يارقيقُ القلب يافاتنِ الحُسن،ارفق بقلبِ سيفٌ من حجر.

Part 17

دخل الغرفة بأستعجال وهو ينزع بدلة الشغل وهو يمشي للجود يصحيها،مد يده يرفع شعرها من بينت علامات الانزعاج على وجهها،مرر اصابعه على ملامح وجهها وهو ينطق:جوودي يلا لا نتأخر
فتحت عينها بأنزعاج وهي تلتفت عنه الجهة الثانية
ابتسم بخفه وهو يمشي يلبس ثوبه ويرفع شعرها على فوق مسك عطره وهو يتعطر من انتهى طلع من غرفة تبديل الملابس،نطق بأسمها يناديها من مالقاها
وسرعان ماسمع صوتها خارج من الحمام(يكرم القارئ)
فارس:من تخلصين انزلي لي تحت انتظرك انا يبغالي اروح احلق بنزلك عند اهلك وبروح عجّلي
مشى من سمع موافقتها ينزل لتحت يجلس على الكمبيوتر يتطلع على اخبار عمله.
-
"بيت هذام"
كان يعم بالضجه ازعاج شديد من ناحية البنات اللي مطلعين للميكب ارتست قرون يتحلطمون على كلشيء ويتهاوشون من بتبدي قبل اما عند الحريم اللي ماسكتوا ولا بيسكتون من الهذره يتحلطمون على العرس المفاجئ اللي مالحقوا يسوون فيه شيء ابدا
اما انوار الحالة خاصة جدا،تمشي وراء القطوة وتصارخ على البنات لجل يطردونها من البيت وتاركة هم كل شيء.
انوار كشرت بملامحها بضيق تنطق:اووه وهذي القطوه اللي ماتفكنا ميريام تعالي خذيها برا مانبيها
فزت ريما تصرخ بعلو صوتها:هييي الا بيلا
انوار شهقت بدراما تنطق:بنتت ترفعين صوتك عليي هذي عقوق الوالدين ميريام خذي بوبو عند العيال
ميري:بس مدام ريما مايبي
انوار بغضب:اقول ميريامو ماتسمعين الا ليي
ميري هزت رأسها بفهم ونطقت بعدها:بس مدام انا مافي ميريام انا ميري بس
انوار كشتها بيدها تنطق:وتعلميني اسمك بعد لا ميري مافيه اسماء قطاوه ميريام انتي
هزت رأسها بروعه وهي تحمل بيلا وتخرج برا
ملاذ بضحكة:بمووت جده حتى بأسم العاملة لعبت فيه
انوار:ميري اجلل ماعندي احد اسمه ميري هِنا
خلصت كلامها ومشت للحريم تكمل حلطمتها.
تأفأفت لينا بملل:ياخي العجايز مايملون من الحلطمه
ضحكت ميلا تنطق:اقول بس لا يسمعونك ويقلبون علينا مافينا حيل سوالف اكثر من كذا
ريان وقفت بعد ماخلصت الميكب وهي تدور حول نفسها تنطق:اخخ بس يحظ زوووجي وهو عنده زوجة بهالجمال بهالرقة اساسا المفروض يغار علي من ريشة مرت بأرضي وانا بهذي الرقاقه تدرون لو اللبس نقاب بكون مغّرية بعد وانا استغفر الله لان عيوني جذّابة اههخ الله يعين زوجي بموت غيره بس خلّه يتحمل المسكين خلّقة ربي مابيدنا شي
الجوري كشتها بيدها تنطق:ولل يكثر سوالفك
كشرت بملامحها تنطق:غيورة تغار مني
ضحكوا البنات من هبلها وهم جاهلين عن اللي واقف عند الباب ويسمع كل حكيها وهو يردد معها وانا اشهد.
زفر بضيق ومن الحمل اللي على صدره وهو يهمس:اههخ متى تصيرين حلاليي ولي انا تأنيب الضمير قاتلني وانتي مادريتي عني كنت غافل عن نفسي وغارق في حبها ناسي ربي ولما جيت ابيها بالحلال احس الموضوع صعب من ناحية اهلي وهل بيتقبلون ومابشككون او من ناحية خالها هل بيرضى فيني كيف بصارح اهلييي والاعظم هل هي بتوافق عليي اخخ وهموم الدنيا كلها فوقي ماعدتني وانا وليام ولد امريكان على قولت لينو مادريت عن هوى داري اسرح وامرح بجي اليوم الا وبكون فيه بهالضيق
تنهد ضيقه يمشي يبتعد عن الباب وهو يطلع الدخان،وضعها بفمّه ونفث الدخان وهو يرفع رأسه للسماء يدعي ربه يسهل عليه.
-
"بيت سعود،تحديدا غرفة اليان"
زفرت بملل شديد وهو ترجع شعرها على وراء وتفكر بشيء تسويه فزت من تذكرت صديقة لها منزمان ماتقابلت معها وقررت تعزمها،مشت بسرعه تمسك جوالها وتطلع رقمها،ابتسمت بفرح من حصّلت رقمها وهي تتصل لها،نطقت السلام من سمعت صوتها وواضح عليه الاستغراب بكونها مين
اليان:انا اليان نسيتيني مسرع
فزت بصدمة تنطق:مستحيييل الياان ليي زمان ادور رقمك يروحي فقدتكك كثير حسبتك نسيتيني
ابتسمت بهدوء تنطق:والله الاشغال تعرفين ولا من ينساك ياجوجو
جوان ضحكت بخفه تنطق:ياحبيبتي انتي..
كملوا من هالسوالف وغيرها وانتهوا بعدها بأتفاق بأن جوان تجيها بعد نص ساعه،ضغطت على رقم سعود وهي تنتظره يرد،سرعان مافز قلبها من وصلها صوته وواضح عليه معععصب
غمضت عينها بخوف من نبرة صوته،اخذت نفس بهدوء وهي تقول:عزمت صديقتي لا ترجع البيت صرف نفسك
زفر سعود بغضب ينطق:ويين اروح يعني على الاقل بجلس برا
هزت رأسها بالنفي تنطق بحدة:ولا تقرب للبيت
كان بينطق لكن قاطعته من سكرت الاتصال بوجهه.
وقفت وهي تعدل ملابسها وهي تتحلطم:مايخلي الواحد يروق شوي الا وبعص علي روقاني،الله لا يبلانا صدق
-
"بالحلاق عند العيال"
الياس:محمد حلق عدل مو تسوي هِنا هِناك تلعب علينا حلق كويس
محمد:انا في يحلق كويس مايخاف انت
هز رأسه بفهم ينطق:لا اخاف ولا شيء انت حلق خلّص
اياس ضحك بسخرية ينطق:وش هالنفسية هذا وفي عرس صاحب عمره ومنفس
الياس رفع حاجبيه ينطق:يعني المفروض اقوم ادبك هِنا
فارس ضحك بخفه ينطق:مااستاهل؟
التفتت الياس له يهز رأسه بالنفي ينطق:اعقب والله انت تستاهل اهل الرياض كلها تقوم وتقعد عشانك لو تبي مااصير دباك بس اصير المطرب بعد انت اخوي وصاحبي واهلي وبعدي اليوم محد طاير وفرحان كثري واحلف لك بعد اليوم عرس سندي ماتبيني افرح وان كان نفّست او عصّبت لكن والله ثم والله ثم والله محد بطير فرح فيك كثري اليوم الدنيا كله توقف وقافي للفارس فالجوادُ قريب
انتهى من كلامه وانفجروا العيال يضحكون من تلميح الياس الغير مباشر
اما فارس اللي ضحك معهم وهو يمسح دموعه ويتقدم لالياس يحضنه وينطق:والله اني مالي بالدنيا غيرك يابعدي انت لي ظهر انت لي سند انت لي اخ انت لي اب وانت لي روح وانت لي دنيا والله لو اشوفك مبسوط يوم انا انبسط معك سنه محد بقد معزّتك لي انا لا اهل ولا اقارب تذكروني لكني معوض بوجودك وبوجود العيال وبوجود زوجتي وعقولك الجوادُ قريب
انتهى من كلامه ودموعه ترافقه ونفس الشي الياس
من يلومهم يغلون بعد وكثير واما فارس لا اهل ولا اقارب ماله الا السيف واهله طبعا من بعد الله اليوم مهم له ولازم بوجود الاقارب والاحباب لكن فارس ماعنده هالاشخاص..
ابتسم ادم وهو يقرب ويطبطب عليهم:بسس بسس محمد بكى معكم
التفتوا كلهم لمحمد اللي كان يناظرهم وهو متأثر والمانديل بيده
ضحكوا كلهم عليه وعبس بحزن ينطق:هذا مثل فلم هندي انا يتابعه في الهند
ضحك فارس ينطق:هذا يطقطق علينا ولا متأثر معنا
ضحكوا كلهم لكن سكتوا بخرشه من وقف محمد وهن يرمي المناديل ويصرخ:اناا يقول في مشغول وانت نفرات واجد تعال خلص بسرعه تقوم يسوي بكبكه هِنا انا في يتكلم هندي
سلطان بسخرية:وهو الصدق انت تتكلم هندي ولا محسب انه هذا عربي
محمد كشه بيده ينطق:بجي تسوي حلاقه ولا روح برا سلطنه
فز سلطان يناظره بصدمه ينطق:اعقبب سلطنه انت
ضحك وليام بعلو صوته وهو من اليوم مايدري يمسك الضحكة او البكيه جالس يصورهم وهم يبكون ويصور فصلت محمد عليهم.
التفتوا له ونطق ايان بينهم:اممم وانا اقول ليه ساكت ماله حس من اليوم طلع مستلم التصوير..
-
ام الياسين:ياوليدي ودي اخطب لك لمتى وانت مطول
مسح على وجهه بقلة حيله ينطق:بخاطرك بنت يايمه
ابتسمت ام الياسين بفرح تهز رأسها بالاجابة تنطق:بنت خالتك رغد
وقف بصدمة يهز رأسه بالنفي:يايمه مابي من بنات خالتي تكفين
كشرت بملامحها بصدمة تنطق:وليه ان شاء الله وش مسويين لك
زفر بقرف منهم وهو مايدانيهم بسبب تلزقهم فيه
وكملت تنطق:ياوليدي رغد غير
ضحك بسخرية ينطق:رغد الاخس
ميلت رأسها بصدمة منه تنطق:اجل وش تبي انت
هز رأسه بالنفي ينطق:مابي احد يمه انا اللي بختار دام فيها بنات خالتي
تنهدت بقلة حيله تهز رأسها بموافقه
ومشى بغضب يصعد لغرفته لجل يتجهز لعرس فارس.
-
زفرت بملل وهي تنطق:حور وش رايك مانروح
حور بغضب:وش مانروح تبين تزيدين الطين بله انتي كفاية البنات مايكلموني ومعاملتهم لي مثل الزق من وراك لازم اروح على الاقل ها شوي يرضون علي
ميلت شفايفها بسخرية تنطق:ومين قالك سوي الاخت اللي ماترضى على اختها وتدافعين عني محد مجبرك
وقفت بغضب ترمي عليها المخده اللي بجنبها تنطق:الشرهه مو عليك علي وتصدقين!تستاهلين لما زوجوك بالسهم جعله يدخّل سهوم بقلبك يلي ماتخجلين انا اللي سويته غلط كبير كيف دافعت عنك وانتي الغلطانه وغلطك مو سهل انتي تلزقتي بزوج وحده من البنات وانا بسهولة واقفه معك،بدييت اتقرف من نفسي صدق والسبب انتي.
مشت عنها بغضب تاركه ريتال اللي تضحك بسخرية واخر همها اللي قالته تو حور لكن ثواني واختفت ضحكتها من وصلها اتصال منه،ترددت هل ترد عليه لكن فكرت انه بعصب لو تتجاهله،ردت عليه وهي متوتره كثير ومن وصلها صوته:بنت
ريتال بتمثيل للبرود:ها
سهم بغضب:هويتي بنار جهنم انا زوجك مب اخوك تهوهوين لي!
فزت بخوف تنطق:طيب اسفه،وشتبي
سهم زفر بقرف ينطق:تجهزي وبسرعه اللبسي لاني باخدك معي وانتي تغيرين ملابسك غيري طباعك المخيسه لاني مشاكل هِناك ماابي لا ادوسك
زفرت ريتال بغضب وهي تنطق:طيب يلا باي
سكرت بوجهه وهي تصعد لغرفتها بقهر صفعت الباب بقوه وهي متنرفزه من اللي قاعد يصير لها،رمت الكرسي بقوة تنطق بصراخ:استاااهل استااهل وهو صادق المفروض ابدل طباعي المخييسة معي.
-
جيان:بنت انتي معزومة لعرس آل سِياف
هزت رأسها بالاجابة وهي تاكل البيتزا اللي بجنبها وتنطق:اي عزموني البنات يبغالنا نقوم نتجهز
جيان هزت رأسها بالاجابة تنطق:الا سمعتي سهم املك
سما ابتسمت بخفه تنطق:اي والله سمعت الله يتمم له على خير
جيان همست بـ الله يتمم لهم على خير وهي توقف مع سما لجل يتجهزون.
-
وقت زواج الجود وفارس حيث كان الكل مبسوط والعرس قايم والرقص يلعب دور البنات متجهزين بكامل زينتهم والمعازيم مبهورين بجمال طلتهم.
نبتديها بريما اللي تزينت بالاحمر الجذاب كانت بارزه بين البنات بكونها عمتهم،وخالتهم'شعرها البني الطويل وتسريحته اللي ميزتها بينهم بعد.فستانها كان ماسك على خصرها مبرزه بشكل مغري.
ميلا اللي تزينت بالاصفر وشعرها الاسود اللي واصل لتحت كتفها.فستانها كان ممسك من عند الصدر للخصر بعدها ينفش يتزين من الاعلى بزخارف خفيفه بيضاء.
رهف تميزت بالازرق المخصر كان يلمع بشكل غير مبالغ فيه وزادت من رقته بالفروه البيضاء على كتفيها،شعرها الاسود القصير وكانت تسريحته الخفيفه تميزت بينهم برقتها ونعومتها.
لينا تميزت بالبنفسجي الفاتح كان ممسك على خصرها ومن وراءه قطعه اخرى طويلة ومن الاعلى مزخرف بورود وزخارف ناعمه باللون الابيض،شعرها الاشقر واصل لنص ظهرها وميزته بالاكسسوارات الناعمة.
ايلين تزينت بالزهري المنفوش الساده كان فيه حركة من جهة الكتف،شعرها تركته بشكل ويفي ورفعت نصه وتركت الباقي براحته.
ملاذ تميزت بالتركوازي المنفوش عند الاكمام جهة فيها كم ممسك بالفستان والجهة الاخرى عارية،وميزها وبرزها لون شعرها الجذاب جدا الكستنائي.
ملك بحكم انها توأم ملاذ لبست مثلها،ولكن ابرزت نفسها من غيرت لو فستانها للسماوي.
الجوري بما انها اخت العروس كانت الجذابه بينهم بلون فستانها الفوشي كان منفوش والزخارف تزينه من حواليه.
ريان تميزت بالكحلي المنفوش ومن الاعلى ممسك بالرقبة وبطبقة اخرى
.
ابتسم الياس وهو يدخل بالعرضه ويمسك بيد هذام ويرقص معه كان هذام من اسعد الحضور مقام فارس عنده كولده يحبه وكثير كانوا كلهم يرقصون بحماس لحد ماجاء وقت الزفه.
"عند الجود"
كانت ترجف بخوف وهي تهز رأسها بالنفي تنطق:ياخيي ماني جاهزة
الجوري ضربتها على كتفها تنطق:اقول بس دلع يلا لا يجي زوجك بخرج
طلعت بسرعه وسرعان مادق الباب مرا اخرى ودخل منه فارس اللي كان بالمقدمة وبجنبه عبدالله واياس ووراءهم جنان اللي تهلهل بفرح
تقدموا وهم يسلمون عليها
عبدالله:العب وطلعت اختي عروسس
ابتسمت بخجل وهي ترجع شعرها للوراء
تقدم لها اياس وهو يقبل رأسها وسرعان ماابعده فارس وهو يحضنها ويقبل رأسها
كشه اياس بيده ينطق:مالت عليك
دخل وليام مسرع وهو ممسك بثوبه وتقدم لفارس وهو يبعده عنها،ويقرب من الجود ويحضها من جهة كتفها ينطق:ممبروك يابعد حيي
فارس بقهر:اقول انت بعد عن حرمي
ضحكت جنان تنطق:بعد لا تخرب عليهم الحين احنا بنخرج
وليام بعناد:الله وياكم انا بجلس
فارس بسخرية:زفها بدالي بعد
وليام بأستفزاز:ابشر
كان بينطق فارس بس قاطعه هذام من دخل وسحب وليام معه وهو ينطق:بسس ياولد اميركان لا اسفرك امريكا اترك وليدي وبنتي لوحدهم.
فارس ابتسم بخفه ينطق:جعلني قبلك ياعمي
هذام رفع حاجبيه بستنكار ينطق:عمي مين انا ابوك ياحبيبي
ابتسم فارس يهز رأسه بفهم وخرج هذام،ابتسمت الجود بخجل وهي تتقدم وتحضنه وهي ماتقدر تمسك دموعها ابدا
حضنها بقوة وهو يحط رأسه على كتفيها ويهمس بـ احبك
رفع رأسه وهو يقبلها بخدها وكملها لحد مبسمها..
"بعد فترة ماهي بطويلة"
جاهم خبر بأن الزفه الحين اما الجود امسكت يده بقوه وبتوتر
فارس:لا تتوترين انا معك
هزت رأسها بفهم وانفتحت الابواب معلنه دخول الاحباب.
دخلوا تحت الموسيقى الهادئة الرومنسية
وهم يتقدمون للكرسي
جلسوا وتقدمت انوار لهم تنطق:ممبروك ياعيالي الله يتمم لكم على خير ومنك المال ومنها العيال
فارس والجود بصوت واحد:الله يسلمك يايمه
وتقدمت جنان مع انوار وهي تعدل فستان الجود اما الجود كانت انظارها على البنات اللي لابسين عباياتهم ويناظرونها ويبكون،
مسحت لينا دموعها تنطق:يبيني الياس بطلع له
هزوا رأسهم بفهم وهم مشغولين يبكون.
-
عند الياس اللي مستند بالخارج وبفمه الدخان
فتح عينه على اليد اللي لامست فمه وهي تشيل منه الدخان وتدعسها لجل تطفيها.
اعتدل بوقفته وهو يسحبها لحضنه ينطق:ليش
زفرت بغضب تنطق:ليش وشو ياعمري انت اللي ليش ماتسمع الكلام تدري ان الدخان يضرك ليه تدخن
ابتسم بخفه ينطق:تخافين علي
عبست بملامحها تنطق:انت وشرايك
ضحك بعلو صوته وهو ينطق:الله وش هذا الكمال والكمال لله يعيني والبنفسجي مايحلى الا عليك تدرين انتي اللي زينتي الفستان مو هو اللي زينك،زهور الارجوان كلها تنحني لك،اههخ من رقتك انا نهايتي عندك وعند عيونك وبس
ابتسمت بخجل تهمس:احبك
قربها له وهو ينطق:اعششقك
رفعت رأسها له تنطق:متى بتروح
كشر بملامحها ينطق:وانتي كل ماشفتي وجهي قلتي المهمه يرحم والديك خليها عنك الحين
ضحكت بخفه وهي تهز رأسها بفهم
اما هو نطق:انا بروح شهر وبعده كوني جاهزه لاني مابنتظر اكثر على طول بكون زواجنا
لينا:طيب
-
سما:جيان كأن تأخرنا
جيان وهي تناظر بنت بنت وتقيم جمالهم ومتجاهلة حلطمة سما اللي ماسكتت من نص ساعه
تأفأت بملل وهي تقوم تجلس عند البنات لان زقت معها،جلست وهي مصدومة من تعابيرهم كيف كل وحده ساكته ووجها يحكي عنها
سما بصدمة:شفيكم
سكتوا وهم كلهم يناظرون حور بنظرات
ناظرت الجهة اللي يناظرون فيها وزاد استغرابها من كانت حور.
مسكتها ريما وهي تنطق:سما امشي بنغير الطاولة
هزت رأسها بموافقه وهي للان مستغربة منهم
سحبتها ريما وهم يجلسون بعيد عن طاولة حور وريتال
سما:شفيكم بنات
ريما:متهاوشين معها ولا نبي نشوف وجهها
ديم:واضح الندم ياكلها
ريفان ميلت شفايفها تنطق بسخرية:احسن اجل مسوية الاخت اللي ماترضى على اختها
سما بغضب:يهوو فهموني ولا سدو حلقكم
ملك:طيب اسمعيي
ايلين وقفت بملل تنطق:انا بخرج مالي خلق اسمع السالفة للمره العاشرة
وقفت وهي تخرج برا مشت للكرسي وهي تجلس عليه جاهله عن اللي كان يناظرها بصدمة وهو كان خلف الكرسي مباشرة،عض شفايفه وهن يناظر شعرها اول شي جذبه لونه المميز،سرعان ماهز رأسه بصدمة من تفكيره ومشى بسرعه بمحاولة تناسي اللي شافه
-
انتهى العرس ورجع كل منهم لبيته،
عند الجود وفارس..
"سيارة فارس"
كان مشغل اغاني راشد الماجد وهو ممسك بيدها ويغني،وقف عند ستاربكس وهو يطلب لهم قهوة،دقائق ووصل لبيتهم.
ابتسمت وهي تناظر البيت الكبير جدا،هو غيره عن البيت اللي تركه له ابوه يبي ينسى كل شيء غير انه مو محتاج له
فارس ابتسم ينطق:اعجبك
هزت رأسها بالاجابة تنطق:كلشيء منك يعجبني حبيبي
ابتسم وهو ينزل ويتجه لبابها يفتحه لها ويساعدها على النزول
نزلت معه وهم يدخلون البيت
ناظرت الاثاث الجاهز وكيف كان على ذوقها بالضبط التفتت له وهي تبتسم بفرح تقدمت له وهي تحضنه وتنطق:احببك
ضحك فارس ينطق:امووت فيك
..
وقف فارس بعد العشاء ينطق:انا بتروش
هزت رأسها بفهم وهي تمشي للتسريحة وهي تضبط شعرها المبلول بحكم بأنها تو متروشه انتهت منه ومشت وهي تطقطق بجوالها،شوي ورفعت رأسها على خروجه والمنشفه لافها حول خصره،غمضت عينها بخجل
وضحك بعلو صوته وهو يقرب منها وينطق:مايحتاج تغمضين يعيوني المفروض تتعودين
الجود دفعته بخجل:وخرر عني
مسكها من خصره وهي يقربها له رماها على السرير وو.
-
بنهي البارت هِنا،اسفه على التأخير،والاخطاء الاملائية.15 بارت ونكمل بحكم انتو ماتعطون البارتات اللي فاتت حقها
ولو كنت اتأخر صحيح لكن اكيد عندي عذري اضغطوا النجمة ونكمل بأذن الله