يارقيقُ القلب يافاتنِ الحُسن،ارفق بقلبِ سيفٌ من حجر.

Part25

يا غائباً والقلبُ. سارَ. بإثرهِ
شوقي مقيمٌ في فؤَادي كالجَبَل
إن كنتَ. غبت عن العيون مهاجراً
فجميل شخصك في فؤَادي لم يَزَل
..
تنهد بخفه ينّطق:ماعليك مني اهم شي السيف زين وانا أموري تمام،رفع نظره عليه يحس فيه تعبان بس يقاوم ملامح وجهه مرهقة وبيّن عليها الالم،وقف مسرع وهو يسحبه معه للحوش تحت صدمة الياسين اللي استغرب فعلته!-التفت له ينّطق:الياسين مااتفقنا كذا تذكر اول ماخبرتني بدخولك للعسكرية؟رفضت رفض قاطع وانت وعدتني تنتبه لك وش صار الحين مهم السيف تمام وانت؟ زفر بضيق ينّطق:خلاص امير حصل خير سكر الموضوع،هز رأسه وهو يمسح على وجهه يخفف من ضيقه على حال خويه واخوه!،رفع رأسه ينّطق:اهلنا سافرو بدون رجال مننا والحين مدري كيف نصارح السيف لا يقوّم البيت علينا،عقد حواجبه بأستغراب ينّطق:هُذام ماقال شي،ضحك امير بسخرية ينّطق:هو سمح لهم ومنع اي احد مننا يتكلم حتى وليام ماقدر عليه وباليالله سكتنا وليام والحين السيف بفجر فينا،هز رأسه بفهم تحت استغرابه الشديد وأخذه تفكيره في البنت اللي لمحها في عرس الجود واكيد انها سافرت معهم،مجرد فكر في الموضوع انكتم وبدأت آثار الغضب تظهر عليه،ولكن مستغرب بعد ليه!،رفع عينه على امير اللي نّطق وهو ماشي:يلا ياسين بندخل لازم نصارح السيف الحين لو أخرناها اكثر بتشب اكثر،هز رأسه يتبع خطوات امير اللي واضح عليه التوتر.
_
تنفست براحة اول مالمحته داخل للكوفي بخطوات ثابته وتبين هيبته وكُبر شخصيته بين الناس بحيث من اقبل  جميع موظفين الكوفي تحرك لضيافته،-ابتسم بخفه يحط يده على صدره بقصد الاحترام ومشى لها يجلس مقابلها وهو ينّطق السلام،ردت السلام وهي تشد على يدها بتوتر من وجوده،ابتسم من لمح توترها ينّطق:بدون اي مقدمات ابدخل في الموضوع ومثل ماانتي تعرفي قلت لك حقك مابروح مكان وانا قد كلامي استعنت بمحامي وخلصنا الموضوع بأسرع وقت ممكن صح بقينا وقت شوي طويل عليك لكن الموضوع كان يحتاج،اسبوع الجاي يوم الاثنين بنكون في المحكمة وبأذن الله الحق معنا،انتهى من كلامه ورفع عينه على صاحب الكوفي اللي تقدم لهم يحط القهوة وقبل يمشي همس بـ:بالعافية،وطاحت انظاره على لتين اللي جالسه وواضح عليها التوتر،انتبه لملامحها المميزة لون عيونها العسلي وبياضها الجذاب أسرته ملامحها مريحة للعين بأختصار،حس على نفسه من تنحنح هادي ومشى مسرع بعد مالمح غضب هادي الواضح له،تنهدت براحه من مشى وهي تأخذ نفس تحاول تخفف من رجفتها،بينما هادي نيران قلبه بدأت تحتر اكثر،وقف وهو ينّطق بحده:انا ماشي وانتي يلا،مااعترضت بينما مشت خاضعه خلفه ركب لسيارته وأشر لها تتقدم،مشت له وتنهد يحاول يخفف غضبه ينّطق:لتين ماتجين هالكوفي مره ثانيه يكون افضل،سكر بابه ومشى،تحت استغرابها وشكوكها اللي بدت تراودها،ضحكت بسخرية تنّطق بينها وبين نفسها:وش احلام العصر اللي احلمها انا،تركت افكارها تبحر عنها بعيد وهي تتقدم لسيارتها تركبها.
_
تحت سوالف الشيبان والشباب وازعاج الاطفال كان هُذام يفكر كيف يصارح السيف،بوسط تفكيره وقف السيف وهو ينّطق بتعب:بمشي انا،استوقفه صوت هُذام والتفت له ينّطق:سم،_بين التوتر على الجميع وتنهد هُذام ينّطق:نقولك وماتسوي شي اللي صار صار والبنات قدهم مشو،عقد حواجبه بأستغراب ومن نغزه قلبه يأكد له احساسه شد على يده ينّطق بحده:وين مشو ومين فيهم!
كان بيتكلم هُذام لكن قاطعه وليام اللي نّطق بقهر:مين فيهم؟حبيبي كلهم سافرو مابقى احد منهم ومحد معهم لحالهم بعد تتوقع يوم او يومين او اسبوع او اسبوعين؟الا شهريين،نزل عليه الخبر كالصاعقه تغير لونه للاحمرار آثار غضبه التفت لهُذام وعُدي الساكنين وبالذات ملامح هُذام البارده جداً انتقل نظره لابوه واعمامه ورجال عُدي ولمح عدم الرِضا بوجيهم،اخذ نفس يحاول يهدأ من نفسه ونّطق بعدها:فسر لي ياهُذام فسر لي،وقف هو يتقدم له وهو يقول:البنات ماعليهم خوف بناتي اقوياء ويعرفون يتصرفون والجوالات مب مقصره نتواصل معهم وتوي مكلمهم وقالوا تو يوصلون وامورهم بخير الحمدلله اتركوا حدتكم وتفكيركم هذا هم بخير ان شاء الله،ضحك الياس بسخرية ينّطق:جدي هم مو مسافرين يوم او يومين هم مسافرين شهرين!شهريين ياجدي شهريين،هز رأسه ينّطق:اي شهرين لان مو دولة دولتين يلا زعلان ماتبي شهرين خلاص شهر ونص نوديهم صح عليك شهرين واجد،ناظر جده بقهر ينّطق:يبه وش فرقت نص؟يومين وهم نازلين،هز رأسه هُذام بالرفض ينّطق:دولتين وين الا يومين شهر مايكفيهم،تبونها من الاخير عشرين يوم في هذي جوري مدري وش هي والدولة الثانية ماني بذاكر اسمها بعد عشرين يوم!اربعين يوم يعني شهر وعشر ايام،نفذ صبر الياس اللي يالله متحمل وبرود جده وصمت الجميع استفزه صرخ بقهر ينّطق:ليه ساكتين ليه؟كان منعتوهم يبه انت راضي عمي قاسم عمي محمد راضيين؟وليام انت راضي؟كلكم راضيين! تكلموا مستحيل بنات لوحدهم يسافرون ودولتين وبلد غرب بعد خير وش احنا؟
وقف انور وهو ينّطق:يبه خلاص انت اهدأ ويصير خير
عض شفايفه بقهر ينّطق:اي خير يبه؟،وقف وليام وهو ينّطق:الياس اجلس سويت مثلك من شوي حرقت اعصابي ولا صار شي،هز رأسه بالنفي ينّطق:ياانا رايح لهم ياهم راجعين لنا مافي خيار غيره،سكت وبعدها تكلم بحده:تبونها من الاخير رجعو خواتي وزوجتي والباقي ماعلي اذا انتو راضيين،وقف هُذام بغضب ينّطق:بس ياسيف بس لا زوجتك راجعه ولا خواتك اهدأ انت لان مابيتغير شي،اشتد غضبه من سمع كلام جده وبالاخص'اهدأ انت لان مابيتغير شي' فهم مقصد جده بوضوح،-قطع ضجيجهم صوت رنة تلفون وليام اللي منزمان البنات يحاولون فيه يرد عليهم لكن مايرد!،رفع جواله وهو يرد ومن وصله صوت ميلا اللي نطّقت:ليه ماترد علينا من اليوم،كانو السيف وهُذام جنبه فسمعوا،سكت وليام بدون رد وهو يمد الجوال للسيف،مسك الجوال يرفعه عند اذنه ينّطق:بترجعين تسمعين!انتي واللي معك اذا مالمحتكم بكرا بجيكم،-تغيرت الوانهم كلهم لان كان سبيكر ويسمعون وفزو كلهم من سمعوا صوته الحاد وهو يقول:اعرف كلكم تسمعون لكن والله وتالله واللي خلقني وخلقكم ماتسلمون مني وبنشوف،
نطّقت رهف بصوت راجف:تكفى الياس،هز رأسه بـلا ينّطق:مااعيد كلامي بترجعون انتهينا،سحب ُهذام الجوال منه وهو ينّطق:يبه نقلل من شهرين واجد يايبه لا يموتون العيال علينا،كتموا ضحكتهم وسط خوفهم الشديد من غضب الياس،ضحك الياس بسخرية ينّطق:ولا يومين يرجعون يرجعون،زفر عُدي ينّطق:طول بالك يالسيف هونها وتهون،هز رأسه بالنفي ينّطق:انا قلت يرجعون
هُذام:خلاص يالسيف هونها شهر وعشره ايام غمض فتح هم قدامك تمشي الايام بسرعه يايبه بنخليهم عشرين يوم هنا وعشرين يوم هنا وهم راجعين،تنهد بقلة حيله ينّطق:مو عشرين يوم عشره ايام هنا و عشره ايام هنا،
هُذام:موافـ..سرعان ماسكت من وصله رفض البنات القاطع وكل وحده بدأت تتحلطم من جهه،زفر الياس بغضب وهو يصرخ:خلاص حدكم 15 يوم هنا و15 يوم هنا وانتو راجعين وخذوها مني هذي اول واخر مره،تقريباً شهر حدكم،سكتو كلهم بخرشه بينما هو كان بيمشي لكن وصله صوت لينا اللي نطقت:ياحسره على الشهرين،ضحك بسخرية ينّطق:اسكتي لا مااخليها حتى شهر بكرا انتي هنا،سكتت وماوصله صوت بعدها ومشى يطلع ويسكر الباب خلفه بغضب،اما العيال اللي انصدمو وخاب املهم كانو ساكتين وواثقين السيف برجعهم لكن هالمره حتى السيف ماقدر وقف فارس بغضب ينّطق:طيب الجود حامل ومامعهم احد كيف كذا،سكتو كلهم بصدمة من الخبر وهم ماكنو عارفين اساسا،-التفت له عبدالله بصدمة ينّطق:بالله عليك الجود حامل،هز رأسه يأكد له وابتسم هُذام ينّطق:الله يتمم لكم على خير ونشوف جواد الصغير بس الجود ماعليها خوف معها البنات كلهم لا تقنعني انت تفهم في هالامور اكثر من البنات،ميل شفايفه بعدم رِضا من اصرار هُذام على هالسفرة،التفت وليام له ينّطق:يبه نزلهم يكون احسن من متى البنات يسافرون وحدهم من متى،زفر هُذام بتعب من العيال ينّطق:انكتم وليام!،تركي:لا صدق من متى البنات يسافرون لوحدهم جديدة ذي،ضحك راكان ينّطق:هي مب جديدة بس احنا ماوصلنا التحديث،ضحكو الرجال كلهم اما العيال فقدو الامل فيهم وكل واحد تفرق الا طلع من البيت واللي طلع من المجلس فقط من الاخير زقت معهم!،اما عُدي التفت يعتذر من الموجودين على اللي صار قدامهم،وكان البعض منهم مستنكر سفرت البنات والبعض يشوفه عادي جداً ومصدوم من تكبير الموضوع عند العيال
_
{بنفس البيت من جهة الحريم}
ضحكت انوار تنّطق:ياشين البيت من دون ازعاجهم حتى القطوه اخذوها معهم مابقى احد،ضحكت غادة تنّطق:اي والله ياشين البيت من دونهم هدوء ومامن فعاليات يغيرون لنا جو،ابتسمت جواهر تنّطق:لكن والله حلو بناتنا يسافرون لوحدهم يبدون يعتمدون على نفسهم ومايخافون،زفرت فاطمة بعدم رِضا تقول:لا والله مب عاجبتني سفرتهم مب مرتاحة انا،هزت جنان رأسها بـلا تنّطق:لا تفكرين كذا ابداً يايمه بروحون وبيرجعون بالسلامة بأذن الله،همسو كلهم بـ ان شاء الله،وتغيرت السوالف حوالي حوارات عديدة،مر الوقت لحد وقت المغرب والكل قام يصلي،انتهو من الصلاة وبعض المعازيم طلعوا وبعضهم لا،ابتسمت ام جمال تنّطق:ياام انور الصراحة انا عاجبتني وحده من بناتك طبعاً ما شاء الله كلهم حلوين لكن انا حطيت عيني على بنت قاسم ما شاء الله جداً جميلة،توسعت ابتسامة انوار تنّطق:لنا الشرف ياام جمال بس بنات قاسم ثنتين مين تقصدين؟،ميلت شفايفها بعدم معرفة تنّطق:والله ماني عارفة اسمها بس هي ما شاء الله كثيرة قراءة كتب حطيت عيني عليها من وقت طويل ولاحظتها،ابتسمت جنان تنّطق:تقصدين ملاذ
هزت رأسها بـأي تقول:يمكن
وقفت اصايل تنّطق:بكلم عيالي يوصلون الخبر للوالد وان شاء الله خير بس مين الولد جمال؟،هزت رأسها بالرفض تنّطق:لا والله جمال قده متزوج وعنده بنتين ولدي الثاني اللي هو زيد،هزت رأسها تنّطق:تشرفنا والله يكتب اللي فيه الخير،نطّقو جميع الحريم بـ ان شاء الله اما اصايل طلعت بعد ماكلمت سلطان وجهاد وسعد يطلعون لها،لمحتهم واقفين بعيد عن باب الحريم بشوي ومشت لهم تنّطق:بقولكم شي ووصلوه لابوكم،هزو رأسهم وتكلم سلطان:وش هو؟
اصايل:زيد ولد ابو جمال خطب اختكم ملاذ،ضحك جهاد بسخرية:بنتنا مسافرة لما ترجع يصير خير،زفر سلطان بغضب ينّطق:زيد انا ماادانيه ولا نبي قربه،سعد بغضب:شفيكم انتو كيف البنت لو كيفكم،سلطان بحده:اختي ماتتزوج قليل اصل وراعي بنات وانا اعرف مصلحتها اكثر من غيري لا تناقشونا في الموضوع اكثر وانتهى الكلام!،استغربت اصايل انفعاله المبالغ فيه وهي تقول:شفيك سلطان،التفت لامه ينّطق:انا لاعبه بأعصابي سفرتهم وتجون تقولون بعد زيد خاطب اختي ولما نرفض هذا يقول كيف البنت طيب انا اخوها واعرف مصلحة اختي،ميل سعد شفايفه بأستنكار:طيب انا بعد اخوها مب جدها،جهاد:انت كلزق،زفرت اصايل وهي تمشي عنهم بعدم اهتمام.
_
{في جورجيا}
وقفت لينا بصدمة تنّطق:بنات الياس يتصل تكفون يمه
ضحكت ريان تنّطق:ردي بس لا تعصبينه اكثر،مشت بسرعة مكان غير عن البنات وهي ترد عليه،وصلها صوته الغاضب وهو يقول:اخرتي عرسنا شهر تعرفين؟،حكت يدها بتوتر تنّطق:مايخالف شهر انت غبت عني شهر وانا اغيب عنك شهر وحده بوحده،زفر بغضب وهي ماتزيده الا نيران بكلامها:انا للعمل انتي لايش!،سكتت عنه وفزت من صرخ فيها يأمرها تحكي!،لينا:خلاص الياس اسفه والله عاد هي مره لا تنكد علي،تنهد بضيق ينّطق:طيب لينا افهمي انا اخاف عليك انتي في بلد غرب ماابي تتعبين او يصيبك شي وانا بعيد عنك ماابيك تسافرين او تبتعدين عني انا يالله تحملت هالشهر ليه تتعبيني اكثر ليه،تضايقت من حست بضيقه وتعبه الشديد تنّطق:الياس فيك شي؟،هز رأسه بـأي ينّطق:تدرين انا مصاب من العمل ورجعت بلهفه لشوفتك كنت اشوف العيد عيدين عشاني اخيراً بقابلك آخرتها انصدم بسفرك بدون علمي كذا يالينا تفاجئيني وتكسرين شوقي لك،فاضت بحور عيونها وبدأت تبكي بحرقه وهي تردد اسفه،فز من سمع صوت بكاها واسفها ينّطق:لا والله ماتبكين يالينا افداك ويفداك تعبي وشوقي وجرحي بس لا تبكي عيونك وتزيدين الم حبيبك والله دمعتك غاليه علي وتألمني زيادة مثل الليمون اذا انحط على الجرح،ارتفعت اصوات شهقاتها تنّطق:الياس انت مصاب ووقت احتجتني ماكنت موجودة لك،ابتسم بخفه ينّطق:فدا والله فدا لا تبكين انا بخير اذا انتي بخير،مسحت دموعها تبتسم وهي تقول:تبيني اكون بخير خليني شهرين اجل،فز وهو ينّطق برفض:لا والله تخسين لا انزلك الحين،ضحكت بعلو صوتها تنّطق:حلو سحبت كلامك الحين،ضحك بخفه معها من سمع صوت ضحكها،دواء لقلبه ولجرحة يقولون فكرة المستشفيات قديمة جرب تعشق لينا.
_
{في نفس المكان لكن عند فارس والجود}
ضحكت بخفه تنّطق:خلاص يافارس مابموت ترا شهر غمض فتح انا قدامك،ابتسم بعبط ينّطق:وجواد بعد قدامي ولا؟،ضحكت بصدمة تنّطق:لا بدري على جواد،ضحك معها وهي سكتت بتفكير وبعدها نطّقت:فارس بسألك ليه اخترت اسم جواد؟،ابتسم من تذكر السبب وقال بعدها:هذا الاسم مربوط بأسمي وأسمك،مربوط بأسمك لان قريب لجود زيادة الف فقط،اما انا فارس والفارس مايكون فارس الا بجواده ابي جوادي يجي عشان اكون الفارس وجواده،وهالاسم اول من قاله رفيق دربي السيف،ابتسمت بخفه تنّطق:انت فارس احلامي وفارس احلامي اكتمل بجواده.!،توسعت ابتسامته ينّطق:تدرين اني اشتقتلك،عبست بزعل تنّطق:حبيبي فروسي والله اكثر بس شسوي احب السفرات وبالذات بدونكم انتو العيال،ميل شفايفه بغيره ينّطق:لجل وشو العيال يعني وانا ماني مالي عينك،توسعت عينها من غيرته وربطه للمواضيع تنّطق:خير فروس وش تقول انا اقصد انك بتمشي وتقول نغير المكان!؟ امشي وراي!لا تبتسمين! لا تضحكين!بدون نفس!اص لا يسمع صوتك اسكتي!وبتبهذلني مدري مسافره عشان وش انا،ضحك بصدمة ينّطق بتمثيل للغضب:اقول يابنت لا تقلديني،ضحكت معه وحل الصمت دقائق ونطّق بعدها:تبين الجواب على كلامي لك وليه دائمًا انا كذا،هزت رأسها بـأي تقول:اي،تنحنح يعدل جلسته وينّطق: إنِي أحبُك امتلاكاً وتملُكاً وكمالاً وأغارُ عليك تعصباً وتَجنناً وحَناناً،احمرت وجنتيها خجلًا ونطّقت بخجل شديد:فارس تدري مااحب احد غيري يسمع هالكلام منك ولا احب بنت غيري تسمع صوتك احبه وابي بس انا اسمعه،توسعت ابتسامته من لامس غيرتها عليه ينّطق:
أن آرى في طريقي ألف شخص
ولا يروق لي إلا أنتِ،مالي بالدنيا سواك والله لا تفكرين بيوم غيرك ياخذني منك او ياخذك مني احرق الدنيا ولا يلمحك غيري وربي
_
اسفة جدًا على التأخير وقصر البارت والاخطاء ان كانت املائية او كانت سرديه لكن يشهد الله كتبته في وقت ضيق+ماوصلتو للعدد المحدد اصلًا وزعلتوني بس ماقدرت اسحب عليكم،هالمره توصلون 50؟