يارقيقُ القلب يافاتنِ الحُسن،ارفق بقلبِ سيفٌ من حجر.

21

ياسعود ماكانت النيه حُب بس عُيونه تجبر التايب يميل..
.
.
وقف اول ماوصله اتصال من ريما اللي ازعجته بأتصالاتها،خرج وهو يشوفها واقفه عند الباب،ميل شفايفه بأستغراب وهو يتقدم لها وينّطق:خير؟
ابتسمت بخفه تنّطق:سوسو تكفى تكفى...قاطع كلامها من نطق:اخلصي علي
زفرت بقهر وهي تنّطق:انقلع مابيك انت نادي لي ابوي
ضحك بسخريه وهو يقول:قولي كذا من قبل مشغلتني ليه.
ناظرته بحقد وهي تصد عنه،وهو دخل داخل ينادي هُذام..
_
رفع رأسه له من نّطق:جدي ريما تبيك
هز رأسه بفهم وهو يخرج لها يشوف مبتغاها،ناظرها واقفه ومستنده بظهرها على الجدار تنتظره
مشى لها وهو متمسّك بمعكازه ينّطق:وش تبين
تعدّلت بوقّفتها تنّطق:يبه احنا نبي نسافر انا والبنات تمام؟
هز راسه لها بمعنى كملي،وتكلمت تكمل حكيها بـ:اوكي وقلنا نبي بنات عُدي يجون معنا ورفضوا بسبب عُدي وعناده يبه تكفى كلمه
تنهد هُذام وهو عارف بعناد ولد عمه لكن مايبي يكسر بخاطر ريما وهز رأسه لها يعّلن موافقّته وهو ينّطق:ابشري انا بكلمة ويصير خير
عبست بملامحها تنّطق:بابا اوعدني تحاول فيه
ابتسم بخفه ينّطق:وعد
تقدمت تحضتنه وتنّطق بفرّح:شكراً بابا
شدّ عليها وهو ينّطق:عفواً يابابا يلا الحين ادخلي عن الرجال
هزّت راسها بفهّم وهي تنطّلق لمجلس الحريم وسعادة الارض تغمرها.
وصلت لجلّسة البنات وهي تنّطق:بابا وعدني يكلم عُدي وبنشوف يارب يرضى
تعالت اصوات البنات يردون معها بـ:يارب
_
جلس على الكرسي وهو يحس انه جسّد بـِلا روح تعب من كثّر التفكير والمعاناة اللي يحس فيها يحب بنت ماتفكر فيه ولا بعمرها راح تفكر يسمعها وهي تتّكلم عن شخص غيره وكيف هي تحبه ولما يخطب لجل ينساها تجيه علّه اكبر من اللي هو فيها،غرق بتفكيره وحارت افكاره،نزل رأسه من حس بصداع يمّسك رأسه بقوة،تمسّك بالطاولة ورفع رأسه،ناظر الموية اللي قدامة وامسّكها يشرب منها،وضع العلّبة وهو يرجع رأسه على الكرسي يتسنّد عليه،تنهد من اعماقه وهو يستغفر يطّرد الافكار اللي جات له فجّئة مثلاً،الطلاق،الزواج،طردّهم الاثنين وهو يتعّوذ بالله من الشيطان،ويوقف يشوف كان عليه شغل لو غيره يخلصّه.
....
{نفس المكان من جهة اخرى}
ميلت شفايفها بأستغراب تنّطق:غريبة سهم شفيه
رفعت كتفيها بعدم معرفه تنّطق::مدري بس انا حسيت انه تغير
سكتت جيان وهي تفكر وبعدها نطّقت:تبين اقولك الصدق؟
هزت رأسها بالموافقه،وكملت جيان حكيها:انا شفته لما كنتي تتكلمين عن امير لما وقفت اشوف لكن حسّبت انه ماسمع وبعدها بـمدري كم يوم خطّب والحين الواضح انه مو مرا مع زوجته واساسا كثّرت عصبيته وصار مايعطي احد وجه ونفسّية،وانتي حسيت بمعاملته معك غير عن قبل وكذا وضح لي انه كان يحبّك وانصّدم لما سمعك هذاك اليوم وعلى الاغلب صارت مشاعّره لك كره الحين
هزت رأسها بالنفي ودموعها رافقتها وهي تنّطق:لا تكفين جيان قولي غير كذا
تقدم تضّمها لها وتنّطق:خلاص ياسما مالك ذنّب انتي اللي صار صار والحين هو له حياته وانتي لك حياتك وانتو الاثنين مالكم ذنب انتي مو ذنّبك اذا ماحبيتيه وهو مو ذنّبه اذا قلبه تعّلق فيك
مسحت دموعها وهي اقتنعّت بـكلام صاحّبة عمرها وهي تقول:تدرين ماعادني احب امير زي قبل واحس حبي له كان اعّجاب
ميلت رأسها بصدمة تنّطق:والله!
زفرت ضيقّها وهي تهزّ رأسها بـأي وتمسّك يدّ جيان وتخّرج معها وهي تقول:تعالي نوقّع خروج ونروح مطعم الجوع هلكني
شدّت على يدّها تنّطق:يلا
_
هُذام:ياولد الحلال اكسر الشر وش بجيهم يعني هذا هم بناتي ما شاء الله عليهم يسافرون ويروحون ويجون ولا جاهم شي خلّي البنات ينطلّقون
عُدي نطّق بعناد:مو سالفه يجيهم شي وش بقولون العالم بناتي يسافرون بدون رجال
زفر هُذام وهو بدأ يعصّب:انت وش عليك بكلام العالم والناس انت عليك من رضى بناتك وفرحّتهم واذا سافرو بدون رجال ماعندك ثقه في بناتك تربيتك!
سكت عُدي بدون رد ونّطق تركي يقول:بناتنا مابسافرون
التفت له هُذام بغضب ينّطق:ياتركي اسكت واترك العقلية المتخلّفة هذي تطورو شوي الحين الدنيا تغيرت وماعداها قبل بتعيشون بناتكم نفس عيشتنا الاولّية منجدكم.
ايهم نّطق وهو رافض رفض تام:اختي مابتروح
كان بيتكلم هُذام وقاطعه عُدي من نّطق:اختك بتروح وبناتي بروحون انتهى الكلام
ميل سلطان شفايفه ينّطق:يبه احس مايصير يروحون
التفت له هُذام ينّطق:انت انكتم بروحون هذا انت تسافر محد قالك شي
ايان:يبه احنا رجال غير
هُذام بغضب:انتهى الكلام،وليام قم قول لاختك وين بروحون عشان نحّجز لهم
وقف وليام بتردّد وهو ينّطق:يبه احس مايصيــ...قاطعه هُذام من صرخ فيه يروح وطلع يركّض للخارج وهو يشّتم البنات بداخله.
تنهد امير وهو ينّطق:ياخي احس مايصير يسافرون بس جدي وش يقنعه حتى السيف مايقنعه
ضحك عبدالله بسخرية ينّطق:تتوقعون لو السيف هِنا بخلي بنت عمي محمد تروح او اخواته
هز اياس رأسه يقول:طبعاً مايقدر يردّ كلمة هُذام
التفت لهم ماجد ينّطق:يعني انتو مو راضيين
هزو رؤوسهم بـلا،ونطق بينهم ايان يقول:كلنا مو راضيين بس هُذام وكلمته محد يرده وما شاء الله مسرع اقتنع عُدي بكلامة
ايهم نّطق يوافقة الكلام وهو يقول:ايي صدمني لما قال بروحون ماتوقّعت
ضحك ادم بخفه ينّطق:شفتك عينك بغتّ تطّلع
ابتسم بخفه ينّطق:الله يعين بس لا يقولون بروحون شهر بسطرهم
ضحك سلطان بسخرية ينّطق:بتشوف بقولون بروحون شهر وقول سلطان ماقال
ماانتهى من كلامة الا وعلى دخول وليام اللي نّطق:بروحون جورجيا وقالو بروحون شهرين'وكمل بسخرية، لان منزمان ماسافرو يقولون هذا تعويض ويبون يسافرون بعد شهر لان تخرج بعض منهم بكون بعد اسبوعين وبعضهم اسبوع وقالو طبعا مابروحوا جورجيا شهرين بقررون وين المكان الثاني وبعلمونا
فز تركي ينّطق بصدمة:حشى اول مرا يسافرون مافي شهرين لا
هُذام:تركي اسكت،قول لهم على خير يفكرون بسرعه عشان نحجز لهم
عُدي بصوت خافت لجل يسمعه فقط هُذام:كنه كثير يابو انور
التفت له هُذام ينطق:انت اول مرا تخليهم يسافرون من عمر الدنيا شوف كل وحده منهم سكّت عمر العشرين خليهم يفرحّون
زفر بقلة حيلة ينّطق:امري لله توكلّنا على الله
ابتسم هُذام بخفه يمسح على ظهر عُدي يخفف عليه توتره
اما سلطان اللي نّطق بسخرية:ولل مو شهر شهرين اجل انا سلطان ونص
_
{مجلس الحريم،عندّ البنات}
نطّقت ديم بفرّح:يالله حماس اول مرا اسافر لوحدي مع بنات
ريفان:بنات عادي انا اختار المكان الثاني
ابتسمت ايلين تنّطق:اكيد
ريفان:بنات والله خاطري منزمان اروح على اذربيجان وشرايكم
ميلت ملاك شفايفها بأعجاب تنّطق:احس ايي نبي نروح شرايكم
اعتلت اصوات البنات بالموافقة ونطقت بينهم الجود:يلا ندخل شي ان نشتري اشياء للسفره
ضحكت حنين تنطق:مستعجلة
ضحكت وهي تهز رأسها بـأي ودخلو معها البنات يدورون
ديم نطقت بتساؤل:بنات حور وريتال بناخذهم معنا
سكتو البنات من تذكروهم وكل وحده فيهم تناظر الثانيه ماينكرون ودهم بـحور لكن ريتال لا
زفرت لينا تنّطق:الصراحة حور عادي بس ريتال لا
هزت ريفان رأسها موافقه تنّطق:حسيت
ملاذ:المشكلة مايصير نقول لوحده والثانيه لا
ديم:هذي المشكلة
قاطعت كل كلامهم من دخلت حور وهي تجلس وتمسّك جوالها تنشغل فيه
تنحنحت ريما بتوتر تنّطق:امم حور تبين تسافرين معنا
رفعت عينها بصدمة وهي ماتوقعت ولا واحد بالمئة يقولون لها،نطّقت بصدمة:صدق؟
ابتسمت ميلا وهي تقول:شدعوة ولو بيننا من مشاكل مستحيل نتركّك
ابتسمت حور تهز رأسها بفهم
ونطّقت الجوري تتأكد:بتروحين
هزّت رأسها بـأي وابتسموا البنات بفرح ونطّقت بينهم رهف:طاح الحطب
ابتسمت حور تنّطق:طاح
تقدموا يحضنوها وشدّت عليهم وهي تضحك
ريان:بنات شرايكم نطلع مول ولا مكان ومرا وحده نشوف شي نشريته للسفر
ديم التفتت للبنات تنطق:شرايكم
الجوري:يلا عادي بننقسم بثلاث سيارات بس مين بسوق
لينا:انا عادي
ريما:يلا وانا
ميلا:وانا
ريفان:تمام احنا كم؟
مدت ايلين يدها تحسب ونطّقت:على مااعتقد 14
الجوري:يعني سيارتين فيهم 4 وسيارة فيها 3 تمام؟
لينا:اوكي انا عندي اربع وريما اربع وميلا 3،مين معي؟
ملاذ:مشينا وعلى حسب نطلع ونشوف مين مع مين
ريما:يلا اجل مشينا
وقفو البنات واللي لبس حجابه وطلع واللي وقف يعدل نقابه ويلحق بهم
...
طلعو وفي خرجّتهم تقابلو مع العيال
رفع حاجبه وليام ينّطق بحدة:نعم الجيش وين رايح
زفرت ملاذ بقهر:خير شتبي بنطلع
تركي وهو نظراته على ديم:وين؟
توترت وهي تصد عنه وترفس حور لجل ترد عليه
التفتت له حور تنطق:المول
احمد:ما شاء الله كلكم حشى
مشت لينا بتجاهل وانصدمت من مسكها ادم يهمس لها:بعلم عليك السيف
عضت شفايفها تخفي خوفها وهي تتجاهله وهي تمشي ولحقو بها البنات
وانقسمو في السيارات.
(سيارة لينا،ديم وحنين رهف وملاذ)
(سيارة ريما،ملاك وحور ايلين الجود)
(سيارة ميلا،الجوري وريفان ريان)
.سيارة ميلا،
ميلت ميلا شفايفها وهي تشوف البنات يحركون والتفتت لريفان تنطق:احس جاني تانيب ضمير نادي ريتال
تأفأفت وهي تنزل تناديها ماهي الا دقائق ورجعت مع ريتال وركبو هم الاثنين وانطلقت ميلا تلحق بالبنات،
ريان:شغلي لنا رابح
الجوري:لا نبي المهندس
تجاهلتهم ميلا وهي تحط راشد الماجد
ضحكت ريفان تنطق:تفهمين
ضحكت وهي تقول:هذا الحل الوحيد
_
{بالمطعم،عند سما وجيان}
سما:احس الاكل مو مرا صح؟
جيان هزت رأسها بالموافقة تنّطق:اول مرا واخر مرا عادي
ضحكت سما وهي تكمل اكل،جاهله عن اللي يناظرها وهو يحلف انه يعرفها وشايفها من قبل
عاد لرشده من ضربه عزيز ينّطق:ولد شفيك
ابتسم بخفه لان تذكرها وهو يهز رأسه بالنفي يعّني مافيه شي،كمل اكله ونّطق هادي:انا بطلع ادخن لما تخلصون تعالو لي خدو القَطّة
هزو رأسهم بفهم،ووقف هادي يخرج برا وهو يدخن رفع عينه يناظر البنت اللي جالسه على العتبه من الجهة الاخرى وميل شفايفه من بين له انها من مدة لها جالسه وغمض عينه يتذكر،وتذكر انه صدق لها مدة لان لما وصلوا للمطعم كأن لمحها
رمى السيجارة بالارض يدعس عليها وتقدم لها وهو يترك مساحه بينهم ينّطق:اختي تحتاجين شي؟
رفعت عينها له وهي تحاول تخفي دمعها تنّطق:لا شكرا
عض شفته من لمح دمعها ينّطق:بساعدك لو كنتي تحتاجين
تنهدت بضعف تنطق:وش بتساعدني فيه
جلس على العتبه اللي جالسه عليها وهو تارك مساحة بينهم ينّطق: في أي شي تحتاجينه انا بساعدك
تنهدت بقلة حيلة تنّطق:بتساعدني لو اقولك اني يمكن ادخل السجن بالظلم
توسعت عينه بصدمة يعود النظر لها وهو ينّطق بداخله:اي سجن هالكائن يدخل السجن،تركز تفكيرة في كلمة ظلم وبعدها نّطق:عادي تعلميني بـسالفتك
تنهدت للمرة الالف تنّطق:وش اعلمك اقولك انه ابوي عسكري وعنده واجد من الاعداء ولما ماقدروا يمسكونه استخدموني عشان يهددون ابوي فيني اختطفوني وحاول واحد منهم يعتدي علّي وانا من خوفي شفت سلك كان جداً حاد طعـ.نته فيه والحين يطالب بحقّه لكن ماعلمهم بالحقيقة وانا كنت ادافع عن نفسي وقلّب كل شيء علي،والحين احتمال كبير ادخل السجن ومحد صدقني غير اهلي ومحد منه يقدر يسوي شي
انتهت من كلامها وهي تمسح دموعها وتحاول تخفي شهقاته اللي كل مالها تعلّى
ميل شفايفه بحزن عليها وهو ينّطق:بساعدك
توسعت عينها بصدمة تنّطق:كيف
التفت لها ينّطق:انا محامي وبكون معك متى تروحين المحكمة انتي
رفعت رأسها له تنطق:بعد يومين
هز رأسه بفهم ينّطق:اعطيني رقمك طيب
ناظرته بتوتر وهي تحس بتردّد
ناظرها وفهم شعورها،ابتسم بخفه وهو يطلع لها بطاقته،يوريها
تأملت بطاقته وهي تشوف اسمه،هادي بن ديان بن ليث آل ****
تنهدت بقلّة حيلة وهي تكتب له رقمها،اعطته الورقه وامسّك بها وهو يسجل رقمها وجاء يسجل اسمها لكن تذكر ماعلمته بأسمها ناظرته وفهمت انه مو عارف اسمها ونطّقت:لتين المجد
التفت لها وهز رأسه وهو يسجل اسمها{لتين بنت المجد}
اخفى ابتسامته وهو يحس بأعجاب بأسمها مميز وغريب نوعاً ما.
وقف وهو يقول:تشرفت فيك واوعدك اساعدك بأذن الله لنا لقاء بعد يومين الله يستر عليك،كان بيمشي لكن تذكر من بقائها هنا لمدة وخمن انه ماعندها احد يرجعها،التفت لها ينطق:عندك احد يرجعك
ابتسمت بخفه تنطق:اي عندي
تنهد براحة ينطق:تمام
مشى للداخل بعد مانطق:الله يحفظك
ابتسمت بخفه وهي تنّطق:ما شاء الله يجنن واخلاقه تجنن
كامل والكمال لله
_
وقف ناصر بغضب ينّطق:يبه عاد شوف له حل يقول يبي ركان وانا للحين مادري ايش يقرب له او من هو،علمني بس بأسمه
ابو حمد زفر بملل من السالفه اللي يصحى وينام عليها ينطق:ارسل له اللوكيشن خلينا نشوف نهايته
هز رأسه وهو يرسل له اللوكيشن
دقائق ووصله اتصال من الشخص يقول له انه برا
توسعت عينه ينّطق:حشى
ضحك حمد بسخرية:ترسلون له اللوكيشن وهو اللي مخلي ركان هنا طيب اكيد يدري وين بيتنا
ضحكو من عدم تفكيرهم ووقف ناصر يفتح الباب ودخل الشخص المجهول وهو ينطق السلام
ردو السلام عليه وكمل وهو يحط يده على صدرة وينطق:انا فراس بن آسر بن أوس آل **** اخو ركان بن آسر بن أوس آل****
توسعت عينهم كلهم بصدمة وكمل فراس وهو يطلع بطاقة العائلة يوريهم الدليل
ابو حمد:تفضل اجلس
مشى حمد بسرعة يجهز القهوة والشاهي
اما ناصر وابو حمد جلسو يتكلمون مع فراس ويستفسرون منه السبب تركهم للطفل على باب بيت ناس غرب لاهم يعرفونه ولا هو يعرفهم
تنهد بهدوء وهو يشوف ركان اللي نايم بحضن ناصر وهو يبدأ يسرد القصه:انا تركته لي مايقارب السته شهور صح؟
نطّق ناصر يعدل له:مايقارب السبعه
هز رأسه بفهم يكمل:انا انسجنت في هالوقت
توسعت عينهم بصدمة وكمل يقول:لا تفهمون اني مو كويس انا كنت مع شلّة عيال ماوراهم الا المشاكل وكانو يسوون المشاكل ويحطونها فيني بدون علمي والتعاطي وغيرة ولكن كشفتهم وبلّغت عليهم لكن ماراحت عني مكان حطو بعض الاشياء فيني ودخلت السجن في السبعه الشهور هذي لان انا مالي ذنب كثير وكانو وقتها يلحقوني وانا ماابي اخوي يبقى مع زوجة ابوي لان لا ابوي به خير ولا زوجته تركته عند اي احد واحلف لكم كنت راضي اهم شي مايكون عند ابوي وزوجته الحين صار لي 9 شهور ماشفت اخوي لاني لما كلمتك انت قبل شهرين الا هو 7 شهور وبعدها بديت ازعجك واسالك عنه وكم مرا بلكتني ماكنت ابي اقول على الجوال ابي اقابلك وماكنت تعطيني فرصه لكن الحين والله اشكركم لاستقابلكم لي واهتمامكم في اخوي
ونهاية كلامي اقولكم انا ابي اخوي واشكركم للمرا الثانيه
تنهد ناصر وهو ينزل رأسه يقبل ركان بخده وينّطق:حقك بنعطيك اخوك
ابتسم فراس من رفع ناصر ركان وهو يحطه بحضنه رفعه له يحضنه ويشد عليه ماقدر يسيطر على مشاعر الشوق ونزلت دموعه ومن صحى ركان واعتلى صوته يبكي
على دخول حمد اللي مستغرب حط الشاهي والقهوة وبعض الشوكليت على الطاولة،ورفع رأسه لناصر ينّطق:شصار
ابتسم ناصر بخفه ينّطق:بعدين اعلمك
..
اسفه على الاخطاء الاملائية،والتأخير ان كان فيه تأخير لا تنسون النجمة.✨في اختلاف في الاوقات✨