رأفة حب.....روضت المنحرف

الجزء 37

نضت بديت نمشي فالبيت رايحة جاية و نحسب قاتلي زهرة
-واشبيك
جاوبتها بلا ما نفيق مخي ماهوش في عقلي
-اني روطار ب شهر ناجاونيش
-واشمن روجار يا كفلة
درت ليها -راني روطار بشهر و 6 ليام ليغاڨل ما جاوش
-و مالفين يديرولك الروطار
-ساعات ماشي بزاف و مايكولوش هكا روطار تاع سمانة ماكس ماشي شهر
-خلاص اشربي تيزانة دوك يحبطولك
-واشمن تيزانة في روطار تاع شهر
قعدت فالفراش و انا نرعش و هي في بلاصتها تشوف فيا
-اسمعي دوك علاش اكي مقلقة
تكاكيت مع راسي
-مانيش مقلقة برك تهاوشت شوية
-اكي سور
-ايه علاه
-ايه ياك اكي سور ما درتي والو نعرفك عقلك طاير و زاكي مانحكيش خير اني صايمة
-لالا ما تخافيش مادرت والو
-يا ختي انا كي نخاف نخاف عليك ربي يسترك و خلاص و ما تقلقيش بلوكاج برك ... ان شاء الله
سكت و بقيت نخمم في سري
سمانة كومبلي و انا نخمم ماعرفتش واش ندير التيزانات تاع سيدي ربي كامل حطيتهم و شربتهم والو و خفت نقول لزاكي
الويكاند كي جا يديني لقاني صفرة حكيتلو قالي هلعتيني حبط راح شرالي تاست و مبرد خاطرو تقول نورمال ماكان والو و جا شديتو قوتلو ما نعرفش نديرو
قالي اه يا ربي اه اعطيهولي فاهم الله لا قرا ياك ام كاتبين و راسمين يا طفلة
ورالي و داني لريسطو فطرنا ودخلت للتوالات درتو و غسلتو وجبتو حطيتو قوتلو ما كتبلي والو اقراه
خزر فيا و ضحك
-يا ربي عالبهلولة لي عندي ماكتب والو علاش لازم يكتب داكتيلو قالولك
-اقرا انا قلبي راح يحبس و انت تضحك يا بارد القلب
-اتنفسي اتنفسي مابيك والو نيڨاتيف
تم وين حسيت روحي ولاتلي
رحت للدار بقيت تم ماوليتش نقرا طحت مريضة شكيت مالخلعة و لا منعرف مانا فوق راسي دايمن وانا غير راقدة
فطنت على الوحدة تاع الليل لقيت فايت 20 ابال من عندو و انا راقدة، عاودتلو بقا يكوبي عرفتو زعف انسيستيت حتى ريبوندالي
-وي حبيبي واشبيك زعفان و تكوبي
-شوفي انتي نغيط و نعاود كي الكلب و انتي ماشي ڨاع مقيمتني و ماتقوليليش راقدة مال8 تاع الليل و انا نعيط
-والله يا حنوني غير كنت راقدة ياك علابالك بلي مريضة
-مازالك مريضة
-دوكا لالا اني مليحة كي نشرب الدوا يرقدني و كي نفطن نفطن لاباس، احكيلي واش لي قلقك علاش 20 ابال انت تحرڨ التليفون غير كي تكون كاينة حاجة
-لالا خلاص ماكاش
-زاكي بركا احكي
-واش زامي كي كنت حاب نحكي ما سمعتينيش و دوك حابنتي نحكي علاش كيما تحبي انتي
-لالا كيما تحب انت و انت تحبني انا املا احكي
-هه ستوتة
-هيا !!!
-ماكاش برك موقبيل صاحبي صادق البيجوتري تعرفيه لي نحكيلك عليه عيطلي قالي ارواح ارفدني اني بلا طونوبيل كي رحت ليه نلقا معاه طفلا هوما قالو 20 بالصح انت بانتلي و الله ما تفوت 17
-شكون هادي واش كانت دير معاه و انت علاش يعيطلك
-اصبري يا tgv ياك اني نحكيلك اسكتي و اسمعي
-اني سكت احكي
-المهم طلعو هو قدامي و هي ماللور بقيت نقصر معاه امبعد قالي رونديلي سرفيس الطفلة كانت معايا ڨاع لاجورني و داير بروڨرام نباتو و انا دوك المراة عيطتلي قاتلي جات للدار تسمى لازم ندخل لداري و منقدرش نخليها وحدها فالشمبرة (داير شمبرة في حانوتو تاع البيجوتري غير لداك الشي الله يعافينا)، قوتلو ايهيه و انا فاش تسحقني؟ قالي اديها معاك لدارك بيتها و غدوة الصباخ تروح معندهاش وين تبات و هادي نقية ماشي تاع لي نبيتها فالزنقة و ما تخافش تتهلا، نطقت هي ماللور قاتلي نظيرك في عينيا و ضحكت اقسم بالله غير عيفتني في روحي رب..هم كان ي...ك فيها و حابهالي نكمل انا و هي نورمال قابلة و فرحانة رب...هم رخسو ڨاع هكا و الطفلة مينور
-اك صح منك تحكي ولا تتمسخر بيا ؟!
-والله غير صاح مني
-قولي بلي ديتها معاك ؟ حبسلي قلبي زاكي ؟
-مريضة انتي واش اني نهدر قوتلو لالا خويا محال ما نقدرش انا الطريق هاديك بعدت عليها راني بمرتي قالي انا تاني بمرتي و نورمال قوتلو انا و انت ماشي كيفكيف انا ما نحبش اللعب ببنات الناس و انت هاداك ما تعرف تلعب رجعتو لحانوتو بصك علابالي بلي طونوبيلتو تماك هاداك غير قالب باش يڨيدني و بقيت نعيطلط نحكيلك انتي ما حلبتينيش ڨاع
كنت خابة نعنقو و نبوسو ضحكت بيني و بين روحي حسيتو صح راجل و انو يجي يحكيلي عفسة هكا و هو كان قادر يديها و يدير رايو و عمري ما نسمع خلاه يزيد يكبر في عيني و خلو فيا يزيد يكبر راحل كيما هو شابع معيشة حرام باش يرفض اوكازيون كيما هادي بهاد البساطة و الله ما ساهلة و زيد يجي ليا يحكيلي بصك انا هي لي يفرغلها قلبو خاجة بزااااف كبيرة حسيتو بزاف راجل و حسيت بالفخر
-علابالك شحال نحبك ؟!
-لالا ما علاباليش
-علابالك واش راني حايبة دوكا دوكا ؟!
-اممم
-والله لوكان راك قدامي غير نعنقك و نبوسك نبوسك و ندخل بين ضلوعك قد ما نحبك والله انت عمري و روحي و قلبي و سيد الرجال
-اممممم شهيتيني علابالك تسمى لوكان نجي دوك ديريها
-باينة بلي نديرها عندي عشرة منك انا؟!
-خلاص اني جاي
-صح منك
-ايه والله اني قريب نلحق اصلا ام ڨاع راقدين و الحومة خالية نڨاري الفوق و نجي ابيي
-يا المهبول و لوكان ينوض كاش واحد
-ما نبطاش تمتم و نروح
-مالا علاش تجي كي تمتم و تروح
-بصك كاين عفسة في راسي حاب نديرها دوك
-اممم واشنوها
-احبطي افتحيلي الباب نقولك واشنوها
كوبا نضت بدلت بيجامتي بزربة و درت ريحة و طميت شعري سقمت روحي  زعما كيوت و حبطت عندو
بالشوية قلبي يخبط مالخلعة و الحماس شقيت الباب و رقيت نستنا حتى شفتو يمشي مالبعيد يا والله غير صح جا يا صح جا زينو يقتل
لحق طبع الباب و غلقو بالعقل بلا حس و دار ليا ديراكت شدلي وجهي و غطس في شواربي يبوس يبوس امبعد بدون مقدمات دورني علي ضهري و حبطلي ضهري تقول زاوية قائمة و حبطلي السروال ماللور و خسيت بيه حط حاجة فوقي يحرك فيه بالعقل برك جيت نوقف شدلي رقبتي بيدو و كمل قالي
-ما تخافيش ما ندخلوش مالفوق برك
-يا زاكي خفت
-اششششششت خليني نبرد و نروح ما تخافيش
خليتو كمل واش حاب شوية و جبدني ضهري في صدرو دخل يديه في صدري و قالي في وذني
-مانيش قادر نزيد نصبر يا ديني برا يشعلوك و انتي تشعليني اكثر راح نهبل
طلقني و خرج...
يومني و رحت نقرا و تماك روحت للجيميكو بصك مازال ما جاونيش عطاتني دوا نشربو يحبطو شربتو 3 ايام و لحق لويكاند جيت للدار.
قاعدو وحدي فالدار ماما دات ريتاج لدارهم عندهم سبة صونا الباب تاع برا طليت مالبالكون نشوف في مراة بجلابة و خيمار غير هكاك محطوط على راسها ماعقلتهاش
حبطت فتحت الباب
-سلام
-وعليكم السلام انعم؟!
-ختي انا دلالة خير برك حبيت نبهك برك
-دلالة خير ؟! خير يا ختي على واش تنبهيني
-السيد لي راكي معاه، تعرفيه مليح ؟!
-بيان سور نعرفو علاش واش دخلك انتي فالسيد لي راني معاه
-حبيت برك نقولك بلي لي راهو معاك و لاعبها ملاك طاهر حتى انا راهو معايا و راني بالجوف و هو كي سمع حب يغبر
الدنيا لعبت بيا يا ربي واش اني نسمع محاااال محااااااال يديرها محاااااااال بيخدعني و مع هادي انا يحطني مع الصوصيال هادي تشبه ل شابة شينو حاشة خليقة ربي بداك البارسينغ و دوك الحواجب و الشوينڨوم لي تعوج فيه ، محال لالا ما يديرهاش
-ايه و انا واش نديرلك دوك
-انتي ما عندك ما ديري هو لي يدير
-مالا كي هو لي يدير روحي ليه هو يلقالك حل باب دارنا ماتزيديش طبطبي فيه عرفتيه فالزنقة، حليتيلو رجليك فالزنقة افريها معاه فالزنقة هاديك لي تواتيك، و خبطت الباب في وجها وانا نرعش شادة التليفون فيدي الخطوة ما قدرتش نخطيها ريحت فالدروج حالتي فالويل نشوف فالتليفون يصوني ماشي قادرة حتى نريبوندي دموعي يسيلو حسيت بحشوة الزمان حسيت بكلام ماما ما عيات توصي فيا ماعيات توصي فيا وليت نضرب في روحي بالكفوف عالندامة لي تجي روطار......
حطيت التليفون قدامي و شديت راسي بيديا يا ربي ليمن نحكي واش ندير زاكي يخدعني نمووووت نموتلالا ما يقدرش هو يحبني دايمن يقولهالي محال لالا بردي روحك مينا كالمي روحك ماكاش منها.
طلعت لفوق لقيت ماما معيطة غسلت وجهي و عاودتلها قاتلي شدونا للعشا و باباك معانا طيبي كاش حاجة ليك و اتعشاي
كوبيت و عيطتلو
-زاكي وين راك
-وي حبيبي فالحانوت خدام خير برك
-ماشي خير يا زاكي ماشي خير و بديت نبكي
-واش كاين واش صرا
-خدعتني زاكي قولي برك ما تكدبش عليا يرحم باباك اهدر الصح
-واشمن خدعت يرحم ر..... واشبييييك واش راكي تخلطي خلعتيني
-انا لي اني نخلط و لا انت شوف لي راك تخدع فيا معاها و راهي بالجوف بكبولك عيط عليها ماشي تبعتهالي لدارنا هي تحكيلي 
-واشنوووو ؟!
-كيما سمعت
-اني جاي. و كوبا
معرفتش واش ندير طارلي العقل هبلت نمشي فالدار و نبكي و نضرب في وجهي و نندب على زهري
صونا التليفون فيدي لقيتو هو ريبونديت
-البسي حجابك و احبطي و كوبا
لبست و حبطت لقيتو مڨاري عند باب الدار ركبت ديراكت
-الطفلة لاكي تحكي عليها جات ليك
-ايه
-دوك برك
-ايه
-واش قاتلك
عاودتلو واش قاتلي و واس قتلها
-الق....ناعليش دوك نوريلها
-تعرفها ؟! تسمى كاين منها؟! تسمى خدعتني وليت نضرب فيه و نبكي و نعيط
و هو مخليني و يسوق حتى ڨارا قريب لدارهم
قالي احبطي
حبطت و جا هو شدني من يدي و حبط دقدقنا في باب فتحت عجوزة
-خالتي بية انال اي هنا
-ايه يا وليدي عودك جراي هادل وين دخلت كانت خدامة مسكينة
-عيطيلها تعيشي
دخلت تعيط و جات الطفلة تجري هي لي جات عندي كي شافتني عاودت جات داخلة لحقها جابها شدها من دراعها  و جابها وقفها قدامي
-هادي لي جات ليك
-ايه هي
-امال انا رفدتلك الجوف
-بالعقل زاكي غير بالعقل ما تعيطش يما مريضة
-حاوبي ر....خير ما ندفنك هنا
-لالا ما رفدتليش بالصح انا سحقيتك و بعتلك و جا ليك خويا
-ايوه جا ليا خوك يحوس عالنيميرو و انا واش قتلو ؟!
-قوتلو قولها زاكي خطب و راح يتزوج و ماكالاه تزيدي دوري بيه
-ايوه و انتي يا ق.... جاتك الفهامة تروحي تحوسي على مرتي و تكدبي عليها ؟!
-خلاص زاكي بركا ما دير فالسمير قتلك يما مريضة
-يماك يا بنت الحرام يماك دوك نوريلك واش ندير فيك و في يماك
-يرحم باباك خلاص والله ما نزيد ندور بيك
-ههه دوري بيا علاش واش من عام انا عطيتلك الدالة يا الفايحة يا الخامجة يا تاع الزوافرا
-صحيت يعطيك الصحة
-يسلمك و بلا مزية ، شوفي زوج كلمات تشوفيني ولا تشوفيها تبدلي طريق اسمي و اسمها تنسايه
-خلاص سامحني والله ما نزيد ندور بيك
-بالصح علاش جيتي ليا
-سحقيتو يعاوني كاش ما يعرف طبيب ينحيلي الطفل
-راكي بالجوف صح
-ايه بالصح ناشي منو (زاكي ولا ليها و راح يدخل فيها خافت ) و حوست على نيميروه و روحت لحانوتو قالولي بدل و سقسيت وراولي داركم قلت بالاك كي تسمعيه يجي يسقسيني نحكيلو يعاوني
-هههه مريضة علابالك كيفاش تخليلي فالعش و حابتني نعاونك حق ربي غير مريضة ياو لي تمد ز..كها الله لا يفكها و اني وصيتك اياكي تزيدي دوري بينا .
شدني و خرج ركبنا فالطونوبيل و طار حبسنا قدام ببسري شرا قرعة ما و جا شربها على ضربة و دار ليا
-شوفي يا بنت الناس اللولة و اللخرة يزيدو يحكولك الناس حاجة و تجي تربحيلي العيب عليها انا ما كدبتش عليك صح كنت مخلطها ب كراع كلب بالصح كنت قبل منك و جابلي ربي راني عايش كل يوم معاك تعرفي كل كبيرة و صغيرة
-خلعتني ما عرفتش واش ندير
-ما عليش في هادي جوزت و عذرتك بالصح اني نوصي فيك
-بالصح انا نخاف تولي لعوايدك نخاف نموت
-ماشي مشكل نهار نديرها رخسيني اوكي
-اوك ، بالصح كاينة حاجة
فتحت الطابلو دبور و جبدت المصحف الصغير لي شريتهولو
-احلف بالي عمرك ما خدعتني و عمرك ما راح تخدعني
ضحك و حط يدو على المصحف في يدي و قالي
-و حق هاد العهد غير ما خدعتك ما شفت مراة منهار حبيتك و ما راح نشوف.....