فتحت عينها بتعب تناظر النايم بجنبها والمكان اللي هي فيه
رفعت رأسها بتعب تنطق:غريبه ليه معي سيف
تنهدت تناظره كيف نايم على الكرسي اللي بجنب سريرها،رفعت نفسها تمسك الشرشف اللي عليها وتحطه عليه،قامت تمشي تتوجه للحمام(يكرم القارئ) مسحت وجهها وبدأت تتوضى قاصدة الصلاة،تقضي الصلاوات اللي فاتتها،مشت تخرج ورفعت رأسها له تشوفه صاحي ويناظرها
نطقت بصوتها المبحوح اثار التعب:صباح الخير
الياس بهدوء:صباح النور
لينا:وين وليام
الياس:مشى لعمله
تنهدت بضيق وهي تحس اشغلتهم وكثير:طيب انت وعملك؟،عادي اذا وراك عمل امشي انا بخير
هز رأسه بنفي ينطق:لا ماعندي،كمل يقول بنفسه:ولو كان عندي عمل يهون لعيونك.
هزت رأسها بفهم تمشي تكبر وتبدأ بالصلاة،اما هو فـ خرج من المستشفى يوقف على بابه ويخرج الدخان ولعه يحطه بفمه ويسند رأسه على الباب الزجاج الكبير،مسك رأسه من داهمه صداع يذبحه من الالم
نطق بألم شديد:مب وقتك والله
رمى الزقاره علطول يدعسها،حط يده بجيبه يطلع الحبوب ومسك علبة المويه يشرب بعد ماوضع الحبة بفمه
-
تعالت اصوات البنات يرحبون برغد وريان اللي وصلوا مع بعض
ريما:ياهلا نورتونا
ريان ورغد بصوت واحد:النور نورك
تقدموا يسلمون على البنات واتجهوا بعد ماانتهوا من البنات يسلمون على الحريم
ملك:تعالو يابنات بنمشي مخيمنا
مشوا يتبعون خطوات البنات للمخيم
-
كانت اصوات البنات مرتفعه نوعاً ما وهم ماتركوا شخص اللي حشو فيه
ريان ابتسمت بخفه وهي اول مرا تغير جو وتنبسطت كذا من وفاة امها
نطقت بأبتسامه:والله يابنات غيرت جو معكم كثير والله ياحلوكم
رهف:ياعمري والله انتي اللي ياحلوك تجننين
البنات:صادقه
الجوري:صدق ياريان انك تجننين،وحتى انتي رغد احس انبسطنا معكم
رغد:ياعمري والله وانا كمان
ريان:وانا الصراحه من وفاة ماما الله يرحمها ماانبسطت كذا
البنات:الله يرحمها
حضنتها ايلين تنطق:ياعمري واحنا اكثر والله والله يرحم امك،ريان الصراحه انتي شخصيتك قوية تعجبيني من قبل كنت اشوفك واقول ياحلوك صدق تموتين ما شاء الله الصراحه
ريما:والله اتفق
ابتسمت تنطق:ياقلبي يابنات مرا شكرا
ملاذ بضحك:شكرا على ايش ياحلوه يقولون الصدق ترا
غطت وجهها بحياء تنطق:تكفون خلاص بنات استحيت
تعالت اصواتهم يضحكون عليها
وقاطعت ضحكاتهم رغد تنطق:يهوو غرت وانا
ملك مثلت الدوخان تنطق:انتيي،انتيي لو شافك الكافر قال آمنت بمن خلقها
ضحكت رهف تنطق:جبتيهاا صح
ضحكت رغد تقول:يااحبيبتي،إلا وين لينا ماشفتها
تنهدت الجوري بحزن تنطق:اههخ لو نقول لكم ايش صار
ريان بخوف:يمه ايش صار فيها شي لينا؟
تعدلت الجوري تبدأ تسرد احداث ليلة امس واللي قبلها عليهم
-
فارس:ابيك تطلع ليي هذا الرخيص بـ اسرع وقت يا ياسر
ياسر بتعب:والله ودي اساعدك ياسيدي لكن والله اني مضغوط يبغالي ثلاث اسابيع بالكثير عشان اخرجه لك
تنهد فارس وهو فاهمه وميقدر يضغط عليه اكثر:خلاص تمام بس تكفى ان قدرت تساعدني بوقت اسرع لا تبخل علي
ابتسم ينطق:ابشر
فارس:تبشر بالجنه،المهم انا ماشي
ياسر:الله معاك
..
مشى يخرج خارج الشركة،ركب سيارته يمسك جواله ويدق عليها
-
"في مخيم البنات"
فز قلبها اول ماشافت اسمه على الشاشه
ومشت من بين البنات تركض لخارج المخيم،ردت عليه تسمعه يسلم
ردت السلام بتوتر:وعليكم السلام،هلا
فارس بهدوء:مع الاسف الموضوع يحتاج تأخير ومثل ماقلت لك انا مستحيل ابقى معك كذا،نرتبط لمدة محدده الين مانخلص من موضوعك بأذن الله
نطقت بهدوء عكس اللي بداخلها تماماً:ان شاء الله،متى راح تجي عند اهلي
فارس وهو يلعب بالقلم:قريبا ان شاء الله،بغيتي شي
الجود:سلامتك
فارس بصوت خافت:الله يسلمك،مع السلامة
سكر المكالمة يحرك السيارة قاصد البيت.
وقفت محتارة ايش تسوي وهي وضعت نفسها بمشكله عشان شخص مايستاهل
فزت بفكره داهمتها وعلطول بدون تفكير دقت على لينا
-
رفعت جوالها تناظر اسم الجود وبعقلها تساؤلات كثيره ردت على الاتصال:هلا جود
الجود بتوتر:ابي اعلمك بشيء بس لا يطلع الكلام تكفين
لينا بأستغراب:ابشري اسمعك
بدأت الجود تسرد الاحداث اللي صارت معها للينا.
نطقت بصدمه وهي ماتوقعت كل ذا صاير لها:ياجود مرا غلط اللي سويتيه انتي
الجود بحزن:عاارفه والله
لينا بتساؤل:قلتي لي هو خوي السيف
دخل على نطقها لـ اسمه كان بينطق لكن سرعان ماسكت من اشرت له يسكت
الجود:ايي
لينا:اجلل نخبره باللي صاير لك
فزت الجود بأعتراض ونطقت لينا بمقاطعه:مابسوي شي ياجود صدقيني
ناظرها بأستغراب ينتظرها تقفل المكالمه عشان يفهم ايش صاير
..
الجود تنهدت بتردد:خلاص تمام
لينا:يلا مع السلامة شوي وارد عليك
قفلت المكالمة ترفع رأسها له تشوفه يناظرها
الياس:مين هذي
لينا:الجود
الياس بتساؤل:وش تبي
مشت تقرب منه شوي تنطق:الياس اسمعني بس تكفى بدون انفعال
الياس بصدمه:انفعل من ايش انطقي
تنهدت تقول له كل اللي صاير بالجود
صرخ بصدمه ينطق:فااارس
هزت رأسها بـ أي
ووقف وعيونه تطلق شرار:وهي مجنونه ترسل صورها لشخص غريب الحين تشوف السلبيات اللي ظهرت لها بسبب تهورها
لينا:سيف قلتلك بدون انفعال وبعدين الحب مافيه عيب لكن ماصار عندها حظ
السيف بسخريه:لان بالحرام
لينا:خليك من الحرام نبيك تساعدنا الحين
الياس وهو يحاول يهدأ:في وش
لينا:فارس يبي يتقدم لـ الجود بس بدون مايثير الشكوك
الياس:طيب بقول من طرفي
ابتسمت تنطق:كفوو
كتم ضحكته ينطق:انتي ليه فرحانه اكثر منهم طيب
لينا:مااعرف الصراحه بس احس كسرت خاطري وابي اساعدها
نطق الياس بهدوء:تدرين لو ماتورط معها خويي كان ماساعدتها الرخيصه
ضحكت تنطق:طيب ادري
ابتسم يناظر ضحكتها لكن سرعان ماطرد الافكار اللي جات بباله وقتها.
-
مر اسبوع بكل خير لينا خرجت من المشفى من مدة الجود وفارس بمساعدة لينا والياس خطبوا بدون شك
من اهلهم وبدون معرفه احد.
-
انسدح على الكنبة يفكر ليه هو راح لها ليه ماتركها ومشى ليه معقوله ربي كاتب الجمع بينهم ليه تكسر خاطره ومايبي بعدها ليه حاط بباله فكرة الانتقام من الشخص اللي لعب عليها وبقوة هو ليه اختار الطريق الغلط ليه مااختار اليسار ليه مامشى لليسار وكمل يومه عادي دون مايدري عن الي تبكي هنا ليييه
وقف يتجه للمطبخ يشرب مويه حس بجفاف بحلقه من التفكير،ناظر الساعه يشوفها،سرعان ماتفتحت عينه بصدمه من تأخره الواضح مشى بسرعه يصعد لغرفته يلبس بدلته وينزل بطريقه شاف العامله تنظف ونطق:نوير نظفي غرفتي والمجلس بعد اليوم بجيب الجود هنا
نوير:تمام بابا
مشى بسرعه يخرج من البيت الكبير جدا كانت الصاله عباره مكان وااسع وطويل يركض به الخيل كان ابيض وفي الحواف ذهبي الديكور يأخذ العقل كان فيه ثلاث طوابق ولكل طابق كان صالة مطبخ وحمامين كبيير بمعنى الكلمة.
ركب سيارته اللي كانت جي كلاس سوداء من الخارج، ومن داخل كانت الكراسي ملونه باللون البيجي وبعض الاسود؛مشى يحرك سيارته متجه للشركة
-
جهاد بنعاس:ماابي اداوم شكلي بنام
سعد:اقول قم يبزر اخر سنه لك بيض الوجه على الاقل مو تزفت
رفع حاجبيه ينطق:شدخلك انت كيفي بزفت
سعد بأستفزاز:طيب انقلع اخر همي انت لعلمك
مثل جهاد الزعل:لا لا،تكفى اهتم لاا
كشه بيده يخرج من الغرفه كلياً تارك جهاد يضحك لوحده.
قاسم:وش عندك مع اخوك
سعد بعصبيه:يببه شوف ولدك المخنز طلع روحي ماابي غرفه معه يعاندني
قاسم بتعب:هذا اخوك الصغير ياوليدي تحمله واساسا ليه اسوي لك غرفه هنا احنا نجي هنا وقت الدوامات بعدها اذا ماشفنا لنا خرجه رحنا للقصور، هناك عندك مب غرفه جناح كامل
سعد وهو يتأفف ينطق:طيب
رماه قاسم بالكتاب اللي بجنبه ينطق:ياقليل الاذب "فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا" مو سامع بهذي الاية انتت ياقليل الاذب امشي عن وجهي لا اهفك بذي
مشى سعد بخوف على نزول ملاذ وملاك اللي انهاروا ضحك وسرعان ماسكتوا،من صرخ فيهم قاسم يأمرهم بالخروج
وتبعهم جهاد وهو ماسك الضحكة لا يتهزئ هو الثاني
-
بالجامعة عند لينا ورهف
رهف:وينهم ذول ابطوا علينا
لينا:ينقلعون امشي بعزمك على قهوة
رهف:مشينا يلا
مشوا يخرجون من الجامعه وهم انتهوا من الدوام اساسا
"في الكوفي"
لينا وهي ترتشف القهوة:تحسين الحمير وين راحوا
رهف:تحسين ماانتهوا من الدوام؟
لينا نطقت وهي مستبعدة هالفكرة تماماً:مستحيل اساسا هم يخلصون قبلنا
رهف:خلاص ليه نشيل همهم بنشرب القهوة ونروق وبعدها تعالي معي بيتنا وش رايك
لينا بتفكير:امم،تماام
رهف:تصدقين اشتقت للقصور
لينا:وانا والله انتظر متى ينتهي الدوام الخايس عشان نمشي لهم سريع
ضحكت رهف تنطق:ونعيد الاكشن اللي صار اخر مرا
لينا بضحكة:لا تكفين مو فاضيين للتهزيئ اللي جانا هذاك اليوم،عشان بس حطينا صابون وموية وانكسرت يد ريما بس
رهف:اي والله بس،وبس طحت على وجهي وتشوهت جبهتي شهرين
لينا:وبس طحت على فكي وبقى الاثر لان وش فيك ماصار شي
ناظروا بعض وهم ماسكين الضحكة عشان المكان عام.
-
"بيت انور"
كان البيت مليان بصراخ البنات وفجأة الكل سكت من سمعوا صوت الياس ينطق:يالله
فزوا البنات يتسترون ونطقت ميلا بعد ماتأكدت كلهم تستروا:ادخل
دخل وهو منزل رأسه بالارض نطق السلام بصوت خافت
ونطقوا يردون السلام بنفس درجة صوته
ميلا:يليل وين لينو ورهفو مب طبيعي مارجعوا من الجامعه لهالوقت
توقفت خطواته اول ماسمع كلام ميلا يلتفت بصدمه:ليه وينهم وشفيهم
رفعت كتوفها بعدم معرفه
نطق بغضب:وينكم عنهم طيب
ميلا:انا وايلين وملاذ وملاك والجوري وقت دوامنا غير انا وملاذ مع بعض وايلين وملاك والجوري'والجود ماداومت،اما هم يطلعون اخر شيء فـ ماندري عنهم وهم طولوا
كثير الحين جربنا ندق عليهم مافي رد منهم
نطق بحده وعينه تخرج شرار:وين راحوا يعني..
دخلوا انور وامير على صوت الياس المرتفع
نطق انور بأستغراب:شفيك يالسيف تنافخ على البنات
الياس بحده:مانافخت ولاشيء،بس اسمع وش يقولون مايدرون عن بنت عمهم وهذي ماتدري عن اختها
ميلا بقلة حيلة:يبه قلت له دواماتنا مختلفة فـ مقدر اعرف وينهم انا دوامي ينتهي قبلهم والبنات وصلوا بعد الا لينا ورهف هم يخرجون مع بعض لكن مالهم اثر
امير بتفكير:دقي عليهم
الياس بسخريه:تعيش ايدك فكره والله
امير:طيب عارف
الياس بحده:وش عارف بعد انت طيب طبيعي اتصلنا وماردوا ولا ليه بنسوي كل ذا هاا
امير قمط العافية ينطق:وش عرفني انا
انور بتهدئة للوضع:تعال اجلس ياولدي ماحصل الا الخير
الياس تنهد بقلة حيله:اي خير يبه اي خير
نزلت غادة تنطق بخوف:بسم الله عليكم شفيكم
انور:رهف ولينا مختفين ومانعرف وينهم
غادة مسكت قلبها تنطق:ويلي بنتي
نطقت ايلين:وييلي اختي،ياخي تكبير المواضيع عندكم اكيد بيرجعون وين بطيرون
امير بسخريه:ياغبية افهمي وش يعني مختفين يعني مالهم اثر
ايلين:بيرجعونن احنا مو بـ افلام ولا من زين وجوههم
ضحك انور بخفه:يابنتي مو قصه جمال ولا زين وجوههم لكن الدنيا مالها امان
امير بخفه:وش هالاخت
ايلين بسخريه:اللي يشوفك تذرف دموع اربع اربع على اختك يانونو حتى انت اختك مختفيه ماشفتك قلت شي
امير مسك قلبه بروعه ينطق:بسم الله اكلتني وبعدين ميين نونو يبزر،واساسا اختي مب مختفيه مع اختك البهيمة
صرخوا كلهم ينطقون:اجلل وين رهف اذا مب مختفية
ونطقت بينهم ايلين:والله انت البهيم اللي مادريت عن اختك وينها
امير رفع حاجبيه ينطق:وانا شدراني
ايلين:دليل انك مادريت عن اخ....قاطعها صوت الياس اللي زعزع المكان بصراخه ينطق:مو فاضيين لكم ترا تبون تتهاوشون برا انتي وهو
قمطوا العافية يسكتون بدون حتى نفس
مسكت ميلا ضحكتها تهمس لملك:بيموتون اذا ماتنفسوا دول
ضحكت ملك وسكتت من رمقها الياس بنظراته السيف
الجوري بهمس:تنفسوا لا تموتون
اشر امير لها تسكت وسكتت بدون ماتتكلم هي الثانية
كان المكان يعم بالصمت والكل متوتر وخايف عليهم قطعت هذا السكوت ملاذ تنطق:لحظظة،ليه مانتصل على عمي محمد يمكن راحو بيتهم
صفق لها انور ينطق:الله قصرتي،وليه توك تتكلمين
فركت حواجبها بنص ضحكة:تو تجيني الفكرة
استغفر يلتفت لالياس ينطق:اتصل يالسيف على عمك شوفه
هز رأسه بفهم يمسك جواله ويرن على عمه محمد ماهي الا دقائق ورد ناطق السلام:ياهلا يالسيف
الياس:الله يسلمك عمي اهلين،بس ابي اسألك لينا ورهف ماجوا عندكم
محمد عقد حواجبة بأستغراب:لا،ليه وينهم
فز بصدمه ينطق:كييف موو معك عمي ان كنت تمزح تكفى
محمد بصدمه:شفيك سيف اي مزح،وين بنتي
وقف انور يقاطع الياس اللي كان بينطق مسك الجوال ينطق:يامحمد مشي الامور بهدوء كذا مابينحل الموضوع
صرخ محمد ينطق:ايي هدوء ياانور البنات ضايعين تقول هدوء،يابرودة والله دمك
انور تنهد بضيق:ماتنحل المواضيع كذا مو بالصراخ والهواش
الياس بقهر:اجلل بأيش يايبه
امير وهو بدأ يحس بشدة الموضوع:صدق يايبه مشينا ندورهم مايصير كذا ترا
ميلا وايلين مع بعض:بنجي معكم
الياس بحده:انطقي انتي وهي انتظرونا الين مانرجع
كشرت ايلين بوجهه تنطق بهمس للبنات:يااشينهه
-
اما عند رهف ولينا اللي ماخلو صباغ ولباغ اللي راحوه من مول لمول ومن محل لمحل والدنيا بالبيت مقلوبه عليهم وحده مقفل جوالها ووحده مسويته سايلنت ولا درت عن الدنيا وماشين يلفون بالرياض
رهف بتعب:تعبت مشينا البيت؟
لينا نطقت تأيد كلامها:يلا مشينا بس نشتري قهوة ونرجع للبيت
هزت رأسها بطيب ومشوا متوجهين للكوفي
-
وصل محمد على باب بيت انور رفع جواله يتصل على انور يخبره بوصوله،اما اماني نزلت ودموعها تلحقها
نطق ادم بتوتر:مازاد توتري الا دموع امي
محمد بغضب:امكم بعد دراما
سكت على خروج انور وعياله يتبعونه
نزل محمد النافذة ينطق:والحين؟
انور:بنمشي عند باب جامعتهم نشوف جهتها مو معقول جت المغرب وهم ماجوا.
"سيارة الياس"
تنهد امير ينطق:يلا حرك
مشيى يحرك لكن سرعان مادعس البريك بقووه يناظر بصدمه سيارة لينا..!
..
صار تعديل على البارتات*.لا تنسون النجمة🤍
اسفه على الاخطاء الاملائية.
أنت تقرأ
يارقيقُ القلب يافاتنِ الحُسن،ارفق بقلبِ سيفٌ من حجر.
Randomبطلنا الياس او"السيف" حاد الطباع متشدد يعشق بنت عمه لينا بنت المدينة،احداث حزينه ومفرحه في نفس الوقت،بتروحون عالم ثاني معي🤍.. اسمي المستعار ريان. "Ro,m" مااسمع للنقل الا بأذني
