يارقيقُ القلب يافاتنِ الحُسن،ارفق بقلبِ سيفٌ من حجر.

Part 24

"رأيتُك في المنامِ اليومَ،حَيّا
ففاضت أدمُعي عِندَ اللِّقاءِ
فجِسمي فوق الأرضِ يَحيا
وتَحيا الرُوحُ،عندك في السَماءِ".
.
رفع جواله يتصل على سهم من بدأ التوتر يسيطر عليه،تواصلت رنات التلفون لكن ماوصله جواب من سهم،زفر بخوف ينّطق:شوي قسينا عليها صح،رفع تركي رأسه بغضب ينّطق:خلها شوي يمكن تخفف فشايل تعبتنا فشلتنا مع اهل هُذام والحين مع اهل سهم خلها تأخذه درس كان على صحتها مابجيها شي بأذن الله بس يمكن سهم انشغل طبعاً ماعنده بس هي مريضة،زفرت تسنيم تهز رأسها برفض تنّطق:لا انت قسيت عليها كلكم حتى انتو ياهشام واحمد شفتوها تبكي ماتقدمتوا حتى تواسونها ولا انت بعد ياراكان،وقف هشام بغضب ينّطق:لا يمه مستحيل كل اللي سوته وتبين نواسيها! خلها تتعلم
ميل احمد شفايفه بعدم اهتمام ينّطق:انا ماشي،انتهى من كلمته،يسحب نفسه من اخذ مفتاح سيارته وطلع،تخصرت تسنيم بصدمة تنّطق:ترضاها يابو هشام
رفع راكان عينه عليها ينّطق بحدة:هشام ولدي لكن انا ابو تركي بكري،لا اسمعك تناديني بغير،ابو تركي،ابتسم تركي يتقدم لابوه يقبل رأسه ويده ونطّق بعدها:يابعد عيني يابوي،ابتسم هشام واكتفى بالسكوت لان يعرف ابوه مايقصد انه مايحبه او من هذا القبيل،التفت راكان له ومشى يضمه له وينّطق:وانت اخر اولادي والاقرب لقلبي ولا تحط بخاطرك علي،هز رأسه بالنفي ينّطق:ولا ازعل واحط بخاطري عليك يابو تركي روحي فداك يابوي،ابتسمت حور وهي تناظرهم شهقت من حست بدموعها تهزمها وتنزل على وجنتيها،رفعو كلهم رأسهم لها من غطت وجهها تبكي،تقدم لها تركي يحضنها وهو يقول:بنتزاعل ياحور والله اذا ماتسكتين،شدت عليه تنّطق:تركي انا تعبت تعبت والله من كثر المشاكل مو حياة كل مازانت الجلسة مشكلة جديدة،ابتسم بخفه ينّطق:بننهي مشاكلنا من اليوم اوعدك،ابتعدت شوي عنه تنّطق:وعد!،هز رأسه بأي ونطّق راكان:انا بعد اقولك وعد وهشام بعد وامك بعد،التفتت الى امها اللي سكتت بدون رد ولا ناظرتها حتى،لكن طاحت عينها بعين راكان اللي خزها،وسرعان مافزت بخوف تلتفت لحور تنّطق:وعد،ابتسمت بمجاملة لان تدري امها مستحيل تكتفي من المشاكل لو قطعت الف وعد!
_
خرج وهو ماسك بيدها ورفع رأسه من شاف السماء زرقاء تدل على بداية صباح جديد ابتسم بخفة والتفت لها ينّطق:جينا هنا تقريباً الفجر وطلعنا يوم ثاني الصبح والسبب انتي تحاليلك صدمتني ياريتال اهتمي بنفسك وكلي زين،وانا مابين فترة،وفترة باخذك للمستشفى نشوف اذا في تطور في صحتك،ابتسمت بخفه من التمست بحنية قلبه واهتمامه الزايد فيها على تصرفاتها السابقه معها،ماتنكر هي عشقته بجنون لكن كانت تنكر تخاف من رفضه لها،تنهدت بخقه تنّطق:تمام،بس سهم عادي اسألك
التفت لها وميل رأسه بفضول ينّطق:اركبي السيارة واسألي،اكتفت بالسكوت وهي تشوفه يتقدم يفتح لها الباب،ركبت وعينها عليه وهو يتجه لباب السائق يركب،التفت لها اول ماركب وهز رأسه بمعنى اسمعك تكلمي،زفرت بتوتر وخجل من سؤالها لكن جمعت شجاعتها والتفتت له تنّطق:كنت في علاقة مع احد قبلي او كان بقلبك احد؟،نزل سؤالها عليه كالصاعقه ماتوقع ابداً تسأله لكن سرعان مااستوعب،وزفر بخفه يلتفت لها وينّطق:اي،نطق بهالحرفين وسكت بعدها تاركها مصدومة لكن ماتنكر هي حست اساسا،هزت رأسها بفهم تنّطق:اسفه اذا ازعجتك،تنهد من اقساه ورفع رأسه يناظر لفوق وكمل حكيه:كنت احبها لكن هي لا،سمعتها تتكلم عن شخص غيري وتقول انها تحبه،انصدمت وانجرحت كنت غارق بحبها ولا فكرت هي تحبني؟ لا ابداً مافكرت كانت غلطة عمري ومااعيدها،جيت خطبتك بعدها بفترة لجل انسى لكن قطعت على نفسي وعد اني مااظلمك معي ابداً عشان بنت!،وبعدها بفترة تخطيت سما صرتي اهتماماتي وتفكيري انتي لكن صدمتيني بصدك واسلوبك الوقح الصراحة لكني قلت لك دارس علم نفس وفصلّتك وعرفتك كويس،ريتال انتي من امس تغيرتي صرتي ريتال!
مسكت دموعها لانها ماتبي تبكي تعرف مابتسكت،التفتت له تنّطق:اسفه سهم،انت امس رميت اقواسك علي كلها كأنك بها وعيتني انت رجعتي لوعيي ايي،وتبي الصدق اشكر هالسما هذي دامها جابتك بحياتي،وانت صادق انا كنت وقحة تعرف!،ضحكت بأستهزاء وفشلة من نفسها وكملت تنّطق:تعرف اليوم اللي خطبتني كنت مسوية مشكلة اكبر من راسي،اتهمت بزوج وحده من البنات انه يحبني،لا تفهمني غلط انا مافكرت فيه بس مثل ماقلت احسب اني قوية كذا اخواني كلهم للان مايكلموني ولا اختي وابوي بس امي لاني فشلتهم امي الوحيدة اللي وقفت معي انت بتستغرب لكن امي شوي فيها حركات غلط وهي بعض الاحيان تعلمني وش اسوي بهم،انا كنت انتقد عيون بنات محمد معنها مافيها شي يستحق انتقادي،لكن ابي الانظار حولي كأني فيلم والصدق كنت فيلم صح!،ابتسم بخفة ينّطق:ريتال الانسان مستحيل مايغلط،وانا احبك واحب عيوبك واغلاطك احبك ولا يهمني كلام عليك دامك بنص قلبي،توسعت ابتسامتها تزين ثغرها والتفتت له تقبله بخده،توسعت عينه بصدمة التفت لها وضحك بخفه من لمح احمرار وجهها وخجلها الشديد،صد عنها لجل ماتتوتر اكثر وحرك سيارته يمشي متجه لبيت ريتال.
_
سارت الامور اسبوع ونصف على خير عند اهل عُدي واهل هُذام وعند باقي ابطالنا ولكن كانت الدنيا تبرق وترعد عند الياس او،[السيف].
ركض بسرعه من لمح العدو رافع سلاحة على الياسين من خلفه،دفع الياسين بكامل قوته واصابته هو الطلقه،سقط جسده بالارض وانتشر الدم بالمبنى السابع،المهجور
احمر!احمر!احمر!انتشر اللون الاحمر يطغى على المبنى،من دم الياسين واصابته العميقة نوعاً ما او دم العدو الملقاة على الارض لو دم يارا اللي بالدور السادس وجنون فهد اللي يقاتل انتقام لجل يارا رغم اصابته العميقة نوعاً ما،وفيصل يساعده والجوهرة معهم،واخيرا دم السيف اللي طغى على المكان وانتشر صراخ الياسين من جن جنونه يبدأ يقاتلهم كلهم وهزمهم برمشة عين صرخ فيهم بقهر وحسرة ينّطق:بالغذرة تهاجمونا ياعديمين الرجوله،تقدم له سعد ينّطق بأستفزاز:طاح السيف وبقيت وحدك ورينا قوتك يلا!،كان بينّطق لكن سكت من صوت السيف اللي سبقه ينّطق:ما طحت ولا باطيح بسبب ضعيفين امثالكم،التفت الياسين بصدمة يناظره تجمد من لمح يده على صدره مكان الطلقه،اتجه نظره لوجه ومن شاف جرح حاجبه العميق اللي ينزف،هز رأسه بالنفي ينّطق:اقدرهم يالسيف ارجع تكفى،هز رأسه بالنفي ينّطق بحده:ياسين وين تقدرهم ركز جروحك مب بعيده عني وزي ماقلنا روحنا!،ابتسم الياسين بخفه ينّطق:فداء لوطننا،ابتسم سعد بسخرية:خلصتو دراما؟،رفع الياس نظرة عليه وزفر يحاول يخفف من غضبه ومن تذكر موقفه مع لينا من قبل،ميل شفايفه بسخرية ينّطق:سعد انت حمار وخاين انت ولد عم؟اعوذ بالله منك ياعديم الرجوله،ضحك سعد بسخرية ينّطق:تعال ان فيك قوة،رفع حاجبه بصدمة من ثقته يلتفت للياسين اللي رفع اكتافه بعدم فهم وملامحه تذل على استغرابه،تقدم الياس له بغضب ومن رفع يده بيطلق عليه بسلاحه،تقدم سعد بسرعه وضربه بمكان اصابته مما سبب دخول الرصاصه اكثر بجسده،صرخ بأعلى صوته وطاح بعدم مقدره على الحراك،وصل صوتهم للطابق السادس صعدو بسرعه لهم ماعدى فهد اللي بقى مع يارا،تقدمو كلهم على سعد واللي معه ضرب ياسين سعد على رأسه وطاح من طوله بألم،صرخ فيه الياسين ينّطق:ضعيففف!،وقف السيف مرا ثانيه بعد محاولات عديدة،مشى لسعد وهو باليالله على خطوة،رفسه بقوة ونزل لمستواه ينّطق:والله ماتهزمني وانا ولد انور،ماتهزمني وانا حفيد هُذام،والله بتشوف اذا ماأرميك بالسجون!
{بالنفس المكان،بالطابق السادس}
مسح الدم اللي بفمه بتعب بعد ماهزم كل الاعداء اللي واجهوه،مشى ليارا وطاح عندها ينّطق:الحين انكسر ظهري يايارا،اصحي تكفين باقي مااعترفت بحبي،يارا تكفين باقي ماعشت معك وحققت آمالي واحلامي تكفين خططت لاسم بنتنا ترا ماتبين تشوفين ورد؟ماتبين تشوفينها وتمتلي حياتنا فرح،ترا انا اخترت اسم ورد لاني اعرف انك تحبين الورد واللون المفضل الاصفر!صح يارتي،فتحت عينها بخفه تنّطق بآخر انفاسها:ص.صح اللون ا.الاصفر اكثر شي واسم ورد سميه بنتك ي.ياحبييي،اوعدني.،هز رأسه بالنفي من بدأت دموعه تنزل ينّطق:بنتنا مو بنتي،هزت رأسها تنّطق:بنتك انت انا مالي حياة الرصاصة بقلبي،تكفى اوعدني تسمي ورد،نزلت دموعه بغزارة واكتفى بالسكوت،ورجعت تنّطق بخفوت:اوعدني يافهد،بكى بصوت عالي ينّطق:وعد وعد يايارا بنتي اسمها،ورد بنت فهد،ابتسمت برِضا تنّطق:فهد ارضى بقدر الله،احبك،انتهت من كلامها وغمضت عينها تعلن فيضان روحها!،صرخ بأسمها بأعلى صوته ومن نزلو كلهم له،تقدم له فيصل ينّطق:قدر الله يافهد يااخوك قم لا تنهزم بهالسرعة مابترضى عليك يارا اذا شافتك بهالحاله،هز رأسه بالنفي يبكي وهو يصرخ بأسمها بعدم استيعاب وهو يردد بـ:بنتقم لك والله بنتقم لك،زفر السيف بضيق عليه ينّطق:قم ياخوك بنرجع انتهت مهمتنا
رفع عينه عليه يشوفه كله دم وتاكي على الياسين ماعنده قوة يمشي!،تنهد بضيق ودموعه ماوقفت عن الجريان ينّطق:انت بسبب اصابتك ماتقدر تمشي وانا بسبب اصابة قلبي مااقدر امشي،الرصاصه مو بقلبها هيي الرصاصة بقلبي وروحي انا،انتو انتهت مهمتكم وانا انتهت روحي،لمعت عينهم كلهم على حال فهد وقسى كلامه،مشى له فيصل يمد يده له،مسك بيده يقوم وبعدها انحنى يحمل جــ.ثة يارا وهو يهمس:انا بهاللحظة طلعت روحي معك.
مشو خلفه وهم ضايقين وجداً
_
ابتسمت بفرح ترفع قُبعة تخرجها،ومن بدأ الكل يسفق لها نزلت بعد ماانتهت من كلمتها اللي القتها امام الكل،اتجهت لاهلها وهي تشوف ميلا وملاذ وملاك واقفين يسلمون على اهلهم ومشت تنضم لهم،ابتسمت انوار تنّطق:هلا بريحة هلي هلا بلين قلبي هلا،ركضت لحضن جدتها تحتضنها بشدة،مسكت صدرها من حست بـنغزه وهي من قبل عندها شعور غريب يحسسها بالضيق،فزت على صوت اماني اللي نطّقت:ماما لينا فيك شي؟
هزت رأسها تنفي تفكير امها وجدتها اللي مستغربين منها تنّطق:مافيني شي شردت بس،ميلت انوار شفايفها بعدم تصديق تهز رأسها بفهم،رفعت عينها على بنات عُدي اللي اقبلوا ومن نطّقت ريفان:حي خريجاتنا،ابتسموا لها يتقدموا يسلمون عليها وعلى اللي معها.
استمرت السوالف العشوائية لحد مانّطقت ايمان بتساؤل:انتو قلتو بكونو حفلتين اشوف تقدمتوا اسبوع وكلكم سويه ما شاء الله،هزت ملاذ رأسها توافقها ونطّقت بعدها:اي بس تالي قدمنا اسبوع وجمعونا سويه احنا طالبناهم بهذا اسهل لنا،هزت رأسهم بفهم تنّطق:بس ما شاء الله عدد هائل من الخريجات والعائلات والمكان جداً كبير اختيار موفق ياخريجات وكل عام وانتو احلى خريجات!،ابتسموا البنات لها وتفرقت اصواتهم بالرد المُختلف وبعدهم نطّقت غادة بـ:الله يسلمك ياام سالم
ابتسمت ايمان لها بخفه والتفتو على جواهر من نطّقت:ومتى يابنات بتسافرون؟،
ريما:بكرا الصبح بأذن الله،ميلت شفايفها بأستغراب تنّطق:ديم كيف ماجهزتي شي وهي بكرا سفرتكم،ضحكت ديم تنّطق:يمه من زمان خلصت انا،توسعت عينها بصدمة تضرب ديم بخفه وتنّطق:يعني بتسافرين لوحدك خلاص تبيعيني حتى ماتخليني اجهز معك شنطتك،ضحكوا كلهم وضحكت ديم معهم تنّطق:شدعوة يمه محشومه ولا ابيعك!.
_
ميل وليام شفايفه بقهر شديد ينّطق:احنا نقعد والبنات يسافرون وبلا رجال بعد!
هز تركي رأسه بـموافقة ينّطق:اي والله بنات ويسافرون لوحدهم قلك اذبريجن وجورجينا وماقالو يوم يومين لاا! شهرين حشى،عقد ايان حاجبيه بصدمة ينّطق:وش ذي اذبريجن وجورجينا!،رفع تركي اكتافه بعدم معرفة ينّطق:وانا وش عرفني هذا اللي بروحون له!ارتفعت اصوات العيال يضحكون ومن نطّق بحده:مااشوف شي يضحك؟،ضحك اياس بسخرية ينّطق:ياحبيبي جورجينا هذي عند كرستيانو مب عندنا والثانيه اسمها اذربيجان هذي اذبريجن بحارتكم،ضرب ادم كتف امير وهو يتعفر من الضحك،ضحك تركي بصدمة ينّطق:حشى!،التفت عبدالعزيز لهم وهو يناظر ايهم لجل يوضح له لان ماكان تركيزة معهم،ضحك ايهم وهو يرفع اكتافه بعدم معرفه ينّطق:حالي من حالك ماادري وش يهبدون به ذول
ضحك وليام يعتدل وهو يفهمهم،ابتسم تركي بعد مافهم ينّطق:مايضحك طيب والله اني صادق بجورجينا وللحين ماشفت اختلاف اساسا،هيثم نطّق بأستفزاز:وشعرفك انت
التفت له تركي ومن رفع صوته بحده ينّطق:اقول انت اسكت من سنة الفين وحطبه رحت جدة وللحين تباكي عندنا من الفرح،انتشر صوت الضحك ومن انضمو معهم الرجال يضحكون،اما هو سكت بفشلة ومشى يطلع ولحق به سالم!،ضحك عُدي ينّطق:اعذرونا من فشايل هالبهايم ذول،ضحك هُذام ينّطق:خلهم عنك،تعدل فارس بعد ماتعب من الضحك ينّطق:احس ياعيال مشينا نرجع لسالفة سفرة البنات،هز احمد رأسه ينّطق:انا ماابي خواتي يسافرون بدون رجال،نطّق بعده وليام:ولا انا اسمح لبنات اختي واخواني واختي يسافرون بدون رجال من يقوم معنا ونعترض،رفع امير يده وتبعوه،ادم واياس وفارس وايهم،ابتسم احمد ينّطق:مشينا لهم نعترض،التفت فارس لتركي وهشام وعبدالعزيز وهادي وايان اللي جالسين ونطّق:مابتعترضون،نطّق ايان بسخرية:انا معترض بس مابفشل نفسي واقوم وتالي ارجع ولا لكلمتي معنى،فكر فارس ينّطق:اي والله انا بجلس تقلعوا وحدكم،ضحك ادم ينّطق:مسرع بعتنا،اشر لهم بيده يمشون وهو يصد عنهم من بدأو يضحكون ومشو يقابلون هُذام وعُدي ومن نطّق وليام:احنا نعترض على سفره البنات بدون رجال،صح يارجال؟،ارتفعت اصواتهم يوافقون وليام بكلامة وكمل ينّطق:عشان كذا اقول خلونا نروح معهم مارأيكم ياشياب،رماه عُدي بعلبة الموية ينّطق:اقول رح بس قال ياشياب وراك ياهُذام ماتزوجه يمكن يعقل شوي،ضحكوا كلهم من نظرات وليام المصدومة وضحك هُذام يقول:رأينا انك تصب قهوة وانتو ارجعوا بمكانكم ابرك!،ضحك ابو ماجد ينّطق:مناشبين البنات بهالسفرة،ابتسم قاسم يمسح وجهه ينّطق:ازعجونا البنات الصبح سفرتهم وهم للحين يلحون،توسعت عينهم بصدمة ووقف اياس ينّطق:بكرا العيد وبكرا بسافرون! خير اعترض،اما وليام من الصدمة ترك القهوة ونطّق:بكرا الظهر رجوع السيف وغيره بكرا العيد وذول الصبح يسافرون!،ضحك ابو ايهم بصدمة منهم ينّطق:شفيكم انتو مابيتهنون بسفرتهم منكم
محمد بضحك:بتطيح الطائرة بهم بسبب ذول،ضحك فارس ينّطق:بسم الله ما شاء الله الله يوديهم ويجيبهم بالسلامة زوجتي معهم،رفع ايان حاجبه ينّطق:يعني انت ماخفت الا على زوجتك!،هز رأسه بأي وهو يضحك ورماه وليام بالعلبة ينّطق:الا بنات اخواني لو سمحت،ميل فارس شفايفه ينّطق:شكلك تو تذكر انت عمهم
ضحكو كلهم من جلس وليام بغضب من طقطقتهم عليه
_
تنهد بتعب وهو يستند على باب السيارة،التفت له الياسين ينّطق:بخير؟،رفع عينه عليه ينّطق:بخير،بس ضايق على فهد والله،هز فيصل رأسه بموافقة ينّطق:هي توفت قبل نوصلها للمستشفى لان على طول قالو عظم الله اجركم!
هزت الجوهرة رأسها تنّطق:اي هي توفت من لما كان فهد معها،توسعت عينهم بصدمة ونطّق الياسين:ماتت قدامه؟
هزت رأسها بأي لانها شهدت كامل الموقف بينما كانو فيصل والياسين مع السيف،تنهد السيف بضيق ينّطق:الله يرحمها،همسو كلهم يترحمون عليها،ورفع صوته فيصل ينّطق:ما شاء الله قوي يالسيف توقعت تفقد الوعي والرصاصه بين صدرك بس كفو منك طلعوها منك وانت للحين باكمل وعيك!،ابتسم بخفه ينّطق:كفو منكم كلكم لو انتو مو معي تساندوني من بعد الله كان ماقدرت،ابتسم الياسين بخفه ينّطق:معك معك يالسيف واجب علينا بعد!
{مرت الساعات وحل الصبح الساعة،8:30،وتبقى عليهم 6 ساعات على الوصول}
_
صرخت ريما تنّطق:كامليين يابنات،ارتفعت اصواتهم ينّطقون:كامليين،ابتسمت ريما تقول:للتأكيد بقول اسمائكم،لينا وايلين موجودين؟،لينا وايلين بصوت واحد:اي
هزت رأسها تكمل:حور وريتال موجودين،رفعت عينها تناظرهم وهزت رأسها تكمل لحد ماخلصت الاسماء وتأكدو بأن الكل موجود جاء لهم وليام من وراء ينّطق:ما شاء الله قبيلة مو بنات!،تكتفت ميلا تنّطق:وش حارنك انت
خزها وليام واكتفى بالسكوت من تقدموا هُذام وعُدي لهم يوادعونهم،دخل سلطان وهو اخيراً رجع من عمله وانصدم بالبنات وكمية الشنط وطاح تركيزة على عباياتهم اللي كل وحده فلت امها واخذت فيها شوي لون وكريستال ولؤلؤ وكذا،رفع صوته هُذام ينّطق:حيي هالقبال ياسلطاني
ابتسم سلطان يتقدم يقبل رأس جده وينّطق:الله ياحييك ياجدي،لكن كأن البنات فلوها،كان يتكلم وتركيزة على ميلا اللي من لمحته تغيرت حالتها فوق تحت ماتدري من الشوق لو الخوف منه!
صرخت ريفان تنّطق:تأخرنا يلا مشينا،وقف تركي بوجههم ينّطق:قبل تروحون اقولكم اول سفرة واخر سفره،همست ديم لحنين تنّطق:مو على كيفه،سكتت من حست بنظراته عليها وتأكدت بأنه سمعها من نظراته،توترت وصدت عنه ونطّقت بعدها حور بـ:يصير خير بعد بنمشي،بعد وجاء بعده وليام ينّطق وهو راص على اسنانه بغضب:خليكم قدها كلكم!،انصدموا من جديته بالكلام والتفتوا على العيال اللي صادين وواضح على وجههم الغضب،تعدلت ميلا تنّطق:يلا يابنات،التفت سلطان لها ونّطق:نشوف،مسكت شنطتها وطلعت تركض بخوف ولحقو بها العيال واخرهم كانت لينا اللي وزعت نظرها على وليام اللي كان بأقسى مراحل الغضب وايان مثله جات بتمشي ومسكها ادم بقوة ينّطق:بعلم السيف ونشوف اذا ماحرق جورجيا عليكم!،فكت يدها من يده وطلعت تركض بتجاهل لهم ولكن ماتنكر بس قال اسمه سبب لها عواصف،ركبت الباص الكبير جدا اللي بوصلهم للمطار،والتفتو يسوون باي لهم وللحريم اللي واقفين بعيد لكن يشوفونهم
حرك الباص يعلن انطلاقه،ومشى وليام بغضب يدخل للداخل وتبعوه العيال،زفر انور ينّطق:الله يهديهم
_
{في المطار}
ضحكت بخفه تنّطق:شفتو وجه وليامو بغى يموت
ضحكوا البنات ونطّقت ريان تقول:احس يحمس مرااااا بنات،ضحكت ريتال تنّطق:احلامي شوي شــ..قاطع كلامها اتصال سهم وفزت بخوف ترمي الجوال على الجود،ضحكوا البنات ونطّقت رهف تقول:قلتي له انتي ولا؟
هزت رأسها بأي:لكن ماقلت له ان اليوم وبعد مارضا ليته رضا،ضحكت حور تنّطق:اقول ردي لا يفجر الجوال،لينا ابتسمت بخبث تنّطق:وحطيه سبيكر بعد،كانت بترفض لكن سحبت ميلا الجوال وهي تحطه سبيكر بعد ماردت عليه،فزو كلهم معها من وصلهم صوته يصرخ:ريتالل تمزحين،هزت رأسها بخوف تهمس لوحده من البنات تسكر بوجهه،لكن محد رضا منهم وفزو مرة ثانيه من نطّق:تسافرين وبدون علمي لعبه هي!
ريتال بخوف:امم سورييي،زفر بقهر ينّطق:اقول ارجعي
كانت بتجاوب لكن وصلها الصوت المعلن على اقتراب انطلاق رحلتهم وفزو البنات ونطّقت بينهم ايلين:يلا بنات،وقفت ريتال وهي تمسك جوالها وهي تنّطق:بايي سهم حبيبي ترا بس شهرين بس،سكرت بوجهه وهي تركض تتبع البنات.
_
{قبل السفرة بساعة تقريباً}
تعدلت ريتال بجلستها تنّطق:بنات شكرا عشان حجزتو لي تذكرة معكم والله مرا شكرا واوعدكم مااسوي مشاكل وانا وعيت وحسيت بلي كنت اسويه اعتذر منكم كلكم حتى انتي ياحور ويالجود انتي بالذات وريما ولينا كلكم اسفه والله اسفه جداً احس بندم والله،ابتسموا البنات ونطّقت بينهم الجود:اكيد نسامحك شدعوة الانسان مو معصوم عن الغلط،ابتسمت ريما تنّطق:ولا تشكرينا على التذكرة اكيد بناخذك معنا ياعمري،ابتسمت للبنات وهي تحس بالرضا الحين بعد ماسامحوها.
_
مر الوقت وبدأو العيال يتجهزون للصلاة وبعدها يرجعون على طول يبدأون بعيدهم،وفعلاً انطلقو يصلون ورجعوا وبدأو يحتفلون بالعيد ويستقبلون ضيوف وناس طالعه وناس جايه لحد مامر الوقت ووصل السيف اللي نزل بمساعدة الياسين اللي اصر يوصله لين بيتهم،استند السيف عليه ودخل معه،للمجلس وارتفع صوت السيف والياسين الجهوري ينّطقون السلام،وقفوا كل الرجال يردون السلام وركض انور على طول للسيف ينّطق:شفيك ياوليدي،ابتسم السيف بخفة ينّطق:مافيني شي يايبه اصابه طبيعية بما اني بمهمة ومو خطيرة جداً،همسو كلهم بالحمد وترك السيف دراع الياسين ومشى لجده ومن انحنى لجل يقبله لكن هُذام فز له يرفعه ونّطق:لا تنحني وانا ابوك بتتعور،هز الياس رأسه بالنفي ومن انحنى يقبل رأسه ويقبل يده ونطّق:روحي لك فداء والله ولا تخاف مااتعور مو هذاك الزود هالاصابة!وقف انور ينّطق:اقلط ياوليدي،وضع الياسين يده على صدره ينّطق:لا والــ.
قاطعه هُذام ينّطق:والله ماتطلع ياوليدي لا تحلف،نادي اهلك وتعال لنا،ابتسم الياسين ينّطق:ماتقصر ياعمي
ابتسم هُذام ينّطق:الله يسلمك ياوليدي،وقف امير وهو يسحبه يجلسه بجنبه وينّطق:اصابتك انت بعد عميقة!
_
اسفه على التأخير والاخطاء الاملائية،عطوها حقها نكمل بـ 50 نجمة،لكن مااوعدكم بهالشهر ينزل بارت لاني بسافر يمكن رجعتي.🤍