مريم : عشت اسوء ايامي حياتي وياه شبعت ضيم وأذية وذل وكل يوم انهان كدام بناتي ماشفت الراحة ابد
رحمن : اني راح اسافر مريم سنة وارجع رايح مريم بس باوعيلي
مريم : روح بالسلامة
رحمن : بس اربح هاي المرة راح تشوفين تغير قوي بحياتج وراح اسوي كل الي تريديه واني بعيد تسمحيلي احظن منج
مريم : اريد احجي سكتني وخلاني بحظنه ويشتم بيه ويبوس بأيدي وبراسي وعبالك أخر مره يشوفني بيها
مريم : گلبي ما جان مرتاح وراح رحمن بس ما رجع خبر وعادي مارست ايامي بشكل طبيعي بس رغم ذالك ما جنت مرتاحة
وراها اجاني خبر رحمن وجان خبر مثل الصاعقة مات رحمن هنا مااعرف شلون اوصف شعوري اني راح ارتاح بس جان العكس رغم كل الي عشته وياه والي سواه بيه انقهرت علية وبجيت دموع دم ايام مرت عليه لا ليلي ليل ولا نهاري نهار واشوف بناتي منهارات كدامي رغم ما شافن حنيه منه بس يضل ابوهن وفراق الاب كلش صعب ويأذي تحس روحك بدون سند حتى لو كل الناس يمك تحس بنقص
جانت ايام صعبة وجابو جثة رحمن غركان ومحروك وماكو ملامح من كثر التعذيب ولابس بيده قراصه الي جانت بشعري
مااتذكر بعدها شصار فقدت دخلت مستشفى بلشو بالدفن وصيته جانت يندفن بصف امه ام رحمن بعدها بدت الفاتحة وبجيت لحد ما انتهيت اله عذراء اشوفها ساكتة ومصدومة حسيت بيها نفس الشي الي صار بيه ماجنت اعرف اعبر عن حزني واكتم وقطعت الكلام ماتحجي
خبر صدم كل الناس وصارت اله احسن فاتحة وبعدها طلعت السبعة ومر على وفاته شهر اجة شخص سلمني رسالة وراح
مريم : يا ترى شبيها هاي الرسالة ؟
_________________
بسم الله الرحمن الرحيم
اني رحمن راح توصل الرساله هاي بـ؏ـــد وفاتي بشهر اني هاي الرحلة جذبت عليج مجان رحلة وارجع جانت رحله اروح بـ؏ـــد ماارجع ضحيت بنفسي علمودكم اوصيج هذا البيت ينباع وتشترين بيت جديد لان أعدائي اذا عروفج يأذوج وبناتي تخليهن يخلصن دراسه واني تبرعت بكل فلوسي للأيتام وبقيت منهن قسم الج والله هذني الي بقن بالحلال اني ما شفت من ححَياتـي شي وأذيتج ودمرتج بس الله يدري الي بگلبي الج شنو حبيتج حب ما ينوصف ردت اسعدج بكلشي بس مااعرف اعبر مااعرف شسوي حتى بس ترضين عليه ما جنت ادري شسوي حتى ترجعين لحضني أنتٍ أمنيتي الي ما تحققت ضليتي حسرة بگلبي اني ندمان على كلشي سويته الندم جان يأكل بروحي مريم ابريني الذمة حتى من اموت نلتقي بذيج الدنيا واشوفج احبج لجمارتي حتى واني ميت احبج يا احلى شي صار بحياتي
مريم : اقره بالرسالة وابجي والرسالة جانت الورقة بيها دموعه وناشفه ، جروحي انفتحت ومااعرف شصار وليش وشني السبب كمت اتوضيت وصليت اله وقريت قرآن رحمن مبري الذمة وكل الي تريده راح اسويه اجذب اذا اكول نسيته او كرهته وماحسيت بهل الشي اله بـ؏ـــد ما راح مني اني فتحت گلبي وعيوني عليه جان اول شخص حقيقي بحياتي رحت على بناتي شفتهن نايمات رحت يم عذراء سوت نفسها نايمة اني اعرفها كتلها تعاي للصاله خل احجي وياج
