مريم : خاله طلع رحمن سولفيلي
ام رحمن : الموضوع مااريد رحمن يعرف حجيتلج اني مو ام رحمن الحقيقية اني خالته
مريم : بصدمة مستحيل شلون يعني
ام رحمن : اني تزوجت وخلفت ولد واحد تزوج وطلع خارج العراق وزوجي متوفي وماعندي عائلة غير اختي وحيدتي ف اختي حبت شخص وياها بالدوام وصارت الفاحشة بيناتهم اخذها بالحرام وعافها وراها صار عدها حمل وشكد رادت تسقط الطفل وما سقط اثناء ما ولد رحمن للدنيا توفت اثناء الولاده وصار من مسؤوليتي لحد اخر نفس بيه هو كله عيوب ومليان اغلاط بس انتِ راح تصلحيه ويتغير لهل السبب اريد زواجج منه يتم قبل لا اموت هو صح عصبي وشرس وما عاش طفولة حلوة ولا حتى فترة شبابة حلوة انتِ اصلحي الرجال من يحب يصير مثل الطفل يم الي يحبه
مريم : عمرج طويل خاله ، بس شني اسمها
ام رحمن : اسمها سجى
مريم : حلوة اسمها واوعدج اول طفلة الي اسميها سجى
مريم : زين خالة هو يدري بكل هذا ؟
ام رحمن : سولفت اله كلشي ويدري ويخاف ياخذج لهل السبب خاف ترفضيه
مريم : خاله فكرة الزواج اخاف منها وليش دائما يكول اخسرج او مراح تسامحيني ودائما يتعذرلي بدون سبب اخاف اوافق واندم
ام رحمن : هو مثل البير ماتعرفين شي بس بنفس الوقت ما يبين الي بداخله هو طيب وحنون يرادله حب وحنيه منج حتى يتغير للاحسن
مريم : اني موافقة بس شوفي رأيي رحمن
ام رحمن : كلووووش والله وقبلت جمارتك
مريم : فرحت ماادري احس گلبي يدك وايدي ترجف
تقريباً ساعة 8 بالليل رجع
رحمن : السلام عليكم
ام رحمن : وعليكم السلام شعندك جاي من وكت
رحمن : يما ارجع حرت وياج اطرديني بـ؏ـــد
مريم : رحمن
رحمن : ها جمارتي
ام رحمن : اني هنا ترة
رحمن : يمة خلينا بالهوى طايرين
مريم : تزوجني ؟
رحمن : هاي شبيج يما لاتلحين عليها
مريم : اني موافقة
رحمن : مريم اتعبج واني مااريد
مريم : اني قابله بكلشي ونبدي من جديد وايدي بايدك
رحمن : مريم
مريم : اني جمارة مو مريم يباوعلي بحزن مااعرف ليش
اذا ماتريدني كول
