في احد الاحياء القديمة ولدت روح ما بعدها روح ...
مريم : البنيه صغيرة وين تخليها بعدها طفلة الله يخليك خليها يمي هاي بنيتي خليها يمي اني بحمايتي والله الي تريده يجرالك ونزلت يم رجليه اترجاك لخاطر العشرة الي بيناتنة لاتكسر گلبي بيها اموت اني اموت اني اربيها اشتغل واموت نفسي لخاطرها بس لا تاخذها من حظي
رحمن : صوت مااسمع اشش كافي تعبت منكم منين اجيب هاي البنت ماتبقى بالبيت ما أربيها شلون تجذبين علية وتكليلي ولد مستحيل يحن گلبي عليها بيوم وتحلمين تشوفيها اني تخدعيني مريم ليش شلون اتحمل أربي ثلاثة بنات واجتني الرابعة منو ينطيني
مريم : الله يخليك رحمن لاتنطي بنتي
رحمن : هه ، تحلمين تشوفيها امشي جيبيها
مريم : ابوس رجلك لا روحي تروح وراها هذا أمر الله مو بيدي ماجذبت عليك بيوم ينكص لساني
رحمن : الحجي مايفيد
مريم : ضليت صافنة بمكاني ورحت اسحل بنفسي بخطوات كوة امشي وگلبي محروك اني راح انطي بنتي بيدي اني شسويت بنفسي ربي هاي أمانتك ارحم بحالها قبل حالي ربي ماعندي غيرك
بناتي صغار ويباعن علية وعيونهن كلها دموع شهدن على كل معاناتي وتعبي اخذ بنتي من ايدي وراح وراحت روحي وياه
صرخت صرخة حسيت بألم بصدري حسيت ألم يمزق اضلاعي
سمر : ماما ماما ، بابا وين أخذ اختي وراحت بـ؏ـــد تشم بملابسها
سجى : ماما وين راحت اختي بـ؏ـــد ماالعب وياها
عذراء : لا تنهارين بابا عصبي هسه راح يرجع اختنة مو ؟
مريم : ضليت اباوع عليهن اني احس روحي تگطع على كل كلمة تطلع منهن روحي صارت رماد وافكر وين راحت وشراح يصير بيها وممكن يموتها وضليت مكعدة بناتي يمي واباوع هذا حالي هاي نتيجة اغلاطي
وقاطع افكاري فجاة انفتحت الباب وفرحت ؏ـيوني من شفت رحمن دخل لكن ، غابت أبتسامتي من شفت بنتي مو بيده جان تعابير وجه رحمن ماكو علامة حزن او قهر ولا عبالك صاير شي ولا تأنيب الضمير ركضت علية ضليت اضرب بصدرة واجر بملابسة وماكو اي ردة فعل عبالك ميت بساعتها ابجي واحجي يارب تطلع حوبتها بيك ويحترك گلبك وتتأذى كون الماي كدامك وما تكدر تشربة كوة الهوى ينگطع عليك وحوبتي ما تتعداك والحوبة تصيب بس ما تخيب عفتة وراح يمشي لغرفتة ولا كانما صاير شي ...
سجى: ماما وين اختي ماما ليش راحت ليش بس حاجيني
مريم : عيطت وصرخت اششش كافي كافي اسكتي مااسمع صوتج وكعدت ابجي انهاريت بالعياط والبجي الى ان تعبت وماعندي كل طاقة ولا حيل خلصت هاي الليلة واجت ليالي اسوء منها واتذكرت اول ما شلتها بيدي وضحكتها وشلون نايمة بحظني ملاك طاهر وريحتها ماتروح احساسي وهية بحظني حسيت روحي تنسحب مني
جانت من اصعب الليالي الي مريت بيها تمنيت عندي اهل واشكيلهم تمنيت عندي سند بهاي الدنيا بس ماعندي سند غير ربي وبناتي عشت وحيدة
..........
قال الله سبحانة وتعالى في كتابة العزيز
يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَنْ ذِكْرِ اللَّهِ وَمَنْ يَفْعَلْ ذَلِكَ فَأُولَئِكَ هُمُ الْخَاسِرُونَ } صدق الله العلي العظيم
كمت اتوضيت وصليت اني وبناتب وقريت قرآن ضليت الى أذان الفجر واني دموعي ما نشفن وبس اشهك واناشغ وضليت اعدي ربي الى ان غفيت وما حسيت على نفسي الا من انرفع الغطى عني
_________________________
لهنا يسكراتي الحلوات وصلت لنهاية البارت يارب القصة تعجبكم
شكراً لمتابعتكم سكراتي اتمنى تفاعلكم القوي بين الفقرات والتصويت ومشاركاتكم الحلوة
استودعتكم الله سكراتي 🫀🫂
