انتهت جلستهم مشى كل واحد بيته مبسوط ومروق،كانت جلسة بدون نفس ثقيلة حق.
"اليوم الثاني"
مشى يدخل المستشفى بروقان واخيرا بتخرج وبيرتاح نفسياً وجسدياً تعب وكثير لكن يهون التعب لعيون الريان،الدكتور:تمام كتبنا لها خروج،بس ماتنسون المواعيد عندنا لمدة شهر تزورونا،يعني بين فترة وفترة وليام:تمام
الدكتور:تقدر تاخذها الحين،والحمدلله على السلامة مرا اخرى
وليام ابتسم ينطق بصوت هادئ:الله يسلمك،مشى لغرفتها يدق الباب،دخل بعد ماسمع اذنها،ابتسمت اول ماشافته تنطق:غريبة وين هتان كل يوم يجي معك
وليام:خرج مع البنات
هزت رأسها بفهم تنطق:مشينا؟ ابتسم ينطق:مشينا
-
لينا:متى بنروح القصور؟
رهف:والله ماعرف بس،مشينا نرجع ونكلم جدو مرا وحده،وقفوا البنات كل وحده تحمل قهوتها وتمشي،ماعدا الجوري اللي ماخلت شي الا صورته ومشوا عنها وهي باقي تصور،رفعت رأسها بصدمه تناظرهم مشوا عنهم صرخت تنطق:مشوا عني شف قلة الاذب،ركضت تلحقهم قبل مايبعدون. -
جلس على السرير تايه بأفكاره حاير بنفسه مب عارف ايش يسوي،وقف وهو خلاص قفلت معه مسك اوراق الطلاق وهو قرر يعطيهم الجود لان مستحيل يرجع يفكر في الموضوع هي كسرته وماسمحت له حتى يفكر بقربها ويشبعها بحبه يعشقها ماينكر هو حبها من وقت تعايش معها وعرفها كويس،لكن له كرامه بدوس حبه وطوايفه كلها،مشى يخرج متوجه لبيت ابو عبدالله"
طريق المشوار فقط ووصل،رفع جواله يتصل عليها تخرج له
ماهي الا ثواني وفتحت الباب له،دخل يشوفها واقفه قدامه،عليها هودي باللون الرصاصي بالنص كلام باللون الوردي ليجينز اسود،كانت حاطه مكياج خفيف"ترند العبون"بالاوان البنفسجي الفاتح والاصفر الفاتح والوردي الفاتح،فضلت الاوان الفاتحه دون غوامق،
نزت رأسها بسرعه اول ماشافته،هي حست او تأكدت بالاصح انو جايب معه اوراق طلاقها
اما هو ضاع الا نسى حاله من شافها بشكلها العفوي وجدا،نزل عينه من تذكر سبب جيته،اخذ نفس ينطق بهدوء عكس العواصف اللي تعصف بداخله:جيتك واوراق طلاقك بيدي بتوقيعك بنساك وبنسى مين الجود سامحيني بس زي مايقولون البادي اظلم
مد لها الاوراق وعينه مارفعها لها ابدا
اما الجود تجمدت تشوف الاوراق تشوف توقيعه والحين بتوقيع منها بتنهي كلشيء،مسكت الاوراق بيد راجفه،اخذت القلم منها ومدت يدها تبي توقع،رفع عينه يشوفها كيف ماسكه دموعها وعاضه اشفتها تمتنع من البكي،تفتحت عواينه بصدمه يناظرها تمزق الاوراق تمزيقق،رمت الاوراق وطاحت بحضنه تبكي وتقول:ابيييك يافارس لا تتركني
ثواني ولحظات ودقائق من الصدمه رمش اكثر من مرا يحاول يستوعب،مد يده يحتضنها بقوة ولو الود وده دخلها بين ضلوعه،نطق بحنيه صوته وهو يسمع بكاها:خلاص ياجودي لا تبكين معك انا والله
شدت عليه تنطق:لا تتركني
ابتسم ينطق:مااتركك والله،مد يده لفكها يرفع وجهها له،هام فيها وهو يناظر تفاصيل وجها عن قرب كانت نوعا ما طفولية،عيونها البُنيه المحمره بسبب البكاء شفتيها الممتلئة الصغيرة،بدأت الامطار بالهطول والهواء يهب بقوة الاشجار تتراقص مع الهواء وقلوب عشاقنا تحلق مع الطيور المهاجرة،قرب منها وغمضت مستسلمة له،قبلها بحنيه وبهدوء لكن قلبوهم تسمع بالهدوء ولكن هي تتعاصف وتتعارك بداخلهم.
-
"ببيت ابو حمد"
حمد:يبه قم تغذى وعين من الله خير اللي صار صار
ابو حمد بضيق:ماابي
حمد:يبه تبي تبقى كذا مايصلح بعد
ابو حمد:اتركني انت وتغذوا،عليكم بالعافية ماليي نفس والله
مشى ناصر بدون رد،وتنهد حمد ينطق:على راحتك
..
على طاولة الطعام وكان الصمت سيد المكان،نطق حمد بعتاب:ليه كذا ياناصر انت كذا تزيد ابوي اكثر واكثر مو كفاية اللي فيه
ناصر بجمود:ماهمني
حمد بغضب:هذاا ابوك ياناصر
ناصر بعدم اهتمام:بقوم اتوضى للصلاة مع السلامه
مشى وترك حمد المنصدم بسبب حجة اخوه الغبيه تقريبا
حمد وهو ماسك الضحكة:اي صلاة الله يهديك ياناصر الساعه 3:30 العصر تقلي صلاة
-
ايلين:جدوو بكرا اخر اختبارات ونبي نسري للقصور
الجوري:صدق جدو نبي نروح
هذام:تمم يوم الجمعه نسري
صرخوا البنات بحماس،وضحكت انوار تنطق:بيتنا المتواضع احلى ترا
لينا:عشنا بالبيت المتواضع كثير الحين دور القصور
ملاذ:صحح
..
دخل وليام وهو يجر ريان بالعربة،وقف هذام ينطق بصوته الجهوري:يامرحبا يابنتي الحمدلله على السلامة اخر سوء،واعذرينا عاد
ابتسمت ريان وهي التمست الحنيه بصوته وبكلمته"بنتي"ونطقت:البقى ياعمي الله يسلمك،والله معذور،انا المفروض اشكركم ماقصرتوا معي
هذام:واجبنا يابنتي واجبنا
مشوا البنات يسلمون عليها وشويات والكل تجمع في بيت الجد،قرروا ينامون كلهم ببيت الجد عشان اليوم الثاني بسوون عزيمة لريان قبل روحتهم للقصور،
كان البيت مليء بالصراخ من جميع النواحي من الحريم اللي ماخلو احد اللي وحشوا فيه البنات اللي يلعبون لعبة الاسئلة ومسوين ازعاج وهتان اللي يراكض بالبيت وراء القطوه اللي تهرب منه،نزلت ريما وهي تفرك عينها بنعاس،وقفت بصدمه تناظر الزحمة والازعاج صرخت تنطق:لوننننا
فزوا كلهم يناظرون اتجاه المكان اللي طلع الصوت منه ناظرو ريما اللي امسكت لونا"القطوة" تبعدها عن هتان اللي كان ماسكها بقوة،صرخ هتان يبكي ومشى لريان يختبئ بحضنها
الجود:خوفتي الولد يازق
لينا:وبعدين هذي من متى اسمها لونا
مو امس كان اسمها لولو
ملك:لا كان اسمها إيما
ريما:وشش إيما كان اسمها بيلا
ريان:طيب ليه غيرتيه
ريما تجمدت تناظر ريان وهي تو تستوعب انها موجودة صرخت تتقدم تحضنها وتنطق:متىى جيييتي
ريان بضحكة ممزوج معها الم:من شوي ياخيشه النوم
ضحكت تنطق:اصص
هتان بغضب:اصص انتي مااحبك
فطسوا البنات يضحكون ومشت ريما تلحق به اول ماهرب،
ريما:تعاللل والله لاصيدك ياكلب
مشى هتان بسرعه للعيال يختبئ بحضن وليام ينطق:انقذنيي
وليام بأستغراب:شفيك انقذك من ايش
اشر هتان على ريما اللي جايه بسرعه مثل المجنونه ونطق:وحشش
ضحكوا العيال اول مارفعوا رأسهم يناظرون المكان اللي يأشر عليه
اياس:سكنهممم مساكنهممم
ايان: ياربي ان كان سحراً فأبطله
ريما كشرت بوجهه تنطق:شدخل وع
امير وهو يقلدها:وعع
الياس:شعندك مخوفه البزر
هتان نطق وهو يشتكيها:انا بس اخذت توتو عصبت
ريما بصدمه:وغيرت اسم بنتي بعد على كيفكم انتو واحد يقول توتو ووحده تقول لولو والثانيه تقول إيما خيررر
وليام بضحك مين قال لولو وإيمو
ريما:إيمو قرعتك اسمها إيما واللي قالت البقرة ملكو ولينو تقول لولو وهذا يقول توتو بتتعقد بيلو
عبدالله:بيلو؟هههههههههههههههههههههههههههههههههههههههههههههههههههههههههههههههههههههههههههههه
ريما بقهر:كلزق
هتان ضحك ينطق:كلزق
العيال صرخوا بـلااااا
ادم وهو ميت ضحك:غلطط يابابا
هتان:بابا انت انا كبير
الياس ضحك ينطق:عمرك ثمان سنوات تقلي كبير
هتان:ايي كبيير وااضح
ريما:قلك واضح يعني خلاص واضح
هتان:بقولكم سر
اياس:لا قلي بس انا
وليام:لا لا بس انا
ريما:انااا اناا
ادم:لااا انا
امير:اناا
صرخ هتان بغضب:كلكممم
سلطان:بموت عصبتو الولد
-
"اليوم الثاني"
رجعت من الجامعه علطول انسدحت على الكنب وغمضت عينها جاهله عن اللي جالس مع جدها بالصالة
هذام:قومي يابنتي غرفه ريمو
لينا بتعب:ماافيني حيل
الياس:اجل يلا فمان الله انا ماشي العمل
فتحت عينها على مصرعيها تناظره جالس بجنب هذام وبيده كوب شاهي
هذام بتساؤل:ومتى راجع
الياس مسح شنبه ينطق:والله مااعرف بس اتوقع المغرب
هذام بصدمه:والعزيمة ياوليدي
الياس تنهد ينطق:بحاول ابكر بحاول
،اما لينا اللي من الفشلة مسكت اغراضها ومشت بسرعه للمطبخ،وهي تهف على وجهها بخجل شتمت نفسها مليون مرا بفشله.
الياس:بروح اشرب مويه انا
ايان:جيب لي معك
سلطان:جيب لي معك البيبسي حق وليامو
وليام بصدمه:خير قلتها حق وليامو
سلطان كشر بوجهه ينطق:دزز انت
ضحك الياس يمشي للمطبخ دخل علطول ولكن سرعان ماتوقف من نطقت:ولدد
وقف بصدمه يشوفها قدامه،وهي فصخت عبايتها وماكان عليها شي يسترها،سند ظهره على الجدار يتأملها نطق:،عيونك يابنت محمد سلبتني،مو ناوية تهونيها علي وتصيرين كلك لي!
وقفت بصدمه تسمعه مو عادته الياس تعرفه ثقيل ومايعطي وجه كثير كانت تتخيله دائما العصبي الثقيل،كانت تحبه منزمان وتكابر والحين يجيها كذا هي بعد ثقيلللله وجدا لكن الحين وين الثقل وين
لينا نطقت بخجل شديد جدا:الياس تكفى اطلع
ضحك ينطق:بطلع بس بعد اللي بقوله الحين
لينا ميلت شفايفها بأستغراب:وشو
تنحنح ينطق:يشهد الله اني حبيتك بكل مافيني،لا ترديني ياهواي مالي غيرك صدقيني ماصار قلبي اللي لك ومااختارك قلبي الا انتي مابيك بالحرام انا ابيك بكل مشاعر صدق فيني،مالي بالحب وطاريه بس من بعدك ماصار يومي يوم بدون ماافكر فيك تكفين يالينا ابيك ولا ترديني
رجفت من اقصاها تحس مشاعرر فائضة بقلبها دقات قلبها تدق بقوه بدون توقف،تداركت نفسها وردت عليه بهدوء عكس اللي بداخلها:مااردك لو كنت قد كلمتك مااردك،مشت بسرعه تعبر من جنبه وتخرج من المطبخ بسرعه لغرفة ريما،اما هو ابتسم بقوه من ردها المختصر لكن اعطاه امل فيها مشى وهو نسى ليه جاء اساسا
..
سلطان:وين البيبسي
ايان:والمويه
طنشهم ومشى يخرج من البيت،ضحك هذام بسخريه:كنتو تبون من السيف يجيب لكم منجدكم
وليام بشماته:صادق يايبه
ايان كشر بوجهه ينطق:دز انت،مشى يخرج من البيت ولحقه سلطان
وليام بصدمه:وش فيهم زعلوا هذول
هذام رفع كتوفه بعدم معرفه
ضحك وليام ينطق:الا يبه
هذام بسخريه:الا بسألك ابو عبدالعزيز
شهق وليام بصدمه:يبهه مين علمك كذا
هذام:سمعت البنات يقولونها لايلين
فطس وليام يضحك وضحك هذام من ضحكه
-
صحت من النوم بتعب تسمع جوالها يرن،سحبته بدون ماتشوف المتصل وردت بنرفزه:خيير يااريام اشغلتيني من امس تتصلين والله مااساعدك ذاكري لوحدك
ضحك بصدمه ينطق:يمه اكلتيني مين اريام
سكتت وهي تحاول تستوعب الصوت ونطقت بذهول:فارسس
فارس:اي فارس مب اريام
الجود ضحكت بفشله:وشدراني ماشفت الاسم
ضحك ينطق:طيب بجيك
الجود:طيب
سكرت المكالمة وغطت وجهها بفشله
لينا:بموتت الله يهديك
الجود:سمعتييي
لينا:ايي
الجود:ياويييلي
ضحكت لينا لكن سرعان ماصرخت من تذكرت موقفها مع السيف
فزوا البنات بصدمه من صراخ الجود ولينا
ريما:عمى الواحد ماينام
لينا وهي فيها البكيه:اسمعووني بعدين كملوا نوم احسس بموت
رهف وهي تغمز:الموضوع فيه السيف
هزت رأسها بـأي وفزوا البنات يتعدلون بجلستهم جلست وهي تكب العفش كله عندهم
-
بعد مدة وقت العزيمة كان بيت هذام حرفيااا حووسه،في غرفه ريما اللي كانت ضخمه جدا مكان واسع يحطون عليه ميكبهم وعطوراتهم واستشواراتهم،بأختصار مساحيق التجميل،اما عند العيال الكل متجمع بغرفه وليام كان مثل الاين على الحمام وكلهم يتروشون ويخرجون ونفس الشي لاين على غرفه التبديل،ما شاء الله هم كثيرين ويصير ازدحام وهم غلط اللي سوه يجتمعون في بيت هذام المفروض يكون خالصين قبل لكن مافكروا!
..
لينا:حطي ولهاننن ولهاننن
ملاذ:لييه ليههه ولهانه على مين
لينا بتمثيل:على السيففف اهههخ
ضحكوا البنات كلهم ونطقت بينهم ريما:حطي اغنيه مصريه بدنا نهز مصري يسطا
فزت الجود بحماس:والله ان لعبتي تممم
رهف ضحكت تنطق:يااخي جودد تجنن ليه كنتي ماتعطينا وجهه
الجود ابتسمت تنطق:لاني كنت ثقيله دم
ضحكوا البنات ومشت الجود تحط اغنيه مصريه وبدأت تهز خصرها والبنات يصفقون لها
لينا:ايوهه ايوهه،ياخيي تحمست بقووم معك
ملك بحماس:واناا
قاموا كلهم يرقصون بحماس وبأحتراف كان شكلهم عفوي ويأخذ القلب بعدها بشوي كملوا تعديل.
-
عدل شماغه ينطق:حلو كذا
ابتسم ايان:ياولد وش هالزين ياحظ اللي بتاخذك
السيف نزل رأسه ينطف بنفسه:اهههخ ياحظي انا والله ولينه القلب ورقيقته من حظي بأذن الله،رد عليه بهدوء نبرته:ربيي يرزقني بنت الحلال وياكم جميع
الكل:بأذن الله
وليام بجديه:مشينا ياعيال
ادم:حيي عمي البطل وش هالهيبه وش هالجديه
وليام رفع خشمه عليه:اقول امشي ياولد
ادم كشه بيده ينطق:هذا وانا امدحك
-
في العصر بعد الغذاء كانت جلسة خفيفه سوالف بسيطه لين تكلم ابو مناف:مو ناوي يابو انور تزوج واحد من اولادك ما شاء الله يعني بعدهم سكوا الثلاثين
وليام بعصبيه همس لسلطان واياس:يليل هذا وشدخله،وبعدين وش يقصد بسك الثلاثين
سلطان بضحك:يقصدك طبعا
وليام بقهر:وديي اقوم ارفسه
اياس:اقعد بس لا تفشلنا
هذام:الارزاق بيد الله بأذن الله وقت ولدي يطلب الزواج ماارده الحين خله يلاقي بنت الحلال
وليام تنحنح ينطق بنبرته المهيبه:لا هنت يايبه
سكت ابو مناف بدون رد لكن رجع ينطق:طيب اول احفادك مرا مايبي بعد الزواج هذي سنه الله ورسوله
الياس بحده:وقت اللي يطري ببالي الزواج ابقول ولا حنا الحمدلله عارفين بسنه الله ورسوله ونطبقها وقت تحصل الارزاق بأذن الله الموضوع مب بيدي
ابو مناف بسخرية:لا بيدك وقت اللي تبي قول ابي فلانه
انور:ولدي ومابجبره على شي سكر الموضوع يابو مناف انفداك
وقف الياس بهيبته ينطق بجديه:لا ليه يسكر الموضوع،انا بتقدم لبنت باغيها بالحلال ولا بالعمر فكرت نيةٌ سيئة فيها،سلبتني لها وانا قلت مردي لها مالي مفر قالت اطرق باب بيتي ومااردك وانا الحين عند ابوها وبمجلس جدها اطلبها
وقف هذام معه ينطق بحده:انت انطق الاسم وتجيك
تنحنح ينطق:عمي ابو ايان،جِيتك طالبك بنتك على سنه الله ورسوله،طالبك ماتردني فـ انا بهوى بنتك همت..
هذام:مين هي ياسيف
السيف بهدوء:لينا
وقفوا ايان وادم ومحمد بصدمه،تدارك نفسه ينطق:والله انت رجال ونعم الرياجيل ياسيف مااشوف لبنتي الاحسن منك،لكن القرار للبنت برجع لها ونعطيك خبر
ايان بهدوء:الله يكتب اللي فيه الخير
الكل:بأذن الله
هذام مسح على كتف الياس ينطق:احسن مااخترت ياسيف مامن احسن من بنت محمد
ابتسم بخفه ينطق:سلبتني والله هالبنت
هذام بحده:اثقل ياولد
ضحك ينطق:مامن خفه من بعد لينه القلب والله
هز رأسه بأسى يجلس وهو يشوف اخوانها وابوها خارجين ليشوفون قرارها
-
الجوري:وشش هالجمال تجننين ياريان والله انك تجننين
ريان بخجل:ياعمري جوجو انتي اللي تجننين والله
ايلين:اموتت بالخجلان انا
ضحكت ريان تضربها بكتفها بخفه:انكتمي استحيي،ضحكوا البنات ووقفت الجود من رن جوالها
ميلا:حبيب القلب اتصللل
ريان بغمزه:اعترفي
الجود بحياء:اصصص
لينا:روحي روحي تأخرتي على حبيب القلب
ضحكت الجود تمشي،رفعت الجوال لاذنها تسمعه ينطق بالهلا
الجود ابتسمت تنطق:هلا فارس
فارس بتعب:تعباان ياعيون الفارس
الجود بخوف:شفيييك،من ايش وين يعورك
ضحك بخفه ينطق:بشويش مافيني شي بس تعبان من العمل
الجود بهدوء:وينك انت
فارس:ببيت هذام
الجود:اوو تمام
فارس:تعالي
الجود:ويين
فارس:تعالي عند الحديقه الخلفيه ابيك
الجود:طيب
..
جلست على الكرسي تنتظر وصوله،سند رأسها تفكر لكن سرعان مافزت من حست بشخص ينطق:جووود
وقفت بصدمه ماتعرف وين تروح نطقت:بعدد ماعلي شي يسترني
مناف بخبث:اممم ماعليك عبايتك
سكتت بصدمه تشوفه يتقرب منها،رجعت خطواتها للوراء بخوف،لكن سرعان ماصرخت من اصطدمت بشيء اشبه بالحجر رفعت رأسها شافته فارس وبحركة سريعه منها تخبت وراء ظهره
فارس صرخ ينطق:نعمم وشتبي منها
مناف سكت بخوف لكن سرعان ماتساوى مع الارض من بكسه بوجهه سال الدم من خشمه واصبح شكله مرعب
صرخت بخوف تشوفه ينزل لمستواه ينطق:جرب تقرب منها مرا ثانيه بدوسك،والحين انقلع من وجهي لا اشوه وجهك ياوجه القرد
مشى بسرعه يطلع من البيت بكبره،اما فارس التفت لها وغضب الكون كله فيه
الجود ببكي:والله ماسويت شي
تنهد يزفر غضبه وغيرته الشديده ونطق:لا تطلعين مرا ثانيه كذا لا يشوفك احد لاني مااظمن لك وش بسوي فيك
هزت رأسها بفهم ودموعها ماتوقفت،مد يده يمسح دموعها وسحبها لحضنه:لا تبكين عيونك لا تحزن وفارس بقربها ان حزنتي والله دنياي كلها تحزن
الجود بهدوء:احبك
توسعت ابتسامته تشقق فمه:انا اهواك يابنت عزيز،ياعزيزه القلب،اتنفسكك والله،رفع فكها بيده ينطق:تدريين اول مااخذني طريقي لليمين كنت كاره يومي هذاك ليه اناا رحت يمين،والحين احمد ربي واشكره صدق من قال،اليمين درب الغانمين،لو رحت يسار،كان هالملاك وش يطيحه يين احضاني
ضحكت بخفه تشد على حضنه،رفعت يدها لوجهه تنطق:يلوموني بحبك يافارس مايدرون محد صحاني بالدنيا هذي الا انت محد حببني فيها الا انت ياولد الحلال تعرف مقولة"فاض الشعور واعلنت استسلامي وتكسرت مجاديفي وانهار كبريائي أنا أحبك جداً"احسها تعبرني انا استسلم عند عيونك مالي مأوى غيرها
فارس ناظرها وعينه تطلع قلوب حرفيا من رقتها ورقه كلامها عذوبتها من جمالها من الوردي الفاتح اللي لابسه مريح للعين ضيق بارز تفاصيل جسمها به قطعه من الرقبه وبعدها مثل الشال على كتفها الايمن شعرها الويفي المسدول على كتفها مكياجها اللي كان نوعا ما ثقيل مبزر ملامحها الحاده اكثر من الطفولية الكعب الابيض اللي على طوله ماوصلت ربعه،اكسسواراتها الفضيه،مريحهه للعين جميله وجدا جمال يوجع يوجعع
فارس:تدرين يااجود،سألت من سواك يااعز مخلوقق
ابتسمت تكمل الاغنيه معه:نص اللي في صدري من العشق يبلاك
نطقوا مع بعض وهم بين احضان بعض:وان كان حبك عوق انا راضي العوق،انااا راضي العووق
...
،صار تعديل على البارت،عطوها حقا تكفون،اسفه على الاخطاء الاملائية
أنت تقرأ
يارقيقُ القلب يافاتنِ الحُسن،ارفق بقلبِ سيفٌ من حجر.
Randomبطلنا الياس او"السيف" حاد الطباع متشدد يعشق بنت عمه لينا بنت المدينة،احداث حزينه ومفرحه في نفس الوقت،بتروحون عالم ثاني معي🤍.. اسمي المستعار ريان. "Ro,m" مااسمع للنقل الا بأذني
