مشت عند البنات تشوف احوالهم ابتسمت اول ماشافتهم مجهزين كلشيء وخالصين
الجود:ياكريهين مانبي احكام صعبه
ملك بأستفزاز:والله هذا الموجود تبين حياك الله ماتبين دزي
زفرت بغضب تنطق:يعع مستفزه وبعدين من كلمك
ضحكت ملك بستنكار:طيب مو انتي قلتي كريهين معناها وجهتي الكلام لنا كلنا
سكتت الجود بدون رد تصد عنها
ونطقت ريما تهدئة للوضع:خلاص بنات بعد ماخلصنا مشينا نرتاح
رهف:يلا وجهزت جلستنا وحطيت شيبسات وحَب وعصيرات
ابتسمت ايلين تضربها ع كتفها بخفه تنطق:كفوو
رهف:كفووك
-
"عند العيال"
وليام:ياخي مالكم داعي
عبدالله:وش مالكم داعي خسران وتتكلم
وليام:يعع ماتستحي على وجهك انا خالك
كشر بوجهه يصد عنه يكمل لعب
دخل اياس يصرخ:يلااا ياعيااال وصلت الدبابات
ضحك ايان ينطق:هذا مانشوفه الا وقت الفعاليات والالعاب
ضحكوا كلهم عليه يوقفون ويطلعون معه
..
جهاد:اناا الازرق
امير:تخسى انا
الياس:لا انت ولا هو انا
سكتوا بصدمه يشوفونه يركبه ويمشي ويسحب عليهم
التفت امير لجهاد بقهر:شفت كله منك
رفع حاجبه بأستنكار:اناا الحين انا،يبزر انت جيت نشبت غصب تبيه انا قايل قبلك
امير:انا قلت قبل
كان بينطق لكن التفتوا على وليام اللي طاح بالارض يضحك عليهم
مشوا بقهر يطنشوه يلحقون العيال
مسح دموعه يوقف يقول:والله ضح....سكت بصدمه ينطق:وينهم ذول سحبوا عليي
ركض يركب الدباب الاخير الموجود يلحقهم وهو يتحلف فيهم
-
انوار:الا شفتوا ام ريان توفت،الله يرحمها
زفرت غاده تنطق:الله يرحمها ويساعد اهلها
الحريم:الله يرحمها
اماني:ماكسر خاطري الا عيالهم لا ام ولا اب،حسبي الله بس
قاطعت حديثهم الشغاله ميري توجه كلامها لغادة:بابا سيف يقول يبيك
هزت رأسها بفهم تقول:الحين بقوم له
مشت ميري وتبعتها غادة توقف تتوجه للباب تشوف مبتغى الياس،فتحت الباب تشوفه واقف ومتكتف من البرد
خرجت له تنطق:ليه ياسيف ماتلبس فروتك الجو بارد
زفر من البرد ينطق:ماعليك يايمه مب برد
صغرت عينها تضحك بسخريه:واضح
ابتسم ينطق:ابي الشاهي ذلتنا خلصت
هزت رأسها بأبتسامه:ابشر ازهبه لكم الحين
ابتسم يتقدم يقبل رأسها ينطق:ربي لا يحرمني
ضحكت تمشي تدخل للمخيم
وهو بدوره مشى عند العيال لحد مايجهز
-
جلست بجنبه تسحبه لحضنها وتقول:بردان ياحبيبي
رفع رأسه يبتسم لها:لا وانتي رين
ريان:لا اذا انت مو بردان انا كمان مب بردانه
ضحك يبتسم في وجهها.وهي ابتسمت له وتحت ابتسامتها كسر لا يستطيع الطبيب علاجه
نزل من حضنها يسحبها معه للخارج،نطق ورأسه للاعلى يناظر السماء:رين ماما راحت فوق عند الارحم مننا صح يعني عند الله
نزلت دموعها تهز رأسها بـ أي
التفت لها يمسح دموعها ينطق:يعني ليه نبكي عليها خلينا نصير اقوياء زي باتمان ماننهزم بسهوله صح
ابتسمت تحضنه تنطق:صغير سن وقوي انت اقوى مني ياهتان انت سندي من صغرك تواسييني اكثر من ما انا اواسيك الله يخليني لك ويخليك ليي ياحبيبي
-
دخلت لينا مخيم الحريم تنطق السلام
رفعوا رؤوسهم لها يردون السلام
لينا:نبي الثلج وينه
شهقت اماني بصدمه:ثلجج وش ماتشوفين البرد انتي ولا ماتحسين
لينا بتسليك:لا نبي نحطه عندنا مابنسخذمه
انوار بشك:وش فرقت
لينا بوهقه:شفيكم تحقيق طيب وينه
اشرت انوار لها بالمطبخ ودخلت تشوف غادة تصب الشاهي بالذلة
ابتسمت تنطق:الله يقويك
التفت لها غاده تنطق:متى جيتي ماحسيت لك
لينا:توي،مشت تأخذ الثلج ورفعت رأسها لغادة اللي نطقت تعالي يابنتي وصلي الشاهي للعيال
لينا:ابشري
اخذت الشاهي ومشت لعند مخيم العيال
-
فز بتذكر ينطق:يووه نسيت الشاهي بقوم اجيبه
اياس:زهايمر
كشر بوجهه ينطق:اصص انت
مشى يخرج بأستعجال ووقف اول ماشاف لينا الجايه
وقفت قدامه وعقدت حواجبها بأستغراب:شفيك انت
الياس بهدوء:ليه جايه
مدت له ذله الشاهي تقول:امسك
امسك بها يناظر الثلج اللي بيدها الثانيه
نطق بسخريه:ثلج بهالبرد
لينا بملل وهي كل من شافها سألها عن الثلج اللي بيدها:اي عادي
الياس:هاتيه
لينا:لا
الياس بحده:تبين تموتين انتي بردد بردد
لينا:عادي انا بموت مب انت
كان بينطق بس قاطعته تصد عنه وتمشي
-
ريما:إلا بنات عندي فكره
ملاذ:وش
ريما:وش رايكم نعزم رغد تجي عندنا
دخلت لينا على كلمتها هذي تنطق:ايي ايي ونعزم بعد رين حرام تكسر خاطري خلها تجي تغير جو
تعالت اصوات البنات يأيدون كلام ريما ولينا
..
وقت فعاليات البنات والصراخ كان منتشر بالخارج
ريما:والحين هذي الورقه بتحدد اسم البنت اللي نكب فوقها الثللج والماء البارد
صرخوا البنات بحماس مخطلط بخوف
سحبت ريما الورقه وظهر تحتها اسم..
صرخت تنطق:لييناا
فزت لينا تبي تهرب بس ويين وهو فات الاوان وكبوه عليها
أنت تقرأ
يارقيقُ القلب يافاتنِ الحُسن،ارفق بقلبِ سيفٌ من حجر.
Randomبطلنا الياس او"السيف" حاد الطباع متشدد يعشق بنت عمه لينا بنت المدينة،احداث حزينه ومفرحه في نفس الوقت،بتروحون عالم ثاني معي🤍.. اسمي المستعار ريان. "Ro,m" مااسمع للنقل الا بأذني
