هُنا شخص يقدس نفُسه فقط ، فارغ جداً من البشر مُمتلئ بأمُور اخرى أعظم مما تعتقد أعتذر لاعتقِادك بأني اهتم لأمرك ...
_______________________
لا ، لن يعود فالأعتذار قوة ، وهو لا يمتلك هذه القوة
روح : اشتياقي زاد ل أبوية والمدارس قربت ورحت اني وأمي للسوك اشتريت قرطاسية وملابس وعطور ورجعنه للبيت
وردة : تعب اخخ رجلي توجعني
روح : أبويه ليش جهازة مغلق ولا مرة اتصل بية
وردة : مااعرف بنتي
روح : ضلي يمة لاتحجين شيء بس اذا طلع شي بعدين مضموم اهج من البيت وما تعرفولي مكان وكبل صعدت فوك شمرت الاغراض وبجيت ليش أبوية ماكو ووين راح وما ضلي شي للدوام
سمر : حاول يحجي وياية ولا عبرته نهائياً كسرني حتى لو حطني بكفة والكون بكفة ماراح يرجع شيء خسرني واني مااستاهل
محمد : سمر
سمر : نـ؏ـم تفضل
محمد : اليوم أمي كريمة عازمتني ولازم تجين وياية مااكدر اكسر بخاطرها
سمر : أنت ماتعرف تكسر شي غيري خالة كريمة تستاهل اروحلها
محمد : ساعه ب 1 نطلع
سمر : تجهزت وطلعنه صعدت ليورة
محمد : ممكن تكعدين ليكدام
سمر : مو مكاني هذا خلي فارغ
محمد : اني شمسوي بحياتي حتى يصير بيه هيج
سمر : الله وحدة يعلم يله كفاره عن ذنوبك
حالياً الي ادري بي خاين وجذاب وتشرب و...
محمد : اني ما خنتج تزوجنه على سنه الله ورسوله وما متقرب ل بنية بحياتي بالحرام مستحيل وما جذبت عليج حجيت الج كلشي واني من اشرب صدفه صارت واتندم هذا مو طريقي والشغلة الاخيرة صارت واني مو بوعيي لو جنت واعي مااسويها
سمر : سكتت وتحركت سيارته فتح أغنية حسام الرسام
" اول حب بعمرك أني "
" أول واحد يبوسك أني "
" وأول دمعة نزلت مني اتذكر جانت بأحضاني "
" ما تكدر تنسى صدكني " مو سهلة بغيري تبدلني "
" فاركني شكد ما تفاركني لحظة ما تكدر تنساني "
اختنكت والدموع صارت بعيوني رفعت راسي شفته يباوعلي بالمرايا اول مره اباوع بعيونه هلكد تذكرت من شفته اول مرة ومن خطبني
محمد : سمر
سمر : هيج غصه بصوتي كوة كلت ها
