اعرفكم عن نفسي اني سجى البنية الجبيرة لعائلتي عمري 17 سنه خلصت ثالث متوسط بمعدل 90 كلش شاطرة واهتم اهتم بأمي واخواتي واحب الترتيب والتنظيف احب اسوي حلويات احب الطبخ بصورة عامة اشوف البنات الي بعمري محتويها عائلتها وعايشين بسلام الا عائلتنه وعيت على هاي الدنيا كله الم وقهر وحرمان ماكو حب واهتمام واني اشوف امي تتعذب كل يوم جان حلمي اكمل دراسة بس أبوي رفض حتى يقهر امي ويخليها تحت جناحة ويمشيها مثل مايريد وهسه دورنه حلمي الوحيد اسعد امي واخواتي ونعيش براحة
_____________________________
اعرفكم عن نفسي اني سمر البنيه الثانية لعائلتي عمري 16 سنه خلصت الثالث متوسط بمعدل 98 كلش شاطرة وذكيه واحب المدرسة جان حلمي اصير معلمة لغة انگليزية وادرس الاطفال ويصير عندي دخل مادي اسافر وابدي من جديد واتمنى افقد الذاكرة وانسى كل العشته بطفولتي
_____________________
اعرفكم عن نفسي اني عذراء البنية الثالثة لعائلتي عمري 14 سنه اني مااحب الدراسة وكوة انجح ودرجاتي ضعيفة ولان جان مستواي مو شي وبس اتعارك بطلت من المدرسة نجحت للثاني متوسط وبطلت
اني اكثر اخواتي شهدت على معاناة امي واشوفها تتعب بس هي تحاول على مودنا ضاع عمرها علينا بس عند رب العالمين ما يضيع
صح اضحك واشاقة وفرفوشة بس بداخلي قهر وتعب بس ربي يدري بي جنت كلش كتومة وعبالهم صغيرة ومااكدر اسوي شي
_________________
مريم :
في ليلة من ليالي الشتاء الباردة في احدى مناطق بغداد القديمة
جانت من احلى سنين عمري مااعرف شي اسمه تعب مااعرف شي اسمه قهر وضياع جنت عايشة بعائلة كل همهم اسعاد ابنائهم
ليلة شتاء وكاعدة اني وخواتي سماح وسعاد وعلياء
احنة اربع بنات وكاعدين نضحك ونسولف وناكل دبس وراشي وخبز حار بتنور الطين والصوبة مفتوحة وملتمين بحظن امي ومحاوطنه ابوية ومرتاحين والفرحة ما سايعتنة
سماح : بوية شحلاتك من اندار فدوة لطولك مشتاقين الك البيت بدونك مو حلو
سعاد : بوية انتَ مثل الكهرباء اذا ماكو البيت ظلمة
زهراء: يمة نباك رجلي ، وخرن من ابوچن دوري
علياء : يمة شمالچ مثل ما هو رجلج هو هم ابونه اله حق بي شراكة ترة وغمزت
رسول : وين الصغيرونة شو ماكو صوتها
مريم : طفرت بحظنه هياتني بوية ما شفتني
علياء : بوية اغار شو الحب كله ل زهيرة ول مريم واحنه شني
زهراء : يا يا يا تصيحلي زهيرة وانا امج تعاي
وعلياء طفرت وامي تركض وراهه وتريد تكتلها
وهي وكاعدة تركض زلحكت رجلهه من الدرج وجان توكع من الدرج للكاع والدم يطلع من راسها جان بوقتهه عمري 11سنة اصغر بنيه بالبيت
وامي تبجي وتعيط وابوي وكع بالكاع وخوات يبجن ويحركون بعلياء ماكو لا حس ولا نفس والدم من راسها ابوي يريد يكوم ويوكع من الهبطة رحت اركض لبيت عمي سامي ماعدنه غيرة فتحت الباب واركض عمو عمو
سامي : ها عمي هله بحلوتنة
مريم : علياء ماتت ، طلع عمي يركض من البيت جان بيته كبال بيتنه وهو متزوج عندة ولد عمره شهرين وزوجتة متوفية وعايش بالبيت هو وابنه احنه ما عدنه احد غير ابوي وعمي سامي شاف علياء بالكاع بدمها ويحجي وي ابوي ساكت بس احس جسمه يرجف وامي تعيط وتلطم ماتت بنتي
اخذوها للمستشفى بسيارة عمي سامي ، للاسف ماتت علياء وراحت على رب كريم راحت اختي وانهدمت للكاع جانت اقرب شي الي تحاجيني وتحجيلي قصص ومن يومها صرت وحده هادئة اتحرك بكيف المقابيلي
اباوع على امي منهارة وتبجي وتعيط وتلطم على خدودها
الدكتور : وين عائلة المريضة
سامي ورسول : احنه
الدكتور : شنو تعودون الها
رسول : انه ابوها
سامي : انه عمها
الدكتور : كل نفس ذائقة الموت الى رحمة الله
امي انهارت وزادت باللطم والبجي زلغت خدودها وعلى رجليها تكول انه كتلتها انه موتتها بيدي اخخ يما بنيتي منو يكلي زهيرة بـ؏ـــد راحت بـ؏ـــد رسول مستحيل تموت تعال حاجيني الدكتور جذاب وتضرب على صدر أبوي
رسول : اسكتي وضميتها وعرفت هاي اخر مرة راح يحظنها
تركض علينا سماح سعاد مريم والله انه كتلتها انه امداني راحت بنتي
لا لا لا بنات هذا الدكتور ما يحجي الحقيقة يضحك علية مو ما ماتت
مريم : انتِ من وراج ماتت علياء
زهراء : مااعرف وكعت صدكيني لا لا وتخلي ايدها على راسها وتعيط واباوع على خواتي وحده صافنة على الثانية ويبجون بس اني ليش ماابجي واحس الدموع متجمده بعيني وساكته
وطلعو علياء ومغطين راسها وخرت الغطى وبده العياط واللطم وصارت الفاتحة 3 ايام نخدم بالناس الي تجي وخطار والعالم تحجي كتلت بنتها شوف شسوت ، عائله بس بنات الله يعلم شمسويات
وحجي اشكال والوان على اختي علياء كلت خلص بـ؏ـــد راحت والفاتحة كلها اني ساكته ودموع ماكو وبس ساكته واباوع ونايمة بجربايتها واشتم بملابسها اني جنت طفلة ومحد حظني جنت ادور الحب بعلياء تحجيلي كلشي هي امي واختي وعيوني ونظرها الله يرحمها يارب جانت تعلمني اصلي واقرة قرآن رحت توضيت وقريت سورة يس والملك وكل يوم اصلي الها
امي قافله الباب على روحها بس تعيط وتبجي بـ؏ـــد اسبوع
كعدت ساعه 6 الصبح كعدت عزلت البيت
ورحت شفت سماح وسعاد نايمات
فتحت الباب على امي وشفت منظر عمري كله ما انساه
امي ذابحها ايديها من الوريد والدم تارس المكان فجأة اغمى علية وبعد ما حسيت على شي
بديت افتح ؏ـيوني شوي شوي غواش مالي عيني وغرفة بيضة ريحة تعقيم كعدت لكيت أبوي فوك راسي اريد احجي مااكدر احس بوجع كمت من مكاني بوية والله شفت شفت امي وابجي بوية والله شفت شفت بعيني ويحاول يسكتني ويخلي ايده على حلكي والدموع بعيوني شكد صارلي نايمة
رسول : امج ماتت
مريم : حسيت صاعقة ونزلت على راسي مااعرف كمت اتلعثم بالحجي واصفن وابجي
رسول : اتمرضتي أثر الصدمة صارلج اسبوع
مريم : يابة امي ماتت امهاتي ماتن علياء وامي يارب اختبارك صعب بوية تعبت گلبي يوجعني حظني وبلشت اعيط واجن الممرضات ضربوني أبرة وبعد ما حسيت وبعد فترة كعدت لكيت سماح وسعاد كدامي
سماح : اني صرت يتيمة بـ؏ـــد منو يسويلي خبز بالدهن منو يكعدني الصبح واروح للمدرسه ويحضر ملابسي مريم تسمعيني
مريم : امم احس روحي رايحة
سماح : امي راحت وعلياء راحت احنه ليش يصير بينه هيج شوكت نرتاح
سعاد : تدورن عمي سامي باع بيته وعافنه
سماح وسعاد : بصدمة ها
سعاد : سمعته يحجي ويه ابوي بـ؏ـــد فاتحة امي
سامي : اني اسف اخوي بـ؏ـــد مااكدر الناس اكلت وجهي وراسي مااكدر ارفعه بنتك ومرتك انتَ تضل اخوي بس اني اريد اسافر
رسول : شد رايتك مودع بالله حقك هذا واني اتحمل نتائج اغلاط عائلتي
سامي : رايح اني
رسول : الله وياك
سامي دمعته بعينه ويباوع وابوي طلع من البيت وضل سامي واكف بمكانة
سعاد : رحت ركضت على عمي الله عليك لاتعوفنة
امي راحت وعلياء راحت لاتعوفنه انتَ عمي والله نريدك يمنه نحبك تكدر تعوف مريم
عافني وراح اجر بأيده وبالجنطة مالتة دفعني وكعت بالكاع وسد الباب وراح
مريم : عمي سامي راح والله تحجين صدك ولج هذا قطعة من گلبي
سماح : اهدي انتِ مريضة لايصير بيج شي
مريم : ههه ، ما اموت ما اموت
رسول : يله راح نطلع من المستشفى
مريم : ابد ما شفت ابوي بهل الحال من قبل انكساره وانهيار ما قبل العاصفة رجعنه للبيت وهدوء مااعرف اروح لغرفة علياء لو اروح لغرفة امي
رحت لغرفة علياء شميت ريحتها وحضنت مخدتها ودخلت بنومة عميقة مال تعب كعدت على صوت تكسير بالغرفة
طلعت اني وسعاد وسماح خايفين وحده لازمة ايد الثانية وابوي يكسر بالغراض ويكول ليش ليش بوجة منو اباوع بـ؏ـــد ربي اخذ امانتك وريحني ما ضل احد الي
وراها هدأ ورحت لغرفته فتحت الباب عاط بية ركضت علية حضنته دفعني وكعت بالكاع وصار كزاز برجلي
وراها عيطت وكعدت ابجي وجع برجلي ودم ينزف اتذكرت امي
فتح عينه ابوي وشاف الدم
رسول : مريم بنتي مريم
____________________________
لهنا يسكراتي وصلت لنهاية البارت اتمنى تفاعلكم
التصويت بين البارتات والفقرات
تفاعلكم مهم
احبكم 🫂❤️🔥
