نشرو واش يخصك ڨاع انتي قوليلي ڨااااااع واش خصك و انا ندبر راسي
قوتلو واشمن ڨااااااع يا حنوني غير حاجة خفيفة هادي فاتحة برك ماشي جهاز و لوكان خليت ماماك و خياتك يجيبولي والله اني خايفة يزعفو ولا يغيضهم الحال
قالي شوفي حبيبي انا في فاميلتي ما عندناش هادي المراة تخرج و تقضي و دور فالمارشيات، بقيت نشوف فيه، قالي ما تنخلعي ما والو بابا داير هكا مالا انا مادابيا انتي تخيري دوزانك كيما يديرو في عوايدكم و ميما دارت ختك و بنت عمك و فاميلتك ڨاع ماني حايب حتى واحد يقولك نقصو عليك حاجة و لا خصت حاجة
قوتلو حنوني حنا كل واحد يجيب واش حب على حساب ماليه
قالي اوووووف دوك انتي راح تخسريلي الخرجة ب ر... ماليك ماليك ياو ما يعرفوش ما تفهميش يما بفمها قاتلي الناس لاباس بيهم اديها هي تخير نخاف ما نعرفش واش نجيبلها ما يكونش مليح و مام خاي قاتلي يا خويا والله ما نعرف واش يوالم مالا بركاي ما تقودي عليا انتي تان قتلك خيري وحدك خلاص علاش التكعرير تاع نفخي هادا. و دار سقم روحو و ديمارا
سكت انا و حبطت راسي مت بالحشمة و زاد غاضني و غاضتني يماه حسيت روحي حشمتو ماكانش حاب يهدر كي يماه حست بلي ماراحش يعجبني
قوتلو: حبيبي سامحني و الله ما قصدي نقص من ماماك كونت برك حابتها تفرح بيك و ما حبيتش نفوتها ماعلاباليش بلي هدرت معاها خفت تقول تكبرت علينا و يا حنوني داركم والله نعم الناس حتى من ماما وصاتني على يماك و خياتك قاتلي عاقلين و ناس كي الويز قادريهم و ديريلهم الشان و تهلاي في عجوزتك و مام كي قتلي سقسات عليها، حطيت يدي على يدو، سامحني حنوني stp.
رفد يدي باسها قالي: علاش الورد يزعفو منو الناس، والله مهبولة انتي، والله نزعف من الدنيا ڨاع و منزعفش منك انا جيست تقلقت مالتكعرير، يا حبيبي خوذيلي الراي انا محال، تعرفي محال نضرك والله نوجع روحي و ما نوجعكش.
كلامو شجعني قلت حكينا و حكينا خلي نفرشلو كلش نريح و نشوف ردة فعلو.
جبدت يدي منو سقمت خماري قوتلو: زاكي كاين حاجة خبيتها عليك و حابة نصارحك ما نخبي عليك والو باش نبداو حياتنا على صفحة بيضا و انت تاني صارحني
دار خزر فيا وجهو سيريو قالي: واش كاين كاش ما صرالك
خزرتو كانت ما تبشرش في دقيقتي حبيت نقولو لالا خلاص والو بالصح مادام لحقت لهنا خلي نكمل من حقو يعرف.
قوتلو: فالحقيقة انا عندي مرض
وجهو تبسط قالي: خلعتيني يحرق زريعة ماليك خير برك واش من مرض اني هنا نداوي عمري
قوتلو لالا خلاص داويت من صغري برك انا عيني ناقصة فالشوفة و عليها دايرة لي لونتي
ڨرن حواجبو قالي: محسوب هادو ماشي عينيك خادعتني فيهم
قوتلو: لالا عينيا لي لونتي شفافين ما يبانوش دايرتهم غير عالشوفة برك
خزر فيا تبسم قالي اسمعي يا طفلة واقيل ماكيش فاهمتني واقيل ما فهمتيش واش معنتها نحبك ياو افهميها والله غير راكب ساكنة هنا و هنا و دار يدي في يدو على قلبو و راسو و باسها
الاحساس لي حسيتو في ديك الدقيقة نتمناه لقاع الناسا فالعالم حسيت روحي اجمل نساء العالم حسيت روحي ماكاش لي خير مني فالدنيا
قالي انا نحبك كامل بلي فيك كلش نشوفو شباب و كامل و هايل والله ما فيك غلطة نحبك و نحب عينيك و نحب النقص لي فالشوفة لي عندك نحبك و نحب عيوبك و عاجبتني و شايفك خير من ڨاع النسا لي عرفتهم و لي ما عرفتهمش والله يا مينا غير راني نقول واشمن خاجة مليحة درتها ولا واش من دعوة خير ربي كتبك بيها ليا
بستلو انا تاني يدو و تبسمت اصلا ماكاش واش نقدر نقول خير من واش قال دوك، خيرت نسكت و نتمتع بالشوفة فيه.
لحقنا لسونطر فيل وين حوايج العرايس و البوتيك
دخلنا لحانوت يبيع القفاطن و الجبب الثقال خيرنا ميفكيف و الطفلة لي تبيع تماك جابتلي قفطان حبيتو سامبل ماشي شارجي بزاف تاع فاتحة و زدنا موراها دخلنا لحانوت تاع دوزان الحنة و عندو مام الكوسمتيك قوتلو ياك انت عندك كوسمتيك ماكالاه نشرو منا قالي اوكي الكوسمتيك خلي انا نجيبو كي خرجنا لقيت حانوت يبيع الريحة هاديك لي يعمرو دخلنا لقيت عندو في جيهة سناسل و خواتم فضة تاع الرجال و ريحة تاع الرجال شريتلو خاتم و سنسلة كيفكيف
و درتهالو تم فالحانوت
كي خرجنا بقا يشوف فيها قالي و هادي علاش زعما تشري فيهم خاصيني سناسل انا الخاتم ماعليش بالصح السنسلة هادي علاش
قوتلو ما عجباتكش تحب نبدلوها
قالي لالا عجبتني بالصح واشمن فايدة فيها زعمة علاش شريتيها
كنا قدام بوتيك تاع الطايورات و ensembles et costumes
انا كنت حابة ميتة على كوستيم شديتو قوتلو خليك مالسنسلة عجبتني شريتهالك ايا ندخلو نشوفو الكوستيم اني هابلة عليهم.
درت درت درت و خيرت واد سروال و بلازاغ و شوميز مالداخل فالغوز بيبي دومونديت لاطاي ديالي و طلعت نقيس الفوق و هو جا معايا و بقا يستنا كي لبست نحيت الخمار
عيطتلو قوتلو كاين الناس قالي لالا اني وحدي فتحت الكابين و وقفت عند الباب قوتلو كيفاش جاني
وقف جا ديركت دخلني و غلق الباب مزية الكابين واسعة شوية قالي جاك يقتل يهبل
قوتلو صح ؟! مام انا عجبني مليحة لاكولاغ
كنت نهدر و دايرة للمرايا نشوف في روحي، جبدني دورني عندو قالي: علابالك حاجة، شعرك زايد فيك النص
قوتلو صح ؟
كاين يهدر بالعقل و يدو في شعري و يدنا ليا
قالي انتي بالخمار و باهية بالصح سبحان الله تنحي الخمار تولي حاجة وحدوخرا تقول ماشي نفس الشخص
كان قريب ليا قالي و حقا وريلي نشوف ليلونتي
قرب ليا و هو طويل عليا وجهي جا في رقبتو رفدت عينيا فيه قالي واش درتي فيا يا بنت جمال
حشمت حسيت النار لعبت فيا ماعرفتش كيفاش عضيت السنسلة لي درتهالو جبدتها بلساني من الحشمة ولا بالاك داخلي انسانة منحرفة انا تاني تحوس عالتشجيع😁
هو بهاداك الجاست حسيتو لهب طلعلي وجهي عندو و حكمني من وجهي بزوج يدين ي غطس في شواربي يبوس و يعاود بالعقل و الحنانة هبلني وليت نتفاعل معاه هو يبوس و انا نبوس و يديه لي كانو في وجهي ولاو يتساراو على لحمي لحق وين فتح قفالي الشوميز و دخل يدو في صدري يمس فيه
بالسيف باش قدرت نتحكم في روحي لادوز تاع الحلاوة و الحنانة لي فيه دوب الحجر ماشي غير مينا المغبونة
جبدت روحي قوتلو راح تفضحنا
قالي احاي مول الحانوت ماهوش لاتيلنا غير التاي انتي بيا برك
قوتلو لالا بركا اخرج خليني نبدل نروحو بطينا
قالي نروحو!! انا هاداوين بدات تحلالي الخرجة حابة تحرمي عليا قتلك خرجتيلي عدوة قلتيلي كيفاش تقول هكا
اصبري هنا دوك نجي.
خرج شوية و عاود ولا في يدو 4 اونسومبلات قالي هامليك تحبي تقيسي
قوتلو بالصح علاش انا عجبني هادا انت ما عجبكش
قالي لالا عجبني ندو هادا برك باش ما تقوليليش بطينا راهم دايرين في بالهم اكي تقيسي
قوتلو خلاص قست خليني نبدل و نروحو
قالي وين تروحي اصبري يا الرب علاش مزروبة
عاود جبدني ليه و يدو على شعري و لوخرة شادني من وسطي جنابي امبعد ظهري
قالي غير بالعقل و الحنانة لي تهبلني: علاش اكي هاربة؟! هاربة مني، درتلو براسي لالا قالي خفتي؟ نخرز فيه داااايبة الهدرة هربتلي عمري ما كنت قريبة ليه و بين يديه هكا هو صح عندو لافونس بالصح ماشي مالف هكا قالي تخافي مني حبيبي؟وجهو كان داخل في وجهي قالي انا نخوفك عمري؟ هاكا تخافي، يهدر و شواربو على شواربي غمضت عينيا و هو حكم شاربي التحتاني يبوس فيه و يعضجبدلي البلازاغ نحاه و فتحلي الشوميز حبط لرقبتي يبوس فيها و انا دااااايخة مسلمة ما قادرة نقول والو يديه لي كانو على صدري هبلوني و شواربو لي في رقبتي ما بقالي لا عقل لا والو مستمتعة بيه و معاه لاخر درجة حاجات عمري ما جربتهم تم و يضربلي الفلاش تاع هدرة ماما في راسي.
قوتلو بالعقل زاكي حبيبي خلاص لازم نروحو الوقت و هو في عالم وحدوخر رفدتلو راسو بالعقل خزرت فيه عينيه دابلين و يبرقو
قالي يا ر...شحال حلوة انا ولش يصبرني عليك واش ندير في عمري انا امشي امشي
نفض شعرو و وجهو و خرج
بدلت و تبعتو رحنا لا كاس خلصنا زدنا دخلنا لحانوت تاع السوفاتمون بدا يخير و يعاود انا مت بالحشمة امبعد قالي امشي ندخلو نقيسو ضحكتلو في وجهو قوتلو كي تموت هكا قدامي و نشوفك تلقف ما نديرهاش نعرف شحال لطاي ديالي و اصلا مانديش هادو ام عندي هادوك لي جبتلي يكفو
قالي مهبولة هادوك بالاكي الجن لزرق ما يشوفهمش.
خير 2 واحد غوز كلاغ واحد ابيض و نويزات واحدة ساتان باج و واحدة ازرق باااارد
خرجنا رحنا للدار طريق كومبلي معنقني و يبوس فيدي و يلعب حطني فالدار و دا الدوزان معاه و راح....