يارقيقُ القلب يافاتنِ الحُسن،ارفق بقلبِ سيفٌ من حجر.

part 15

مر الوقت واقترب وقت الاذان كانوا العيال متبطحين في المجلس وفي سابع نومه لحد مادخل انور وتوسعت عينه خبره بس فارس والياس،يثاري الياس عازم العيال كلهم،ضحك بخفه من اشكالهم كيف غاطين بنوم عميق ولا دروا عن شي،رفع صوته ينطق:الصلاة ياعبيد الله قوموا يلا توضوا بنلحق على الصلاه،انتظر ثواني ومحد رد عليه زفر بغضب ومشى يحمل سطل مويه ويكبه عليهم،فزوا كلهم بذعر من المويه البارده اللي لامست اجسادهم ارتجفوا ببرد شديد ونطق بينهم سلطان بحرطمه:ياعميي بنموت برد
انور بغضب:وانا اللي انبح صوتي اصارخ الصلاة ياعبيد الله،وعبيد الله نايمين مادروا
امير زفر وهو يناظر ثوبه اللي كله مويه:يبه مب كذا طيب الحين ثوبي كله مويه
انور رفع عينه عليه وبحده:بالله اجل كيف اذا مو كذا اقول قم انت معاه قال ثوبي كله مويه،مين ينام بثوب طيب
نطق الياس بنبره صوته الثقيله اثر صحوته من النوم:قوموا ياعيال نتوضى ونلحق على الصلاة
وقفوا كلهم لجل يتوضون وغفلوا عن وليام اللي حتى ببرودة الموية ماصحى
توسعت عين انور اللي تو يلمحه،تقدم له يضربه بعصاته وصرخ فيه:ايا هابط ياوليامو حتى الموية ماصحتك قمم قامت قيامتك الصلاة ياولد
فز بصدمة من صراخ انور يزفر بغضب:خيير
انور بحده:جعلك ماتشوف الخير قول امين قوم الصلاة قلت لي خير!
وقف وهو يتمايل بنعاس يلحق العيال اللي خرجوا وهم يضحكون عليه
مسكه انور من بلوفره ينطق:ولدد ماتوضيت وبعدين رايح تصلي كذا حمار انت،البس ثوبك
وليام تأفف بملل:من وين اجيب لي اللبس ثوبك بسبح فيه
توسعت عين انور ينطق:تقصد اني دبه!
ضحك وليام بصدمة من فهمه غلط ينطق:لاا ياانور بس اول شي انت اطول مني واعرض مني بشوي ولا ماقصدي شي محشوم انفداك
ضحك انور يخبط كتفه وينطق:لا مب من عندي اخذ من امير ولا السيف
هز رأسه بفهم يمشي بخطوات مسرعه لا يتأخر عليهم
-
"ببيت هذام"
انوار:الا اقولك مريام شيلي هالقطو ازعجنا خليه عند البنات
ميري:بس ماما البنات في خوف منه
"بس البنات يخافون منه"
انوار نطقت بحده:اجل ليه ياخدونه دام يخافون،دامها كذا ارميه بالشارع مانبيه
ميري هزت رأسها بـلا تنطق:هذا مال ماما ريما بنات انت مايخاف بنات ماما فاطمة يخاف
انوار عقدت حاجبيها بعدم فهم تنطق:اقول سولفي عدل ولا لا تسولفين بنات ماما وماما انا ماافهم لك
ميري ميلت رأسها تفكر كيف توصل لها الفكرة ونطقت بعدها:ريما وبنات هذام مافي خوف بنات عُدي خوف،يعني ريتال حنين هذا حور و...قاطعتها انوار من نطقت بفهم:فهمتكك،طيب اجل وديه بعيد عني دوّر راسي وهو يدور مايوقف خذيه من هنا
هزت رأسها بفهم تحملها وتمشي معه لغرفتها
زفرت انوار بملل وهي تتحرطم:حتى سوالف مايتسولف معها تتكلم لي عربي مكسر نفهم كلمه وعشر لا
قاطع حرطمتها هذام اللي تقدم يجلس جنبها وبيده كرك مسويته ميري
رفعه يرتشف منه،نزله وناظر انوار ونطق بسخرية:تسولفين مع نفسك انتي
انوار ميلت رأسها بتجاهل:وشلك بي ياهذام
ضحك هذام بسخرية:حتى وانا جاي اسولف معك تطرديني
توسعت عينها بصدمة تنطق:يالشايب الحين انا طردتك،ولا نطقت بها بعد تتبلى علي استغفر الله بس
هذام مسح شنبه بهدوء ونطق:معنى كلامك ماتبيني
انوار زفرت بملل وهي توقف بـنية الصعود للغرفة
هذام ميل شفايفه بسخرية:ماتتحملين تجلسين معي الا ثواني وفزيتي
انوار التفتت عليه بحده:تقولّني كلام ماقلته وتبيني اجلس معك تخسى،لكن اعلمك اذا مااعلم عيالي عليك
هذام تجاهلها يرتشف من كوب الكرك اللي عنده بدون مايرد عليها اكتفى يناظرها ببرود
تنرفزت من نظراته ومشت وهي تطلع جوالها النوكيا وتتصل على محمد اللي متحمل دائما وابدا هواش امه وابوه اللي مايخلص
-
فيصل مسح وجهه وشنبه ونطق:طيب والحين وش نسوي يافريق
الفريق زفر بغضب:ياوليدي انتوا لو تروحون هذي المهمه بتترقون فـمثلا السيف بكون فريق وانت والياسين لواء فرصه لكم خلونا نقدمها لاسبوع الجاي مابصيبكم لا شر ولا ضر بأذن الله
زفر الياسين بغضب ينطق:مو سالفه يصيبنا شي بس السيف احنا بحاجته معنا وهو مصاب خل يمر شهر عالاقل
الجوهره:صادق الياسين والله يافريق مانقدر بدون الياس
ناظروها فيصل وفهد والياسين ويارا كيف طايحه الميانة عندها وتقول الياس بعد!
نطق فيصل بأستفزاز والمقصد بكلامة هيه:الا بعد سمعت يالفريق السيف خطب بنت عمه
الفريق ابتسم بوسع ثغره:الله يبارك له ويتمم له على خير
تجمدت الجوهره بصدمة، كبحت غيرتها وحسدها وهي تلف وجهها عنهم تصد بأنظارها،
وهم بالمثل كبحوا ضحكتهم من لمحوا غيرتها
ابتسمت يارا بهدوء تنطق:الله يتمم لهم على خير
-
خلصت من الاكل وهي تنادي العامله لجل تشيل الصحون
تقدمت العامله وهي تحملهم،رفعت رأسها على اليان تناظر كيف وجهها شاحب وباين التعب عليها
"المتوقع انه اغلبكم نسيتوا من هم،ذكرتهم في بارت 11،اليان وسعود"
ستيلا:ماما اليان انا ينظف البيت انت روح نام
ابتسمت اليان بهدوء تنطق:لا ماعليك بساعدك
ميلت ستيلا شفايفها بتساؤل:مو تعبان!
هزت رأسها بنفي وهي توقف تساعدها،مسكت الكوب الزجاجي وطقم الاشواك والملاعق تمشي بهم للمطخ مع ستيلا اللي حملت طقم الصحون،
بعد وقت طويل خلصوا من العمل اتجهت اليان للكنب وهي تستلقي عليه بتعب،على دخول سعود للبيت،
رفع رأسه يناظرها تقدم لناحيتها يوقف بجنب الكنبة اللي مستلقية عليها ينطق:شفيك
زفرت اليان بتعب وهي تهز رأسها بالنفي
عقد حاجبيه منها يوم حلوه معه يوم ماتعطيه وجه ماعادا يفهم لها،تجاهلها يصعد لغرفته،بحكم انه مايشاركها نفس الغرفة.
دخل وهو يرمي اللبس الرسمي،بحكم انه تو راجع من مقابله.
"سعود رسام معروف"
مشى يدخل للحمام"يكرم القارئ" دخل تحت الماء البارد مع انه بروده الجو ماتقصر ولكن هو يشعر بحراره بقلبه ماتبرد.
انتهى من الدش مسك منشفته يلفها حول خصره،والمنشفه الاصغر ينشف بها شعره،خرج واتجه لكبته يطلع له شورت واكتفه فيه،مشى وهو يرمي نفسه على السرير وسرعان ماغط في نومته بعمق.
اما عند اليان اللي بالمثل وقفت لغرفتها،ولكن على طول استلقت على سريرها بتعب بحكم انا مو من وقت طويل ماخذه دش،لكن عجزت عينها تنام وكالعادة قبل النوم تنهار بالبكاء.
-
زفر بضيق من وصله الخبر بأنه المهمه اسبوع الجاي،وقف وهو يحط جواله ومفتاح سيارته بجيبه ومشى يخرج من غرفته،نزل من الدرج بخطوات مستعجله واستوقفه صوت امير اللي نطق:ولد وين!
التفتت له ينطق:بمر لحرمي شتبي
هز رأسه بالنفي يأشر له بيده لجل يروح.
ميل شفايفه بأستغراب من اخوه،ومشى يطلع من البيت،ركب سيارته وهو يطلع جواله ويدق على رقمها.
ماهي الا دقائق ووصله صوتها،ابتسم بوسع ثغره ينطق:حي هالصوت وحي راعيه
ضحكت بخجل تنطق:حي نباك يالسيف
تنهد بهدوء وهو ينطق:يامحلى اسمي من ناطقك
ابتسمت بخجل رفعت شعرها من حست بحراره من شدة خجلها وكمل ينطق:بجيك طيب!
هزت رأسها بفهم تنطق:تعال
الياس ابتسم بهدوء ينطق:بتجهزين لي ولا بتجلسيني في غرفتك
مسحت وجهها بخفه تنطق:لا بجهز لك اكيد
الياس هز رأسه ينطق:لا تجهزين ولا شي امزح معك
لينا ضحكت تنطق:مو قصة مزح انت تستاهل
عض شفايفه ينطق بهدوء:احبك
توسعت عينها بصدمة،كتمت المايك وهي تصرخ صرخات مكتومه من الخجل،وهي تسمع صوته:لينا تسمعيني!
فتحت المايك وهي تحرك يدها بناحية وجهها لجل تبرد على روحها:معك معك اسمعك
ضحك بخفه ينطق:يلا انا قريب
هزت رأسها بفهم وهي تقول:حياك انتظرك
ابتسم وهي ينهي المكالمة ويرفع عينه للطريق.
اما لينا مشت تناظر فساتينها الكثيرة واختارت بينهم فستان احمر زاهي يوصل لتحت الركبة وماسك على جسمها مبرز تفاصيل جسمها بدقه،وخصرها المنحوت اللي برز بشده،بتكون نهاية للسيف اليوم.
ابتسمت برضى على شكلها ناظرت شعرها الاشقر الويفي،طلعت اكسسوار احمر لشعرها ترفع نص وتخلي الباقي براحته،ناظرت مكياجها الكثير جدا،حطت يدها على طرف شفايفها بحيرة،مدت يدها من قررت ايش بتحط اخذت بلشر من ديور وهي تحطه بخفه لجل مايكون اوڤر،حطت مسكره خفيفه ايضا لانها ماتحتاج الكثير بحكم انه رموشها خلقه كثيفه ونوعاً ما طويلة.
واخيرا الروج الاحمر اللي يزين ثغرها المعسول.
-
"ببيت انور،تحديداً غرفة ميلا"
مستلقية على السرير وهي تكلم سلطان اللي يسرد لها تفاصيل يومه وهي نفس الشي.
ضحكت بخفه تنطق:بس عاد لا تتحمس
سلطان ضحك معها ينطق:والله صدق تعبت من حالتنا كذا تكفين
عدلت جلستها وهي تنطق بجدية:طيب ياسلطان بس مب الحين اساسا مابقى شي على تخرجي بعد مااتخرج،بعد الفاينل هذا تخرجي بعدين يصير خير
هز رأسه بفهم،مد يده يبعثر شعره بهدوء ينطق:تمام،المهم يلا انا بقفل بقوم اتروش وبنام
ابتسمت بخفه تنطق:نوم العوافي حبيبي
عض شفايفه بهدوء ينطق:بعد حبيبي اتحدى يجيني نوم
ضحكت بخفه وهي تنهي المكالمه وتقوم من سريرها،رفعت شعرها وطلعت لها بجامه صوف وجهزت كريماتها واخذت منشفتها ومشت للحمام"يكرم القارئ"اخذت دش وطلعت وهي تلبس بجامتها وتحط كريماتها،رطبت شفايفها وابتسمت بهدوء وهي تناظر شامة خدها اللي يامه تغزل فيها سلطان بشكل غير مباشر لكن هي تفهمه.
مشت لسريرها وهي تمسك جوالها تطقطق فيه لحد ماتنام.
-
ابتسمت بفرح اول ماوصلتها رسالة منه يخبرها بأنه وصل،نزلت بخطوات مستعجلة تخرج للحوش،فتحت له الباب وهي تتخبى وراءه.
دخل وبيده باقة ورد بحكم انه وهو بطريقه نزل واشتراه،التفت يمين ويسار يدور عليه التفت باكمل جسمه للوراء وشافها تسكر الباب والتفتت تناظره بأبتسامة،مما جابت رأسه بأبتسامتها وشكلها بالاحمر نطق وهو دايخ بجمالها:ماتبين يضل عندي عقل انتي
ابتسمت بخجل وهي تقرب منه وتحضنه،شد عليها وهو لو الود وده دخلها بين ضلوعه،غمض عينه من وصلته ريحة عطرها اللي سلبه كله وطيحه على وجهه،نطق بهدوء وهو دايخ فيها:انا شلون بتحمل الغياب عنك شلون
شهقت بصدمة من كلامه ومقصدة الواضح وهي تبعد عنه وتناظر بعينه تنطق:وين اي غياب وين بتروح
تنهد بضيق ينطق:تقدمت المهمة لاسبوع الجاي
ميلت شفايفها بزعل وهي تنطق:وانت مصاب شوف حتى مشي ماتقدر تمشي واجد
ابتسم وهو يرجع شعرها خلف اذنها وينطق:لا تشيلين همي ابيك بس تنتبهين لك
هزت رأسها بالنفي وتغورت عينها بالدموع
ضحك بصدمة من لمح دمعها يحضنها له وينطق:لاا يعيوني لا
ارتفع صوتها بالبكاء،نطقت بين شهقاتها:الياس لا تروح اخاف يصيبك شي تكفى
انحنى يقبل عيونها وكتفها العاري ينطق:لا تبكي عيونك ليني!وبعدين انا مابصيبني شي صدقيني
مسحت دموعها تنطق:اوعدني تنتبه لنفسك
ابتسم بخفه وهو يحاوط خصرها:وعد
حطت رأسها على صدره وغمضت عينه تستنشق ريحة عودة وهو بالمثل كان هايم بريحة مسكها اللي اسره وبقوة نطق بصوت خافت اثر هيامه فيها:مايزهى الاحمر الا عليك يالعف الخجول،خصرك،ثغرك،وعيونك لي نـهاية،ارفقي بقلبِ سيفٌ من حجر.
ابتسمت بوسع ثغرها ترفع نفسها تقبل خده
توسعت ابتسامته ينطق:عيديها ماحسيت فيها
صدت عنه بخجل تنطق:لو تموت
ضحك بعلو صوته يسحبها لحضنه مرا ثانيه
وقاطعت حضنه من مسكت يده تسحبه معها للمجلس
ميل شفايفه يناظر المجلس الكبير جدا واثاثه اللي يأخذ العقل اللوانه الهادئه المتناسقه صد بأنظاره عن المكان يحول انظاره عليها،ابتسم وهو يجلس بجنبها وناظرها من نطقت:الياس،وش مهمتك
تنهد بهدوء وهو يلعب بخصّل شعرها،ونطق بحدة صوته:بتكون يا نهاية لنا يانهاية لهم
انقبض قلبها بخوف من ماوضح لها اكثر من كذا والواضح من كلامه انه بكون خطر عليهم،عضت شفتيها تنطق بخوف:دام انه فيها نهاية مانهاية على قولك كيف معكم بنات
ترك خصّل شعرها وهو يمسح على وجهه بخفه وينطق:اكيد مدربين ولا مستحيل يجيبونهم معنا
ميلت شفايفها تنطق بتساؤل:في بنات في العسكرية؟
ابتسم بخفه من فضلوها ينطق:هم استخبارات ياعمري
ناظرته بأستغراب تنطق:وش استخبارات
ضحك بخفه ونطق بين ضحكته:مع العسكرية ذول
هزت رأسها بفهم وهي تسلك له،واساسا مب فاهمه شي
ضحك وهو داري عنها تسلك له ونطق:خليك من عملي الحين،قولي لي سالفة رُتل مدري ايش اسمها،ترا عُدي وولده مسوين مشكله وبجون بكرا بيتفاهمون معكم الواضح البنت راحت فيها منكم،كلمني هُذام وشكله ناويكم بعد
طلعت لسانها بعدم اهتمام تنطق:هذا اللي يدوس لنا على طرف واللي يسوونه يسونه بنشوف،اعلى مافي خليهم نركبه
ارتفع صوته يضحك بصدمة منها ينطق:وللل
لينا بقهر:والله العظيم غثيثه هي واللي معها
الياس:طيب ماتعلميني ايش سوت
زفرت بقرف منها وهي تبدأ تقول السالفة من جهتهم بسبب انه وليام قال لهم اللي سمعه مب كلشيء
الياس ضحك بصدمة:هذي المفروض تروح العناية المشددة
لينا بغيض:ان شاء الله
توسعت عينه بصدمة منها،مسك ضحكته وهو يقرب لها ويضمها ويهمس بهمس مسموع:احبك
ابتسمت بوسع ثغرها ترد عليه بنفس نبرة صوته:اكثر
ابتسم من بينت له انها تبادله الشعور وانحنى يقبلها بحب.يقبلها وهي بين احضانه والورد الاحمر يشهد على حبهم.
-
"اليوم الثاني،الخميس المغرب"
ضرب هُذام بعصاته بغضب ينطق:كييف ضربوها!
عُدي زفر بغضب:الحين كيف بناتكم يضربون بنت وكلهم عليها!ولو ماكانت الاسباب مب كذا
وليام ميل شفايفه ينطق بسخرية:مستحيل يضربون بدون سبب قوي طيب!
صرخ فيه راكان ينطق:ولو كان السبب قوي مايضربونها كذاا!
وليام وقف بغضب وهي يمسكه من ثوبه ينطق:صوتك لا يرتفع علي سامع!كلمتك بأحترام رد الاحترام،وبعدين اذا بنتك قليلة اذب وتتلصق بعيال الناس ولو كانوا متزوجين هذي مشكلتها او بالاصح مشكلتك انت ماعرفت تربي!
تجمد راكان بيد وليام اللي زفر بقرف يدفعه ووقف هشام يمسكه وهو تحت الصدمة للان
وقف تركي وهو يناظر وليام بصدمة:وش تقول انت
وليام نطق بحده:بنتكم تكلمت لبنتنا كلام مب زين وانه كيف زوجها قبل فيها اللي هو فارس،وتبلت على الرجال وقالت انه يحبها وهي تحبه،ومن اليوم وهي ترمّي كلام على بناتنا ماتكلموا لها ،تحسبون مااسمع لا اسمعها تقول لهذي الله وعيونك واللي تتلصق بزوجها واللي واللي،ماينعدون على الاصباع اللي سوته وساكتين لها تتحمل اللي يجيها،وبسس لحد يجي يعترض عندنا.
ومشى يخرج من المجلس بغضب ولحقه الياس وسلطان
شد على اسنانه بغضب ينطق:قليلة الاصل
هُذام وقف بصدمة وهو ينطق:جيتوني تبون الاعتذار لكن والله محد بيعتذر غيركم تعتذرون لحفيدتي ولوليدي الفارس
عُدي وقف معه بفشله ينطق:والله ان اسـ... قاطعه فارس من وقف ينطق بحدة صوته:مابي اعتذاركم بس ابي بنتكم تبعد عني وعن حرمي
ومشى يخرج يلحق بـوليام والعيال
نزل عُدي رأسه بفشلة من حفيدته اللي طيحت رأسه
صرخ تركي بغضب:والله مااخليها
مشى يطلع ووقفوا معه احمد وهشام يخرجون معه،اما راكان اللي تجمد مكانه وماعرف ايش يقول ويبرر كيف يناظر بعيون هُذام وعياله وهذي فعلت بنته،وقف جنبه اصيل وهو يطبطب على ظهره بخفه
عبدالعزيز:ماعليك ياعمي انت مو غلطان هذا غلط بنتك
تنهد راكان بضيق ينطق:وجاي ابي اعتذار اثاريهم يبون الاعتذار مني كيف بناظر بوجيههم مالي عين والله
وقف قاسم ينطق بهيبة صوته وجدتيه:لا والله مالك ذنب الذنب كله ذنب بنتك،ماعليك القلب ماشال عليك وحقك بنتك مضروبه ومو عارف السالفة.
هز راكان رأسه بتقدير لهم ولتفهمهم
ماجد همس لاياس ينطق بطقطقه:الحين الحب يسوي كذا
مسك اياس ضحكته ينطق:ولد اسكت لا تضحكني هنا بين الرجال
ماجد:اي والله بعدين يحسبونا مجانين
هُذام بحده:وش تتهامسون به انت وهو قوموا الحقوا العيال ووليامو لا يسوي لنا مشاكل هذا لا عصب مين يمسكه
مسكوا ضحكتهم وهم يوقفون واشر اياس للعيال يقومون معهم الا ميثم وسالم اللي تجاهلهم ومشى
مسكوا العيال ضحكتهم من تجاهل اياس لهم وضحك عبدالله ينطق بطقطقه:اللهم لا شماته صدق
مشى ايان يحاوط ذراعه ويمشي معه ووقفوا ادم وامير يناظرونهم ونطق سالم بغيض:خيير
امير:لا بس مستغربين كيف انتوا مسخرة كذا محد يبيكم
ميثم بغضب:ولا احنا نبيكم
ادم ضحك بسخرية:اجل الحمد لله خير ماقلت،مشينا يالخوي
ضحكوا بـشماته وهم يخرجون من المجلس ونطق هُذام بسخرية:ماتبون تخرجون معهم اجل قوموا صبوا القهوة
زفر سالم وهو يوقف وقف معه ميثم وهم يقهون الرجال
-
خرج من غرفته وهو ينزل من الدرج ولكن توقفت خطواته من ناظر اليان اللي بالمثل خرجت من غرفتها وتقابلوا على الدرج صدت عنه وزفرت وهي تنطق:مافيني حيل اسوي عشاء اطلب لك
ضحك سعود بسخرية:وانتي متى سويتي عشاء عشان مافيك حيل
ناظرته بهدوء ومشت تتجاهله
استغرب انها تجاهلته وهي مو من عادتها،لحق بها ينطق:اليان بك شي
ناظرته ببرود وهي تهز رأسها بالنفي
مثل البرود مثل ماتسوي له ومسك كيس الاكل ينطق بهدوء:تبين
هزت رأسها بالنفي،والتفت وهو يطلع الاكل ويوضعه على طاولة الطعام وبدأ ياكل وهو كل شوي يسرق النظر لها وهو مستغرب من هدوئها
اما هي تنهدت وهي فقدت الصبر خلاص! وقفت وهي توقف قدامه وتنطق:سعود
عقد حاجبيه بأستغراب وهو يهمهم لها
تنهدت بضيق شديد وهي تغمض عينها وتنطق:ا.ابي الطلاق،طلقني ياسعود
فتح فمه بصدمه يناظرها وبعدها نطق بغضب:بنتت مو منجدك تزوجنا بالاجبار صح ولكن ماعمرنا فكرنا بالفراق اذا طلقتك بعيش حياتي طبيعي لان عندي عمل وبيت وكل شيء احتاجه، بس انتيي! بتضيعين يااليان اهلك مايبونك وين بتروحين وانتي ماعندك عمل
صرخت اليان بقهر تنطق:مهتمم يعني!مسوي مهتم اقول اتركني بحالي وماعليك مني اعيش بالشوارع ولا اعيش بالمذله معك
وقف بصدمه ينطق:انا،انا اذلك يااليان يمكن استفزك اقهرك احارشك بس مااذلك وين المذلة اللي عشتيها مو منجدك عاد
نزلت دموعها وهي تدفعه عنها:مابي اشوفك مابي اشوفك ولا تحاول تجحد عرفت كلشيء عنك خلاص توهمني بكثرة أعمالك بس..
صرخ سعود فيها بغضب من غموضها:بسس وشش،قولي تكلمي يلا بس وش!
اليان وهي تبكي بحرقة:قلنا ماتحبني تزوجتني غصباً عنك مو ماتسوي فيني كذا ياسعود
مسك رأسه بصدمة وهو ماعرف ايش يسوي مصدوم منها ومن اللي جالسه تقوله ومافهم منها شي
اليان صرخت تنطق:اكرهككك اكرهك،اكرهك اكثر من نفسي،تدري!!،صرت اكرهك حتى من ابوي اللي تخله عني لجل المصالح والفلوس.
ومشت تتخطاه تطلع من البيت وتجلس بالجلسات الخارجية وهي تبكي مقهورة على حالها كيف تجرأ يسوي فيها كذا،يكفيها اللي فيها ليه يزيدها ليه!
-
"بالمستشفى"
ضحكت بصدمة تنطق:لاا سما تمزحين
مسكت بكيتها تنطق:جيان ماجبتك تضحكين علي
مسكت ضحكتها وهي تهز رأسها بفهم وتنطق:اسفه طيب،انتي مادورتي الا تحبين رجال ماتعرفين حتى اسمه هذا هو سهم بوجهك اربعه وعشرين ساعه والولد واضح طايح على وجهه
تنهدت بضيق تنطق:بس انا اعتبره اخوي مااشوفه اكثر من كذا والله
كان كل ذا تحت مسامع سهم اللي بالخارج وسمع كل كلمة نطقت بها يحس مثل السهوم اخترقت قلبه،نزل رأسه بحزن ينطق بهمس:وقلبي اللي هواك شسوي فيه،ضرب جهة قلبه بقسوه وهو ينطق:قلبي اللي حبك وشافك سماه وش اسوي فيه،تحبين غيري بنظره وانا اللي لي سنة اوضح واحاول فيك ماشفتيني غير اخو،ضرب الباب بقهر ومشى لمكتبة اما عند البنات اللي فزوا بخوف ووقفت جيان تشوف مين فيه،وسرعان ماعقدت حاجبيها بصدمة من مالقت احد
سما:مين فيه
رفعت جيان كتوفها بعدم معرفه تنطق:مامن احد
ميلت سما شفايفه بصدمة:غرييب!
-
صرخ تركي بعلو صوته:طلعووهاا وينها قليلة الاصل.
فزوا الحريم على صوته ونطقت فاطمة بذعر:ياويلي هذا وليدي تركي بقوم اشوفه
وقفت لجل تشوفه اما عند البنات اللي توسعت ابتسامة الخبث على مبسمهم وهم يناظرون ريتال اللي بدون مبالغة شوي وو،فهمتوها)
زفرت ديم تنطق:شفتي هذي نهاية فارس وحبه
ريفان بسخرية:ماضحكتني الا لما قالت يحبني واحبه اذكر انا ماكان يناظر بوجهها اساسا
حنين بغضب:اسكتوا انتي وهي ترا مب ناقصتكم البنت.
..
تركي بغضب:يمه هاتيها لي قليلة الاذب
فاطمة بخوف:مين هي ياتركي اهدأ وفهمني ايش السالفه
تركي زفر غضبه وهو يمسح على وجهه بقلة صبر:ريتال،يمه ناديها وتعرفين
هشام بحده:يمه دخيلك هاتيها
دخلت فاطمة وهي تنادي ريتال،ماهي الا ثواني الا وخرجت ومعها ريتال اللي على طول استقبلها تركي بالكف اللي لف وجهها لف
طلعت تسنيم وهي تصرخ:بنتييي ولد اتركها
صرخ هشام بقهر:يتركها ليه،عشان قلة اذبها عشان تبليها على عيال الناس وتلصقها فيهم تبين تخربين بيوت انتي ربيناك كذا ياقليلة الاصل،دامك كذا ووصلت معك لهالحد،ماعادك اختي ولاني اخوك
انهارت تبكي بحضن امها وتقدم لها تركي يسحبها من شعرها:ولما نسألك ليه مضروبة قلتي بدون سبب سبحان الله صدق،دفعها بقوة مما سبب سقوطها في الارض ومشى ولحقه هشام وبقى احمد اللي يناظر فيها وماسوى ردة فعل
ناظرته تسنيم بغضب:وش تناظر انت يلا تعال كمل معهم وصرخ واضرب يلا 
تقدم وهو يهمس بصوت مسموع:لو بمد يدي بمدها عليك انتي وسحب منها ريتال وهو يحضنها
بكت ريتال بحضنه وهي تقول:اسفه والله مااعديها والله
هز رأسه بالنفي ينطق:اللي سويتيه مو سهل ولا قليل اسفة مابتفيدنا بشي ريتال انتي طيحتي رأس ابوك بالارض بحركاتك،ومشى يتركها خلفه تنهار تبكي وهي تنطق:حتى انت تركتني
تسنيم عبست بوجهها حزن على بنتها:خلاص ريتال قومي
صرخت بغضب تنطق:اتركيييني اتركيني
ناظرتها فاطمة بنظرات قرف ومشت تدخل للمجلس،ورفعت صوتها تنطق:السموحه يالاهل على فعل بنتنا والحين نجيبها تعتذر للبنات
انوار زفرت بغضب تنطق:ماعليك انتي تعتذرين يافاطمة،نبي اعتذار قليلة الاصل اللي بالخارج
دخلت ريتال وهي تمسح دموعها،تقدمت للبنات ونطقت بغيض:اسفه بنات على اللي قلته وكل شوي سويته،والتفتت للجود،وانتي خصيصاً بعد اسفه
هزوا البنات رأسهم وهم مب عاطينها وجهه،ركضت برا المجلس واتجهت للحديقة تغطي وجهها وتبكي ولحقتها حنين جلست بجنبها وهي تنطق:قلت لك مابفيدك هالفارس بشي وش خلاك تحبينه
شهقت بين بكيها تنطق:حبيته من لما كان صغير وهو دائما مرافق السيف كان عندي فضول اعرف قصته واعرف كلشيء عنه لما عرفت انه تزوج والله انهرت قلت لها كذا لجل تتركه ويصير لي
حنين زفرت بحزن على حال ريتال تنطق:انسيه ريتال!
ريتال عبست بوجهها:احبه
حنين بغضب:وش تحبين فيه انتي الرجال متزوج ومايفكر الا بزوجته واضح يحبها
ريتال ببكي:وش فيها احلى مني طيب
كانت حنين بترد عليها لكن سكتت من سمعت صوت احمد ينادي ريتال
حنين بهدوء:يناديك
هزت رأسها بفهم وهي تمشي تقرب له
ولكن توققت خطواتها من نطق تركي بسخرية:الحين خلاص الزواج بتم
صرخت وهي تهز رأسها بالنفي:لا لا لا
هشام بسخرية:شفيك مو انتي تبين حبيب يحبك جبناه بالحلال لك ومافي اعتراض
انهارت تبكي وهي تناظر احمد اللي واقف وحزين على حال اخته لكن يشوف انها تستاهل
انتبه لها تناظره وهز رأسه بالنفي
انهارت من فهمت اشارته انه يعني بتتزوج غصب وحتى هو معهم،ناظروها بقرف وهي بباكها ما هزت فيهم شعره ولا اشفقوا عليها،تقدم راكان وصفعها كف على وجهها وصرخ فيها ينطق:فشلتيييني فشلتيني كيف اناظر بوجيه هُذام وعياله الحين هاا كيف يافشلتيي صدق
مسكت وجهها وهي تحس خدودها تحرقها من الضرب اللي اكلته من تركي وابوها
-
سعود زفر بغضب:رديي عليي انا وش سويت
ناظرته ببرود ولا ردت عليه
سعود ناظرها بحده،زفرت وهي تحاول ماتبين خوفها ونطقت:الفاعل يعرف فعلته مايحتاج اقول شي،ومشت تاركته يحير بأفكاره ويسترجع بذاكرته ولكن للاسف ماتذكر شي،غمض عينه بحيرة وهو مو عارف وش يسوي فيها مايحب تزعل منه ولو كان مايحبها ولا يحب يعيش بغموض زي كذا.
-
اسفه على الاخطاء الاملائية،وان كان في تأخير،عشر نجوم ونكمل🤍.