يارقيقُ القلب يافاتنِ الحُسن،ارفق بقلبِ سيفٌ من حجر.

part 16

غموض؟،صمت؟،هدوء وماقبل العواصف.
.
وقف وهو بحيره من أمره بدون مبالغه الحيرة اربكته وجعلت قلبه يرجف هو مايدري خوف عليها ولا من قهره منها،استفزته بـسكوتها كلامها الغير مفهوم وكأنها تلمح لشيء ولكن مقصدها يفهم بذكائه،علامات استفهام بعقلة يحاول يتهم نفسه معها لعلى وعسى يوصل لشيء،ولكن تبقى علامة الاستفهام مكانها!.
تنهد بعدم حيلة نتيجة لعدم توصله لمقصد إيان وكلامها،استغفر ربه وهو يمسك محفظته وجواله ومفتاح السيارة مشى يخرج لكن ارتفعت انظاره على اللي جالسة بالحديقة الخارجية وملامحها يطغى عليها الذبول عينها المحمرة آثار البكاء،عض شفايفه بضيق ماينكر اشفق عليها لكن هي اختارت البعد بدون سبب مبرر بنسبة له اختارت الغموض والصمت،وكأنها تعاقبه لكن على ايش؟هذا السؤال.
غمض عينه يهز رأسه بالنفي،ينفي الفكرة اللي جات في باله،ومشى يخرج متجاهل اللي تبكي بحرقة وشهقاتها منتشره بأرجاء المكان.
-
مسحت دموعها بقسوة وهي ترفع شعرها عن وجهها من ضايقها،التفتت على حنين اللي تطبطب على كتفها وهي زعلانه على حالها
حنين بضيق:خلاص ياريتال يمكن خير لك
ريتال شهقت ببكي وهي تنطق:حنين وش خير لي انا بتزوج شخص مااعرف حتى ايش اسمه
حنين ميلت شفايفها تنطق بسخرية:ريتال تحملي انتي جنيتي على نفسك
ريتال كشتها بغضب تنطق:بنتت انتي جايه تواسيني ولا تعاتبيني مب ناقصتك وربي
وقفت وهي تضحك بسخرية:تزعلين من الحقيقة ياريتال انتي لو ماتبليتي على الرجال وقلتي كلام ماينقال للبنات وجننتيهم بعيشتهم جايه تتبكبكين
سكتت ريتال بدون رد اما حنين مشت وتركتها ترجع تنهار لوحدها.
ابتسمت ريفان تنطق:اول مرا تعجبيني ياحنين
حنين ميلت شفايفها بهدوء تنطق:قلت الحق بس
ديم طبطبت على كتفها تنطق:ياحنين انتي مب زي ريتال ابدا تحاولين تكونين زيها تقلدين كلامها طريقة استفزازها للبنات بس انتي ماتبين هذا الشي انتي ماتشابهين ريتال كلنا نعرف
سكتت حنين وهي تناظرها ماقدرت ترد لان تعرف انه كلام ديم صح
كانت ديم بتكمل كلامها لكن قاطعها صوت حور اللي ارتفع عليهم بدون سابق إنذار:ما شاء الله بس اختي الحية اللي ماتنطاق حتى هذي اللي خربت اختي عكستوها وقلتوا ريتال سوت كل شيء! ماتشوفون اختي وش حالتها انتم حرام عليكم
ريفان وقفت تنطق بحده:حور بلا تخلف انتي شفيك والله الحرام على اختك اللي تدمر علاقات وتخرب بيوت وتكسر قلوب بشر
حنين تخصرت وهي تنطق:وبعدين تحطينها فوق راسي ليه كلنا نعرف اختك سبب مشاكل الكل بدون مبالغة
ديم بسخرية:الصراحه انتي واختك مقرفين
رمت كلمتها ومشت ولحقوها حنين وريفان،اما حور اللي حزت بخاطرها كلمة"انتي واختك مقرفين" وقفت بضيق ماتدري هي صح غلط ماتعرف.
-
"بـبيت سما،تحديداً غرفتها"
جيان ميلت شفايفها تنطق بتساؤل:سما اتوقع انه موعد المريض الياس ال سِياف بكرا وانتي قلتي انه الرجال مرافق معه صح
فزت سما بـلحظة ادراك تنطق:اي والله انك صادقة
جيان مسكت شعرها تلفه بدلع وتنطق بغرور:اقولك اني ذكية
كشرت بوجهها سما وهي تمسك المخدة اللي بجنبها ترميها عليها
ضحكت بعلو صوتها تنطق:امزح امزح لا تموتين
سما بسخرية:اييو مرا الصراحه
ضربتها على رأسها تنطق:دزي عاد اشغلتينا انتي والرجال اللي شفتيه يوم بغيتي تصيحين علينا مرا حلو يعني؟
سما ابتسمت تنطق بطقطقه:اغارر عليه مابقولك
جيان صرخت بقرف تنطق:ويييع
ضحكت سما بعلو صوتها وهي تسحب جوالها تنطق:اقول مشينا نطلب لنا اكل
مدت جيان يدها لجوالها تسحبه منها تنطق:لا نبي نطلع مليت وانا مقابلة الاربع جدران هذول مشينا نروح مول مرا وحده نتقهوى ونتسوق ونتعشى اضربي ثلاثه مدري عشره مدري نسيت المثل المهم
ابتسمت سما تنطق:فنان كيف اللي فكرر جمع ثلاثه بلا ميعاد العشى والسوق والقهوى.
جيان ضحكت تنطق:صح لسانك يعيوني
سما ابتسمت وهي تسحب عبايتها وطرحتها تنطق اقول يلا اللبسي
وقفت جيان معها تسحب عبايتها وطرحتها طلعت شعرها تسويه جديله وحطت الطرحة بدون لف وطابقتها سما اللي كانت عبايتها سوداء مشجره اغلبها بالسماوي وطرحتها اللي بلون السماوي ايضا وضعتها على كتوفها،اما جيان كانت عبايتها بلون الاسود واغلبها مشجرة بالوردي ونص منه ابيض وطرحتها بلون الابيض اللي خلتها على كتفها ومسكت شنطتها تلحق سما اللي خرجت قبلها وهي تصرخ:بنتت انتظري بلبس شوزي
-
مسح وجهه بغضب ينطق:مالي وجه اطالع بوجيههم بقولون ماعرفوا يربون بنتهم قليلة اذب ماتستحي
ايهم طبطب على ظهره ينطق:مالك ذنب ياعمي مادريت عنها وعن تصرفاتها
راكان عض شفايفه بحسره ينطق:وهذي يبين لهم عن اهمالي
زفر هشام بضيق ينطق:خلاص يايبه لا احنا ولا انت لنا ذنب
عبدالعزيز نطق بحيرة:تدرون وش محيرني
رفعوا رؤوسهم له ينتظرون يتكلم ونطق بينهم اصيل:وشو ياوليدي
عبدالعزيز:ابوي عُدي كيف ساكت وماله حس محيير الوضع
ماجد هز رأسه بموافقه ينطق:وكأنه هدوء وماقبل العواصف.
نطقوا كلهم بتوتر وبصوت واحد:بالضبط
ناظروهم كل من في المجلس بأستغراب اما هم ابتسموا بفشلة وتسليك.
-
"بنفس المكان ولكن من الجهة الاخرى من عند الحريم"
اللي كانو بالمثل يتهامسون مابين بعض
دلال وهي تهف بيدها على وجهها تنطق:سود الله وجهها فشلتنا
تسنيم بغضب:بنتي ترا عبروني انا هنا
إيمان بغضب:نعبرك على ايش لو انك ربيتي كويس بعدها بنفكر نعبرك
سكتت تسنيم بقهر وكملت فاطمة تنطق:هذي لازم تزوجونها قبل لا تسوي اشياء تفضحنا فيها
جنان بغضب:اي والله صادقه استروا على بنتكم لا بارك الله بعدوها
ناظروها كلهم ونزولوا رؤوسهم بفشلة ماعدا تسنيم اللي وقفت تنطق بصراخ:انا مالي جلسة بالمكان اللي يغلطون على بنتي
انوار بسخرية:وحنا بنموت لجل تجلسين معنا روحي راحت روحك قولي امين
استغفرت تسنيم بغضب تسحب معها ريتال وحور وتطلع من المجلس
حور زفرت بضيق من اللي صار بالذات انها دافعت عن اختها وهي تعرف انها غلط والحين البنات كرهوها تابع اختها وماتتوقع بس ديم وريفان هي متأكدة كل البنات
ماعادوا يبلعونها
ريتال بكت تفلت يدها من امها تنطق:يكفييي خلاصص خلاص
صفقتها كف بكل م الله اعطاها من قوة تنطق:فشلتيني قدام الكل وفشلتي ابوك وفشلتي اخوانك طيحتي روسنا بالارض وباقي تبكين لا اسمعع لك نفس
سكتت تكتم بكيتها وشهقاتها كل مالها تعلوا وهي تمشي وراء امها وحور ولكن تصنموا من شافوا الشيخ وشبه عايلة كاملة جايه وواقف معهم عُدي
الشيخ:ياهلا بك ابو كرم
ابتسم مجاملة له ينطق:الله يسلمك ويبقيك تفضل لا هنت
تقدم لهم هذام وابتسم من فهم تفكير ولد عمه،تقدم يخبط كتفه ينطق:حياك الله يالمعرس ويااهله ويحييك الله شيخنا
تقدم له سهم يسلم عليه وبعدها اتجه لعُدي وماهي الا ثواني وخرجوا رجال ال سِياف كلهم،تحت صدمة اللي واقفين يناظرون المنظر،رجفت من اقصاها تنطق:لا لا لا قلنا زواج بس مب اليوم لا تكفون لا
سحبتها حور ومشت وراهم امهم وهي تبكي حسرة على بنتها.
"مرت الساعات وصارت ملكة ريتال من سهم"
جلسوا الحريم بدون حتى تصفيق بعد توقيع ريتال ماغير دموع وعبوس الوجه وطبعا كان فيه منهم متونس على اللي صار.
"مجلس الرجال"
طلع الشيخ من هنا ارتفعت الاصوات بالصراخ من هنا
عبد العزيز بصدمة:قاايلل لكم في شي بصير قاايل انا
الياس ميل شفايفه بعدم اهتمام ينطق:اروح لحرمي احسن من هالوجيه
ناظره تركي بحده،وضحك وهو يعدل كلمتة:ماعادك يابو ترك
ابتسم تركي يوضع يده على صدره تقدير له ينطق:ياحبيبي يابو انور
ابتسم له وهو يوقف وهو يطلع جواله ويدق عليها مشى وهو ينتظر ردها وزفر بغضب من ماردت عليه،دخل جواله بجيبه وطلع زقاره حطها بفمه واشعلها نفث الدخان بغيض منها وهو ينتظرها على الاقل ترجع تتصل له،لكن ماكان منها اتصال.مسك الزقاره يرميها بالارض ودعس عليها بغضب يمشي للمجلس.
-
زفرت بربكة شديدة يدها ترجف ودها تهرب لكن كذا هي بتزيد الطين بله استخارت وهي تفتح الباب،تجمدت وهي تشوفه قدامها عضت شفايفها بحزن وندم شديد على حالها،استوعبت الحياة من نطق بحدة صوته:قربي
شدت على يدها بتوتر وهي تتقدم له
زفر بضيق وهو يناظرها كان الحلم سما بس الواقع ريتال..
قرر بعد اللي سمعه منها وبلسانها ينساهاا بالتمام وهذي افضل طريقة بالنسبة له هو مايبي يظلم البنت معه قرر ووعد نفسه يعتبره انه زواج تقليدي لا اكثر البنت بأختيار امه وهو وافق بدون رفضص ابدا.
تقدم وهو يقرص خدها بخفه وينطق:وش اسمك
ابتسمت بسخرية تنطق:واو اول شيء تشاركنا فيه مااعرف اسمك ماتعرف اسمي
تنهد بهدوء ينطق:سهم
ظهرت علامة الاعجاب على وجهها وهي تناظره ماتنكر انه سهم صدق وسيييم وجدا لكن اخفتها تلتبس الجمود تنطق:ريتال،بالياء لو سمحت
هز رأسه بفهم وهو يجلس على الكنب ونطق ببرود:تبين زواج
ردت عليه وبنفس البرود:مايهمني
هز رأسه بفهم ونطق:تجهزي بعد شهر
رفعت رأسها بصدمة وكنت بتنطق بالنفي،لكن صدمها من نطق:يالله فمان الله،ومشى تاركها مصدومة وراه،سكر الباب واستند عليه بقلة حيلة ياكرهه للقسوة يكرها وكثير لكن ايش يسوي بيضغط عليها من البداية يكون افضل له.
-
رهف:بناات نبي نطلع تكفون
ديم بملل:يليل اشغلتنا دي قوموا نطلع لا تصيح
ريان:اي نبي نروح المول ابي شنطة
الجوري هزت رأسها بتأييد:وانا ابي ميكب يلا مشينا
وقفوا كل البنات وهم يلبسون،بعدها طلعوا وقابلوا وليام والياس وسلطان مستندين على السيارة وكل واحد بفمه زقاره
عدل وليام وقفته بصدمة ينطق:خيير وين
زفرت ملاذ بملل تنطق:بنروح المول وشتبي
سلطان وهو يناظر ميلا:بنروح معكم
ايلين:شكرا مايحتاج
جو ادم وامير واياس وهم يناظرون بستغراب ونطق بينهم اياس:وش فيه
الياس رمى زقارته يدعس عليها وهو يناظر لينا بحدة اللي اربكتها نظراته جداااا،نطق بخشونة صوته:بدون عيال مابتطلعون يا معنا يا انبثروا في البيت
ريما بحلطمة وبصوت هامس:يليل النشبه وهذا مسوي هيبه يعني
التفت عليها وهو سمعها لكن تظاهر بعدم السمع ينطق:قلتي شي
ريما هزت رأسها بالنفي مباشرة وهو مشى لسيارتة ونزل الدريشة يأشر للينا تركب معه
عضت شفتها بخوف وهي تتقدم وتركب معه
اما البنات فتفرقوا في السيارات اياس وادم وامير ووليام وسلطان.
زفر الياس بغضب والتفت لها من نطقت بصدمة منه:شفيك
الياس مسك معصمها بقوة يسحبها ويقرب من وجها مما خشمه لامس خشمها وصارت انفاسهم مختلطة،نطق مابين غضبه:وينك عن جوالك من اليوم اكلمك ماتردين
غمضت عينها بقوة وخوف منه وهي تنطق بربكة:مااعرف جوالي سايلنت
زفر بغضب ينطق:اي ورجعنا لسالفة ندق عليكم ماتردون تقولين لي جوالي سايلنت،لينا لا تخليني افصل عليك السايلنت لا تفكرين تحطينه سامعه
بعدت عنه وهي تصد بوجهها تنطق:معصب عشاني مارديت عليك مو منجدك
الياس مسك فكها يلفها له ينطق:اي اعصب في اليوم اللي ماتردين علي فيه او مااسمع صوتك فيه ان كان في مانع ست لينا
سكتت وهي تناظرة بدون رد
تركها وهو يرجع جسدة للوراء ويحرك السيارة.
-
دخل للبيت وهو يناظر الجلسة الخارجية وتوسعت عينه من لمحها نائمة بتعب،تقدم يحملها نزلت عينه لملامح وجهها تجمد بصدمة وهو يبلع ريقه ويهمس:سبحان الخالق،كيف هالدائرة مستحملة الجمال هذا كله
ملامحها حاده شعرها اسود كـسواد اللّيل عيونها الواسع والرموش الكثييفة جدا والطويلة خشمها الطويل الضعيف،شامتها الصغيرة اللي بنص خدها ساطع البياض وفي اسفل شفتيها،وطبعا طاحت انظاره على شفتيها الوردية،ومين يلومه ماقدر يقاوم قرب وهو يطبع بوسه على شفايفها ويمشي بها لغرفتها،حطها وحط الشرشف فوقها،قبل جبينها وهو يمشي خارج الغرفة،واتجه للمتحف شبه صغير في بيتهم مسك لوحه وبدا يرسم تفاصيل وجهها المبهرة يرسمها بدقه يرسم كل تفاصيل وجهها كيف حفظهم من نظرة! هذي اول مرا يناظرها براحة كذا ويستوعب كمية الجمال اللي عنده،لو تترك غموضها بسس وتسمح له بتقرب لها اكثر ماينكر بدأ قلبه يحن عليها لكن هي وين لفل عناد عندها.
انتهى من الرسمة وهو يناظرها برضى،ابتسم بخفة وهو يأخذها يحطها بدولابه وقفل الدولاب بالقفل اللي عنده خباه بجيبة ومشى يطلع من المتحف بأرهاق،اتجه لغرفة نومه وهو يبدل ملابسه على السريع وهو يتجه لسريرة ماغمض عينه الا وهو بسابع نومه.
-
"بالمول'تحديداً عند سما وجيان"
جيان وهي تتنفس بصعوبة:حسبي الله عليك ياسما تعبتيني
سما ميلت شفايفها وهي تطالع بالفستان:يجنننن
سحبت جيان من يدها يدخلون للمحل تقدمت تمسكه ابتسمت بقوة تنطق:صنع لاجلي
جيان فتحت فمها بنبهار:يجنننننن.
اما بالجهة الثانية اللي كانوا البنات متجمعين بنفس المحل ومحور حوارهم سما وجيان بأنهم شايفينهم بمكان
التفتت سما تناظرهم وفزت من لمحت لينا بينهم ماعرفتها الا هي تعرفت عليها وقت ماكانت ترافق السيف
تقدمت للينا وهي تسلم عليها وبعدها البنات ونفس الشي جيان
سما ابتسمت بوسع ثغرها:كيفيكم بنات
البنات ابتسموا يردون عليها بأصوات متفرقة:اهلين بخير دامك بخير،بشوفتك شفنا الخير،ووو
بدوا يسولفون ويتشرون مع بعض وهم بدقائق طاحت الميانة عندهم
نطقت الجود بحماس:ياخي ارتحتت تجننون
جيان:ياعمري والله انتي اللي تجننين
ديم ابتسمت تنطق:يازينكم صدق
كانت بترد سما لكن سكتت بصدمة من لمحت امير متقدم للمحل وانقبض قلبها من نطق:ابطيتوا يلا نبي نرجع
ريما بصدمة:مسرععع تو جينا خير
امير ببرود:نص ساعه واحنا طالعين،كان بيمشي لكن طاحت انظاره على البنت اللي ماشالت عينها عنه ابدا من جاء للحين،هي سرعان ماصدت بخجل اما هو أنصدم من وجودها،رفع كتوفه بعدم معرفه يمشي بعدم مبالاة.
عضت شفايفها بقهر من حست هو ماعبرها اساسا،قرصتها جيان بخفة لان وضح عليها القهر
التفتت لها وبعدها رجعت تناظر البنات ونطقت:يلا بنات سلام
ايلين توسعت عينها تنطق:ليه تعالوا معنا
هزت سما رأسها بالنفي تنطق:ياعمري مشكورة بس الحين بنرجع البيت لنا زمان هنا تأخرنا
لينا:اجل مع السلامة
جيان وسما بصوت واحد:الله يسلمك
مسكت جيان من معصمها ومشت سرعه تحت صدمة البنات
ملاذ عقدت حاجبيها بأستغراب:شفيهم ذول
ريما بصدمة:الله اعلم صدق
وليام تقدم لهم بغضب:ماتخلصون انتم يلا
تأفأفت ميلا تنطق:تو الناس محد قال لكم تعالو معنا
شد على اسنانه ينطق:استغفر الله
ميلت ريان شفايفها بصدمة تنطق:شفيهم ذول حارقين الاعصاب
رفع عينه عليها من سمعها وسرعان ماصد عنها هو ماله صوت من اليوم من كثر تفكيره فيها والحركات اللي يسويها يحس بتأنيب ضمير وجدا ماينكر يبيها بشدة لكن حرام الا سواه ومايرضي دينه فقرر يخطبها من خالها،لان اكتفى تفكير.
نطق بصوت خافت:ربع ساعه بس
ومشى ايلين بأستغراب:شفيه هذا
لينا:خله ينقلع تعالوا اخر محلين قبل مايجون
مشوا لمحل الميكب وتقريبا اشتروه نصه غير الاشياء الا اشتروها قبل
ملك بتعب:مشينا يلا تعبت
مشوا للعيال اللي واقفين على باب المجمع،اعتدل الياس بوقفته ينطق بسخرية:لا كان لا جيتوا!
ريما:شدعوة ماتأخزنا شفيك
الياس نطق بحده وهو يحترق غضب:بسرعه امشوا قدامي
لينا نطقت بتحلطم:هذول مين قال لهم يجون معانا
التفتت لها بنظراته الحاده وسرعان ماصد عنها بغضب يمشي لسيارته
لينا هسمت بخوف لرهف تنطق:اخاف اسحب عليه واروح مع وليام ويلعن شكلي
رهف فزت بخوف تهز رأسها بالنفي تنطق:بنتت مجنونه اقول بس روحي له لا تتسطرين
هزت رأسها بالاجابة تروح تركض لسيارته،
ركبت بجنبه وهو التفت لها ينطق بسخرية:زين جيتي بنفسك مانشدتك انا
سكتت عنه بدون ماترد والتفتت تناظر جهة الدريشة
شد على اسنانه من تجاهلها له ينطق:لا تسكتين
التفتت له بغضب:وشو تبي وش اقول ليه معصب ماقلنا لك تعال معنا
الياس بغضب:وشو تبين تروحون بنات لوحدكم وتدورون لا حبيبتي هذا قبل الحين لو تموتين ماخليتك انتي على ذمتي وحرمي ماتطلع لوحدها وبدون ماتقول لي بعد افهمي انك متزوجة وافهمي انه في اي وقت ممكن اتصل لك لا تتركين جوالك
تأفأت من رجعوا لسالفة الاتصال وسكتت عنه وهي تتجاهله
مسك اعصابه وهو يضرب الدركسون بأيده بقوه ينطق:لييينا قلت لا تتجاهليني
صرخت بغضب تنطق:وش اقول يعني وشو فهمني ارد على تهزيئك لي ولا وشو خلاص مااطلع بدون علمك اوكي احط جوالي بجنبي اوكي لازم رجال يكون معي اوكي
الياس بهمس:والنقاب ماننساه
تأفأت بغضب تنطق:اذا بلبسه مو لعيونك بلبسه لربي
الياس التفتت عليها بغضب:ماقلت لعيوني بس البسيه مابي احد غيري يشوفك
زفرت بملل وهي تهز رأسها بفهم
الياس:طيب وين انزلك
لينا:بيتنا
الياس ميل شفايفه ينطق بعدم اعجاب:محد في بيتكم مابخليك تجلسين لوحدك بوديك بيت ابوي هذام
تنهدت بغضب تنطق:اجل تسألني لييه!
رفع كتوفه بعدم معرفه وهو يغير طريقه لبيت هذام..
وقف على باب البيت ومدت يدها علطول تبي تنزل لكن منعها من مسك بيدها،التفتت له بأستغراب:نعمم؟
ابتسم من وضح له زعلها ينطق:لا تزعلين علي يارضاي
زفرت بزعل تنطق:كل هذا وماتبي ازعل مو منجدك سيف
مرر ابهامه على ملامح وجهها ينطق:لا تقولين سيف انا معك الياس وانتي ليني،انا معك الين عن عصبيتي وحدّتي،ولو كنت شوي ارفع صوتي لكني بسرعه اهون واهدأ لكن عكس من غيرك لو يحاولون فيني ساعات ماهدأت وضليت اصارخ
لينا ميلت شفايفها تنطق:كل ذا وتقولي معي تلين
مسك ضحكته ينطق:انتي دلوعة ماشوفه شي!
ناظرته بغضب وسرعان ماشتت انظارها عنه من ضحك بعلو صوته
مسح وجهه وهو يمسك ضحكته من حسها عصبت ينطق:لا تزعلين علي تكفين ترا كلها ثلاث ايام وانا رايح المهمه ومابتشوفيني
عضت شفتها بقهر من ذكرها بالمهمة ونطقت:لا تذكرني بهالمهمة تكفى
ابتسم بخفة ينطق.تخافين علي
هزت رأسها بالاجابة وعضت شفتها من حست بدمعها يتمرد على خدها
ضحك بعلو صوته يهز رأسه بالنفي وهو يسبحها لحضنه ينطق:الا دموعك لا تنزل ياعمري
مسحت دموعها وهي تبعد عنه وتنطق:بتنزل
هز رأسه بالنفي ينطق:لا وراي عمل الفريق طالبني
هزت رأسها بفهم وهي تفتح الباب وتنطق بصوت خافت:ودعتك الله
ابتسم بوسع ثغره ينطق:انتبهي لك ياكلي
ابتسمت وهي تنزل من السيارة،سكرت الباب وهي تدخل التفتت لسيارات العيال وادركت انهم وصولوا قبلهم.
-
"ببيت سعود،الصبح"
فتحت عينها تناظر حولها وفزت على طول وهي تناظر غرفتها كيف وصلت هنا ومتى!
عضت شفايفها من الاحتمال الوحيد والاكيد اللي خطر ببالها،وقفت وهي تتجه للحمام"يكرم القارئ"سحبت فرشه الاسنان وهي تفرش اسنانها وتغسل وجهها وتخرج،اتجهت لغرفة تبديل الملابس اخذت اي لبسه قدامها وهي تلبسها،مشت تطلع من غرفتها وهي تنزل تحت
طاحت عينها عليه جالس على طاولة الطعام يفطر
سعود ببرود:تبين؟
هزت رأسها بالنفي وهي تمشي للمطبخ تسوي لها ساندويش جبن وتطلع مشت للصالة وهي تشغل التلفزيون وتبدأ تتابع متجاهله اللي يناظرها وماشال عينه عنها ابدا،زفر بغضب منها ومن حركاتها اللي تستفزه وكثير وهو يشيل الصحن والكوب،مشى للمطبخ وحطهم
ونادى العاملة تجي تغسلهم
خرج من المطبخ وهو يمسك مفتاحه ويمشي وقبل مايطلع رمقها بنظراته الحاده وخرج،اما هي عضت شفافيها بقهر منه وهي تطفي التلفزيون وهي اساسا مادرت عنه بس تبي تسوي انها مشغولة.
-
دخل للغرفة وناظرها وهي نايمة تقدم لها وهو يهزها بخفه لجل ماتنخرش
فتحت عينها بخفه وسرعان ماغمضت بأنزعاج من الضوى،همهمت له من نطق بأسمها وكمل ينطق:بقولك شي ومابيك ترفضين
فتحت عينها تناظره بأستغراب تنطق:وشو
فارس:بنسوي زواج بما انه ماقدرنا نسوي زواج بسبب اللي صار بالبداية لكن الحين انا ابي اشوفك بالابيض
انصدمت منه وهي تهز رأسها بالنفي تنطق:احس لا غريب
مسك يده ينطق بترجي:لا ياجود مب غريب ولا شي شدعوة
سكتت وهي تفكر وسرعان ماهزت رأسها بـموافقة
ابتسم بفرحة يسبحها لحضنه وهو يقبل شعرها ويستنشق مسكه
ابتسمت وهي تبعد عنه تنطق:لكن متى
فارس:بعد يومين
فزت بصدمة تنطق:وشش لا لا
فارس مسك يده ينطق:تكفين جودي نطلع الحين نشوف الفستان التجهيزات اسويهم بدقيقتين بعد ابيه بعد يومين لجل السيف بروح يوم الجمعة وعرسنا بكون الاربعاء
هزت رأسها بمواففة تنطق:اجل بكتب للبنات يتجهزون
ابتسم وهو ينطق:وانتي بعد تجهزي انتظرك تحت
مشى يخرج من سمع موافقتها،اما هي كتبت للبنات.
-
صرخت ريما بعلو صوتها تنطق:الله عررررس حماس
فزت تطلع من الغرفة تتجه لغرفة وليام،دخلت وناظرته نايم ميلت شفايفها بعدم اعجاب تتقدم له وتبدا تصرخ
فز بصدمة يصرخ معها وينطق:ايشش فيه
ريما ابتسمت تنطق:مافي شي اصحيك
شد على اسنانه بغضب ينطق:بقرة
ضحكت تنطق:يوم الخميس عنا عرس
توسعت عينه بصدمة:لك عرس مين
ريما ابتسمت تنطق:عرس الجود يلا اوم بدنا نطلع عشان نتجهز
هز رأسه بموافقه بعد ماشاف قروبهم ولقى فارس كاتب لهم بعد.
-
اسفة على التأخير ان كان في تأخير،اسفه على الاخطاء الاملائية🤍،عطوها حقها.