مريم : خالة اني مالي ذنب وماعندي احد اروح اله اتحمليني وراح ارجع اشتغل في سبيل يصير عندي فلوس و ارجع الج كلشي
رحمن : ممنوع اطلعين منا انتِ تبقين واني اطلع
ام رحمن : اني احبج واريدج بيتي بس رحمن ما يرضى
مريم : ليش متريد ابقى لهل الدرجة ثكيلة عليك اصلاً اذا متريد تشوف وجهي عادي ابقى بعيده عنك
رحمن : مااريدج بعيده عني بس ارحمي بحالي وابقي هنا ومعليج بالحجي
ام رحمن : فكر وردلي خبر
بعدها علاقتي برحمن توترت وصارلي ما يحاجيني وكل وقته مو بالبيت واضل بحدي انظف وام رحمن تطلع لصديقاتها او تروح للسوك
فمرة من المرات جنت نايمة وما حسيت اله ام رحمن كعدتني ها خاله صاير شي ضل مثل الرعب بداخلي اخاف اسمع شي
ام رحمن : كومي خاله اكو خطار يريدوج
مريم : كملت غسلت وجهي وطلعت وشفت الي تمنيت مااشوفه انفتحت جروحي من جديد واني اشوف خواتي كدامي كل وحده هيه ورجلها واطفالها واكفات ولا وحده تقربت
ام رحمن : تفضلن بناتي استرحو
وسام : البقاء لله ، الله يرحمه لعمي
سلام : الله يرحمة ويجعله الجنه يارب
سعاد : مريم انتِ زينة
سماح : شلونج مريم
مريم : الف الحمدلله نعمة بأحسن حال حيل مرتاحة
وسام : تجين ويانة
مريم : لا شكراً اني عندي فلوس واتصرف ما محتاجة الكم
سلام : عيب بنتي تبقين ببيت العالم
مريم : ههه عيب والله زين تعرفون العيب ورة سنه جايين حالكم حال الخطار هسه لازم اضحك
سعاد : تجين ويانة وتعيشين غصباً عنج
سماح : خلوها براحتها
مريم : الموت ما كسر عينكم هذا ابونه الي راح وبيتنه الي احترك وكل الي صار ؏ـادʊ̤ عدكم مع عسى اضل بشارع ممنوع احد بيكم يدخل بحياتي
سماح : البيت جبير ومثل ما الج حق النه حق نبيع البيت وتتقسم الحصص وكلمن ياخذ حصته ويصير عندج مكان تكعدين بي احسن ما تضلين تخدمين
سعاد : اي بصراحة محتاجة اريد حصتي
سلام : سعاد اني مقصر عليج بشي ؟
وسام : مو اله مقصر هذا حق وحقوق وشرع الله
مريم : ههه يعرف الحقوق عود من يموت ابوك قسم الورث من هسه يريد يتعلم يصير خبرة
