بعد اسبوع كامل،الكل رجع لاشغاله بعض الاحيان يجون البنات يزورونها مع انوار وهذام،وطبعا وليام،هتان اخذه ابو حمد بعد ماعرف انو ريان للان عايشة وقرر يتحمل بهتان..
فتحت عينها بتعب تناظر الاجهزة حولها كان المكان مرعب بنسبه لها،رفعت رأسها على دخول الدكتور
الدكتور ابتسم بفرح ينطق:الحمدلله على السلامة انتي بخير؟
ريان بتعب:الحمدلله،بس ايش اللي صار
الدكتور:حسب علمي اصبتي بحادث لكن ولله الحمد انتي بخير الحين لك اسبوع كامل نائمة من بعد الانعاش
مسكت رأسها بصداع مو قادره تستوعب نامت اسبوع كامل هي تذكر فقط انها طلعت من بيت خالها بزعل وبعدين كلشيء يختفي من ذاكرتها
الدكتور:المهم بتبقين هنا اسبوع كمان عشان نتأكد من صحتك بعدها تقدرين تطلعين
هزت رأسها بفهم،ومشى الدكتور يخرج..
وليام مشى له ينطق:كيف صحتها اليوم
الدكتور بفرح:الحمدلله على سلامة المريضة صحت من شوي تقدر تشوفها لكن ماتبقى كثير لجل ماتزعجها
هتان بفرح:يعنيي اختي قعدت من النوم
الدكتور:اي ياحبيبي
دخل هتان بسرعه ومشى يلحقه وليام بعد ماتأكد انو عليها شي يسترها..
هتان مشى يحضنها بسرعه نزلت دموعه بحرقه ينطق:لاا تتركيني رييين
شهقت تبكي وهي تضمه لها اكثر:مااتركك ياهتان لا تخاف
هتان بعد عنها يمسك وجهها:رين انتي بخير
ابتسمت تهز رأسها له:بخيرر ياحبيبي بخير
وليام وهو منزل رأسه:الحمدلله على السلامه،واعذرينا على اللي حصل والله انه مو بالقصد وتكاليف علاجك علينا،واخر سوء ان شاء الله،واعيد اكرر اعتذاري.
ريان ابتسمت تنطق:معذور والله وانا اللي تعرضت طريقك،المفروض انا اعتذر،والله يسلمك وماتقصر بس ماله داعي تتكلف بعلاجي لا تتحمل غلطي لما تعرضت لك مايصير كذا
وليام بأبتسامة:لا والله ان تحمل تكاليف علاجك وانا حلفت
ريان بحياء:والله ماتقصر تعبتك معي
وليام:لا والله مامن تعب،المهم في شخص ينتظرك
عقدت حاجبيها بأستغراب تنطق:غريبة مين؟
وليام:الحين تشوفين،مشى يفتح الباب ودخل منه خالها وناصر وحمد
سكتت بصدمه تناظرهم وهي ابدا ماتقدر على الحكي من الصدمة كيففف كييف هو بجيح بعد اللي سواه فيها بكل قواية عيون يجيها!
ابو حمد طاح عند سريرها ينطق:والله اني اسف ياريان اسفف والله ماكنت عارف بشي بعد مااتكشفت حقيقتها وكذبها طلقتها ماعادها معي تكفين سامحيني يابنت اختي اسفف
ريان:اسفه خالي بس انت ماصدقتني من البداية انا مابي اسامحك من البداية،اللي سويته فيني مو قليل وانت اللي وصلتني لهذي الحاله رفعت يدك عليي قدامهم كلهم كذبتني فشلتني ظلمتني كسرتني
ابو حمد ببكي:اسف والله ماكنتــ..قاطعته تنطق بأنهيار:بسسس بسسس لا تكمل،ايييي خال ايي خال يسوي ببنت اخته كذا وين قلبك انت دمرتني خليت ناس يتحملوني وهم مالهم ذنب بحالتي هذي
ابو حمد:ياابنتي لا ترديني والله انا اسف والــ...قاطعته بصراخ:اطلعععع ماابي اشوفك اطلع
مسحت دموعها بقسوة تشوفه طاح يبكي لكان سرعان ماشاله حمد وهو ينطق:قمم يايبه،تحمل غلط سويته والله يهدينا ويهديك
مشى ابو حمد يخرج مع حمد ماعدا ناصر اللي نطق قبل لا يطلع:نعتذر ياريان عن ابوي والحمدلله على سلامتك..مشى يطلع يلحق ابوه وحمد
وقف وليام بصدمه اللي سمعه مووو قليلل مو قليل،رفع يده عليها،طلق زوجته،ظلمها،بسببه صابها الحادث،فشلها قدام الكل،وشش صاير كيف ومتى صار لها كل ذا،هي كيف تحملت هذا اساسا،صحى من سرحانه على صوت هتان الناطق:ريين لا تبكين خلاص
وليام:اسف على سؤالي بس كيف هو سبب الحادث،مو انا اللي تسببت به
ريان وهي تشهق:لو ماضربني وقتها ماطلعت اركض دون انتبه لك هو اكبر سبب للحادث
وليام بصدمه:ضررربك؟
ريان ببكي:تكفى وليام مو وقت اسألتك
تنهد بضيق ينطق:اسف ماقصدت اضايقك
ريان:ماضايقتني وعادي اقولك لك بس انا مو بحال يساعدني على الحكي الحين
هز رأسه بفهم ينطق:فهمتك
رفعت عينها له تقابلت عينهم مع بعض تجمدت مكانها وهي تشوفه واقف ببدلة عمله وهذا يدل توجهه لها علطول من بعد عمله بدون مايرتاح،ماتنكر انها تحبه من صغرهم لكن كانت دائما تضايق بسبب تجاهله لها،تحسبه يكرها لكن هو بالعكس هذا لانه يعزها مايبي ينظر لها،صح مايحبها بس يعزها،هي مثل اخته مثل ماهو يعتقد
شتت انظارها بعيد بسرعه تنطق:ممكن تاخذ هتان معك لوقت مااطلع من المستشفى
وليام:تمام
هتان:لا ابيك انتي
ريان مسكت يده تنطق:لا ياهتان اذا طلعت من هنا بجي لك كذا مايصلح تبقى هنا
هتان بزعل:رييين ابييك
كانت بترد عليه لكن سكتت من تكلم وليام:تعال يهتان بوديك الدكان نشتري ايسكريم
هتان بفرح:صدقق،وبعدين ترجعني هنا صح
وليام:اي بس انت تعال
مشى هتان بسرعه معه يمسك يد وليام ومشى يطلع معه بعد مانطق:المهم الحمدلله على سلامتك،اخر سوء ان شاء الله واعتذر مرا ثانيه..
مشى يخرج مع هتان اللي يحرك يده مع وليام للامام والخلف بحماس،اما ريان اللي انسدحت بضيق تذكر خالها اللي كان عندها من دقائق وهي رفضته بقسوه،ريان مو بهذي القسوه بس لجل يأخذه درس،هو يبقى خالها وهي بنت اخته،تنهدت بتعب شديد لكن بسرعه ابتسمت من تذكرت وليام،صوته وهيبته"وعيونه"اللي دائما كانت تجيب راسها،نطقت بأبتسامه خفيفه على ثغرها:تعتذر مني عشانك صدمتني،ماتدري اني انتظر اعتذارك لانك سرقتني،اه ياوليام متى بتفهمني،تراني تايها ماحدٍ درا عني،بس عيونك لي وطن كل ماضعت قلت هذا مسكني..
-
كان هذا اليوم،يوم فراق بين قلبين،فارس والجود.
خرجوا من المحكمه بأنتصار بعد مارموا الرخيص عمر بالسجون.
فارس:والحيين.
الجود تنهدت بضيق:والحين؟
فارس بجمود:كل واحد بطريقه مثل مااتفقنا
الجود عضت اشفتيها بمحاوله تخفي دموعها،تعلقتت فيه كثيير عشان زله لسان هي انهت كلشيء ولو كان فيه امل هي الغت هالاتحمال بغلطتها لكن في طريقه،الجرأة والمصارحة،تصارحه بحبها تتجرأ وتقول له تبيه،لكن ويين والجود ماعندها هالاثنين
فارس:الله معاك تقدرين تروحين واوراق طلاقك توصلك لعند باب بيتكم،قولي ماصار نصيب وبس
هزت رأسها بفهم ومشت بدون رد لسيارتها،ماتقدر تمسك البكيه اكثر هي كانت بتنهار عنده للحظات لو ما مشت عنه..
-
"ببيت انور تحديدا غرفة رهف"
انسدحت بملل تنطق:رههفففف
رهفف:عمىىىىى نعمممم
ميلا:مللل ياخييي بموت
رهف بعصبية:وش اسوي لك تشوفيني ارقص والعب وماعزمتك
ميلا بقرف:وعع الشرهه مو عليك عليي انا اللي جايه لك
ميلت شفايفها تنطق:طيب نعزم البنات يجونا
ميلا وهي اعجبتها الفكرة:الله تعجبيني يارهفوووو
ضحكت رهف تنطق:يلا اكتبي بالقروب
هزت رأسها بفهم تكتب للبنات وسرعان ماجاها الرد منهم وكنهم ينتظرون الزله
-
"ببيت هذام"
نزلت بسرعه من الدرج لكن خففت من سرعتها اول ماسمعت صراخ انوار تأمرها بالهدوء
ريما:وين وليام
هذام:توه خارج ليه
ريما صرخت بقهر:لاااا سيارتي تعطلت وابيه يوديني بيت انور
انوار:وش تبين ببيت انور يانشبه
ريما بحرطمه:ماني بنشبه والله بس البنات بيتجمعون هناك وانا ابي اروح معهم
هذام:اخترع لك سيارة؟
ريما بضحك:لا شدعوة يبه تخترع وسيارتك موجودة
هذام:لو تصيحين
كانت بتنطق لكن رفعت عينها لالياس الداخل
الياس:السلام عليكم
:وعليكم السلام
ريما ناظرته ونطقت تغني:يييي سحر عيونه نظراتووو
ضحك الياس ينطق:خير وش تبين
ريما وهي تمسك يده:الله وش هاليد الحلوه
الياس:اقول بس وش تبين
ريما ناظرته بترجي:سيففف تكفى تكفى وديني بيتكم
الياس:لا لا
ريما:ييي شو مهضومه كلماتتتو
الياس مسح شنبه يستغفر:خمس دقائق ماتجين بكنسل
مشت بسرعه تركض غرفتها تتجهز،اما هو ضحك يمشي يسلم على جده وجدته
هذام بقلة حيله:جننتني هالبنت لا وتبي سيارتي بعد مجنون انا
ضحك الياس ينطق:ليه ماتعطيها
هذام بسخرية:عطيها انت
الياس بصدمه:تخسي
ضحك هذام ينطق:شفتت
انوار:مسكينه بنتي لو اعرف اسوق والله اوديها
هذام:يصير خير
انوار:والله اوديها تحسبني خايبه مثلك
هذام بصدمه:انا خايب ياانوار
انوار:والله خايب
مسك الياس ضحكته لا يضحك ويعصب عليه هذام على نزول ريما اللي كمان سمعت وكانت تضحك بصوت خافت
هذام:الله وتضحكين بعد
ريما وهي تمسح دموعها من الضحك:لا شدعوة مين ضحك
هذام:امم
مشى الياس وهو يضحك يخرج من البيت ولحقته ريما بسرعه
هز رأسه بأسى من انوار وعياله ورفع كوب الشاهي يرتشف منه..
-
امير:وش عندك انتي وهي
رهف:بجون عندنا البنات
امير وهو اعجبته الفكرة:اجل تم بعزم العيال
ميلا:خيرر ياقلود حنا بنذاكر مع بعض لجل الفاينل انت ايش عذرك
امير:عذري انو كيفي
رهف كشته بيدها تطرده من الغرفه وتسكر الباب
:مزعجج
ميلا:صادقه
..
وقفت سيارته على باب البيت ينطق:يلا فكيني انزلي
ريما:شكرا ياحبيبي
الياس:عفوا ياحبيبتي
ريما:الله وصلوا بنات محمد يلا دز
رفع عينه يشوفهم اول مانطقت ريما
طاحت عينه على لينا اللي كانت عبايتها سوداء لكن يغلبها اللون الكحلي وكمان طرحتها باللون الكحلي وهذا كان سبب لابراز عروقه وانشدادها،نزل بسرعه خلف ريما
ونطق بحده:وقفي لينا بكلمك
التفتت عليه بأستغراب وهزت رأسها تمشي له
اما ريما وايلين دخلوا للبيت
..
ريما بفضول:خيير هذا وش عنده ابي اسمع
ايلين:حتنى الفضول قتلني بعدين اذا جات بنهددها الا وتقول لنا
ريما:تمم
صرخوا بخوف من انور اللي نطق من خلفهم:شعندكم تتهامسون
ايلين بخوف:عموو خرشتنييي
انور بضحك:بسم الله عليكم يابناتي شفيكم
ريما صغرت عينها تنطق:صرت بنتك
انور ابتسم ينطق:ايي بنتي
-
لينا:شفيك
السيف قرب منها وعينه تطلع شرار وعروق جبينه ويده منشده اثار غضبه ينطق:ايش اللي لابسته انتي
لينا بأستغراب:مافهمت
السيف بغضب:لينا لا تستهبلين،عبايتك
لينا تفتحت عينها من استوعبت انو معصب من لون عبايتها
لينا:طيب عادي
الياس وهي كذا تزيده غضب اكثر:لا تختبرين صبري مابتطلعين بها مرا ثانيه سامعهه،الا والله اشقها فوق راسك اذا تفكرين تطلعين بها مرا ثانيه
ابتسمت داخليا وهي تحس بغيرته عليها نطقت تزيد قهره:وليه تدخل البس اللي البسه
مسك معصمها بغضب:انا حذرتك جربي تلبسينها مرا ثانيه عاد تماديتوا سمحنا وقلنا خلاص لا تلبسون النقاب فليتوها
نطقت بألم:الياس اتركني عورتني
تركها بقوه ينطق:لا اشوفك لابستها مرا ثانيه
هزت رأسها بفهم،رفعت رأسها له من رن جواله،طاحت عينها على اسم المتصل"شهد"
رفعت عينها له بقوة تشوفه يرد عليها
الياس:هلا شهد
شهد:متى تجي الشركة مو اليوم اتفقنا نشوف الاوراق ترا ورانا عمل كثير
الياس تنهد ينطق:شوي وجايكم انتظروني
شهد:طيب لا تتأخر
الياس:مع السلامه
سكر المكالمه يرفع رأسه لها يشوفها لان ماتحركت
لينا:مين ذي
الياس رد عليها وهو مستغرب من سؤالها:موظفه بشركتي ليه
لينا بقهر:لا ولا شي بس سؤال
مشت عنه لكن سرعان مامسكها ينطق:مااقنعني جوابك ليه تسألين طيب
لينا:مدري اسأل شهد
ضحك بصوت عالي ينطق:لحقتي تقرين اسمها ما شاء الله
لينا بغضب:مايضحك
ابتسم ينطق:طيب اسفين من حضرتك
مشت بسرعه تتجاهله لكن للمرا الثانيه يسحبها له:لينا
بعدت عنه وهي تهمهم له وهو كمل ينطق:خلاص
لينا استغربت لكن ماقالت شي هزت رأسها بفهم تمشي تدخل للبيت اما هو مشى لسيارته ينطلق لعمله
-
ميلا عقدت حاجبيها بأستغراب:غرييبه السيف كان معصبب وقال يبي يكلمم لينا
ريما:ايي والله
الجوري:صدق غريبة،دخلت لينا تنطق:وش الغريبة
ايلين:وش يبي منك السيف
لينا بتوتر:وش يبي يعني
رهف:لا تستهبلين قولي
لينا:وشش اقول مافي شي
ملاذ بغمزه:اكيييد
ملك:مافي هنا هِناك
ريما:اقول تكلمي لا اطلع الكلام من بطنك
تنهدت لينا بأستسلام تقول لهم كلشيءء
ميلا بصدمهه:والله وجبتي رأس اخوي يابقرة
لينا بصدمه:شدخل
ايلين بتحليل متعوب عليه:له دخل يانونو شوفي عبايتي مشابهه بعبايتك ماقال شي لو بنقول غيرة اخو على اخته لكنه غار عليك انتي معناها يحبك الغيره ماتجي الا بالحب
ريما:صح وهي تبادله الشعور لانه غارت عليه من شهوده
رهف بغمزه:ايي اعترفيي غرتييي
لينا بقهر:ماله دخل انكتموا
الجوري:شدعوه قولي مابنقول لاحد
ميلا:ليه تقول كلنا عارفين الاثنين يحبون بعضض
ملاذ:الله يناسبببب
الجوري:صددددقققق
لينا غطت وجها بحياء:اصصصص ماله دخللل
ريما:اجحد مهما كانت الادله قوية
ضحكوا البنات ماعدا لينا اللي كشرت بوجههم
-
فزت على دق الباب نطقت وهي تتوقع الدكتور:تفضل
دخل وليام مع هتان اللي معه ورد ابيض وبالنص شريط"بسم الله أرقيك من كل شيء يؤذيك،الحمدلله على السلامة
"هتان"
موجود اسم هتان ولكنها من قلب وليام،تقدم يعطيها ويقبل خدها:احبككك
ابتسمت تحضنه:وانا احبكك هتااني
ابتسم وليام من منظرهم كان مليء بالحنية والرقة حرفيا..
هتان:متى تطلعين رين
ريان:والله مااعرف بس ان شاء الله قريب
سكتت على دخول الدكتور،الدكتور:انتهى المغذي؟
هزت رأسها بـ أي وتقدم الدكتور يبي يشيل الابرة من يدها
بعدت يدها بتسرع تنطق:وين الدكتورة،هي حطتها لي خلها تشيلها
الدكتور بكذب:خلص دوامها
وليام بحده:ليه وفي بس دكتورة في المستشفى؟
الدكتور بقهر:طيب الحين بناديها
جلس على الكرسي يمسح على شنبه وهو يستغفر بغضب
ريان لاحظته لكن ماتكلمت،دخلت الدكتورة وطاحت عنيها على اللي جالس على الكرسي ومنزل رأسه ومارفعه لهم ابدا
الدكتورة:وليام؟
رفع رأسه لها بصدمه كيف عرفت اسمه،لكن سرعان ماابتسم من شافها بنت خالته
ريناد:كيفك منزمان عنك،ليه ماصرت تجينا ولا كلام ولا سلام
ابتسم ينطق:اعذرينا والله الاعمال شاغلتنا ولا انا الود ودي اجيكم مع امي
ريناد:يلا اسبوع الجاي ملكة بيان تعال لنا
وليام:ان شاء الله كلنا نتواجد
كان كل هذا تحت مسامع وانظار ريان اللي كلمت تحترق غيره كان ودها تقوم تسطر ريناد لكن ماتقدر،كل هذا كان بداخلها مابينت لاحد غيرتها الشديده،
مشت ريناد تفك المغذي عنها ونطقت:خلاص بكرا ان شاء الله تخرجين بسبب تحسن صحتك السريع.
هزت رأسها لها وهي مو عاطيتها وجه
التفتت ريناد لوليام تنطق:الا ماقلت لي وش تقرب لك المريضة
وليام:ريان بنت جيراننا..،قاطعته ريناد وهي تناظر الورد وتقرأ الكلام:بنت جيرانكم كيف جيتها اجل
وليام وهو يفرك حاجبيه:طيب خليني اكمل
هزت رأسها له وكمل:انا صدمتها والحين بتحمل غلطي وببقى ومعها ولو كان مو انا اللي صدمتها واجب علينا الزيارة،واساسا اخوها الصغير معي ويبي يجي لها
هزت رأسها له وهي تحترق غيره تحسد ريان عشان اهتمام وليام لها.
اما ريان كانت تبتسم من رد وليام اللي اعجبها هو ماقال بس عشان هو صدمها جاء لها لا قال هذا واجب عليه ولو كان مو منه السبب
ريناد:المهم لا تنسانا تعال لنا اسبوع الجاي
وليام بهدوء:تمام
ابتسمتص له ووجهت انظارها لريان خزتها ومشت تطلع من الغرفه
اما ريان اللي استغربت منها لكن طنشتها والتفتت تسمع سوالف هتان
وليام:ريان
ناظرته وهي اول مرا تسمع اسمها على منطوقه ابتسمت بخفه وهي تحاول ماتوسع ابتسامتها اكثر:هلا
وليام:بكرا وقت خروجك انا بجيك طيب
هزت رأسها بفهم وكمل ينطق:بتبقين معنا لمدة شهر على الاقل
ريان بصدمه:ليه
وليام بهدوء:لازم ياريان،اول شي رجلك مكسورة ويدك،بعد التئام كسورك تقدرين ترجعين بيتكم كذا مانقدر نخليك
نزلت رأسها تنطق:طيب،مشكور ياوليام تعبتك معي
وليام ابتسم ينطق:مامن تعب والله،ومابيننا لا تشكريني
ابتسمت له بحياء،اما هو ضاعت علومه اول ماشاف ابتسامتها كيف تجنن،ضاع في تفاصيل وجهها المتعب لكن سرعان مانزل عينه من حس على نفسه
-
"بـاخر الليل ببيت انور"
كانوا جالسين في الجلسه الخارجيه متجمعين على حلى وشاهي وقهوة وحَب ومفرحات كذا،نطق وليام بتعب:ان استأذنكم والله اني تعبان ووراي بكرا مشاويير
ريما:اجل يلا بقوم
لينا:لا لاتروحين انا بعدين برجعك
ريما:تمام
وليام:اجل انا ماشي
الكل:بأمان الله
مشى يطلع اما الكل كمل سهرته بالسواف والضحك وكذا
عبدالله:وش رايكم تشعرون لنا ياشعارنا
ادم:اي تكفون
ايان بهدوء:طيب اول شي انا بعدين السيف
السيف بصدمه:ماقلت اني بقول
ايان:يلا ياسيف تكفى
رهف:صدقق سيف تكفى
تنهد وهو يهز رأسه بـ لا
ابتسمت ريما تنطق بهمس:لينا انتي قولي
ميلا:صدقق اذا انتي بيرضى
لينا بتوتر:وش فرقت لا لا
ملاذ:فرقت وكثير انتي لييييينا
لينا ميلت شفايفها بعدم فهم:ويعني
الجوري وهي تغمز:يعني حبيبة القلب
توسعت عينها بصدمه تنطق:قلة اذب
ملك:اقول تكلمي يلا
تنهدت لينا تنطق:يلا ياسيف نبي نسمع ملينا نطالع بعض
رفع رأسه لها وهو يفكر،لا مايفكر انو يشعر ولا لا،يفكر وش يشعر عليها
تنحنح ينطق:غلاه من فوق الغلا ماهو بدون
وحكاه سمعك يجبرك برخاك له
ودك تحطه فالعيون من العيون
وتبسط على رمض الثرى يمناك له
وتظله من الشمس في ظل الجفون
ولا يمر
"ماهو لي"
صفقوا كلهم ينطقون:صح لسانك
السيف بصوت خافت:صح بدنكم
ريما ضربت لينا بكوعها:حركاات يشعر وهو يناظرك بقى يقول اسمك بين اشعاره
ميلا:صااادقه ياخييي احس بطير يجننون مع بعض
ادم:يلا لينا غني
توسعت عينها بصدمة وهي تهز رأسها برفض
عبدالله:بتغنين يعني بتغنين يلا نسمعك
لينا بقلة حيلة:طيب
بدأت تغني بصوتها العذب كان المكان هدوء والكل يسمع صوتها كمية الحنيه والهدوء اللي فيه،ماعدا الياس ماكان مركز بصوتها كثر ماهو مركز بملامحها الحاده عينها الواسعه رمشوها الكثيفه لون عينها اللي ابحر فيه،تتلألأ عيناها بلونها الازرق ضاع بين سماها وغرق في بحورها
-
صار تعديل على البارتات،عطوه حقه،اسفه على الاخطاء الاملائية
أنت تقرأ
يارقيقُ القلب يافاتنِ الحُسن،ارفق بقلبِ سيفٌ من حجر.
Randomبطلنا الياس او"السيف" حاد الطباع متشدد يعشق بنت عمه لينا بنت المدينة،احداث حزينه ومفرحه في نفس الوقت،بتروحون عالم ثاني معي🤍.. اسمي المستعار ريان. "Ro,m" مااسمع للنقل الا بأذني
