حبيبك اللي بالوفا خابرينه
أصبح على فراش المرض
والوسادة ضاقت بي ايامي
وعفت المدينة والجوف
ناره تشتعل في زيادة
وأحزان قلبي زودت
في ونينة الله واكبر
شوف حظ القرادة
قبل أمس أنا وياه
عيني بعينه ويقول
عمري معك حقق مراده
-
في يوم ولليلة او بالاصح في دقيقة ودقيقتها تحول حال ال سِياف للسوء السيف ملقاه بسريره هذام طاح مغماً عليه من صدمته وضيقه على اول احفاده واقربهم لقلبه انوار داخت من الصراخ والبكي وفجأة سكتت بدون حس البنات حالتهم حاله وبالذات اخواته،ولينا'العيال ربي يعلم بحالهم رفيقهم وقريبهم السيف قدوتهم يفقدونه لو راح عمله ومهماته اجل شلون مسدوح على سريره محد يعلم به غير ربه! ماعهدوه السيف مطروح بفراشه خبرهم جبل مايُهدم لكن كل انسان يضعف لأسباب قدر الله وما شاء فعل ودائما الحمدلله ذكر الرب يطمئن القلوب
-
محمد مسح دموعه ينطق بتعب:يااولاد مشينا المسجد ندعي لاخوكم ربي يقومه بالسلامة ربي يعلم بحالنا ربي يعلم،وانتوا يابناتي قوموا مايصير تبقون بالمستشفى روحوا بيتنا اجلسوا هِناك او ببيت ابوي على راحتكم اشتروا لكم عشاء وتعشوا السيف بأذن الله بخير
وقف قاسم وزفر الضيقه اللي بقلبه ينطق:اجل انا اوصل البنات وانتوا انطلقوا للمسجد بعدها انا لاحقكم
وليام:وانا بوصل الحريم عشان سيارة قاسم ماتكفي وبعدها نلحقكم
غاده ببكي:لا لا مااترك وليدي وامشي لا
جنان مسحت عليها بحنيه بمحاولة التخفيف عليها:ياغاده ياحبيبتي مايصير كذا اهدئي شوي وادعي له وبعدين بقائك هنا انتي وانور مابفيدكم بشي قومي معنا نروح لبيت ابوي نتجمع نقرأ قرآن ونصلي ركعتين وندعي له،رفعت عينها لانور تكمل:وانت قم ياانور امشي مع اخوانك وعيالهم للمسجد وادعي مالنا غير الدعاء امسح دمعك يااخوي امسحه
انور غطى وجهه يبكي:قلبي يوجعي على ولدي مطروح الفراش ومابيدي حيله اسوي شي ابي خبرر عنه بس محد له حس للحين
بس خلص كلمته الا والدكتورة جات،فزوا كلهم لها ينتظرون تبشرهم بالخير ان شاء الله
الدكتورة بحزن:الحادث كان قوي جدا وصار تأخير على ماوصل للمستشفى مابيدنا حيله عليكم الدعاء وعلينا نسوي العملية نسبه فشلها كبير جدا ولكن نأمل تنجح بنسوي اللي نقدر عليه بنحاول
الكل ساكت مامن كلام وش يقولون بعد هذا الخبر مايعرفون وش يقولون وش يعبرون،كلمت الدكتورة تنطق:اما بموضوع المريض هذام بن عبدالعزيز بخير الحمدلله بس هذا تأثير الصدمه شوي ويصحى تقدرون تشوفونه بعدها،والله يشافي مرضاكم
مشت تاركه عائلة ال سِياف بصدمه كبيييره الحزن طغى عليهم نزلت دموعهم بحرقه بحزن بتعب مايتحملون اكثر من كذا هذا اكثر من طاقتهم ويزيدهم هذام بطيحته،
فاقت انوار من صدمتها تبدأ تصرخ وتبكي للمره الثانيه
ركض وليام بسرعه يحتضن امه اللي منهاره بكي
امير وهو يرجف من اقصاه:لا لا،لاااااا اخوي مابه شي السيف مابه شي لحد يكذب لا تبكوننن السيف ماصار له حادث والله من شوي كان يكلمني كانن يضحك معي ماكان فيه شيييي
طاح بالارض يبكي ويصرخ:ردووو عليي لا تسكتون لا تبكون الياس مافيه شي
تقدم الياسين بحكم انه صاحب امير الروح بروح يجلس جنبه ويطبطب عليه:اميير!الياس مايعجبه اخوه وسنده يضعف ويبكي كذا قوم ادعي له! مالك غير الدعاء ياحبيبي الله يشافي السيف ويقومه بالسلامه
الفريق وسام:ربي يقومه بالسلامة بأذن الله السيف رجال وقوي كم من مرا يطيح بالشغل ويرجع اقوى السيف قوي يااهل السيف وانتم اقوى تصبروا تصبروا عليكم الصبر والدعاء له.
جهاد بحزن:خلاص قوموا ياعيال المسجد مايصير نبقى بالمستشفى بعد
سلطان:بس بنتطمن على هذام بعدها نمشي
-
ابتسم بخبث ينطق:اممم مشت الخطه والسيف مصاب!
سعد ضحك:اي والله مصاب والكل زعلان عليه شوي ويموتون ماصارت ميت هو
منير ضحك بسخريه:قريبا بموت جاء الحادث من جهة باب السائق مستحيل يعيش الا اذا كان سبع ارواح
سعد بردت اطرافه بصدمه:لحظة لحظة،انت سبب الحادث
منير ابتسم ينطق:عليييك نور
سعد ضحك بقوه:لاااا منت طبيعييي ومين ساعدك ليه ماقالت لي
منير بسخرية:اقولك ونفشل مثل اخر مرا؟مشت الامور بدونك وانهينا السيف بسهولة،بمضووع مين ساعدني،ساعدني يوسف الفيصل هو سبب الحادث
سعد بقهر:انت لو قلت ليي واعطيتني فرصه كان ماخليته يروح المستشفى على طول القبر انت الخسران
منير:والله؟ اجل نشوفك في المهمه الجاية
سعد ابتسم:ببيض وجهك
منير بحده:المهمه الجاية كون على استعداد
سعد:ابشر،بخصوص يوسف الفيصل مب هذا سبب تدمير عائلة المروان
منير:عليييك نورر هذا اللي انهى المروان وقريبا ال سِياف
ضحك بعلو صوته وشاركه سعد الضحك وعينيهم حاقده.
-
الياسين:الله يساعد اهله مالي علاقه به كثير كثر اخوه لكن الواضح مرا قريييب لهم مساكين منهارين بكي كسروا خاطري لو بيدي ساعدتهم مااقدر
ابو الياسين:الله يساعدهم ويقوم ولدهم بالسلامه ربي يفرحهم بقومته
ام الياسين والياسين بصوت واحد:آميين
انهار:ولد ال سِياف هذا
هز رأسه بـأي ينطق:شعرفك بهم
انهار نطقت بهدوء نبرتها:بناتهم معي بالجامعة
هز رأسه بفهم والتفت على والده اللي نطق:مشينا ياعيالي نسوي لنا كشته بالحوش نغير جو
ابتسمت انهار بفرح:اي والله منزمان عن الجلسه
وقفت ام الياسين:اجل يلا انا اسوي الشاهي والقهوة واجيكم
الياسين:وانا بجيب شي ناكلوا من البقالة اللي بجنبنا واجي
انهار بترجي:بجييي معكك
الياسين بحده:اقول انثبري مكانك بس
انهار ميلت شفايفها بزعل تتجاهله وتمشي مع امها تجهز معها
-
"بالبقالة'عند الياسين"
الياسين:محمد خذ هذي الفلوس اللي مادفعها بدر
محمد:ليش انت في يدفع
الياسين ضحك بخفه:تنتظر من البزر يدفعها لك تلاقيه ناسيك الله يهديه
محمد هز رأسه بنعم ينطق:صح انا اخر مرا يبيع له
ضحك الياسين:خله يشتري وانا ادفع ماعليك
محمد هز رأسه بـلا:مايصير كذا لا انا اذا يجي مرا تاني بطرده
الياسين ابتسم وهو يشيل الاكياس:الله يهديك يمحمد بزر تحط راسك بـراسه،المهم يلا سلام عليكم
محمد بغضب وهن ينتظر بدر يجيه: سلام روح انا في ينتظر بدر مايروح من هِنا
ضحك يهز رأسه بأسى يخرج من البقالة يتوجه لبيتهم
-
ابو حمد نزل رأسه بضيق:الله يشافيه بأذن الله،والله ياعزتي لهذام واهله تعبوا من المشاكل والمتاعب
ناصر بضيق:اي والله
حمد:الله يرأف بحالهم
قاطع حديثهم رن الجرس
ابو حمد:افتح ياناصر
وقف ناصر يلبي كلمة والده يفتح الباب
عقد حاجبيه بأستغراب من ماشاف احد لكن سرعان ماتوسعت عينه بصدمه من سمع بكاء طفل،نزل عيونه للاسفل وهِنا كانت صدمته من شاف طفل بسريره عمره مايتعدى الشهرين
ناصر بصدمه:يالله مين ذول اللي يتركون طفل بهالعمر ويمشون
نزل لمستواه يحمله بيدينه ويتأكد مرا اخرى من عدم وجود احد،تنهد بضيق يناظر الطفل الصغير بالمفرش دخل للبيت يتوجه للمجلس
ابو حمد:مين ياوليدي تأخرت
ناصر رفع كتوفه بعدم معرفه ويدينه تحتضن الطفل اللي ماسكت من البكاء
حمد شهق بصدمه:مين ولده ذا؟
ناصر:مدري فتحت الباب كان عنده ويبكي ناظرت كان في احد ماشفت ومايصير اخلي البزر كذا بالخارج
ابو حمد عبس بملامحه حزن على الطفل المسكين:اي والله صحيح مايصير بعد نترك الطفل ورانا الحين هو بذمتنا لين نشوف اهله
حمد:المفروض نمشي للشرطة
ناصر هز رأسه بـأي:بس بعد اسبوع على الاقل يمكن يرجعون اهله
ابو حمد:كثير اسبوع ثلاث ايام بالكثير
هز رأسه بفهم يجلس وهو يحاول يسكت البزر
حمد ابتسم من لطافته ينطق:نسميه؟
ابو حمد:فكروا بأسم
ناصر:ما شاء الله الولد جميل واضحه على ملامحه الزين نسميه زين؟او نفكر بغيرهم
-
"ببيت هذام"
تحديداً عند البنات انتهوا من قراءة القرآن والصلاة وجلسوا يدعون ودمعهم رفيقاً لهم
ميلا نطقت بصوتها المبحوح آثر البكاء:ربي شافي سندي واخوي وظهري من بعدك ربي قومه بالسلامه مافيني حيل للتعب اكثر ياربي تكفى
حضنتها ريان برفق متجاهله المها بسبب كسورها كله مواساه لميلا،زفرت الغبنه اللي واقفه بحلقها تنطق:ماعليه ياميلا ماعليه اهدئي شوي السيف مابيعجبه شكلك كذا لو شافك بيزعل منك ترا
ميلا بدموع:وينن اهدئ واخوي بسرير المستشفى مطروووح
ريما مسحت دمعها تنطق:خلاص يابنات كفايه بكاء احنا جالسين نتحمل فوق طاقتنا
رهف غطت وجها:تبين دموعي تتوقف واخوي بغرفة العمليات لا من درى ولا من شاف
ريما بجدية:لو بكيتي بقوم السيف؟ سوينا اللي علينا يارهف على الله تعالى الاجابه بأذن الله مابيدنا شي قوموا ارتاحوا
لينا وقفت وهي تحاول تقوي نفسها نطقت وصوتها قوة خرج من حنجرتها اختفى من البكاء:خلاص صدق يابنات قوموا نريح شوي مانصحى الا على قومته ان شاء الله قولوا امين
البنات:اميين
كل وحده استلقت من جهه وكل ثنتين تغطوا مع بعض
سرعان مااخذهم النوم جميع اللي تحملوه اليوم مو قليل من حقهم.
-
"بالمسجد عند العيال"
كبر من صلاته يبدأ يدعي لاخوه لعضيده رفيق دربه وسنده انتهى ووقف يمشي بخطواته بنية الخروج لكن توقف من نطق ادم:وين
امير مسح شنبه ولحيته ينطق:المستشفى
سلطان:بتتعب ياامير ارتاح شوي بعدها رح
امير غمض عينه ونطق بـتنهيدة:مافرقت هنا تعبان وهناك تعبان ماارتاح اللي بقومة اخوي
عبدالله سكر المصحف يقبله ويحطه بموضعه التفت لامير ينطق:خلوه يمشي بس وقت تتعب ياامير ارجع انت لو رحت مابتفرق بـشي بس روح لو كان ودك
امير نطق بسخرية:مابفرق بشي بس بكون قريب من اخوي على الاقل واحس به قلبي يوجعني اخوي بفراشه وانا بعيد عنه ابي اروح بقربه ومااتعب
زفر قاسم ضيقه ينطق:روح ياوليدي روح
مشى امير يخرج من المسجد،والتفت محمد لانور الشاحب ماله حس بس يناظر الارض بدون كلام يدل على تعبه وهواجيسه بولده وابوه،هم ماقدروا يشوفون هذام لان ماصحى بس تطمنوا انه بخير
-
"مكان اول مرا نجيه'بالديرة تحديداً بيت ابو كرم"
ابو كرم ولد عم هذام،
.
.
ديم بضحك:اجل لو تشوفين فستان شهد ابيض واسود شدعوه حمار وحشي
ريفان نطقت بضحك:وربيي بكون هالعرس حفلله ماسمعتي مشاعل تقول فستانها لونه برتقالي هادئ صدقيني بتفجعنا نهايتها بلونه
مسحت دمعها تنطق:بتنعمى عواينا صدقيني من اللون وقولي ديم ماقالت
مدت يدها ليد ريفان يضربون كفوف بعض وهم يضحكون
عُدي"ابو كرم":اقول بس انتي وهي قوموا جهزوا العشى مع الحريم غير عن هالضحك اللي فالحين فيه بس
مسكوا ضحكهم يوقفون،نطقوا وهم يمشون:سمم
عُدي رفع صوته لجل يسمعونه:علموا العيال يجوني هنا
ريفان:ابشررر
..
تحديدا عند العيال بالحوش،وقف بينهم تركي ينطق:ياعيالل السيف صار له حادثث
سكتوا جميعاً بصدمه يحاولون يستوعبون اللي سمعته اذانهم
نطقت ديم بصدمه:مننجد؟
التفتوا كلهم عليها هي وريفان اللي بجنبها
تركي هز رأسه بـأي والحزن طغى عليه
ماجد:اجل نوصل الخبر لطويل العمر وبعد العشى ننطلق الرياض
ميثم نطق ببرود:شدعوه ماصارت حادث
سالم بسخريه:مننجد
وقف احمد ينطق بحده:لو يصير فيكم وتحسون!حسبي الله
تركي خزهم بنظراته الحاده،شتت انظاره عنهم بعد ماتجمدوا بخوف من احمد وتركي اللي قاموا عليهم،التفت على العيال ينطق:مشينا
مشوا العيال يتوجهون عند عُدي ،اما عند ريفان وديم اليي ضحكوا بسخرية يناظرون سالم وميثم ومشوا عنهم
..
حط يده على رأسه يحاول يستوعب الكلام اللي يقولونه العيال،رفع نظره الى تركي اللي نطق يحاول يخفف عليه:ماعليه ياطويل العمر بأذن الله يقوم بالسلامه السيف مايُقطع بسهوله من حديد بأذن الله
عُدي زفر ضيقه:اههخ بس الحين وش احوال هذام واهله ربي يصبرهم
جات على الجو الكئيب تناظرهم بأستغراب عقدت حاجبيها تنطق:بسم الله شفيكم
عُدي:حفيد هذام مصاب يافاطمه
عبست بـملامحها بزعل:ياعمري عليه الله يقومه بالسلامه
-
انسدح ببيته الكبير بتعب يناظر اعلاه يتذكر كيف لما ضعف محد غيره وقف معه لا اهل ولا هم يحزنون تاه بين مغارات وغابات لحد ماطلع له السيف بيومها يتذكر تفاصيل هذاك اليوم وكأنه كان بالامس،تنهدد يحاول يبلع غصته لكن وين ودمعه تمرد على خده غمض عينه بحزن شديد يدعي بكامل حوااسه لرفيقه واخوه وسنده،فتح عينه من حس بيدها الرقيقه تمسح دموعه ناظرها بحزن يقول:لو تدرين وش يعني ليي السيف ياجود اعرفه اكثر من نفسي والله محد خلاني فارس القوي والجامد الا هو من بعد رب العالمين كيف والحين هو ملقاه بفراشه وانا مابيدي حيلة لو الود ودي والكيف كيفي ان طرحت نفسي بفراش المشفى لعيون قومته
تغورت عينها بدموع تمد يدها له ترفعه بخفه وتحتضنه لها:بسم الله عليك ياحبيبي لا تقول كذا ربي يقومه بالسلامة،انت قوي يافارس لا تضعف بسهوله وش بقول عنك السيف لاشافك كذا!
فارس بكى بحزن ينطق:والله اني ضعيف بدونه يجودي انا لا اهل ولا اقارب دروا عني وهو اللي ماكان المفروض يتحمل فيني تحمل فيني وقت ضعفي الحين يتعب وينصاب كيف اقدر اناا
الجود:شصار معك ياحبيبي،فهمني شسالفتك عادي؟
ابتعد من حضنها يعتدل بجلسته يبدأ يسرد الاحداث اللي صارت له:
"في الماضي"
مسح دمعه بضعف مافيييه حيل اكثر من كذا استند على باب بيتهم مايقدر يعيش به لوحده هو مب بيت الا قصررر يحس بوحشه وهو بداخله لوحده امه تركته وابوه سجل البيت بأسمه عساس انو يراضيه ومشى مع زوجته وبنته تاركاً بكره واول اولاده وراءه،فز بخوف من حس بيد على كتفه
الياس:بسم الله عليك
ناظره فارس وابتسم له مجامله
الياس بحده:انت رجالل ياولد قم وخل عنك البكي
فارس هز رأسه بالنفي
ونطق السيف وهو يجلس بجنبه على عتبه الباب:وش بخاطرك
فارس بحزن:خاطري مكسور مابقى لي خاطر
الياس التفتت له بصدمه ينطق:استغفر ربك وش مابقى لك خاطر انت انسان يا..
فارس بهدوء:فارس،اسمي فارس
ابتسم الياس يطبطب على ظهره بخفه:فارس! والنعم يافارس والنعم بك وبجوادك،والله والنعم بك يالرعد
ابتسم فارس من لقبه الياس بالـ"رعد" ناظره شوي ونطق بعدها:ليه!ليه الرعد بالذات
السيف نطق بجديه:الرعد معناه الرجل الذي يخشاه الناس وهو لا يخشى بشر غير رب العالمين طبعا،انت قوي انت رعد يافارس الناس تخافك مب انت
فارس:مشكور والله ماقصرت يالجبل
ابتسم الياس بتعجب يهمس:جبل!
فارس مسك كتفه ينطق:انت جبل والله جبل ربي ارسلك ليي تعطيني قوى منك والله
ابتسم الياس ينطق:الجبل مثل ماتبي،وتقدر بعد السيف وتقدر الياس
ضحك فارس بخفه ينطق:وين اسمك؟
الياس:اسمي الياس بس معروف بالسيف والحين الجبل!
ابتسم فارس يحضنه بقوه وبادله السيف الحضن
"الحاظر"
فارس:تعرفنا على بعض اكثر واكثر لين ماصرنا اقرب اثنين
هو الجبل وانا الرعد لحد ماجاء يوم!
..
الياس:فارس
فارس همهم له وهو يطقطق بجواله
الياس:قلت لي تبي تصير محامي صح!
ناظره فارس بأستغراب يهز رأسه بـأي
الياس ابتسم يمد له الاوراق اللي تدل على توضيفه وبقى فقط توقيع منه:وانت الحين احسن محامي بأذن الله
فز فارس بصدمه ينطق:مننجدك
ضحك السيف يهز رأسه بـأي وسرعان ماتعالت ضحكاته اكثر من نط عليه فارس يحتضنه
"الحاظر"
ضحك يمسح دموعه:وكذا صرنا اقرب اثنين
شهقت تبكي وهي تحتضنه بقوة شد عليها يثبت فكه على كتفها ويغمض عينه
-
بعد يومين لا السيف صحى ولا هذام خرج من المستشفى صدمته كبيرة جدا حالته تتحول من السوء للسوء.
الدكتورة:هذام عبدالعزيز بخير فقط آثار الصدمه للحين عنده،اما الياس انور للان ماعندنا كلام عنه مافاق من غيبوبته من بعد العمليه للان ماصحى للاسف
جلس امير بتعب يناظر اخوه اللي بسريره هو تو جاء من عند هذام اللي مايتكلم ولا يرد على احد فقط اعين مُفتحه
الدكتورة حست بتعب امير ونطقت:تقدر ترجع بيتكم تستريح ان صار شي والله نكلمك سجل رقمك هنا
هز رأسه بالرفض:لا مرتاح
ميلت شفايفها وهي عارفه انه كذاب:براحتك
مشت تخرج خارج غرفة السيف وتلاقت مع صديقتها بالعمل
جيان:هلاااا ميمي
سما:اهليين زمان عنك دوامك صار وقته غير عن دوامي
جيان:ايي والله وش مسويه؟كيفك
سما:بخير الحمدلله انتي كيفك
جيان:بأفضل حال الحمدلله،احوال مرضاك؟
سما تنهدت بحزن:عندي والله مريض هو وجده الولد اصابه حادث وجده تعب عليه واخو الولد مب راضي يفارق المستشفى حاولت مب راضي
عبست بملامحها تنطق:الله يقومهم بالسلامه وياعمري عالولد هذا الاخ الصح
سما:ايي والله
جيان:تعالي نطلب قهوة ونتقهوى بما انو قرب انتهاء الدوام خلاص
سما ابتسمت تنطق:تمااام
-
وقفت تناظر نفسها بالمراية تحس في شي فيها متغير انشحب وجهها صار لونه اصفر من قلة الاكل نحفت كثثير عن قبل،
تنهدت بتعب تنطق:يبغالي اتروش يمكن ترد روحي شوي
تقدمت تفتح باب الحمام"يكرم القارئ"..،دخلت في الماء الدافئ نوعا ما غمضت عينها تسمح لدموعها تنزل تمتزج مع الماء
.
.
خرجت من الحمام بعد نص ساعة تقريباً،توجهت لغرفة الملابس تطلع لها لبس خفيف كان عبارة عن'تيشيرت اسود ولقينز"تركت شعرها مسدول كان واصل لتحت الكتف بشوي ناظرت صبغته الشقراء وهي صبغتها من كانت في حال ضيق وتبي تغير عن نفسها،لينا:يبغالي اغير هالصبغه ولا ارجع شعري احسن لي
بدأت تحط كريمات ومرطبات لجسمها تغير عن روحها شوي انتهت ومشت تلبس عبايتها بـ نية زيارة السيف وجدها
-
كانت مستلقيه على الكنبه اللي بغرفتها غارقه بتفكيرها لكن سرعان ماانقطع تفكيرها من سمعت رنين جوالها، رفعت نفسها تمسكه،وسرعان ماعقدت حاجبيها بـأستغراب من الرقم المجهول ردت عليه تنطق بهدوء نبرتها:اهلا،مين معي!
ابتسم من وصل صوتها لمسامعه ينطق:تعبانه يروح سلطان؟
توسعت عيناها من سمعت صوته،سكتت شوي والدموع بدأت تمتلي في عيونها
سلطان:ميمي
ميلا وهي ماسكه الغبنه:سلطان احتاجككك
ابتسم من اعتارفها ونطق:في كل وقت وفي كل حين ان كان ليل ان كان نهار ان كان صبح انا معك وبجنبك ماتركك ياميمي
ابتسمت وقت ضيقها وهو دائما ما كان يطبطب على جروحها بكلامه المعسول،حب الطفولة دائما غييير
-
تجمعوا كلهم كبيرهم وصغيرهم رجالهم وحريمهم نطق عُدي بعلوا صوته:مشينا يااهلي مشينا نروح نسلم على اقاربنا واهلنا،ركبوا سياراتهم ينطلقون للرياض.... (عائلة ابو كرم،عُدي ال سِياف)
عُدي:من اهالي الديرة وطبعهم القدييم اشد من ولد عمه في موضوع البنات فـ هذام طبعه مايتحكم بخرجتهم ودخلتهم مقنع نفسه هم بجيل غير جيله وزمنه اهم شي عنده سترهم لامن شعره طالعه ولا غيره، اما عُدي متشدد بهالموضوع مرا مانع بناته من الدخله والحركه على زمنهم القديم محلها البيت ،لكن له جانب بشوش وحنون،له من العيال اثنين والبنات ثلاث
فاطمة زوجة عُدي:حنونه على عيالها كثير تحب أحفادها و الملجأ لهم وقت خوفهم دايم
.
بكر عُدي هي بنته إيمان زوجها ماله داعي ذكره عندها منه ولدين وبنت
أكبرهم سالم.٢٧،وبعده حنين.٢٣،وأصغرهم صاحب ٥ سنوات سعود
.
بعدها يجي أبو تركي راكان،زوجته الأولى متوفية،وعنده منها ولدين اولاد فقط،ومن زوجته الثانيه بنتين وولد
أولهم تركي وأكبرهم.٣١،من بعده أحمد ٢٨،آخرهم هشام من تسنيم.٢٥
زوجة والدهم تسنيم،بنتها الأولى ريتال.٢٣.حور.٢٢
.
بعدهم أبو ماجد اصيل،وزوجتة ليال،عندهم من الأبناء ماجد.٢٩،وريفان.٢٥ ميثم.٢٧
.
الابنه الوسطه دلال،زوجها ماله داعي تعريفه،عنده من العيال اثنين فقطط
هادي.٢٧،عبدالعزيز.٢٤
.
أصغرهم أم ايهم،جواهر،زوجها ماله داعي تعريفه،عندها بنت وولد فقط
ايهم.٣٠،ديم٢٥
-
تحديداً سيارة تركي حيث كانت اصواتهم مرتفعه بسبب هواش حور وريتال وهشام
أبو تركي بغضب:أششش خلاص يااولاد منتم بزوره
ريتال مسكت أعصابها تنطق:يبههه شف حور وهشام يقولون إني حيه أم راسين
مسك تركي ضحكته ينطق بصوت خافت:احد يزعل من الحقيقه
سمعوه هشام وحور وانهارو ضحك تحت صدمه أبو تركي
تسنيم:بسس عن بنتي لا تزعلونها
ريتال بدلع:يمهه شفتي صدق يقهرون
ضربها أحمد على كتفها ينطق بحدة:اقوول بس عن الدلع لا ننزلك هنا
تركي ضحك بخفه ينطق:خلاص ازعجتونا
ابو تركي:اي والله صادز يوليدي اسكتوا بس
-
"بالمستشفى"
دخلت من الابواب تعلن دخولها مشت للاستقبال تسأل عن غرفه هذام
:الطابق الثاني غرفه رقم***
لينا نزلت نظرها للارض تنطق بهدوء:مشكور
مشت قاصده غرفه هذام'ابتسمت بخفه من دقت الباب وسمعت صوته الجهوري يأذن لها بالدخول،دخلت تناظره وعيونها عليه،مشت تركض له ترتمي بحضنه من مد يده لها.
لينا ببكي:جدوو لا تتعب اكثر من كذا صدقني احنا يالله نتحمل إصابة السيف لا تتعبنا انت بعد
مسح على راسها بخفه ونطق:ياحبيبتي يالينا لا تبكين لا توجعيني فوق وجعي
لينا ناظرته بزعل:كلنا موجوعين ياجدو والله'وانت اوجعتنا اكثر ماتبيني ابكي اقوى واخرج من المستشفى ترا السيف لما يصحى ويشوفك كذا والله يزعل
ابتسم هذام من مواساتها له كان يحتااجها بقوى لينا قريبه لقلبه ينسى تعبه معها:تعالي كل يوم لي
ابتسمت بخفه:ابشرر بجيك يومين
هذام عبس بملامحه:وليه يومين
ضحكت تنطق:لان الثالث انت بالبيت بأذن الله
ضحك معها ينطق:بأذن الله
-
نزلت بارت مع إنكم ماوصلتوا للعدد المحدد من النجوم زعلتوني الصراحه معني أتعب على بارتاتي ولو كانت قصيرة لكن أنا كل وقتي كتابه،أغير شوي ويصير مايمديني اكتب أنا بعز زحمتي وظروفي اكتب لكم،بقطع لين ربي يفرجها،واخيراً اسفه على الأخطاء الاملائية🤍.
أنت تقرأ
يارقيقُ القلب يافاتنِ الحُسن،ارفق بقلبِ سيفٌ من حجر.
Randomبطلنا الياس او"السيف" حاد الطباع متشدد يعشق بنت عمه لينا بنت المدينة،احداث حزينه ومفرحه في نفس الوقت،بتروحون عالم ثاني معي🤍.. اسمي المستعار ريان. "Ro,m" مااسمع للنقل الا بأذني
