سمر : كعدت الصبح حتى اكمل جهازي استغربت عذراء كاعدة قبلي ومحضرة ريوك وفاتحة أغنية لفيروز وسابحة ضليت مصدومة عبالي نعسانه
عذراء : صباح الورد والياسمين صباح الورد على الحلوين
سمر : خايفة الله عليج ما مسوية شي مصيبة منا منا
عذراء : لا والله شبيج
مريم : صباح الخير شو أغاني من الصبح
عذراء : تغير جو يلا كملو وتعالو شلون ريوك بوياي
مريم : خل اشوفج بله مصخنه ، لا والله حرارتها طبيعية
سمر : كملت روتين الصباحي وبلشنه ناكل ونسولف ومستغربة عذراء شبيها
عذراء : حتى بـ؏ـــد ساعة نطلع مضل شي لعرسج نروح لنفس المكان هناك خوش ملابس
سمر : لا ما نروح محلوات نروح لغير مكان
عذراء : بصوت ناصي نروح لنفس المكان تره افلش الصينية على راسج حبيبتي
سمر : هاهية حبي اني هم كلت نروح لنفس المكان بس ما سمعتيني
مريم : مو هسه كلتي محلو ليش تروحين
سمر : لا حلو بس سمعتيني بالغلط
عذراء : مااعرف احس فرحانه ومتحمسه رحت كشخت وتعطرت مااعرف جان عندي احساس راح اشوفه
سمر : طلعنه لنفس المكان وبلشنه نختار واشوف عذراء تباوع للساعه وتفرك بأيديها
عذراء : رايحة اجيب عصير
سمر : جيبيلي وياج
عذراء : رحت لنفس المكان باوعت ماكو بس ليش احسه موجود انتضرت ابو المحل يجي مااعرف ضجت توني ردت ارجع صاحني الولد واشتريت العصائر بس مو هذا الي ردته كاعده امشي عثرت ووكع العصير على ملابسي واني لابسه فستان ابيض والعصير جان رمان بهاي اللحظه الدموع صار بعيوني وضليت بالكاع انقهرت
_ اختي اساعدج
عذراء : مااريد وخر
_ براحتج
عذراء : كمت على حيلي طلعت كلينس ومسحت الكاع كمت رفعت راسي شفت فهد وبيده سيارة يلعب بيها اول ما شافني اجاني يركض والابتسامة على وجها وشفت الي ؏ـيوني رادت تشوفه علي ولابس بدله عسكرية تفاجئت هذا طلع من جماعة الرتب
فهد : شبيج ماما هما تأذيتي
عذراء : لا مابية شي حظنته حبيبي اشتاقيتلك
علي : ممكن احجي وياج يلا فهد اوكف هناك
فهد : صار
