"بيت هذام"
كان الكل متجمع فيه وحزينين بعد الخبر اللي وصلهم بالذات البنات اللي حبوها،حبوها وكثيير تعودوا عليها لدرجة انهم عزموها للسفر معهم وعطتهم موافقتها بس اللي صار انها سافرت،سافرت لرب العالمين..
انوار:واويليي عليك ياريان ضعتي بدون ام بدون اب بدون سند والحين تتبعين امك وتخلين طفل صغير لوحده وين يروح وينن
انهارو البنات يبكون معها،اما العيال جلسوا بحزن منزلين رأسهم ويسمعون كلام انوار اللي يكسر
-
ابو حمد بصدمه:توووفتت ريااان
ناصر بغضب:ولييه مهتم ها ليه مهتم بعد ماطردتها من بيتك جاي تسأل عنها بعد ماضلمتها،وقف يرمي تسجيل الكاميرا عليه'كانت من كذب صقر الى لما خرجت ام حمد لجل تكذب على ابو حمد وتعلمه كلام كله كذب
..
نزلت دموعه بندم بس بعد ايش بعد مافات الاوان
كان المكان هدوء والكل ماله وجه يتكلم
-
فارس مسكه من رقبته بغضبب:بتحذف الصور ولا لااا
عمر بخوف:ميين انت،وايي صور
فارس:انا زوج الي كذبت عليها واخذت صورها وانا اقولك لو ماتحذف الصور بتشوف نهاية حياتك
عمر ضحك بسخريه:الجووود!
ضربه بوكس بقوة ينطق:اسمها لا تنطقه على لسانك ولا تجيب طاريها سامع
طاح بالارض يمسك خشمه اللي نزف دم
عمر بأستفزاز:صور مابحذف،واقول ياحضك فيها تجنن
مشى فارس وغضب الكون كان كله فيه بهذي اللحظة،حط رجله ببطنه ينزل له يمسكه من رقبته يخنقه:اقتتتتلك والله اقتللك
تغيرت الوانه بأختناق كح بقوة يمسك يده يطلبة يتركه
فارس تركه وزفر بقرف:اعطيني جوالك
اعطاه جواله بدون كلام لكن سرعان مارجعه له يصرخ:الباسوورد
-
وليام بكى بضعف يحس بذنب يأكله والمناظر اللي قدامه مايتحملها يشوف البنات متجمعين يبكون وهتان بوسطهم يبكي العيال منزلين رأسهم بحزن والحريم نفس حاله البنات اما هذام كان ماله صوت هو من صدمته وحزنه مو قادر لا يبكي ولا يتكلم،يبكي على حال ولده اللي تدهور والبنات اللي منهارين على ريان على صياح انوار اللي ماسكتت من اول ماسمعت الخبر او على هتان اللي ضاع من صغره،او يتكلم وش يقول مايقدر يخفف على احد هو يحتاج من يخفف عليه،او يعاتب ولده ابدا حاله مو حال عتاب مب ناقص،يواسي مين ويخلي ميين،هو اللي صدمه مااحد من اهل امها وابوها جو ولا اقبلوا على المستشفى.
بعد ساعات من التعب،البكاء،الضيق،حالتهم تزيد من سوء الى اسوء صوت هتان الصارخ في المستشفى،نطقت الدكتورة بفرح شديد يشابه ليلة العيد:المريضة والحمدلله استجابت للانعاش بعد محاولات دامت لوقت بسبب ارادتنا وعزمنا ودعاويكم طبعا من بعد رب العالمين، فزوا كلهم بفرح ارتفعت اصوات البكاء والتحمد للرب الكل سجد شاكراً لربه نزلت دموع الفرح على خد الكبير والصغير احداث تحرك المشاعر،دائما وقت الضيق وقت التعب اتجه لربك مالنا غير الرحمن في وقت الذبول والتعب،صرخت انوار بفرح:ياربي لك الحمد دعوتَك واستجبت ليي،ربي يعلم بحالنا والله تعبنا وانكسرنا
هذام مسح دموعه:اي والله مالنا غير الله وقت المصاعب
نطقت الجود بغبنه:ياربي ماتوقعت لكن مافي شي مستحيل الحمدلله والله انهرنا تعب
الكل:اي والله
وليام بدموع:والله اني حاس بشيء يحرقني من داخلي طول الوقت احس بذنب يقطعني حارت افكاري والتعب تمكن مني لجأت لربي ماخيبني رب العالمين،سجد مره اخرى شاكراً لربه الدموع ماتوقفت من الكل حتى الطاقم الطبي يبكون معهم وقت انفياضات المشاعر والاحاسيس اللي عاشوه مب سهل يبكون ويتألمون جميع تحت صرخات هتان بدون توقف الرجال المعروف عنهم بالقلب المتحجر لكن رجالنا عكسوا هذي المقوله كانت دعاويهم ترافقها دمعاتهم حتى السيف قلنا حجر لكن الحجر يضعف وينكسر الحجر مايبقى حجر يمكن يوم يصير تُفتاف ويتحول لرماد،،يدعون دعاوي صادقه بدموع حارقه
-
ابو حمد بدموع:ياربي الندم ياكلني
ام حمد:خلاص يابو حمد قم تغذى وعين من الله خير
ابو حمد بغضب:كذبتييي عليييييي كذبتيي تركتيني ارفع يدي على البريئة ريان بدون تسوي شي غلط والسبب انتي ظلمتها تركتها تخرج من بيتي بزعل مني كيييف خالها يرفع يده على بنت اخته،اختيي اختيي لما توفت وصتني ببنتها اقوم انا ارفع يدي على بنتها بقواية عيون هذا بدال مااحطها بعيني اتركها تعيش بالقصر تضيع به وحدها،نزل رأسه يسمح لدموعه تنزل ونطق يكمل وهو يضرب على فخده بقوه:لييه لييه كذا ماعندك قلب انتي وش تبين من الصغار اليتامى لا ام ولا اب وانتي تجين تزرعين الفتنه بينهم وبين خالهم فهميني كيف كيف قدرتي هم ايش سووا لك
ام حمد بحقد:جعل اخوها يلحقها انا وش علي انت ليه مهتم قم تغذى وفكنا من الدراما بكرا تجلس وتنسى لا تعيش دور الخال الحين بعد ماتركتهم ومادريت عنهم لما ماتت قليلة الاذب هذيك صرت تحس بقيمتهم هااا
مد يده يعطيها كف بقسوه،صرخ بغضب ينطق:قليله الاذب انتي عديمه تربيه وحقودة وحسودة،تحسبيني مثلك بنسى غلطي في يوم وبعدين خير تدعين على ولد اخوي هاا جعلك قبله ان شاء الله يومك قبل يومه يلي ماتستحين،انا مااقدر اعيش مع شخص مثلك انتي طالق بالثلاث وانقلعي من بيتي مالك مكان هنا ولا لك قلب مفتوح تفضلي حتى ملابس مالك،بفلوسي وانا مااعطي فلوسي لبنت الحرام لوحدة حاسده مثلك يالساحره مااعندي لك مكان تفضلي بلا مطرود قبل اسحبك من شوشتك هذي
شهقت تبكي بصدمه:وششش تنساني وترميني وانت تعرف مالي غيرك
ابو حمد بعدم اهتمام:مايهمني برا بيتي
طاحت بدراما تبكي وتصرخ اما هو نطق ببرود:بعد ماتخلصين بكي وانهيار لوحدك تفضلي برا البيت،خرج من المجلس اما هي تجمدت مكانها بصدمه لانه حتى ماعبرها لما شافها منهاره بكي،رفعت رأسها تناظر الباب تشوف ناصر تو داخل
ناصر ضحك بسخرية:وش قال ابوي برا البيت
ام حمد ببكي:تبيعني وانت ثاني فرحة فرحتها ياوليدي،وش اقول وليدي يطردني مع ابوه
ناصر بعصبية:ماتهميني لعلمك ولو كان حمد هنا سوه نفس الشي انتي منتي ام حمد ولا ناصر انتي فتحية خذي صقر و تقدرين تطلعين قبل مايجي ابوي ،مشى يطلع من المجلس وعصبية الكون كلها به من امه وفعايلها وكمان معصب على ابوه ومايكلمه ناصر قلبه حنوننن حنونن وجدا طيب ويعتبر ريان اخته ومنهي صغيرة يعزها كثير لانها كانت الاقرب له كان يسميها اختي ولان وللابد..
-
فارس:يعني يوم الجمعه نكون متواجدين في المحكمة
عزام:بالضبط
هز رأسه بفهم يمد يده يسلم عليه ويمشي يخرج بعد ماسمع اذن عزام..
مسك جواله يتصل على رقمها ماهي الا ثواني وردت عليه،
الجود:هلا
فارس بهدوء:انتوا للحين بالمستشفى؟
الجود:ايي
فارس ببرود:ومتى بترجعون
الجود حست ببروده وهي عارفه انو زعلان من كلامها والواضح قارب انتهاء قضيتها وقارب البعد بينهم
قاطع الصمت اللي بينهم ينطق:بموضوعك انتي،يوم الجمعه بننهي كلشيء ونرميه بالسجون بما انك عطيتيني كل الاذله وبها حتى المحامي اللي معه بيستسلم لي،تنهد بضيق ينطق:بعدها ياجود كل واحد بطريقه وبحياته ماانكر عشت معك ايام حلوه كانوا شهرين بيننا لكن حسيتك غير..
تجمدت من كلمته الاخيرة"حسيتك غير"،نطقت بحزن:وانا يافارس والله انك شخص ماعمري بشوف مثيل لك مثل ماقلت شهرين لكن كانوا عسل على قلبي،وانا اسفه على الكلام اللي قلته كانت وقت عصبية صدقني
فارس ببرود ومابين لها اي زعل بصوته غير الجمود:طيب كلامك صح زواجنا على ورق انتي ماقلتي شي غلط
الجود غمضت عينها بقوه تسمع القسوه في كلامه،في صوته هي مااعتادت عليه كذا نطقت بحزن شديد هي بصراحه ماتبي بعده بس هي زادت الطين بلّه وحتى لو بكون بينهم نصيب هذا شي مستحيل بعد كلامها:ابي ارجع مع اهلي يوم الجمعه نتقابل
فارس بجمود:براحتك..
سكر بوجهاا بدون مايسمع ردها،حط جواله بجيبه يمشي لسيارته سكر الباب بقوه يسند رأسه على الكرسي بتعب غمض عينه يفكر بحياته هو بيرجع وحده تايه من جديد امه منفصله عن ابوه ومسافره عند اهلها بجده مادرت عنه،ابوه تزوج وسافر مع زوجته وبنته لمكة ونسى بكره واول فرحة له
-
لينا بضحك:مثل المجنونه تركض وين ولدييي وييين ولديي وهو قدام عينها العمية
ميلا:بموتتتت تضحك
ملاذ:ياخي ام زكي حفلة
نطقت ريما بسماجه:ام زكي ولا ام غبي
البنات مثلوا الضحك الين تحولت ضحكتهم حقيقه وارتفعت اصواتهم يضحكون، هذام بحده:بسسس انتي وهي ليه احنا ببيت ابوكم مزعجينا تصارخون احنا بمستشفى يبزر
وليام بطقطقه:ماصدقوا على الله يشوفون شي يضحكهم ذلوا ام زكي لما انعمت بالغلط
امير بضحك:لكن والله الذبه حلوه
ريما بغرور:لانها ذبتي طبعا
عبدالله بقرف:وعععع ودلععع وععع
ريما شدت على يدها بقهر:وششدخلك انت خليني ادلع جعل محد يدلع غيري
السيف ضحك يضمها له:اتركوا عمتي بحالها لو سمحتوا
ريما:شفتتت يجننوني
ادم بتقليد:يجننونيييي،عدلي نبرة صوتك لا اشوتك
ريما بعصبية:هذييي نبرة صوتي وش اسوي لابوك انا
ضحكت لينا تهمس لميلا بهمس مسموع للكل:الله ونبرة الصوت عاد
فطسوا كلهم يضحكون على ريما اللي انقهرت وبدت تشكي لهذام اللي يسلك لها ينتظرها تروح
الجوري:لا تحاولين ماعبرك حتى
الجود:بموتت يهز رأسه وتلاقيه ماسمع شي من شكاويها
هذام بغضب:اقول بس دزي عني مب فاهم وش تقولين ترا
ريما مسكت دموعها لا تطيح:ياخيييي يبه الحين كلهم ضدي ابيك تسكتهم تقلب عليي انا اوريكم..
مشت تطلع من المستشفى توقف على الباب
اياس:وش في امها هذي زعلت صدق
انوار:مافيني شي والحمدلله
اياس فز بخوف:ههه اي يمه انا مااقصد
فطست ملك تضحك تلتفت لرهف وهي تقلد عليه:اي يمه انا مااقصد
ضحكوا رهف وملك لكن سرعان ماسكتوا من حسوا فيه يخزهم
اياس بقهر:خير انتي وهي
ايلين بنعاس:اسكتوا شوي بموت راسي يعورني
ايان:من السوالف طول مااحنا جالسين وهي تسولف ماسكتت حرفيا كم ساعه كمم!!
وليام:والله صادق مع انه محد معبرها وهي مكمله
هذام:صااادق طول مااحنا ضايق خلقنا تسولف هي فاجره رأسنا ماضل عندي رأس محد جايب ليي الصداع غير ميس نورة اللي جننتها بعيشتها ع قولتها
ضحكوا كلهم ماعدا ايلين اللي نطقت:ايي والله تقهر شفيكم،صفقت بحماس تنطق:ايييي ماقلت لكم بعدها ايش صار
صرخوا كلهم بـ"لااااا"
مشت لينا تسحب شنطتها وتمشي تتوجه لخارح المستشفى وهي تنطق:في ناس يحتاجوني اراضيهم
ميلا:صح لازم نراضي ريري
الجوري:اي والله ريري زعلانه علينا واحنا جالسين هنا افاااا
ملاذ:حلقي نشف ابي موية
الجود:بجي معك حتى انا حلقي نشف
اياس:خويي يكلمني مشغول
ادم وامير:بنسمع خويك وش يقول مشغولين
وليام:امس الشركة كلموني وماقدرت ارد الحين برد عليهم مشغول
عبدالله:مالي خلق شي بقوم اطلع اغير جو شوي
هذام:الا قومي انوار نسيت اقول لك سالفه
انوار:مشينا يابو انور
انور:اخواني قوموا نطلع على باب المستشفى نشم هواء
قاسم:صادق زمان ماغيرنا جو
غاده:قوموا ياحريم نسيت اقول لكم انو بنت ام سعد حامل
اماني وهي تمثل الصدمة:حاممل قولي والله
جنان:ايي والله نبي نعرف متى؟ولد او بنت
سكتت بصدمه تناظر الكل كيف تهرب منها التفتت تشوف ايان والسيف للحينهم جالسين
صفقت تنطق:انتوو موجــ..قاطع كلامها ايان اللي هرب على طول بدون سابق إنذار
ناظرت الياس الجالس يناظرها بخوف:لو سمحتي لا
ايلين:ايي اسمع وبعدين قالت صديقتي خــ
الياس:الوو،اي اي تحتاجوني الا ابشرر اوصلكم الحين،لااا مامن تعب،لا لا فاضي وانتظر الوقت اللي تتصلون لي فيه،تمام،تمام تمام جاي يلا باي،الله يسلمك بحفظ الله،لا وين تشكرني واجبي،بحفظ الله
مشى وهو يسوي نفسه مستعجل وهو اساسا كان يكلم نفسه
تنهدت بضيق:خييير ليه مايبون يسمعون سوالفي شدعوه الكل صار مشغول طيبب ماقلت ايش صار بـ ميس نورة
ترا يحمس طاحت من الدرج والله واحنا بغينا نموت فرح
وبعدينن..
رفعت رأسها تشوف الدكتورة اللي واققه قدامها
مشت تسحبها وجلستها معها:الا بقولك بعدين وش صار طاحت من الدرج وو...
ظلت تسولف فوق راس الدكتورة المسكينه عاد ايلين محد يسلم منها وقت السوالف
-
صار تعديل على البارت،عطوه حقه،اسفه على الاخطاء الاملائية
أنت تقرأ
يارقيقُ القلب يافاتنِ الحُسن،ارفق بقلبِ سيفٌ من حجر.
Randomبطلنا الياس او"السيف" حاد الطباع متشدد يعشق بنت عمه لينا بنت المدينة،احداث حزينه ومفرحه في نفس الوقت،بتروحون عالم ثاني معي🤍.. اسمي المستعار ريان. "Ro,m" مااسمع للنقل الا بأذني
