دخلت للدار فرحانة لي يشوفني قبل ساعتين كيفاش كنت نرعش و نبكي تقول مهبولة ما يامنش حالتي دوك سبحان الله الراجل هدا يقدر يتحكم فيا و في حالاتي باقل حاجة يديرها، معلاباليش ادا حاجة مليحة و لا لالا بالصح للدوك ما شفت منو غير الخير و راني سوووور بلي يحبني قد ما نحبو ولا كتر و ربي يخليهولي ما نسحق والو من غيرو...
اليوم الصباح بابا عندو شغل بكري فالولاية لي نقرا فيها وصاني كي دخل فالليل وجدت حوايجي و دوزاني، الريتم هادا قد ما يعييني راح نتوحشو ما بقاليش سوناستخ اللخر و نسوتني و خلاص مرحلة الجامعة و لاسيتي و الصحابات و الحكايات و زهرة لي نحسها جزء من روحي عاونتني بزااااااف بزاااااف بزاااااف في مغامراتي و علاقتي مع زاكي كانت دايمن تسمعلي و تعذرني و تنصحني و ساعات حتى تخوفني باش نولي للطريق.
7و نص كنت لحقت لاسيتي سلمت على بابا عطاني مصروفي و دخلت، اليوم ما نقراش الشمبرة مقية نفضت الفراش و دخلت فيه رقدت كملت نعاسي
صونا تليفون ريبونديت وانا راقدة
-وي
-شوف المراة لي عندي شوف راقدة يا شكارة الرقاد نوضي
-زاااااكي
-ايما على زاكي ما تقوليهاش هكا اني نزدم ليك دوك
-مأه نقول اني نعساااانة
-نعلبوها قرايا مالا عندك الحق الحالة راهي غير تاع عبون و فراش ديريلي بلاصة معاك اني جاي
-ههه وين تجي وييين يا سوفاج
-انتي غير ديريلي بلاصة مع نسيبتي انا ندبر راسي دخلني و تكوفريني
-هههه نسيبتك قوتلي علاش انا وين راني
-🤨 وين راكي
-فلاسيتي
- كيفاش فلاسيتي البارح فليل حكينا و ليوم صبحتي راقدة تم ؟ كيفاش روحدي طرتي ولا داوك الجنون
-جابني بابا
-وقتاش جابك
-الصباح
-و كي الصباح علاش راقدة
-كان عندو شغل بكري هنا جابني معاه حطني على السبعة و نص عاودت رقدت
-علاش يا العدوة علاش و انا متوحشك جاي فرحان قلت نديك و نجوزو نهار كيفكيف نحي المونك و الزعاف علاش ديريلي هكا علاش
-ههه واش درتلك باش اك تقولي هكا مام انا ما علاباليش و انت ما قتليش من قبل
-يعطيك قلبك تخليني هكا شاعل و لا راكي صح حابتني نروح لكاش واحدة اكي شفتي بعينك بلي هوما لي يجرو مورايا و راني عاقل، صحا اتخيلي لوكان انا نديرهالك نطيبك على نار قلييييلة و نشعلك و نطمعك و نخليك واش تقولي فيها يا العدوة
-ما عندي ما نقول كي تحب تروح تشوف نسا و تزيد طمعني و تخليني حتى انا عليمن نرضى علاش كاين غير انت راجل واقيل الف راجل يتمناني.
- كيفاش ؟!
-كيما سمعت
-ايه صحة عندك الحق تسمى مكاش انا كاين لي يبردك هكا
-وشنو ؟!
-لا وشنو لا ربي..... انتي تهدري معايا هكا يا ر....ك يا خااااااه على زاكي واش جاب لدارووووو
-واش بيك علاش اك تكفر واش صرالك صباح ربي
-شوفي تبلعي قس.. و تكوبي بصك بليس او يقولي نجي ندفنك دوك على هدرة الق...لاكي تهدري فيها
كوبالي و انا بقيت نشوف فالتليفون ما فهمتش قاع واش صرالو حسيتو مهبول و انا نعسانة حطيت التليفون و عاودت وليت رقدت يروح يرنك دوك يتكالما و يعيط وحدو.
فطنت على ال12 كي سمعت زهرة تفتح فالباب، دخلت لقاتني في فراشي
-بسم الله الرحمان الرحيم بايتة هنا؟!
-زيديلي انتي تسمي عليا علاش شفتي جن ماكفانيش المكلوب لوخر لي شعلت فيه النار وحدها
-الناس تقول صباح الخير، على سلامتك، توحشتك ، و انتي قابليني صباح لله بالمشاكل و الدواسات
-عندك الخق صح صباح الورد و الياسمين و على سلامة حنونتي والله غير توحشتك و اسكتي برك كل ما نتفكر بلي رانا فالسوماستخ اللخر قلبي يذياق
-والله مام انا ،جات عنقتني بكيت، بوه عالبهلولة تبكي زعما راح نزوجوك دوك تلتاي بزاكي حنوني و تنسايني بانا بالقراية بوداد و جيمي تولي تشوفي غير في زاكي و عينيك قلوبة
-والله غير ساعات نحبو قد الدنيا و نتمنا نتزوج بيه اليوم قبل غدوة و ساعات كيما اليوم كي يولي يلكك و يعيي نكرهو
-امممم تكرهيه علابالي
-اني صح مني
-امممم امممم حتى انا ما قلت والو
ضحكنا في زوج
-خلاص نحبو نحبو مام كي يكون يعيي نحبو و نموووووت عليه و اييييه زاكي حنوني و من بعدو الطوفان
-ايوه ولي للطريق
-اني مولية ما تخافيش
جاز نهاري مع زهرة و البنات و زاكي ما عاودليش بصح ما تقلقتش هاد اليامات تقوا الخدمة بصك الدخلة تاع الصيف و زيد الباك و زيد العيد الكبير قريب و هو خدام مقابل زوج كازيرنات تسمى العسكري لي يدي برميسيون يروح يتكسا عندو و يروح لداهم مالا يولي ما يلقاش الوقت يحك شعرو
فالليل كي جيت راح نرقد عيطتلو كوبالي ستنيتو يعاود ما عاودش عرفتو مشغول خليتو بعثتلو ميساج حب و غرام و رقدت
الصباح رحت نقرا عادي زڨيت لزاكي زوج خطرات مايريبونديش عرفتو راقد، زدت لماما حكيت معاها شوية و قاتلي ختي جاية اليوم للدار عندها عرس وليد لوستها.
جوزت نهاري من كور لكور ما كملتش حتى لل 4و نص وليت مية انا دخلت للشمبرة و التليفون يصوني
-وي كحنوني وين راك توحشتك انا
-وين راكي
-فالشمبرة علاش
-ربع ساعة نكون عندك اخرجي و اسمعي جيبي لا كارت ديالك
-علاش وين رانا رايحين و علاش لاكارت
-حتى بلاص غير هنا ندورو برك و راهم دايرين باراج قريب لاسيتي لي يلقاوها مرندفة يرمسوها مالا جيبي لا كارت ادا كاش ما كين الليفري او عندي
-ايا اوك صحة دوك نوجد روحي و نحبط
رحت زجري بدلت حوايجي و غسلت طرفت و عمرت روحي ريحة و خرجت علابالي بلي ما يبطاش و مانيش حايباتو يزعف.
خرجت ملاسيتي وقفت يا ربي زوج دقايق و قارا قدامي ركبت لقيت وجهو ظلمة و مزير راح يترطق، و كلاطا فيا
-عالسلامة ياللي الف من يتمناك لي عندك لي يبردك اركبي الالة اركبي جات عليك انتي ارواحي نختمها بيك و خلاص ركبت و غلقت الباب بالصح حاجة فيا قاتلي اهربي يا مينا اهربي و روحي لداركم تم برك لي ما يقدرش يلحقلك
ديمارا يجري الطريق حرڨها
-وين انا رايحين
-شوفي غير اڨطعي الحس صوتك ما نسمعوش
تكمشت في بلاصتي و عينيا بالدموع غير نشوف و ساكتة كنت حابة نقولو اديني لدارنا ولا رجعني لاسيتي مانيش حايبة نريح معاك بالصح خفت نهدر، عمري ما شفتو هكا السمانة لي فاتت كي داني عند هاديك امال صح كان زعفان بالصح ماشي لهاد الدرجة، عمري ما خفت من زاكي بالصح اليوم خفت و خوفي كان في محلو ......
ڨارا في بلاصة خارجة شوية عالولاية بركينڨ كبير حبط و دار من جيهتي فتح و جبدني حسيت بيدو كيفاش تزيرت عليا وجعني طلعتوعيني فيه نقولو بالعقل وجعتني لقيت وجهو مقلوب يخزر فيا بعينين تاع واحد يكرهني ماشي تاع الراجل لي حبيتو و تمنيتو،زاد خوفي منو جبدت روحي منو و وليت للور حابة نهرب و معرفتش وين رانا
كركرني معاه و مشا بيا لقيت روحي في اوتال جاي فالللارض كي شغل بيوت مبنيين فالارض هو الديزاين شباب يهبل بينڨالو بالقرمود و الشجر و الما في وسطهم، بالصح انا ما كنتش لا تية نتامل المناظر الخلابة كنت حايرة في خلق ربي لي هاج وليت نشوف فيه غول و تغول عليا.
دخلنا لا غيسيبسيون و بريزونتا الليفري و الكارطة ديالو و قالي اجبدي ديالك مديتلو ريزارفا شمبرة رفد المفتاح و خرجنا مشينا في وسط هادوك البينڨالوات و هو باين يعرف لوتال هادا مليييييح مليح بصك يمشي في وسطو عادي شوية و لقينا الشمبرة دخلنا و دخلت الى حجر الافعى برجلي ......
غلق الباب و دار ليا، وانا غير نشوف بعينيا و خايفة كاش ما يدير كاش ما يقول
بقا يدنا ليا و انا من خوفي منو نولي للور حتى خبطت فالفراش
-تم حدك عندك زوج دقايق تنحي حوايجك
-كيفاش نحي حوايجي ما فهمتش
-تحبي تنحيهم وحدك كي الشاطرة ولا نحيهم انا
تشوكيت منو بقيت جامدة نشوف فيه و هو كيفكيف بالصح ما صبرش دار خطوة لصق فيا طيرلي الخمار و فتح الحجاب راح ينحيه و انا لابسة تحتو غير بيجامة مفضوحة
طبعتو بقيت نتعافر معاه بالصح ما قدرتلوش فاللخر قالي
-تنحي وحدك ولا نقطعهم و ما عندكش باش تروحي امبعد
خفت صح لوكان يقطعهملي كيفاش ندخل لاسيتي بحيجاب مقطع
- خلاص بعد دوك نحيه وحدي الحجاب غير بعد عليا راك تخوف
-نخوف دوك نوريلك الخوف تاع الصح ؟!
ما عرفتش ڨاع باش تبليت جبدت روحي بعيد عليه و نحيت الحجاب
أنت تقرأ
رأفة حب.....روضت المنحرف
Romantizmفاقد الشئ لا يعطيه قول كاذب و ظالم و منافى للحقيقة، فلا اكرم و لا اجود في العطاء ممن فقد و حرم من حب و من قلب و من حنان و من رزق و من دفء. تذكر....ان تكون يتيم احساس لا يعني دوما ان تكون اجوف خالي المشاعر بل انك ادرى الناس بقيمة الاحساس و انك اكثر...
