يارقيقُ القلب يافاتنِ الحُسن،ارفق بقلبِ سيفٌ من حجر.

Part26

مر اسبوع كامل والامور مشت بالسليم رضا الياس بالموضوع بعد تعب لكن مارضا على البنات ومعصب منهم كلهم!،نفس الحال وليام اللي سكوته سبب للكل خوف!من بعد يوم العيد وهو يتصرف بطريقة مختلفة ومتغير جداً بارد ويعصب على اتفه الاشياء،وسلطان اللي يتصل للميلا ولا ترد عليه لها اسبوع!.
_
زفرت لينا وهي تنّطق:بنات مايرد عليي خايفة تكفون،تنهدت رهف تنّطق:اتصلي لالياس شوفي،هزت رأسها بالرفض تنّطق:امس قالي انه تعبان ومابي ازعجه من الصبح،تنهدت ريان بضيق وهي تفكر بأنها السبب في اغلب اللي يصير فيه هي جرحته ليه مااعترفت انها موافقة لان هذا الواقع!ليه جحدت وليت بس جحدت كسرتة بكلامها،شتمت نفسها الف مره وهي ضايقة مره من تصرفاتها اللي مالها تفسير،غرقت في افكارها جاهله عن لينا وريما اللي يناظرونها وعارفين ايش فيها وايش تفكر فيه،فزت الجود تنّطق:فارس يدق ابأسله عن وليام،هزو رأسهم لها ومشت بعيد عنهم ترد عليه،تبسمت ملامحها من وصلها صوته يهلي بها،:ياهلا بجودي،ضحكت بخفه تنّطق:ريّح قلب جودك وقول ولد امريكان بخير تكفى،ابتسم يحول نظره على وليام اللي منسدح والدنيا ضايقه فيه،ونطّق بعدها:وليام جود تبيك،رفع رأسه له بدون ماينّطق بحرف،ووقف فارس يعطيه الجوال،اما الجود ركضت للبنات تحطه سبيكر،وفزو كلهم من وصلهم صوته ينّطق ببرود:نعم،طال صمتهم ماحد تكلم،وزفر بغضب ينّطق:بتتكلمين ولا شلون!،فزت ريما تنّطق:وليام تكفى خلاص لا تنكد علينا سفرتنا بزعلك،ضحك بسخرية ينّطق:الحين صرتو مهتمين لزعلي لما وصلتو؟،ملاذ:وليام تدري احنا مانحب نزعلك والموضوع مايستحق الزعل للامانة يعني،ابتسم بسخرية ينّطق:تمام؟،زفرت ايلين بغضب تقول:وشو تمام وليام؟،تنهد وهو يحاول يتمالك اعصابه وبعدها قال:وشتبون الحين انتم؟،سحبت لينا الجوال بقهر تنّطق:نبي تكلمنا ياوليام لان الموضوع مايستاهل،رفع صوته بغصب ينّطق:يستاهل اكثر اذا ماتدرين انتي وهي مسافرين لوحدكم وانتو بنات بناااات استوعبتي،صرخت ميلا تنّطق:وليام حمار انت او متخلف وش هالتفكير كنت احسبك اعقل العيال طلعت اخسهم شفيك واذا بنات خير ان شاء الله،عض سلطان شفته من بين صوتها والاكيد الكل سمعه ونطّق بحده:قلها تنزل صوتها!،سمعته وعلى طول سكتت بصدمة،ونطقت بعدها لينا:حتى انتم نزلو صوتكم،التفت ايان ينّطق:انتي لا اسمع حسك اسكتي،رفع رأسه الياس وهو تأكد من رد ايان انها لينا ومشى يجلس جنبهم لجل يسمع،كانت ريما اللي تتكلم لكن قاطعها ينّطق:انكتمو كلكم لما ترجعون لنا تعامل خاص معكم،ضحكت الجوري بسخرية تقول:يقول تعامل خاص شكلة بودينا سفرة ثانية،ضحكو البنات لانهم فاهمين قصدها'استفزاز العيال،ضحك اياس بسخرية ينّطق:طلع لك لسان انتي،التفت جهاد لهم ينّطق:وش فيكم ترا عادي بس خواتي يرجعون بصير عادي!،رماه ايهم بعلبة الموية الا عنده ينّطق:جهاد انكتم،تحسس مكان الضربة وهو يهز رأسه بفهم،اما البنات تجاهلو العيال وبدأو يضحكون لانهم نجحو في استفزازهم،لحد ما نطّق عبدالله يقول:خلاص نرجع العلاقات هم سافرو وبيرجعون واحنا نتنكد طول سفرتهم ليه ماله داعي،ضحكت ملاك تنّطق:يافاهمني،نطّق سلطان بسخرية:يافاهمني، يعني انه واو لقيت اللي يفهم بينهم اخيرًا،ابتسمت ميلا تنّطق:وهذا الصدق للاسف،ابتسم على جنب بسخرية واكتفى بالسكوت،ونطّق وليام بعد ماطال السكوت:تقلعو يلا،وسكر بوجيههم!،تعدل بجلسته بعد ماقفل الاتصال ينّطق:ماوراكم اشغال ياعيال!،وقف هادي ينّطق:لا والله انا عندي شغل مضغوط جدًا هالفترة،هز رأسه وليام بفهم وبعدها تفرقت اصوات العيال منهم قال:الله يوفقك،ومنهم قال:الله يسهل امورك،حط يده على صدره بقصد التقدير والاحترام وهو يهمس بـ:ان شاء الله،ووقف من بعده فارس ينّطق:وانا ماشي مع هادي بعد، التفت له الياس ينّطق:ماقلت لي اليوم ماعندك شغل؟،هز رأسه بـأي ينّطق:المفروض بكرا لكن اتضح في اشياء ناقصه بسويها ويمكن ارجع مااعرف والله،هز رأسه بفهم ينّطق:الله وياك حاول تجي،ابتسم له ومشى بعدها يلحق بهادي اللي تقدم،_مشو من العيال سالم وميثم وجهاد وامير وفارس وايان وهادي واحمد وهشام،وبقو سلطان ووليام وادم والياس وايهم وتركي وعزيز وعبدالله واياس
التفت عزيز للعيال يقول:ها عندكم جدول ولا ايش؟
هز ادم رأسه بالنفي ينّطق:ولا شي شكله جدولنا النوم على الغالب،هز رأسه السيف ينّطق:هذا اللي بصير
ماانتهى من كلامة إلا وهو منسدح وتارك شماغه على كتفه،وغمض عينه يستعد للنوم،ابتسم ايهم ينّطق:اذا كذا اجل انا بطلع اتمشى شوي،التفتو له ادم واياس ونّطق بينهم ادم:نخاويك؟،ابتسم بخفه ينّطق:قدام،وقف معهم عزيز ينّطق:جاي معكم،مشو يطلعون اما الباقي اللي جلس يطقطق بجواله واللي نام.
_
{في المالديف}
ضحك ينّطق:تعبتيني لولي!،جلست على الرمل بتعب من الضحك تنّطق:سعود تعال اجلس هنا بجنب البحر
ابتسم بوسع ثغره اخيرًا يعيش احلى ايامه مع حُبه امانيه بتأدت تتحقق وحده ورا الثانيه بفضل الله سبحانه،تقدم يجلس بجنبها ينّطق:ياحلو الاجواء هنا للاسف بكرا راجعين،عبست من تذكرت بكرا رجعتهم تنّطق:لا تكفى مابي ارجع،ضحك بخفه ينّطق:تدرين انا ماتفرق معي لانك موجودة بحياتي لو اعيش بدمار وانتي معي راضي،لمعت عينها وهي تناظره فقدت السيطرة على مشاعرها وحطت رأسها بعنقه بخجل وتوتر تمنعه يشوفها بهالحاله،ضحك بعلو صوته من فعلتها العفوية ينّطق:احبك تدرين؟،عضت شفتها تنّطق:اعرف واتمنى تحب روحي الصغيرة مثل حبك لي بعد،رفع حاجبه بعدم فهم ينّطق:ايش روحك الصغيرة؟،مسحت دموعها ترفع رأسها له وتقابلت عيونها بعيونه،ابتسمت تمد يدها ليده،ناظرها بأستغراب وهو يحط يده على يدها،اما هي فسحبت يده تحطها على بطنها تنّطق:روحي الصغيرة هنا،توسعت عينه من تأكد من شكوكه ينّطق:اليان مستحيل تمزحين!،هزت رأسها بالنفي وخانتها دموعها من بدأت تسقي ورد خديها،ضمها له بحنية ومن بدأت دموعه تنساب على خده،بان مظهرهم آسر للعين كمية حنية وحب ومشاعر يشاركونها بعض وبالذات في مثل هذي المواقف،تبسمت ملامحها من وصلها صوته الهامس:اكيد احب روحك وروحي الصغيرة،وراضي فيه ان كان ولد او بنت،ضحكت تنّطق:لا تحبه او تحبها اكثر مني،ضحك ينّطق:حبي له من حبك انتي.،ابتسمت وتحولت انظارها للبحر تنّطق:سعود لو نسميها او نسميه بأسم مشتق من البحر احس واو ربط حلو،هز رأسه بأي ينّطق:احبك لانك تفهميني،ضحكت بخجل،وشهقت بصدمة من سحبها يجلسها بحضنه ويرفع رأسها يقابل عينها بعينه وطال صمته لوقت وبعدها نطّق:خَالِق الزّين ابْدعك!،توردت وجنتيها بخجل وابتسم يسترسل حكيه:سُبحانَ من رَتّب الورود،حتى تكّون وجهكِ.
ضمته بقوه تخفي ملامحها اللي ازهرت خجلاً.
_
ضحكت بخفة تنّطق:تدري اني احبك،ضحك بسخرية ينّطق:لو صدق تحبيني ماسافرتي وتركتيني وبدون رضاي بعد،ابتسمت بخفة تنّطق بغنج:سهمي لا تزعل علي تكفى لو تبي اجيب لك جورجيا جبتها،ميل شفايفه بسخرية ينّطق:وش ابي بجورجيا انا ابيك انتي،عضت شفتيها بخجل تنّطق:انا صعبة المُنال للاسف،ضحك بعلو صوته ينّطق:انا نلتك وخلصت انتي حلالي ولي انا مافي وقت لهذا الكلام انتهى وقته،ضحكت تنّطق:صح عليك سهومي،عض شفته بخبث ينّطق:الموضوع فيه تطور سهومي وحركات انتي ارجعي ونشوف ياريتالي،سكتت بصدمة من كلامه،وضحك بعلو صوته بنّطق:شفيك امزح بلعتي العافية صرت مااسمع انفاسك حتى،ابتسمت على جنب تنّطق:سهم وش هالحركات،سهم:اي عدلتيها ماصرت سهومي خلاص،ضحكت تهز رأسها تنّطق:اي بعد هالكلام خلاص لا تنتظر ادلعك منت حق دلع،هز رأسه بسخرية ينّطق:تعودت على الهبد منك غريبه علي سهومي كنت مااسمع حتى سهم منك والحين صرت سهومي طبيعي بنصدم،عبست ملامحها من تذكرت الاول تنّطق:سهم لا تذكرني!،ابتسم بخفة ينّطق:يلبى اسمي من منطوقك،توسعت عينها تنّطق:مو بس انا واضح علي التطور والله!،تمدد على سريره وهو يرفع شعره ويقول:وهو اللي يسمع صوتك يبقى عنده عقل!
_
مرت الايام لحد اخر يوم للبنات في جورجيا وبروحون الحين أذربيجان،كان الوضع ضجة عندهم كل وحده تجهز شنطتها ومشغوله بنفسها وكان منهم اللي يصلي ويدعي تعدي هالسفرة على خير،كان الازعاج من البنات جدًا عالي لحد مادق الباب سكت الجميع!،مشت لينا تفتح الباب وشافت رجال وواضح عليه سعودي ومو من الغُرب،اول مالمحها رفع رأسه ينّطق السلام،ردت السلام ومن بعدها سألت مين هو،ابتسم بخفه ينّطق:اسف اذا ازعتكم بس اظن انتو الوحيدين والغرفة اللي بجنبكم عرب هنا وانا والله عندي اخت وحيده متوحده مامعها بنات وابي منكم مساعده انتو بنات تفهمون بعض والله ماابي شي ثاني ولا نيتي سيئة فيكم بس ابي تساعدوني في اختي
،تقدمت ميلا بجنب لينا تنّطق:ابد والله حاضرين بس وين اختك،اشر بيده على الشقة المقابله لهم ينّطق:هنا
هزو رأسهم بفهم ونطّقت لينا:عادي تناديها؟
هز رأسه بالنفي ينّطق:مستحيل تجي ماترضا تطلع جينا من السعودية لجل اغير نفسيتها لكن مالاحظت اي تغير لدرجة انها ماتطلع من الغرفه اساسا،تحولت انظار لينا للساعه وتوسعت عينها من تأخر الوقت،رفعت عينها له تقول:احنا حاليا بعد ساعتين تقريبًا بنسافر أذربيجان واحنا مانبي نترك اختك ومانقدر نطول اكثر هنا تجي معنا أذربيجان وهناك نساعدك؟،ميل شفايفه بتفكير ونطّق بعدها:تمام ماوراي شي ابحجز تذاكر الحين ومشكورين ماتقصرون،ابتسمو له ونطّقت ميلا:الله يسلمك واجبنا،ابتسم وهو يمشي لشقتهم اما البنات دخلو يكملون ترتيب وهم يعلمون باقي البنات السالفة.
_مر الوقت لحد جاء وقت خروجهم من الفندق _'
كانو متجمعين ينتظرون الباص ويتكلمون عن موضوع البنت اللي جاهلين حتى اسمها لكن بكونهم بنات،والبنات للبنات بساعدونها.رفعو رأسهم من نزل الرجال وبجنبه اخته،شهقت حنين تنّطق:واو ما شاء الله واضح كشخة ومايعيبها شي!،هزت ريفان رأسها بموافقة تنّطق:صدق غريبة مااحس فيها شي،همست ريان تسكتهم من اقتربت لهم تسلم عليهم،وقفو جميعاً يسلمون عليها ونطّقت بينهم ريان:اهلين،انا ريان،ابتسمت لها من تحت النقاب وكان واضح من عينها تنّطق:ياهلا فيك،انا جوان،ابتسمت لها ريان تنّطق:تشرفنا،تروحين معنا أذربيجان صح؟،هزت رأسها بـأي تقول:صار بسرعة ماقدرت حتى استوعب بس اللي فهمته من اخوي انه عنده عمل هناك،ابتسمت ميلا تنّطق:ياحضنا انتي جاية معنا،ضحكت بخفة تنّطق:ياحلوكم يابنات عرفوني عليكم انتم الباقي،تقدمت لها لينا تنّطق:وصل الباص مشينا هناك نتعرف،مشو جميعاً وكان قدامهم انس اللي هو اخو جوان،ركب قدام مع السواق،اما البنات فجلسو تاركين شنطهم في باص آخر يحملهم معهم للمطار،_التفتت رهف تنّطق:جوان ماابي ازعجك بس بسألك وين باقي اهلكم؟،ناظرتها جوان وبعدها ردت بضيق:اخوي جاء معي جورجيا لجل انسى اهلي انا دخلت في حالة اكتآب بسببهم كنت اتعذب معهم لحد مارجع انس من السفر ولقاهم يعاملوني بسوء كان مسافر لـ 10 سنوات وانا اتعذب في هذي السنوات بنات تخيلوا كنت مخطوبة من ولد عمي صح ماكنت احبه بس مااكرهه وماعندي مشكلة معه وهو كان يوهمني للحب لدرجة بغيت اطيح له ولما بديت اميل له اكتشفت كذبه ونفاقة هو اساسا يكرهني ويخونني بعدها ماتحملت وتعبت وجيت مع اخوي هنا تشوفوني اضحك معكم عادي لكن والله ان جرحي كبيير،عبسو البنات بحزن على حالها ووقفت ديم تحضنها وهي تقول:ياعمري انتي بسم الله عليك انتي قوية وجرحك مايطول ان شاء الله احنا معك ومستحيل نتركك حتى لو رجعنا السعودية خلينا نكون متواصلين احنا الصدق مره حبيناك وهو ماصار لنا ساعه من عرفانك ما شاء الله فيك قبول،واحنا هالفترة عندنا مناسبات وحفلات كثير تعالي معنا،انتي وين ساكنة؟
ابتسمت جوان من طيبتهم تنّطق:انا ساكنه في الرياض وحالياً في فندق لحد مانشوف لنا شقة مناسبة،سفقت ملاذ بحماس تنّطق:الله حلو تعالي معنا انتي واخوك احنا لما نرجع بكون عرس لينا وبنروح القصور وهناك في غرف كثير لك ولاخوك بعد تكفين تعالي معنا،هزت رأسها بالرفض تنّطق:لا مستحيل بنضايقكم،ويمكن اهلكم مايرضون،هزت رأسها ريان بالرفض تنّطق:بالعكس ما شاء الله اهل ال سِياف في قمة الرِقة انا امي متوفية وابوي تخلى عني ومحد ساعدني غيرهم،حتى اخوي الصغير معهم بالسعودية من زود الثقة وانا اعيش معهم،ابتسمت ريما تضمها تنّطق:انتي من اهلنا رياني وحتى هوتي اخونا كلنا،ابتسمت ريان تضمها وغمضت عينها من حست بدموعها بدأت بالنزول،بكو البنات معها كلهم حتى جوان!التفت لهم انس بخوف ينّطق:فيكم شي؟،ضحكو كلهم من سببو له خوف ونطّقت بينهم جوان بضحك:لا بس شكل المشاعر تتغير حسب الدوله،ضحكوا كلهم ومعهم انس اللي كان فرحان كثير بسبب ضحك اخته اللي كان باليالله يسمعه منها،ابتسمت له من لاحظت ابتسامته،وبدأت تعلمه باللي قالوه البنات،استمع لها لحد ماانتهت،ورفع صوته ينّطق وهو صاد عن البنات:عادي لو بتاخدون جوان فترة لكن انا ماضنتي اجي ماابي اسبب ازعاج اكثر،هزت ريما رأسها بالرفض تنّطق:شدعوة ترا انت شخص واحد ماتأثر على كثر عيالنا،تعال عشان اختك بعد لا تحس بغربه لما تكون انت معها غير،سكت وهو يفكر،وقاطعت تفكيره لينا اللي مدت الجوال لجوان تأمرها تعطيه له،اخذ الجوال من جوان بأستغراب وشاف اسم المتصل ،|💍Eliasi,| فز من وصله صوت السيف اللي نطّق:السلام عليكم،تسمعني،رفع الجوال لاذنه ينّطق:وعليكم السلام،اسمعك،ابتسم الياس بخفه ينّطق:معك الياس او السيف،كلموني الاهل عنك وانا اطلب منك تجي نبي نشوفك ونشكرك بعد على وقوفك مع اهلنا،والمكان يوسعك انت واهلك لا تردنا وترد رجالنا نتمنى جيّتك،ابتسم بخفه من تواضعه ينّطق:والله مشكورين انت واهلك على كل شيء المفروض انا اشكركم على تربيتكم وقمة اخلاقكم ما شاء الله اهلك ساعدونا انا واختي وماتقصرون والله وابد مانردكم حاضرين لكم ان شاء الله،سحب الجوال وليام ينّطق:ارحب يارجال وماتقصر واوصيك على اهلنا،ابتسم انس بخفه ينّطق:البقى يارجال،لا تخاف بعيوني مايصيبهم ضرر بأذن الله،
كان كل ذا تحت مسامع البنات،اللي يناظرون لينا وهم يعززون لها على فعلتها.
_
مر الوقت واقلعت الطائرة حامله البنات لاذربيجان.
ضحكت لينا تنّطق:وش خلاني اجلس معكم انتو،ابتسمت الجود تنّطق:الحب طبعًا،هزت ميلا رأسها توافق جود الرأي،ضحكت لينا تقول:صح الحب،المهم بنات خلونا نتصل لوليام نزيد قهره،ضحكت ملاذ اللي جالسه وراهم مع ريتال وملاك، وهي تقول:صح عليك والشي الحلو الطائرة فاضية على حضنا بنلعب لعبب مره حماس
ضحكت ريتال تنّطق:في هالساعة بتلعبين لعب منجدك،التفتت لها ملك تنّطق:اتحداك اذا جلستي عاقلة انتي سبب الجنون اساسا،ضحكت بخفه بدون ماتعترض لان كلامها صحيح،_رفعت لينا الجوال وهي تدخل على اسم وليام وتدق عليه.
_
{عند العيال في المجلس}
فتح عينه من رنين جواله المستمر،رفعه ولمح اسم لينا استغرب اتصالها لكن رد عليها،واول مارد كشر بأنزعاج من فتحت له الكاميرا وهي تقول:شوف ركبنا الطائرة والحلو انها فاضية،ضحكت وهي تقلب الكاميرا على البنات اللي يسوون له حركات وقفت عند الجوري اللي سوت له بوسه وهي تقول:لا تزعل ياولد امريكان كلها اسبوعين واحنا راجعين،ميل شفايفه بسخرية ينّطق:محسبه الاسبوعين يومين انتي،تدرين اني مااقدر على فرقاكم على كثر هوشاتنا بس مااقدر افارقكم!،عبست ريما تنّطق:ياحبيبي وليام!لا تخليني ارجع الحين،ابتسم بخفة ينّطق:انتظرك يلا،ضحكت بعلو صوتها تقول:اقول دز بس
ابتسمت ريان من سمعت ضحكته ولفت بوجهها لجل ماينتبهون لها لكن لينا لمحتها واكتفت بالسكوت وهي تبتسم،رفع عينه على الجوال ولمح ريان جالسه بجنب ريما كانت لابسه عباية سماوية فيها لمعه خفيفة والحجاب نفس اللون وفيه زخرفه بسيطة باللون الابيض،ناظر ريما اللي بجنبها اللي كانت ماتشي ماتشي مع ريان لكن اللون يختلف بحيث كانت ريما باللون البيجي،والجوري عباية بسيطة مافيها اي شي غير لونها البنفسجي،نطّق بنبرة استهزاء:بس ترجعون هالعبايات بشققهم فوق رأسكم،واسترسل كلامة بحده:يلا كملي بشوف عباياتكم ونحكم مين الشاطر فيكم،عضت شفتها بخوف تنّطق:لحالك انت،سمع كلامها ورفع رأسه على تركي والسيف اللي يناظرونه،اشر لهم يجون بقربه والتفت للينا اللي تنتظر جوابه كان بينّطق لكن قاطعه الياس اللي قال:نزلي الكاميرا تحت بشوف العباية ولا تبينين وجهك،ارتجفت بخوف وهي تنزل الكاميرا على عبايتها البيبي بينك،ضحك بسخرية ينّطق:تمام تبون اللعبة كذا انتم،تنحنح تركي ينّطق:ابشوف بناتنا،هزت رأسها وهي تبين عباية ديم وريفان وحور وحنين وريتال،كانو لابسين عباة سوداء ونقاب،ابتسم بخفه ينّطق:صح عليكم وانصحكم ماتجربون تلبسون غير العباة السوداء عشان ماتودعين عظامك انتي وهي،عضت شفتها حور بخوف تقول:ابشر،ابتسم من سمع صوتها ماينكر وحشته اكتفى بالسكوت،ونطّق سلطان يقول:كملي يلا بنشوف بناتنا اللي مايسمعون الكلام،تنهدت وهي تمشي توريهم عبايات البنات وبدون ماتبين وجهها،ضحك ادم بسخرية ينّطق:انتي بس ارجعي اذا مااكسر عظامك يالكلبة انتي واختك،هز رأسه السيف بالنفي ينّطق:عليك بأختك انا بشوف امرك انتي ونشوف العناد هذا لوين يوصل صدقيني مابطُول،ارتجفت من اقصاها بخوف،وهي تسكر بوجههم،عض شفته بغضب ينّطق:سكرت الحماره،مشى تركي وهو يحط مفتاحه بجيبه ويقول:وراي عمل انا بمشي ابتسم له وليام ينّطق:الله وياك،ابتسم بخفه وهو يمشي،ولحقه ايهم ينّطق جاي معك انا،مع السلامة ياعيال،ردو عليه جميعًا:الله يسلمك يارجال.
وقف الياس وهو يقول:بمشي عند هُذام بعلمه عليهم،هز رأسه ادم له ينّطق:تمام وتعال علمنا وش قالك.
_
وقف على باب المستشفى،وهو يمسك رأسه بتعب،فتح الباب ينزل يتجه للمستشفى،_مشى عند الغرفة اللي قالو له يدخل لها،دق الباب وسمع اذنها له بالدخول،دخل ولمح سما اللي تناظره بصدمة،وقفت تنّطق:تفضل،دخل وهو يجلس على الكرسي،وعضت شفتها بتوتر تنّطق:ايش فيك؟تنهد بخفه ينّطق:الم في الرأس له اسبوع مايفارقني،هزت رأسها بفهم تنّطق:انت هالفترة ضاغط على نفسك كثير؟
هز رأسه بـأي،ابتسمت بخفه تنّطق:هذا السبب الضغط اللي انت ماتتحمله وقلة الاكل ويكون بعد بسبب الاعصاب اذا كنت تعصب كثير يقوه الالم حاول ترتاح في هالايام وانا بكتب لك باندول،هز رأسه بفهم ينّطق:تمام ماتقصرين،كان بيمشي لكن فجئة حس بدوران مسك الطاوله لجل مايطيح غمض عينه بتعب ووقفت بفزع له مشت لعنده وهي تقول:لا اجلس ماتطلع بهالحاله،بنادي احد يساعدني انقلك،بنحط لك مغذي،جلس بتعب وهي طلعت تدور احد يساعدها،رفع عينه وهو يحس مشاعره تغلبه هالمرة اول مالمحها حس بشعور حرك قلبة،هو بعد ماشافها في المطعم وهي ماغابت عن فكرة،قطعت افكارة وهي داخله معها سهم،رفع عينه وفز اول ماشافه ينّطق:ارحب يالسهم،ابتسم سهم يمسكه يساعدة يوقف وهو يقول:البقى يالامير،ارتاح بنحط لك مغذي ولا تهمل صحتك يارجال ماتسوه الدنيا،تنهد بضيق وهو يهز رأسه بفهم.
_
ترك كوب الشاهي وهو يرفع رأسه لالياس الداخل،عقد حواجبة بأستغراب وهو ينّطق:غريبة يالسيف جاينا في آخر الليل مامشيت بيتكم،ابتسم بخفة وهو يتقدم يقبل رأسه ويقول:الحين بروح بس قبل عندي موضوع معاك،ابتسم هُذام ينّطق:وش مسويين البنات،ضحك بسخرية ينّطق:عبايات ملونه وفالينها،فهمت ياجدي ليه مانبيهم يروحون لوحدهم تدري بنات عُدي حتى النقاب عليهم!وبناتنا كنهم ستاير ما شاء الله،توسعت عينه بصدمة ينّطق:انا اوريك فيهم بس يرجعون،هز رأسه بموافقة ينّطق:قايلك ياجدي ماينفع لهم الدلع،وقف بغضب ينّطق:ماعليك بس يرجعون لي كلام معهم ونشوف بنات هُذام لمتى بِطُول عنادهم!،هز رأسه بأسى يقول:يلا انا ماشي توصي شي،التفت يناظرة ونّطق بعدها:طاب جرحك؟رفع عينه له وتنهد بضيق يقول:طاب جرح وبقى جرح،عقد هُذام حواجبه بأستغراب ينّطق:كم رصاصة دخلت بجسمك يالسيف،ابتسم بسخرية ينّطق:رصاصتين،رصاصة بصدري،ورصاصة بقلبي،شهق هُذام وهو يتقدم لـ السيف،مسك قلبة وهو يقول:مين السبب ياوليدي مين؟،تنهد من اعماق قلبة ينّطق:لينا بنت محمد،بردت ملامح هُذام من رده الغير متوقع وهو يقول:كلزق انت وبنت محمد،شهق الياس يضحك وابتسم هُذام على ضحكة،بعدها تنحنح ينّطق:الا يالسيف ماعرفت مين كان سبب اصابتك؟،تعدل الياس بجلسته ينّطق:قلت لك انا سعد ولد قاسم واتوقع كان معهم يوسف الفيصل ووراء هذا كله الاكيد هو منير،هز رأسه هُذام بفهم:ايش بتسوي؟،هز رأسه الياس بالرفض:بعدين تشوف ياهُذام لكن تأكد راح اقطعهم بسيفي!
انتهى.
لا تنسون النجمة هالمره مابطلب عدد انتو كم تقدرون؟اسفه على الاخطاء ان كانت خطية او سردية.