يارقيقُ القلب يافاتنِ الحُسن،ارفق بقلبِ سيفٌ من حجر.

Part 28

انسدحت على الكنب وهي تحس براحة عظيمة اخيرًا ارتاحت من همها،التفتت لابوها الا جاء وقبل رأسها ونطّق:ارتحتي الحين بابا،ابتسمت لابوها وهي تهز رأسها وتنّطق:بابا انا مره فرحانه لولا الله ثم الرجال كان انا ضايعه الحين،جلس عند رأسها وهو ينّطق،لازم نسوي عزيمة ونعزمه هو واهله ومعارفه،رجال اصل نعم من رباه،تعدلت بجلستها تنّطق:بابا تدري لما شكرته قال لي انه عندهم بنات كثير وهو حس فيني وفيكم ومايبي يحس بالشعور ببناتهم وزي مايرضى على بناتهم مابيرضاها على بنات الناس،اثر فيني كلامه وتمنيت انه عندي اخو يخاف علي كذا او حتى ولد عمي او خالتي،ابتسم وهو يمسح على شعرها وهو يقول:حبيبتي لتين قلبي انا لك سند ودايما معك ياعيني وبجيك العوض بالزوج والاخ ان شاء الله انتي غاليتي مابعطيك الا الرجال،واسف كثيير اسف يابابا بسببي تعرضتي للخطر
ناظرت ابوها وهي بدات تدمع وهي تقول بعبوس:لا بابا ماتقول كذا ابدا مو منك مكتوب كذا والحمدلله دامني تفاديت الخطر ربي لك الحمد والله يوفق الرجال ويسعده بدعي له في كل صلاة لي،جات ام لتين وهي تقول:يلا تعالو للغداء،جات وراها موج وهي تقول:توتي قومي نتغذا وبعدين نطلع نبي نغير جو
هزت روح راسها تنّطق:صح تعبنا من الاكتاب نبي نتونس
ابتسمت لتين ونطّقت بمزح:روح انتي وش تبين روحي مع زوجك،تخصرت وهي تقول:ابي اطلع مع اخواتي وين المشكلة ترا نيّار مابطير،واكيد بيفهم لو اقوله اني بطلع معكم،ضحكت موج تنّطق:طيب هذي دُعابه لا تبكين،ضحكوا كلهم وهم يمشون لطاولة الطعام.
_
{يوم الخميس.12،50،الليل}
عضت شفتها وهي تناظر غرفتها اللي كانت مكركبة وفوضة ماعندها وقت ترتب بالذات انهم تو وصلوا القصور تحس بتعب شديد ومافي وقت للترتيب،انسدحت على السرير و غرقت بأفكارها وغمضت عينها تسمح لدموعها تنزل،ماتتخيل كيف انها كبرت والحين بتتزوج من رفيق روحها الياس،تذكرت كل معاناه وارهاق تعرضو لها كيف طال موعد عرسهم وكل مره يتأجل،ولكن هانت،هانت وجاء الموعد اخيرًا،كانت هنا اخر شي فكرت فيها قبل ماتنتظم انفاسها وتنام.
_
{11،50}
فتحت ايلين الباب وهي تشوفها تستشور شعرها ولابسه فستان فوق الركبه لونه بيبي بينك،ابتسمت وتقدمت تحضنها وهي تقول:عروستي لولي،عبست لينا وهي تنّطق:ياعمري ايليي احس مو مصدقه اني بصير بعيدة عنك،شدت عليها ايلين ونطّقت:منتي بعيدة عني انتي بعيني وقربية من قلبي ولو احنا مو بنفس البيت،تدرين على كثر هواشنا الا مع كل هوشه حبي لك يزيد انا اليوم اسعد انسان بما اني اخت العروسه والحلو اكثر انك انتي العروسه ماقول غير ياحظ الياس،انتهت من كلامها وهي تمسح دموعها وكذلك لينا اللي كانت تبكي ومن ضحكت ايلين ضحكت معها وقالت بعدها:ياخي حتى واحنا نبكي تضحكينا بعدين لما ازعل مين بضحكني
ابتسمت ايلين تنّطق:افاا لولو طبعًا الياس مايقصر مايخليك تزعلين،نطقت لينا بتوتر تنّطق:ايلي لا تجيبين طاريه احس بتوتر كل مااتذكر انه اليوم زواجنا
ضحكت ايلين بصدمة عليها وهي تجلس على السرير وتنّطق:وش هالفوضه لينا رتبي شوي،وقفت لينا بعدم اهتمام وهي تضحك وتقول:ياخي ايلي انا في وين وانتي في وين،لكن لا اوصيك اليوم زواج اختك الوحيده نبي نلعب لعب،وقفت ايلي بحماس تنّطق:افاا علييك والله لالعب شوط اليوم،ضحكت لينا وهي تقول:ايلي نادي البنات نقعد كلنا هنا على ماتجي الارتست،هزت راسها ايلين وهي تطلع تناديهم
_
دخل فارس وهو يهز كتفه ويغني،التفت له الياس ينّطق:ياولد خلك من الرقص وتعال دور معي شماغي،ضحك فارس ينّطق:ابشر ياعريس قلبي،ابتسم سيف وهو يناظر فارس كيف فرحان له مثل اخوه وهو اخوه وسنده وعضيده،صحى من صرخ فارس فيه:ياولد سيف،الياس شفيك اكلمك،ابتسم بخفه ينّطق:هلا شفيك،رفع له شماغه ينّطق:واضح عروستك شاغله تفكيرك لي سنه اكلمك،هز الياس راسه ينّطق:انت اللي شاغل بالي،ضحك فارس ينّطق:لا هي حلوه ولا تعيدها بعد
الياس:ماامزح فارس انت اخوي والاقرب لقلبي خوي روحي انت،معي في كل وقت وتفرح لفرحي وتزعل لزعلي مااوصف لك يافارس كثر غلاك بقلبي عزيز على روحي انت،ناظره فارس بصدمة سيف قليل يظهر هالجانب منه هو يقدر يعبر عن مشاعره بشكل حلو هو حنون وحنيته طاغيه لكن مايظهر هذا الشي والحين بيّنه لفارس وطبعًا مو اول مره لان فارس قريب له لكن قليل،استوعب فارس من حس بالياس يحضنه وشد عليه وهو يبكي ،فارس شخص عظييم صبور جدًا اللي مر فيه مو سهل وصبر وكان سبب صبره،الله ثم الياس والجود وسعادتها، ابتعد وهو يمسح دموعه بشماغه ينّطق:حبيب قلبي الياس انت لو مو في حياتي كان انا ضايع ماادري يمكن ربي اخذ روحي او انا تخلصت من روحي لو مو انت في حياتي من بعد الله كان انا ضايع،الياس انت سندي وقريب روحي والله يعلم كثر انت غالي علي.ابتسم الياس وهو يمسح دموعه ونطّق:ربي لك الحمد دامك خليت ليي فارس بحياتي،ابتسم فارس ورجعت دموعه تطيح،جلس على الكرسي وانهار يبكي مره ثانيه،تقدمو الرجال له اللي كانو واقفين يشاهدون ومبتسمين على علاقة الياس وفارس العجيبة،ابتسم عُدي ينّطق:رجال يافارس رجال والنعم فيك وفي اصلك غالي علينا كلنا مو بس السيف انت ولدنا ومننا وفينا،هز رأسه هُذام يقول:انت من اغلى احفادي يافارس وماعطيتك بنتي الا وانا كلي ثقة فيك واغليك غلا ماتتخيله،تقدم وليام يحضنه ينّطق:شوف فارس انا مااعرف اعبر عن مشاعري لكن يشهد الله اني اشوفك انت والياس واحد وغلاكم واحد انت الاقرب لنا وانت مننا وعزيز علينا،احنا لك سند واهل وانت لنا عزيز وقريب وسند رجال يافارس،هز رأسه ابو تركي ينّطق:والله العظيم يافارس اول ماشفتك ارتحت لك معنى معرفتي بك مو قوية لكن لك قبول مو طبيعي،ابتسم ايان يقول:يكفي يافارس لا تبكي وانت تدري بقربك لنا وفرحك فرحنا وفرحنا فرحك قوم يارجال،مسح دموعه وهو يرفع رأسه وينّطق:على راسي كلكم والله اني محظوظ بكم وانا اعتبركم لي اهل.
عبدالله:واحنا لك اهل،تقدم له سلطان يقومه ومشو معه ادم وامير واياس ونّطق بينهم امير:قوم يارجال اترك البكي عنك
ضحك سلطان ينّطق:تعال نرقص بس لا يجلدنا ابو انور
ضحك فارس والتفت لتركي الا نطّق:هو ابيض ومن البكي صار احمر تقول طماطم،ضحك فارس ينّطق:تذب علي انت الحين؟
ابتسم تركي يقول:تقدر تقول،فزو كلهم على ضحكة وليام اللي ارتفعت والتفتو يناظرونه باستغراب ونطّق ايهم بصدمة:وش اللي يضحك شفيك،وليام بضحك:طبعًا انا صورت كل شيء ورسلته لقروب البنات وجالسين يصيحون ازعجوني بالقروب،ضحكوا العيال ومشى الياس ينّطق:اقرا وش يقولون،هز رأسه وهو يتنحنح وغير صوته يقلد البنات وقال:ياالله مره يبكي خلصت دموعي مره كيوت الياس وفارس علاقتهم حييلوه،فزو اثنينهم ينّطقون:اعقبب صرنا كيوت حنا،ضحكو العيال والتفت الياس لوليام يأشر بمعنى مين،ضحك وليام واشر عليه وعلى اصبعه بمعنى زوجتك الا هي لينا،ابتسم الياس والتفت يناظر العيال اللي يرقصون مع فارس،ومشى يدخل بينهم ولحقه وليام
_
غمض سعد بصدمة بعد الكف اللي جاه من منير اللي كان يصرخ فيه:اليوم زواجه اليوم مستوعب انت ولا؟انا ايش استفدت منك مافهمت ايييش
صرخ فيه سعد ينّطق:شفييك انت ماقدرت اسوي شي لاني لو اقتله واهرب بنصاد افهمم هو بنفسه فريق واكثر من محامي في العيله وفي منهم محقق تبيني اروح فيها او اقتل اي شخص من اهله مثلًا زوجته بموت قبل اطلع اذا تبي كل شيء بكيفك ولو ماكان يصير انا بتعذر من مساعدتك ياتعطيني شي معقول ماانكشف عليه يا ماابي.
تنهد منير وهو يقول:اخر حل تروح تفجر فيهم وتطلع تقتلهم كلهم وهو معهم وخلاص
ابتسم سعد بسخرية:ونكمل باقي حياتنا بالسجن و هم بالقبر انا وش استفدت؟،ولا شي
منير بعصبية مشى له ينّطق:غبيي انت ابعطيك فلوس
ضرب سعد رأسه بقلة حيله ينّطق:يارجال انا لو قتلتهم وبعدها اخذت فلوسك وش بسوي فيها وانا بنسجن
جلس منير بقهر وحرقه يفكر كيف يخرب العرس وقاطعهم دخول شخص مجهول وقف امامهم ونطّق:سمعت انكم تبون تنهنون السيف وتخربون ليلته صح؟
وقف منير له يقول:مين انت وكيف عرفت مقرنا تراقبنا؟؟
ابتسم بخفه ينّطق:رعد بن ملهم،كنت مع السيف وانطردت بسببه والحين ابي اخذ حقي وبما اني كنت معه في العمل اعرف عنه اشياء كثيره اقدر افيدك فيها ان كنت تبي حياك ماتبي غير مهم اقدر اتصرف بنفسي
وقف سعد ينّطق:كيف اقدر اثق فيك،ابتسم رعد يقول:وكيف تبيني اثبت لك مافهمت ان كنت تبي تفضل ماتبي بمشي،صد عنه سعد ينّطق:امشي.
كان بيمشي بس وقفه منير وهو يقول:اوقف اوقف،نبيك معنا بس ايش خطتك،هز رعد رأسه ينّطق:ءانت تسوي اللي اقولك عليه ماابي اقول وبعدين تتشتت افكاري.
_
عند البنات اللي كانت الاجواء عندهم جنونية يرقصون بحماس ويجهزون.
تقدمت ملاذ وهي تحط الصحون عند كل كرسي وتغني مع الاغنية وجات معها الجوري تحط بعدها المنديل والملعقه والشوكه،التفتت لها ملاذ تنَطق:احلى عرس،عرس لولي مره حماس الاجواء تقتل وعزمنا ناس كثير
ضحكت الجوري تنّطق:احس العرس مثل اعراس الاميرات يجنن ومتحمسة لشكل لولي بالفستان والميكب،هزت ملاذ رأسها باي وكملت جوري:الا انتي وش لون فستانك.
ملاذ:اسود احس يناسبي واحب اللبس هاللون،هزت الجوري رأسها تنّطق:صدق حلو عليك،انا فستاني بنفسجي.
.
ريان:افف محتاره مره تعالي ديمي شوفي اختار ايش
تقدمت ديم ومعها ريفان وميلا،التفتت لهم ريان تنّطق:شوفو بنات عندنا ڤازه شفافه والثانية بينك والورود عندنا ابيض وبينك واحمر،حطت ديم اصبعها على فمها تفكر وقالت بعدها:شوفي حطي في الڤازة الشفافه بينك وابيض والڤازة البينك حطي احمر وابيض،هزت ريفان رأسه تقول:اي احس كذا حلو
ميلا:وحطي الترتيب اول شي بينك بعدين ڤازتين شفافه وبعدين بينك وكذا
هزت رأسها بفهم وبدأت تحط وهم يساعدونها.
.
الارتست:قلتي لي لون فستانك احمر،هزت ايلين رأسها وكملت الارتست:لون موفق بسوي لك ميكب يركب على اللون وعلى ملامحك خراافي،ابتسمت ايلين تنّطق:ياعيني انتي شكرًا،ابتسمت لها الارتست تنّطق:ايش تقربين للعروس،ابتسمت ايلين تقول:انا اخت العروس
هزت راسها بفهم تقول:الله يبارك لكم
ايلين:الله يسلمك،انتهت من كلمتها والتفتت لريما اللي مدت لها جوالها تقول:شوفي ايلي ايّ تسريحة اختار،بدات ايلين تقلب وتشوف الصور وبعدها قالت:الثالثه بتطلع عليك واوو بالذات انه مكياجك مره حلو وبين ملامحك حاده والتسريحة مافيها غرة بتطلعين نار،ابتسمت تنّطق:حبيبتي ايلي.
الارتست2:ايش اسمك ياحلوه،ابتسمت لها تقول:اسمي الجود،الارتست:والنعم يالجود،بس ابيك تعلميني اذا فستانك يبرق ويرعد او بسيط عشان اعرف اسوي لك مكياج يحبه قلبك ويضبط عليك،الجود:تسلمين ياقلبي،فستاني بالنص لاهو يبرق ويرعد ولا بسيط
ابتسمت الارتست تقول:عنديي اجل
.
دخلت انوار تهلهل بفرحة وهي تقول:عرس لينا اليوم يازعلان انبسط،اليوم عرس اول احفادنا ربي يبارك له
ابتسمت غادة وهي تمشي لانوار تمسك يدها وتنطّق:ممبروك ياعمتي الله يبارك لنا يارب،ابتسمت انوار تنّطق:تعالي ياحبيبتي،مشت تجلس وجلست بجنبها غادة ودخلو باقي الحريم وهم يهللون ومبسوطين والكل متحمس ومنطرب،قاطعهم صوت هُذام اللي كان يبي يدخل ومشو بنات عُدي للمجلس الثاني لجل يجلس براحته مع حفيداته وبناته،اما هو دخل وهو مبسوط وجلس بجنب انوار ونطّق:الله يبارك لهم يارب،ارتفعت اصواتهم وهم يقولون يارب.
وابتسم هُذام ينّطق:الا وين اماني عساها اقتنعت ورضت لان خلاص ماصار مهم، ضحكت جنان تنّطق:اي الحمدلله عرفت انه مالها خيار ورضت بامر الواقع وجات والحين هي مع لينا،هز رأسه ينّطق:ربي لك الحمد،ووين باقي البنات
رهف:بعضهم يتجهزون وبعضهم يرتبون مع ميري
عدلت انوار نظارتها تنّطق:ميريام لو سمحتي
ضربت جبهتها تنّطق:اوو صح ميريام فارس نسيت
ضحكوا الحريم وهز رأسه هُذام بأسى وهو يضحك.
_
سما:محتاره جوجي ساعديني تكفين
جيان:يابنت وش اساعدك خلني اساعد نفسي اول مب عارفة وش اختار،ميلت سما شفايفها تنّطق:احملي فساتينك وتعالي وانا اختار لك وانتي تختارين لي،جيان:وانا كل مازانت الجلسة جيت عندكم صرت استحي من اهلك،ضحكت سما بعلو صوتها تنّطق:وش تستحين انتي تدرين امي تحبك كثير وتحب جيّتك وحتى بابا لكن هو مب موجود وتيم نايم بغرفته مابجي ماعليك تعالي انتي بس.
زفرت جيان بقلة حيله تنّطق:طيب تعالي انتي،هزت رأسها سما بالنفي:اخر مره انا جيت لك نسيتي دورك الحين،تنهدت وهي تقول:جايه جايه.
نزلت من الدرج واستوقفها صوت اخوها بهاج:وين رايحة جوجي
التفتت له ونطّقت:بيت صحبتي ليه،ابتسم بهاج لها وهو يقول:جوجي وديني للشركة سيارتي متعطله ومتوهق
هزت رأسها ونّطقت:تعال يلا جاهز؟،هز رأسه بأي ومشى معها،
ركبت السيارة وهي تشغلها وركب معها وهو يقول:وانتي كل يوم مع هالخوية المسكينة ازعجتيها،ضحكت جيان وهي تقول:ياولد هي الا ازعجتني عشان اروح لها حاولت اقنعها هي تجي مافاد،ابتسم وهو يهز رأسه وبعدها نطّق:حطي لنا شي نسمعه،مدت يدها تشغل الاغنية وبدأت تغني معها تحت نظرات بهاج المصدوم
:أعوف الدنيا اذا تمشي واضل اني
بداعت كل حظن لمنا لا تنساني
صعبه اصبر حبيبي لحظه بغيابك
مو مثلك قوي بالحب واحد ثاني
.
كانت متحمسة وتغني مع الاغنية لحد ماقطع صوتها بهاج ينّطق:تفتحين جروحي انتي وتغنين فرحانة بعد هذي اغنية تجيب الضيم وانتي باقي شوي وترقصين،ضحكت بصدمة تنّطق:شفيك بهوجي ترا اغنية ايّ جروح الا تقصدها انت،ابتسم بهاج بخفه ينّطق:اذا حبيتي بتعرفين وش الجروح ربي يبعدك عنها ياعيني،ابتسمت من حنيته ووقفت على باب الشركة وقبل ينزل مسكت يده تنّطق:بهاج ياروحي انساها ماتستاهل ولو انك حبيتها لكن بنات الدنيا كثير وهي مو رزقك ولا هي خير لك لو كانت خير لبقت.
ابتسم بأنكسار وهز رأسه بفهم ونزل من السيارة وهو يقول:انتبهي لك،ناظرته بزعل عليه وكيف مشى وهو واضح ماتخطاها ابدًا،حركت السيارة تمشي لبيت سما.
_
عند سما اللي منسدحة على الكنب وهي تتحلطم على جيان الا تأخرت،وفزت اول مادق الجرس ومشت تفتحه على طول وهي تقول:لا كان لا جيتي افضل بعد،ضحكت جيان وهي تدخل وتنّطق:كذا تستقبليني،سما بغضب:وانتي كذا تنكبيني يابنت لي سنة انتظر،ابتسمت وهي تجلس ونطّقت بعدها:رحت اودي اخوي للشركة سيارته متعطله،هزت سما رأسها ونطّقت بقهر:قولي لي مره ثانيه تخليني اجلس انتظرك كان خلصت كم شغله
ضحكت جيان بعدم مبالاة تقول:خلاص ام سوري يلا قومي نتجهز لا نتأخر اكثر من كذا،مشت معها وهم يصعدون الدرج ويسولفون وجيان تعلم سما عن اللي صار مع اخوها،دخلو الغرفة ومشت سما تطلع فستانين،ورفعتهم وقالت:اي واحد جوجي السكري او الازرق،حطت جيان اصبعها على فمها تفكر وبعدها قالت:لا هذا ولا هذا شوفي اللي وراك العودي بطلع عليك نااار وشرار البسيه،التفتت سما تشوفه وابتسمت من انتبهت لتفاصيله كان مخصر وفيه فتحه لنص رجلها ومن فوق كتف عاري وكتف مكمم،هزت رأسها بأعجاب تنّطق:ويني عنه انا شكرًا جوجيي توي انتبه له معني شاريته منزمان،ابتسمت جيان وهي تطلع فساتينها وتقول:شوفي الاصفر او الوردي،سما:الاصفر احس بيطلع عليك واو يجنن خذيه ولا تفكري،ابتسمت جيان وهي تهز رأسها وقالت:يلا نسوي الميكب،سما:شرايك انا اسوي لك وانتي تسوين لي
جيان:تم يلا بس شغلي اغاني عشان ننطرب واحنا نتجهز
سما وهي تسرح شعرها اشرت على السماعه تنّطق:هذي هي شغلي اللي تبيه تقدمت جيان وهي تشغل الاغنية وبدت تغني معها:ابييك وماابيهم ابيك وماابيهم،وارتفعت اصواتهم وهم يغنون مع بعض ويرقصون ونفس الوقت يتجهزون:ولا غيرك سكن قلبي وعيني.
_
طلعت ديم وهي تلف حول نفسها وتقول:ايش رايكم بنات،ناظرتها ملاك بأعجاب تنّطق:واوو دييمي تجننين ياحظه،ضحكت حنين تنّطق:مين هو اللي ياحظه،رفعت ملاك كتفها بعدم معرفه تنّطق:راعي النصيب قوي الحظ،ضحكوا البنات على وجه ديم اللي تحول للون الاحمر ونطّقت ريتال:بقوم اطلع لسهم انا،التفتت لها ريما تنّطق: انتبهي لايموت من جمالك،ابتسمت ريتال بفخر تقول:لا ماعليك بمسكه،وطلعت وهي تسمع ضحكات البنات ومشت لاخر القصر وشافته واقف ينتظرها وركضت له بفرحة وهي تحضنه:سهم زمان ماشفتك وين مختفي،ابتسم وهو يشد عليها ونطّق:ياعمري انتي والله اني مشغول بس بالي ماانشغل عنك وضليتي بفكري مشتااق لك والله مشتاق وبعدين وش هالجمال تبيني اموت انتي،ضحكت ريتال وهي تقول:ايش رايك
سهم مثل انه بموت وحط يده على قلبة وهو يقول:تشلعين القلب موتيني وتسأليني عن رأيي بعد!
ابتسمت بخجل وتقدمت تبوسه في خده،تجمد من حركتها وهي على طول ابتعدت عنه من حست فيه بيمسكها،ومشت وهي ترفع صوتها لجل يسمعها:اشوفك بعدين سهومي،ومشت تركض لداخل القصر،تحت ضحكات سهم على حركاته وهي للحين ذايب من جمالها،التفت على دخول سلطان اللي نطّق:وش تسوي هنا سهم تعال داخل،هز رأسه بفهم وهو يمشي معه،دخل بعدهم هادي وهو يناظر المكان ووقف محتار وين العيال يخاف يمشي لليمين ويطلع قسم البنات او العكس،قطع حيرته وتفكيره صوت جواله اللي رن ورفعه وانصدم من الاسم،لتين بنت المجد،رفع الاتصال وهو يقول:وعليكم السلام اهلًا.
لتين:اهلين،اسفة اذا كان اتصالي في وقت غلط لكن انا ابي اشكرك على اللي سويته لي وابوي بعد يشكرك مره ويبي يكلمك
ابتسم بخفة ماينكر انه اشتاق لصوتها ولملامحها لعيونها الناعسه الدامعة تنهد بخفه يقول:سويت واجبي واللي لازم كان اسويه ووقتك مو غلط ولو كان غلط بصير صح عشانك،ويشرفني اكلم عمي وينه؟
ابتسمت بخجل وهي تمد الجوال لابوها:السلام عليكم يارجال مشكور وماتقصر والله اني اشكرك من قلبي على اللي سويته ولازم علي اعزمك انت واهلك ومعارفك واحبابك واتمنى ماتردني
ابتسم هادي بخفة ونطّق:والله مالها داعي سويت اللي علي لكن دامك مُصر ابشر باللي يسرك حاضرين لك
ابتسم بوسع ثغره على تواضع واخلاق هادي ونطّق:يوم الجمعة اسبوع الجاي في مزرعتنا ابرسل لك الموقع ومشكور للمره الالف الله يوفقك ويسهل لك كل عسر يصير بحياتك دامك اسعدتنا وساعدت بنتي الله يوفقك مشكور ياولدي مشكور.
هادي:الله يسلمك عمي حاضرين بأذن الله يوم الجمعة مع السلامة
ابو لتين:الله معك بتوفيق.
_
التفتت للبنات وهي تقول بفرح:بنات توقعوا مين بجي اليوم
كلهم ناظروها بأستغراب ونطّقت بينهم ميلا:مين
لينا:سما وجيان ورغد وجوانن
صرخوا البنات بحماس ونطّقت بينهم ريان:تصدقون اشتقت لهمم زمان عنهم،هزت ملاك رأسها تنّطق:صدقق بالذات رغدد مره منزمان
الجود:ماتوقعت جيان وسما نسيتهم انا
قاطعت سوالفهم اماني اللي دخلت وهي تقول:يلا يابنات جو اغلب الناس انزلو سلمو العالم تسأل عنكم،عبست لينا بزعل تنّطق:لاا ماابي ابقو معي،حضنتها ريفان تقول:الحين بجي العريس يتصور معك احنا نجلس وش نسوي،ضربت جبهتها تقول:افف نسيت التصوير تكفون ماابي يوترر،دخلت غادة وهي مبتسمة ونطّقت:وش اللي يوتر ياماما،تنهدت بتوتر وهزت رأسها بفهم.
طلعوا البنات وماهي الا دقائق ودخلت المصورة ووراها السيف.
ابتسمت المصورة وهي تقول:يلا ياعروس قومي تعالي هنا،عضت شفتها بتوتر وهي تشوف ظهر الياس ووقفت وهي عاطيه المصورة ظهرها التفتت المصورة وهي تقول:ياعريس يلا امشي للعروس
التفت الياس وهو كل تركيزة في لينا يناظر تفاصيل فستانها من الخلف وقلبه يخفق بشكل مو طبيعي.
وصل لها وحط يده على كتفها،واول ماالتفتت له تجمد من جمالها ونطّق:تبارك الخالق استودعتكِ ربي،ابتسمت بخجل ونزلت رأسها،وماحست الا وهو ساحبها بحضنه،شدت عليه وهي تحس بتنفجر من الخجل،تحت نظرات المصورة اللي كانت مُعجبة بهم وبتناسقهم.
ابتعد عنها وبدّويطبقون كلام المصورة وتعليماتها.
_
سما:تأخزنااا بتطلع العروس واحنا ماوصلنا ياالله بروح اجيب كعبي من تحت وبجي بسرعة،هزت جيان رأسها وهي تحط اخر لمساتها،وفزت بصدمة وطاح الروج من يدها من دخل تيم عليها وهو يصرخ:يابنت سما ليه داخله غرف.... انقطع صوته من شافها متجمده قدامة ولا عرف يتحرك،اما هي من الصدمة هربت للحمام على طول
فز على صوت سما اللي دخلت وهي تقول:خيير وش تبي انت داخل غرفتي،ناظرها بصدمة وهو للحين متجمد وهز رأسه بالنفي ومشى على طول،اما سما ميلت شفافيها بصدمة وكملت طريقها لحد ماوصلت للروج الطايح،والتفتت لباب الحمام المقفل،وضحكت بخفه من فهمت كلشيء ومشت للحمام تطق الباب وهي تقول:اطلعي جوجي تراه راح،طلعت جيان وعيونها فيها البكية وقالت:اخوكك خرشني تكفين بموت شافني،ضحكت سما وهي تقول:يبغا لي اجهز الفستان،ضربتها جيان بغضب وهي تمشي لعباتها وتلبسها وتنّطق:بنزل قبلك بسرعة انزلي،هزت رأسها سما بفهم وهي للحين ميته ضحك على جيان
_
بدأت مراسم العرس والكل مبسوط ويرقصون وكل عجوز مركزه على اهدافها طبعًا.
{عند الرجال}
مشى وليام يمسك بيد فارس وسلطان وامير وعبدالله وبدّو يدبكون بحماس ودخلو بينهم عُدي وهُذام والباقي يعززون لهم لحد مادخل معهم الياس ودخلو اغلب الرجال معه وهم يلعبون بالسيوف.
دخل معهم عبدالعزيز وهو حامل هتان وبعده ايان وهو حامل سعود والكل كان متحمس واللي يصور واللي جالس بعيد وكاره الكل.
ميثم:افف ملل قم نمشي هناك شوي
هز راسه سالم بالنفي ينّطق:دز وحدك تعبان انا
تنهد ميثم بملل وهو يمشي في القصر لحد ماوصل قسم الحريم،انتبه انه وصل لقسمهم وابتسم بخفه وهو يقول:مايضر شي اساسا مين ذي الا بتتمشى هنا بهالوقت.
كمل طريقه وهو غارق بتفكيره وكان محور تفكيرة الياس وفارس وحادثتهم اليوم الصبح،لكن قطع تفكيرة صراخ ديم اللي ارتطمت فيه،ابتعد عنها بصدمة ونطّق:عمى لا تصرخين شايفه جني انتي،ديم بعصبية:تستهبل انت ولا ايش سالفتك صد ياولد ايش جابك عندنا انت،ابتسم بسخرية وهو يقول،وانتي وش مطلعك هنا،كانت بترد عليه لكنها سكتت بصدمة من الشخص اللي ضرب مثيم على راسه لدرجة انه طاح!،سحبها من يدها ومشى معها لاخر القصر،واما هي من عرفته بدأت ترتجف من الخوف،وقف والتفت لها وعيونه صارت حمراء من غضبه لكن تجمد من شافها بالوردي صدمته بجمالها ونعومتها لطيفة جدًا نسى غيرته وعصبيته عليها وابتسم بخفه ينّطق:ويني عنك انا منزمان،انصدمت من كلمته وسكتت بدون ماترد
_
وقف رعد وهو يقول هذا موقع العرس وهذا السلاح عليك فيهم ياسعد،هز رأسه بفهم ومشى يتقدم عنهم تحت نظرات منير الساخرة.
_
اسفة على التأخير والاغلاط الاملائية او السردية.🩷فترة اختبارات ونزلت لكم بارت عليكم بالدعم والنجوم